` ಒಂದೇ ದಿನ ಎರಡು ಟೀಸರ್ : ಬರ್ತ್ ಡೇ ಮ್ಯಾನರ್ಸ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಒಂದೇ ದಿನ ಎರಡು ಟೀಸರ್ : ಬರ್ತ್ ಡೇ ಮ್ಯಾನರ್ಸ್
Bad Manners Movie Poster

ಅಕ್ಟೋಬರ್ 3ರಂದು ಬ್ಯಾಡ್ ಮ್ಯಾನರ್ಸ್ ಚಿತ್ರದಿಂದ ಎರಡು ಟೀಸರ್ ಹೊರಬಿದ್ದವು. ಒಂದು ಜೂ.ರೆಬಲ್ ಸ್ಟಾರ್ ಹುಟ್ಟುಹಬ್ಬಕ್ಕೆ. ಮತ್ತೊಂದು ಡಿಂಪಲ್ ಕ್ವೀನ್ ಹುಟ್ಟುಹಬ್ಬಕ್ಕೆ. ಅಕ್ಟೋಬರ್ 3 ಈ ಇಬ್ಬರೂ ತಾರೆಯರ ಹುಟ್ಟುಹಬ್ಬ. ಇಬ್ಬರೂ ಒಟ್ಟಿಗೇ ನಟಿಸುತ್ತಿರುವ ಚಿತ್ರ ಬ್ಯಾಡ್ ಮ್ಯಾನರ್ಸ್. ಹೀಗಾಗಿ ಎರಡು ಸ್ಪೆಷಲ್ ಟೀಸರ್ ಬಂದವು.

ದುನಿಯಾ ಸೂರಿ ನಿರ್ದೇಶನದ ಬ್ಯಾಡ್ ಮ್ಯಾನರ್ಸ್ ಚಿತ್ರದ ಟೀಸರ್ ಖಡಕ್ ಫೈಟ್, ಸೂರಿ ಸ್ಟೈಲ್ ಪಂಚ್ ಮತ್ತು ಅಭಿಷೇಕ್ ಅವರ ಕಂಚಿನ ಕಂಟದೊಂದಿಗೆ ಗಮನ ಸೆಳೆದರೆ, ರಚಿತಾ ರಾಮ್ ಟೀಸರ್‍ನಲ್ಲಿ ಅಭಿಷೇಕ್ ರಚಿತಾಗೆ ಬರ್ತ್ ಡೇ ಕೇಕ್ ತಿನ್ನಿಸುವ ದೃಶ್ಯದೊಂದಿಗೇ ಗಮನ ಸೆಳೆಯಿತು. ಮಧ್ಯರಾತ್ರಿ ಹೊತ್ತಿಗೆ ರಚಿತಾ ರಾಮ್ ಮುತ್ತಿಗೆ ಹಾಕಿ ಅಭಿಮಾನಿಗಳು ಮಧ್ಯರಾತ್ರಿಯೇ ಕೇಕ್ ಕಟ್ ಮಾಡಿ ಸಂಭ್ರಮಿಸಿದರು.

ಬ್ಯಾಡ್ ಮ್ಯಾನರ್ಸ್ ಚಿತ್ರದಲ್ಲಿ ಅಭಿಷೇಕ್ ರುದ್ರ ಎನ್ನುವ ಪೊಲೀಸ್ ಆಫೀಸರ್ ಪಾತ್ರ ಮಾಡುತ್ತಿದ್ದಾರೆ. ಸುಧೀರ್ ಕೆ.ಎಂ. ನಿರ್ದೇಶನದ ಚಿತ್ರ ಬ್ಯಾಡ್ ಮ್ಯಾನರ್ಸ್. ಬಹುತೇಕ ಚಿತ್ರೀಕರಣ ಮುಗಿಸಿದ್ದು ಮುಂದಿನ ವರ್ಷ ರಿಲೀಸ್ ಆಗುವ ಯೋಜನೆ ಹಾಕಿಕೊಂಡಿದೆ.