` ಬ್ಲೂಫಿಲಂ ದಂಧೆ : ಶಿಲ್ಪಾಶೆಟ್ಟಿ ಪತಿ ಅರೆಸ್ಟ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಬ್ಲೂಫಿಲಂ ದಂಧೆ : ಶಿಲ್ಪಾಶೆಟ್ಟಿ ಪತಿ ಅರೆಸ್ಟ್
Raj Kundra, Shilpa Shetty

ಬಾಲಿವುಡ್ ನಟಿ ಶಿಲ್ಪಾಶೆಟ್ಟಿಯವರ ಪತಿ ರಾಜ್ ಕುಂದ್ರಾ ಅವರನ್ನು ಮುಂಬೈ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಬ್ಲೂಫಿಲ್ಮ್ ಚಿತ್ರೀಕರಣ ಮತ್ತು ಮಾರಾಟದ ಕೇಸ್‍ನಲ್ಲಿ ರಾಜ್ ಕುಂದ್ರಾ ಅರೆಸ್ಟ್ ಆಗಿದ್ದಾರೆ.

ರಾಜ್ ಕುಂದ್ರಾ ಕೆಲವು ಮಾಡೆಲ್‍ಗಳನ್ನು ಸಂಪರ್ಕಿಸುತ್ತಿದ್ದರು. ನಂತರ ಅವರ ಬ್ಲೂಫಿಲ್ಮ್ ಚಿತ್ರೀಕರಿಸುತ್ತಿದ್ದರು. ಅಂತಹ ವಿಡಿಯೋಗಳನ್ನು ಮೊಬೈಲ್ ಆ್ಯಪ್`ಗಳಿಗೆ ಮಾರಾಟ ಮಾಡುತ್ತಿದ್ದರು. ಇಂತಹ ವಿಡಿಯೋಗಳಿಗಾಗಿಯೇ ಪ್ರತ್ಯೇಕ ಗ್ರಾಹಕರಿದ್ದಾರೆ. ಹಣ ಕೊಟ್ಟು ಅಂತಹ ಆ್ಯಪ್`ಗಳಲ್ಲಿ ವಿಡಿಯೋ ನೋಡುತ್ತಾರೆ. ಇಂತಾದ್ದೊಂದು ದೊಡ್ಡ ದಂಧೆಯೇ ಜಾಗತಿಕ ಮಟ್ಟದಲ್ಲಿ ನಡೆಯುತ್ತಿದೆ. ಅಂತಹ ಜಾಲದಲ್ಲಿದ್ದ ರಾಜ್ ಕುಂದ್ರಾ, ಈ ದಂಧೆಯನ್ನು ದೊಡ್ಡ ಮಟ್ಟದಲ್ಲಿ ಮಾಡುತ್ತಿದ್ದರು ಎನ್ನುವುದು ಅವರ ಮೇಲಿರುವ ಆರೋಪ. ಸಾಕ್ಷ್ಯಗಳಿವೆ ಎಂದಿದ್ದಾರೆ ಮುಂಬೈ ಕ್ರೈಂ ಬ್ರಾಂಚ್ ಪೊಲೀಸರು.

ರಾಜ್ ಕುಂದ್ರಾ ಉದ್ಯಮಿ. ರಾಜಸ್ಥಾನ್ ಐಪಿಎಲ್ ತಂಡದ ಫ್ರಾಂಚೈಸಿಯೂ ಆಗಿದ್ದ ಅವರ ಮೇಲೆ ಮ್ಯಾಚ್ ಫಿಕ್ಸಿಂಗ್ ಆರೋಪವೂ ಕೇಳಿ ಬಂದಿತ್ತು. ಐಪಿಎಲ್‍ನಿಂದಲೇ ಬ್ಯಾನ್ ಆಗಿದ್ದ ಕುಂದ್ರಾ, ಸುಪ್ರೀಂಕೋರ್ಟ್‍ನಲ್ಲಿ ಕೇಸು ಗೆದ್ದಿದ್ದರು. ಇತ್ತೀಚೆಗೆ ವಿಚ್ಛೇದಿತ ಪತ್ನಿ ರಾಜ್ ಕುಂದ್ರಾ ಮೇಲೆ ಆರೋಪ ಮಾಡಿದ್ದರು. ಹಲವು ವಿವಾದಗಳಲ್ಲಿ ಸಿಲುಕಿದ್ದ ಕುಂದ್ರಾ, ಈಗ ಬ್ಲೂಫಿಲ್ಮ್ ದಂಧೆಯಲ್ಲಿ ಅರೆಸ್ಟ್ ಆಗಿದ್ದಾರೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery