Print 
sanchari vijay, lanke, loose madha yogi,

User Rating: 0 / 5

Star inactiveStar inactiveStar inactiveStar inactiveStar inactive
 
ಲಂಕೆಯಲ್ಲಿ ಸಂಚಾರಿ ವಿಜಯ್ ರೋಲ್ ಏನು..?
Lanke Movie image

ಲಂಕೆ. ಗಣೇಶ ಹಬ್ಬದ ಸೆನ್ಸೇಷನ್ ಆಗಿರುವ ಈ ಚಿತ್ರದಲ್ಲಿ ಯೋಗಿ ಹೀರೋ. ಆ ಚಿತ್ರದಲ್ಲಿ ಸಂಚಾರಿ ವಿಜಯ್ ಪಾತ್ರವೇನು..? ಅದೊಂದು ರಿಯಲ್ ವ್ಯಕ್ತಿಯ ಪಾತ್ರ. ಆ ವ್ಯಕ್ತಿ ಒಂದು ಕಾಲದಲ್ಲಿ ಇದ್ದವರೇ. ಪಾತ್ರವನ್ನಂತೂ ವಿಜಯ್ ಅದ್ಭುತವಾಗಿ ತೆರೆಯ ಮೇಲೆ ತಂದಿದ್ದಾರೆ. ಆ ಕುತೂಹಲ ಹಾಗೆಯೇ ಇರಲಿ.ಥಿಯೇಟರ್ನಲ್ಲೇ ಆ ಥ್ರಿಲ್ ಅನುಭವಿಸಿ ಎಂದಿರೋದು ನಿರ್ದೇಶಕ ರಾಮ್ ಪ್ರಸಾದ್.

ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಲಂಕೆ ಕಳೆದ ವರ್ಷವೇ ತೆರೆಗೆ ಬರಬೇಕಿತ್ತು. ಲಂಕೆಯ ಜೊತೆಯಲ್ಲೇ ವಿಜಯ್ ಅವರಿಗೆ ಇನ್ನೊಂದು ಸೈಕಲಾಜಿಕಲ್ ಥ್ರಿಲ್ಲರ್ ಸ್ಟೋರಿ ಹೇಳಿದ್ದೆ. ಈ ಚಿತ್ರದಲ್ಲಿ ಜೋಡಿಯಾಗಿರುವ ವಿಜಯ್ ಮತ್ತು ಏಸ್ತರ್ ಜೋಡಿಯೇ ಆ ಚಿತ್ರಕ್ಕೂ ಫೈನಲ್ ಆಗಬೇಕಿತ್ತು. ಲಂಕೆ ರಿಲೀಸ್ ಆದ ದಿನವೇ ಆ ಸಿನಿಮಾವೂ ಸೆಟ್ಟೇರಬೇಕಿತ್ತು. ದುರದೃಷ್ಟವಶಾತ್, ವಿಜಯ್ ನಮ್ಮನ್ನೆಲ್ಲ ಅಗಲಿದರು ಎಂದು ನೋವಿನಲ್ಲೇ ಹೇಳೋ ರಾಮ್ ಪ್ರಸಾದ್ ಅವರಿಗೆ ವಿಜಯ್ ಅವರ ಲಂಕೆ ಚಿತ್ರದಲ್ಲಿನ ನಟನೆ ತುಂಬಾನೇ ಇಷ್ಟವಾಗಿದೆ.

ಯೋಗಿ, ಕಾವ್ಯಾ ಶೆಟ್ಟಿ, ಕೃಷಿ ತಾಪಂಡ ನಟಿಸಿರುವ ಚಿತ್ರ ಲಂಕೆ. ಆದರೆ ಇಡೀ ಕಥೆ ನಿಂತಿರೋದು ವಿಜಯ್ ಅವರ ಪಾತ್ರದ ಮೇಲೆ. ಹೀರೋ ಯೋಗಿ ಈ ಚಿತ್ರದಲ್ಲಿ ಸ್ಪೆಷಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ.