ರಾಘವೇಂದ್ರ ಸ್ಟೋರ್ಸ್. ಹೊಂಬಾಳೆ, ಜಗ್ಗೇಶ್, ಸಂತೋಷ್ ಆನಂದರಾಮ್ ಜೋಡಿಯಾಗಿರುವ ಸಿನಿಮಾ. ಜಗ್ಗೇಶ್ ಡಿಫರೆಂಟಾಗಿದ್ದಾರೆ. ಜೊತೆಗೆ ಸಿಂಪಲ್ ಸುಂದರಿ ಶ್ವೇತಾ ಶ್ರೀವಾತ್ಸವ್ ಇದ್ದಾರೆ. ಕಳೆದ ವರ್ಷ ಕಾಂತಾರಕ್ಕೂ ಮುನ್ನ ಬಿಡುಗಡೆಯಾಗಬೇಕಿದ್ದ ರಾಘವೇಂದ್ರ ಸ್ಟೋರ್ಸ್ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದ್ದು, ಇದೇ ಏಪ್ರಿಲ್ 28ಕ್ಕೆ ರಿಲೀಸ್ ಆಗಲಿದೆ.

ಸಿಂಗಲ್ ಸುಂದರ.. ಯಾವಾಗ ಹಾಕ್ತ್ಯಾ ಉಂಗುರ ಅನ್ನೋ ಲೈನು ಕೊಟ್ಟು ಮದುವೆಯಾಗದ ಬ್ರಹ್ಮಚಾರಿಗೆ ವಧು ಬೇಕಾಗಿದೆ ಎಂದು ಕಾಲೆಳೆದಿದ್ದಾರೆ ಸಂತೋಷ್ ಆನಂದರಾಮ್. ವಯಸ್ಸಾಗಿದೆ. ವಧು ಬೇಕಾಗಿದೆ ಅನ್ನೋ ಲೈನು 60ನೇ ಹುಟ್ಟುಹಬ್ಬದ ದಿನವೇ ಹಾಕ್ತ್ಯಾ ಅನ್ನೋ ಪಂಚಿಂಗ್ ಲೈನು ಜಗ್ಗೇಶ್ ಅಭಿಮಾನಿಗಳ ಕಡೆಯಿಂದ. ಅಂದಹಾಗೆ ರಾಘವೇಂದ್ರ ಸ್ಟೋರ್ಸ್ ಚಿತ್ರದಲ್ಲಿ ಜಗ್ಗೇಶ್ ಇದೇ ಮೊದಲ ಬಾರಿಗೆ ಬಾಣಸಿಗನಾಗಿ ಅಂದರೆ ಅಡುಗೆ ಭಟ್ಟನಾಗಿ ನಟಿಸಿದ್ದಾರೆ.