ಮಾಜಿ ಸಚಿವ.. ಕಾಂಗ್ರೆಸ್ಸಿನ ಫೈರ್ ಬ್ರಾಂಡ್ ಮುಸ್ಲಿಂ ನಾಯಕ ಜಮೀರ್ ಅಹ್ಮದ್ ಪುತ್ರ ಝೈದ್ ಖಾನ್ ಚಿತ್ರರಂಗ ಪ್ರವೇಶಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಇದೇ ನವೆಂಬರ್ 4ಕ್ಕೆ ಝೈದ್ ಖಾನ್ ಹೀರೋ ಆಗಿ ಎಂಟ್ರಿ ಕೊಡುತ್ತಿರೋ ಮೊದಲ ಚಿತ್ರ ಬನಾರಸ್ ಚಿತ್ರಮಂದಿರ ಪ್ರವೇಶಿಸಲಿದೆ. ಝೈದ್ ಖಾನ್ ಎದುರು ಸೋನಲ್ ಮಂಥೆರೋ ನಾಯಕಿಯಾಗಿ ನಟಿಸಿದ್ದಾರೆ. ಖ್ಯಾತ ನಿರ್ದೇಶಕ ಜಯತೀರ್ಥ ಬನಾರಸ್ ಚಿತ್ರದ ಹಿಂದಿನ ನಿಜವಾದ ಶಕ್ತಿ.

ತಿಲಕ್ ರಾಜ್ ಬಲ್ಲಾಳ್ ನಿರ್ಮಾಣದ ಬನಾರಸ್ ಚಿತ್ರದ ಹಾಡುಗಳು ಈಗಾಗಲೇ ಅಲೆಯೆಬ್ಬಿಸಿವೆ. ಮಾಯಗಂಗೆ.. ಹಾಡಂತೂ ವಿಶೇಷವಾಗಿ ಕಾಶಿ ದರ್ಶನ ಮಾಡಿಸಿದೆ. ಜಯತೀರ್ಥ ನಿರ್ದೇಶನವಿರುವ ಕಾರಣ ವಿಭಿನ್ನ ಕಥೆ, ನಿರೂಪಣೆ ಇರಲಿದೆ ಎಂಬುದರಲ್ಲಿ ಅನುಮಾನವಿಲ್ಲ. ಬನಾರಸ್ ಕನ್ನಡವೂ ಸೇರಿದಂತೆ ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಕೂಡಾ ರಿಲೀಸ್ ಆಗುತ್ತಿದೆ.