` ಅನ್ ಲಾಕ್ ರಾಘವನಿಗೆ ಅಶ್ವಿನಿ ಪುನೀತ್ ರಾಜಕುಮಾರ್ ಹಾರೈಕೆ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಅನ್ ಲಾಕ್ ರಾಘವನಿಗೆ ಅಶ್ವಿನಿ ಪುನೀತ್ ರಾಜಕುಮಾರ್ ಹಾರೈಕೆ
Ashwini, Puneeth Rajkumar

ಪುನೀತ್ ರಾಜಕುಮಾರ್ ತುಂಬಾ ಇಷ್ಟಪಡುತ್ತಿದ್ದ ನಿರ್ದೇಶಕರಲ್ಲಿ ಒಬ್ಬರು ಸತ್ಯಪ್ರಕಾಶ್. ರಾಮಾ ರಾಮಾ ರೇ, ಒಂದಲ್ಲ ಎರಡಲ್ಲ, ಮ್ಯಾನ್ ಆಫ್ ದಿ ಮ್ಯಾಚ್ ಚಿತ್ರಗಳ ಮೂಲಕ ಗಮನ ಸೆಳೆದ ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕ ಸತ್ಯಪ್ರಕಾಶ್. ಪುನೀತ್ ಅವರಿಗಾಗಿ ಕಥೆಯೊಂದನ್ನು ಸಿದ್ಧ ಮಾಡಿಟ್ಟುಕೊಂಡು ಕಾಯುತ್ತಿದ್ದ ಸತ್ಯಪ್ರಕಾಶ್ ಅವರ ಹೊಸ ಚಿತ್ರ ಅನ್ ಲಾಕ್ ರಾಘವ ಈಗ ಸೆಟ್ಟೇರಿದೆ. ಸತ್ಯಪ್ರಕಾಶ್ ಅವರ ಹೊಸ ಕನಸಿಗೆ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಮಾಡಿ ಶುಭ ಕೋರಿದ್ದು ಅಶ್ವಿನಿ ಪುನೀತ್ ರಾಜಕುಮಾರ್. ಆದರೆ ಈ ಚಿತ್ರಕ್ಕೆ ಸತ್ಯಪ್ರಕಾಶ್ ನಿರ್ದೇಶಕರಲ್ಲ, ನಿರ್ಮಾಪಕ. ದೀಪಕ್ ಮಧುವನಹಳ್ಳಿ ನಿರ್ದೇಶಕ.

ಇದು ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ. ತೆರೆಯ ಮೇಲೆ ಪಾತ್ರಧಾರಿಗಳು ಏನೇ ಮಾಡುತ್ತಿದ್ದರೂ ಪ್ರೇಕ್ಷಕ ನಗುತ್ತಿರುತ್ತಾನೆ. ಕಮರ್ಷಿಯಲ್ ಸಿನಿಮಾ ಎಂದು ಮಾಹಿತಿ ನೀಡಿದ್ದಾರೆ ಸತ್ಯ ಪ್ರಕಾಶ್.

ಭಾಗ್ಯರಾಜ್, ಕಳ್ಬೆಟ್ಟದ ದರೋಡೆಕೋರರು, ರಾಜು ಜೇಮ್ಸ್ ಬಾಂಡ್ ಚಿತ್ರಗಳನ್ನು ನಿರ್ದೇಶಿಸಿದ್ದ ದೀಪಕ್ ಅವರಿಗೆ ಇದು 4ನೇ ಸಿನಿಮಾ. ಮಿಲಿಂದ್ ಹೀರೋ. ರೇಚಲ್ ಡೆವಿಡ್ ನಾಯಕಿ. ಸಾಧುಕೋಕಿಲ, ಅವಿನಾಶ್, ರಮೇಶ್ ಭಟ್, ವೀಣಾ ಸುಂದರ್, ಧರ್ಮಣ್ಣ ಸೇರಿದಂತೆ ದೊಡ್ಡ ತಾರಾಗಣದ ಚಿತ್ರಕ್ಕೆ ಅನೂಪ್ ಸಿಳೀನ್ ಸಂಗೀತ ನೀಡುತ್ತಿದ್ದಾರೆ.