` ಸಿಂಹ ನಿನ್ನ ತೋಳಿನಲ್ಲಿ ಕಂದಾ ನಾನು.. ಹರಿಪ್ರಿಯಾ ಮರ್ಮ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಸಿಂಹ ನಿನ್ನ ತೋಳಿನಲ್ಲಿ ಕಂದಾ ನಾನು.. ಹರಿಪ್ರಿಯಾ ಮರ್ಮ
ಸಿಂಹ ನಿನ್ನ ತೋಳಿನಲ್ಲಿ ಕಂದಾ ನಾನು.. ಹರಿಪ್ರಿಯಾ ಮರ್ಮ

ನಟಿ ಹರಿಪ್ರಿಯಾ ಮತ್ತು ವಸಿಷ್ಠ ಸಿಂಹ ಇಬ್ಬರೂ ಮದುವೆಯಾಗುತ್ತಿದ್ದಾರೆ. ಇಬ್ಬರ ಮಧ್ಯೆ ಪ್ರೀತಿಯೂ ಅರಳಿ ಹೂವಾಗಿದೆ. ಎಂಗೇಜ್‍ಮೆಂಟ್ ಕೂಡಾ ಫಿಕ್ಸ್ ಆಗಿದೆ. ದುಬೈನಲ್ಲಿ ಶಾಪಿಂಗ್ ಕೂಡಾ ಅಗಿದೆ.. ಈ ರೀತಿಯ ಎಲ್ಲ ಸುದ್ದಿಗಳೂ ಕಳೆದ ದಿನಗಳಿಂದ ಹರಿದಾಡಿದ್ದವು. ಹರಿಪ್ರಿಯಾ ಇದನ್ನು ಸುಳ್ಳು ಎಂದು ಹೇಳಿರಲಿಲ್ಲ. ಸತ್ಯ ಎಂದೂ ಒಪ್ಪಿರಲಿಲ್ಲ. ಪ್ರತಿಕ್ರಿಯೆಗೂ ಸಿಕ್ಕಿರಲಿಲ್ಲ ಅತ್ತ ವಸಿಷ್ಠ ಸಿಂಹ ಕಾಲಾಯ ತಸ್ಮೈ ನಮಃ ಎಂದಷ್ಟೇ ಉತ್ತರ ಕೊಟ್ಟಿದ್ದರು. ಈಗ ಒಂದು ಪೋಸ್ಟ್ ಹೊರಬಿದ್ದಿದೆ. ಸಿಂಹವೊಂದು ಮಗುವನ್ನು ಎತ್ತಿಕೊಂಡಿರುವ ಫೋಟೋ ಹಾಕಿರುವ ಹರಿಪ್ರಿಯಾ ಚಿನ್ನ ನಿನ್ನ ತೋಳಿನಲ್ಲಿ ಕಂದ ನಾನು.. ಎಂದು ಬರೆದುಕೊಂಡಿದ್ದಾರೆ.

ಕ್ರಿಯೇಟಿವಿಟಿಯೇನೋ ಮಸ್ತ್ ಮಸ್ತ್. ಆದರೆ ಹರಿಪ್ರಿಯಾ ಇಲ್ಲಿಯೂ ಗುಟ್ಟು ಬಿಟ್ಟಿಲ್ಲ. ಮಾರ್ಮಿಕ ಸಂದೇಶ ಕೊಟ್ಟಿದ್ದಾರೆ. ವಸಿಷ್ಠ ಸಿಂಹ ಅವರೇನಾದರೂ ಕನ್‍ಫರ್ಮ್ ಮಾಡಿದ್ದಾರಾ.. ನೋ.. ಕಾಲಾಯ ತಸ್ಮೈ ನಮಃ.

ಅಭಿಮಾನಿಗಳೇ ತಮಗೆ ಬೇಕಾದಂತೆ ಊಹಿಸಿಕೊಂಡು ಸಂಭ್ರಮಿಸುತ್ತಿದ್ದಾರೆ.

ಅಭಿನಂದನೆಗಳು ವಸಿಷ್ಠ ಸಿಂಹ ಮತ್ತು ಹರಿಪ್ರಿಯಾ

ನಿಮ್ಮ ಕಲ್ಪನೆ ಮತ್ತು ಹೋಲಿಕೆ ಸೂಪರ್’

ಇದು ಕ್ರಿಯೇಟಿವಿಯ ಪರಮಾವಧಿ. ಇಂತಹ ಐಡಿಯಾಗಳು ನಿಮಗೆ ಎಲ್ಲಿಂದ ಬರುತ್ತೆ

ಸಿಂಹ ಮತ್ತು ಚಿನ್ನ.. ಎರಡೂ ಚೆಂದ . ವಸಿಷ್ಠ ಸಿಂಹನ ತೋಳಿನಲ್ಲಿ ಚಿನ್ನದಂತಹ ಮಗು ಹರಿಪ್ರಿಯಾ

ಲಕ್ಷ್ಮೀ ನರಸಿಂಹ ನಮ್ಮ ಮನೆದೇವರು. ನರಸಿಂಹ ಅಂದ್ರೆ ವಿಷ್ಣು. ವಿಷ್ಣು ಅಂದ್ರೆ ಹರಿ. ಹರಿಪ್ರಿಯಾ ಅಂದ್ರೆ ವಿಷ್ಣು ಪ್ರಿಯ. ಹರಿಪ್ರಿಯಾ ಸಿಂಹನಿಗೆ ದೊರಕಿರುವುದು ಎಂದರೆ ಹರಿಗೆ ಪ್ರಿಯಾ ದೊರಕಿದಂತೆ. ಹರಿಪ್ರಿಯಾ ಹರಿಗೆ ಸಿಕ್ಕಿರೋದು ನಿಮ್ಮ ಪುಣ್ಯ ಮೇಡಂ. ನಿಮ್ಮಿಬ್ಬರ ಬದುಕು ಸುಖಮಯವಾಗಿರಲಿ - ಇಂತಿ ನಿಮ್ಮ ಅಭಿಮಾನಿ’’,

ಸಿಂಹದ ಮರಿ

ವಸಿಷ್ಠ ‘ಸಿಂಹ’ನ ಕೈಹಿಡಿದ ಹರಿ ಪ್ರಿಯಾ

ವಸಿಷ್ಠ ಸಿಂಹನ ಪಾಲಿಗೆ ಹರಿಪ್ರಿಯಾ ಮುದ್ದು ಮಗು

ಹೀಗೆಲ್ಲ ಅಭಿಮಾನಿಗಳು ಊಹೆ ಮಾಡಿ, ಥ್ರಿಲ್ ಆಗಿ ಶುಭ ಕೋರುತ್ತಿದ್ದರೆ ಸಿಂಹದ ಮಡಿಲಲ್ಲಿರುವ ಕಂದಾ.. ಅಭಿಮಾನಿಗಳ ಉತ್ತರಗಳನ್ನು ಎಂಜಾಯ್ ಮಾಡುತ್ತಿದೆ.