` ವರಮಹಾಲಕ್ಷ್ಮಿ ಹಬ್ಬಕ್ಕೆ ರಾಘವೇಂದ್ರ ಸ್ಟೋರ್ಸ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ವರಮಹಾಲಕ್ಷ್ಮಿ ಹಬ್ಬಕ್ಕೆ ರಾಘವೇಂದ್ರ ಸ್ಟೋರ್ಸ್
Raghavendra Stores Movie Image

ನವರಸನಾಯಕ ಜಗ್ಗೇಶ್, ರಾಜಕುಮಾರ ಖ್ಯಾತಿಯ ಸಂತೋಷ್ ಆನಂದರಾಮ್, ಹೊಂಬಾಳೆ ವಿಜಯ್ ಕಿರಗಂದೂರು ಸಮ್ಮಿಲನದ ಸಿನಿಮಾ ರಾಘವೇಂದ್ರ ಸ್ಟೋರ್ಸ್. ಮನರಂಜನೆಯ ಭರ್ಜರಿ ಔತಣವೇ ಇದೆ ಎನ್ನೋದು ಟ್ರೇಲರಿನಲ್ಲಿಯೇ ಗೊತ್ತಾಗಿದೆ. ಸಿನಿಮಾವನ್ನು ಆಗಸ್ಟ್ 5ರಂದು ರಿಲೀಸ್ ಮಾಡೋಕೆ ಚಿತ್ರತಂಡ ನಿರ್ಧರಿಸಿದೆ. ಅಂದು ವರಮಹಾಲಕ್ಷ್ಮಿ ಹಬ್ಬ. ದೇಶದ ಅಮೃತ ಮಹೋತ್ಸವಕ್ಕೆ ಒಂದು ವಾರ ಮೊದಲು.

ಜಗ್ಗೇಶ್ ಅವರಂತೂ ಸಂತೋಷ್ ಆನಂದರಾಮ್ ಬಗ್ಗೆ ಖುಷಿಯಾಗಿದ್ದಾರೆ. ತನ್ನನ್ನು ಬಹಳ ಅದ್ಭುತವಾಗಿ ಬಳಸಿಕೊಂಡಿದ್ದಾನೆ ಎಂದು ಶಹಬ್ಬಾಸ್‍ಗಿರಿ ನೀಡಿದ್ದಾರೆ. ಜಗ್ಗೇಶ್ ಅವರ ಭಾಷೆಯಲ್ಲೇ ಹೇಳೋದಾದರೆ ಸಂತೋಷ್ ಆನಂದರಾಮ್, ಜಗ್ಗೇಶ್ ಅವರನ್ನ ಚೆನ್ನಾಗಿ ರುಬ್ಬಿದ್ದಾರೆ. ಜಗ್ಗೇಶ್ ಹೊಗಳಿಕೆಗೆ ಅಷ್ಟೇ ಪ್ರೀತಿಯ ಪ್ರತಿಕ್ರಿಯೆ ನೀಡಿದ್ದಾರೆ ಸಂತೋಷ್ ಆನಂದರಾಮ್.

ರಾಘವೇಂದ್ರ ಸ್ಟೋರ್ಸ್ ಹೊಂಬಾಳೆಯ 12ನೇ ಸಿನಿಮಾ. ಕಳೆದ ನವೆಂಬರ್‍ನಲ್ಲಿ ಸಿನಿಮಾ ಶುರುವಾಗಿತ್ತು. ಜಗ್ಗೇಶ್ ಎದುರು ಶ್ವೇತಾ ಶ್ರೀವಾತ್ಸವ್ ನಾಯಕಿಯಾಗಿ ನಟಿಸಿದ್ದಾರೆ. ಈ ಸಿನಿಮಾ ರಿಲೀಸ್ ಆಗುವ ಹೊತ್ತಿಗೆ ಜಗ್ಗೇಶ್ ರಾಜ್ಯಸಭಾ ಸದಸ್ಯರಾಗಿರುತ್ತಾರೆ. ಜಗ್ಗೇಶ್ ಸಂಸದರಾದ ಮೇಲೆ ರಿಲೀಸ್ ಆಗುವ ಮೊದಲ ಸಿನಿಮಾ ರಾಘವೇಂದ್ರ ಸ್ಟೋರ್ಸ್.