ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನ ನಾಗರಾಜ್ ಇಬ್ಬರೂ ಲವ್ ಮಾಕ್ಟೇಲ್ ನಂತರ ಮತ್ತೊಮ್ಮೆ ಜೊತೆಯಾಗಿರುವುದು ಪಿ.ಸಿ.ಶೇಖರ್ ಚಿತ್ರದಲ್ಲಿ. ಲವ್ ಬಡ್ರ್ಸ್ ಆ ಚಿತ್ರದ ಟೈಟಲ್. ಸಿನಿಮಾ ಇನ್ನೇನು ಶುರುವಾಗುವ ಹಂತದಲ್ಲಿದೆ.
ಆದರೆ ಇದು ಲವ್ ಟ್ರಯಾಂಗಲ್ ಅಲ್ಲ. ಮಿಲನ ಮತ್ತು ಸಂಯುಕ್ತಾ ಇಬ್ಬರಿಗೂ ಒಳ್ಳೆಯ ಸ್ಪೇಸ್ ಇದೆ. ನಟನೆಗೆ ಅವಕಾಶವಿದೆ ಎಂದಿದ್ದಾರೆ ಪಿ.ಸಿ.ಶೇಖರ್.
ನನ್ನದು ಮಾಯಾ ಅನ್ನೋ ಪಾತ್ರ. ಆಕೆಯನ್ನು ನೀವು ಪ್ರೀತಿಸದೆ ಇರಲಾರಿರಿ ಎನ್ನುತ್ತಾರೆ ಸಂಯುಕ್ತಾ ಹೊರನಾಡು. ಇದೊಂದು ಪ್ರೇಮಕಥೆ. ಈ ಲವ್ ಸ್ಟೋರಿಯಲ್ಲಿ ಎಲ್ಲ ಸಂಬಂಧಗಳನ್ನೂ ಪ್ರೀತಿಸಬೇಕು ಎನ್ನುವ ಕಥೆಯಿದೆ ಅನ್ನೋದು ಹೊರನಾಡು ಹೇಳುವ ಮಾತು. ಪಿ.ಸಿ.ಶೇಖರ್ ಇದೇ ಮೊದಲ ಬಾರಿಗೆ ಲವ್ ಸ್ಟೋರಿ ಹೇಳೋಕೆ ಹೊರಟಿದ್ದಾರೆ. ಹೀಗಾಗಿ ಕುತೂಹಲ ಹೆಚ್ಚೇ ಇದೆ.
