` ಮತ್ತೆ ಯುದ್ಧಕಾಂಡ : ಅಜಯ್ ರಾವ್ ಹೀರೋ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಮತ್ತೆ ಯುದ್ಧಕಾಂಡ : ಅಜಯ್ ರಾವ್ ಹೀರೋ
Ajai Rao Image from Yuddhakhanda pressmeet event

ಸೋಲೇ ಇಲ್ಲ.. ನಿನ್ನ ಹಾಡು ಹಾಡುವಾಗ.. 1889ರ ಸೂಪರ್ ಡ್ಯೂಪರ್ ಹಿಟ್ ಸಿನಿಮಾ. ರವಿಚಂದ್ರನ್ ಅಭಿನಯದ ಯುದ್ಧಕಾಂಡ ಕೆ.ವಿ.ರಾಜು ಅವರ ಚಿತ್ರ. ಈಗ ಮತ್ತೊಮ್ಮೆ ಯುದ್ಧಕಾಂಡ ಬರುತ್ತಿದೆ. ಒನ್ಸ್ ಎಗೇಯ್ನ್ ಈ ಚಿತ್ರದಲ್ಲಿಯೂ ಹೀರೋ ಲಾಯರ್. ಹೀರೋ ರವಿಚಂದ್ರನ್ ಅಲ್ಲ, ಅಜಯ್ ರಾವ್.

ಇದು ಕೋರ್ಟ್ ರೂಂ ಡ್ರಾಮಾ. ಅಜಯ್ ರಾವ್ ಲಾಯರ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಎಂಟರ್‍ಟೈನರ್ ಸಿನಿಮಾ. ಯುದ್ಧಕಾಂಡ ಅನ್ನೋ ಟೈಟಲ್ ಕಥೆಗೆ ಸೂಕ್ತವಾಗಿದೆ. ಸಿನಿಮಾ ನೋಡಿದವರಿಗೆ ಯಾಕೆ ಈ ಚಿತ್ರಕ್ಕೆ ಯುದ್ಧಕಾಂಡ ಅನ್ನೋ ಟೈಟಲ್ ಇಟ್ಟೆವು ಅನ್ನೋದು ಅರ್ಥವಾಗುತ್ತೆ. ಆದರೆ 1989ರ ಯುದ್ಧಕಾಂಡ ಚಿತ್ರಕ್ಕೂ, ಈ ಯುದ್ಧಕಾಂಡಕ್ಕೂ ಯಾವ ಸಂಬಂಧವೂ ಇಲ್ಲ ಎಂದಿದ್ದಾರೆ ನಿರ್ದೇಶಕ ಪವನ್ ಭಟ್.

ಪವನ್ ಭಟ್ ಅವರಿಗೆ ಇದು 2ನೇ ಸಿನಿಮಾ. ಈ ಹಿಂದೆ ಕಟ್ಟಿಂಗ್ ಶಾಪ್ ಅನ್ನೋ ಸಿನಿಮಾ ಮಾಡಿದ್ದರು. ಚಿತ್ರದಲ್ಲಿ ಲಾಯರ್ ಪಾತ್ರಧಾರಿ ಒಂದು ಇಷ್ಯೂಗೆ ಸಂಬಂಧಪಟ್ಟಂತೆ ವಾದ ಮಾಡುತ್ತಾನೆ. ಆ ಇಷ್ಯೂ ಯಾವುದು ಅನ್ನೋದನ್ನು ಸದ್ಯಕ್ಕೆ ಹೇಳೋ ಹಾಗಿಲ್ಲ ಎಂದಿದ್ದಾರೆ ಪವನ್ ಭಟ್. ಅಜಯ್ ರಾವ್ ಸದ್ಯಕ್ಕೆ ಮಂಜು ಸ್ವರಾಜ್ ನಿರ್ದೇಶನದ ಚಿತ್ರದಲ್ಲಿ ಬ್ಯುಸಿಯಾಗಿದ್ದು, ಆ ಚಿತ್ರ ಮುಗಿದ ನಂತರ ಈ ಚಿತ್ರ ಸೆಟ್ಟೇರಲಿದೆ.