` ಅನಂತ್`ಗೆ ಪದ್ಮ : ಪುನೀತ್ ನಂತರ ಯಶ್`ರಿಂದಲೂ ಬೆಂಬಲ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
ಅನಂತ್`ಗೆ ಪದ್ಮ : ಪುನೀತ್ ನಂತರ ಯಶ್`ರಿಂದಲೂ ಬೆಂಬಲ
Ananth Nag

ಸಹಜತೆಯ ಕಲಾವಿದ ಅನಂತ್ ನಾಗ್ ಅವರಿಗೆ ಪದ್ಮಶ್ರೀ ಪುರಸ್ಕಾರ ಕೊಡಬೇಕು ಎಂಬ ಅಭಿಯಾನ ಶುರುವಾಗಿದೆ. ಖುದ್ದು ಅಭಿಮಾನಿಗಳೇ ಶುರು ಮಾಡಿದ ಈ ಅಭಿಯಾನಕ್ಕೆ ರಕ್ಷಿತ್ ಶೆಟ್ಟಿ ಮತ್ತು ರಿಷಬ್ ಶೆಟ್ಟಿ ಕೈಜೋಡಿಸಿದ್ದರು. ಹೇಮಂತ್ ರಾವ್, ವಸಿಷ್ಠ ಸಿಂಹ ಸೇರಿದಂತೆ ಹಲವರು ಬೆಂಬಲಿಸುವುದರ ಮೂಲಕ ಅಭಿಯಾನಕ್ಕೆ ದೊಡ್ಡ ಜನಪ್ರಿಯತೆಯೂ ಸಿಕ್ಕಿತ್ತು.

ನಂತರ ಅಭಿಯಾನಕ್ಕೆ ಸ್ವತಃ ಪುನೀತ್ ರಾಜ್‍ಕುಮಾರ್ ಬೆಂಬಲಿಸುವುದರೊಂದಿಗೆ ಅಭಿಯಾನಕ್ಕೆ ಇನ್ನಷ್ಟು ಮೆರುಗು ಕೊಟ್ಟಿತ್ತು. ಈಗ ಯಶ್ ಅವರಿಂದಲೂ ಬೆಂಬಲ ವ್ಯಕ್ತವಾಗಿದೆ. ಅನಂತ್ ನಾಗ್ ಅವರಲ್ಲದೆ ಪದ್ಮಶ್ರೀ ಪುರಸ್ಕಾರಕ್ಕೆ ಸೂಕ್ತವಾಗಬಲ್ಲ ಅದ್ಭುತ ನಟ ಇನ್ಯಾರಿದ್ದಾರೆ? ಅವರ ಕಾಮಿಡಿ ಚಿತ್ರಗಳನ್ನು ನೋಡಿ ನಕ್ಕಿದ್ದೇವೆ. ದೆವ್ವದ ಚಿತ್ರಗಳನ್ನು ನೋಡಿ ಹೆದರಿದ್ದೇವೆ. ಅವರು ಅತ್ತಾಗ ಅತ್ತಿದ್ದೇವೆ. ಕಣ್ಣೀರಿಟ್ಟಿದ್ದೇವೆ. ಎವರ್ ಗ್ರೀನ್ ಅನ್ನೋ ಪದಕ್ಕೆ ಅನಂತ್ ಸರ್ ಉದಾಹರಣೆ ಎಂದಿದ್ದಾರೆ ಯಶ್.

ಅಭಿಮಾನಿಗಳ ಅಭಿಯಾನ ಮತ್ತು ಅಭಿಮಾನ ನೋಡುತ್ತಿದ್ದರೆ ನನಗೆ ಪದ್ಮ ಪುರಸ್ಕಾರಕ್ಕಿಂತಲೂ ದೊಡ್ಡ ಗೌರವವೇ ಸಿಕ್ಕಂತಾಗಿದೆ. ನನಗೆ ಹೊಸ ಉತ್ಸಾಹ ಬಂದಿದೆ ಎಂದಿದ್ದಾರೆ ಅನಂತ್ ನಾಗ್. ನನ್ನನ್ನು ಜನ ಇಷ್ಟು ಪ್ರೀತಿಸುತ್ತಾರೆ ಎಂಬುದೇ ನನಗೆ ಗೊತ್ತಿರಲಿಲ್ಲ ಎಂದಿದ್ದಾರೆ ಅನಂತ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery