` ತಂದೆಗಾಗಿ ಸೀರಿಯಲ್ ಬಿಟ್ಟ ನಟ ಮೋಹನ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ತಂದೆಗಾಗಿ ಸೀರಿಯಲ್ ಬಿಟ್ಟ ನಟ ಮೋಹನ್
Mohan

ನಟ, ನಿರ್ದೇಶಕ ಮತ್ತು ನಿರ್ಮಾಪಕ ಮೋಹನ್, ಇತ್ತೀಚೆಗೆ ಕಿರುತೆರೆಗೆ ಎಂಟ್ರಿ ಕೊಟ್ಟಿದ್ದರು. ನಾಗಿಣಿ 2 ಧಾರಾವಾಹಿಯಲ್ಲಿ ಖಡಕ್ ಪಾತ್ರದಲ್ಲಿ ಮಿಂಚುತ್ತಿದ್ದರು. ಅದರಲ್ಲೂ ಗ್ರಾಮೀಣ ಪ್ರದೇಶದಲ್ಲಿ ಮೋಹನ್ ಅವರ ಪಾತ್ರಕ್ಕೆ ಭಾರಿ ಮೆಚ್ಚುಗೆ ಸಿಕ್ಕಿತ್ತು. ಆದರೀಗ ಮೋಹನ್ ಸೀರಿಯಲ್ ಬಿಟ್ಟು ಹೊರನಡೆದಿದ್ದಾರೆ.

ಇತ್ತೀಚೆಗೆ ನನ್ನ ಅಪ್ಪ ಮತ್ತು ಅಮ್ಮ ಇಬ್ಬರಿಗೂ ಪಾಸಿಟಿವ್ ಆಗಿತ್ತು. ಜೊತೆಗೆ ಅಪ್ಪ ಜಾರಿಬಿದ್ದು ಮೂಳೆ ಮುರಿತಕ್ಕೆ ಒಳಗಾದರು. ಜೊತೆಗಿರಲೇಬೇಕಿತ್ತು. ಅದು ಒಂದು ತಿಂಗಳಿಗೂ ಹೆಚ್ಚು ಜೊತೆಯಲ್ಲಿರಬೇಕಾದ ಅನಿವಾರ್ಯತೆ. ಸೀರಿಯಲ್ಲಾ.. ಅಪ್ಪನಾ... ಎಂಬ ಪ್ರಶ್ನೆ ಎದುರಾಯ್ತು. ಸೀರಿಯಲ್ ಬಿಟ್ಟೆ. ಒಂದೊಳ್ಳೆಯ ಟೀಂನ್ನು ಬಿಟ್ಟು ಹೊರಬಂದಿರೋ ಬೇಸರ ನನಗೂ ಇದೆ. ಆದರೆ ನನ್ನ ಅಪ್ಪನನ್ನು ಉಳಿಸಿಕೊಂಡಿದ್ದೇನೆ ಎಂದಿದ್ದಾರೆ ಮೋಹನ್.

ಅಪ್ಪ ಮತ್ತು ಅಮ್ಮ ಇಬ್ಬರೂ ಈಗ ಕೊರೊನಾದಿಂದ ಚೇತರಿಸಿಕೊಂಡಿದ್ದಾರೆ. ತಂದೆಗೆ ಮೂಳೆ ಮುರಿತದ ಆರೈಕೆ ಇನ್ನೂ ಮುಂದುವರಿದಿದೆ. ಇದರ ಮಧ್ಯೆ ಮಗನಿಗೆ ಪಾಸಿಟಿವ್ ಬಂದಿದ್ದು, ಆತ ಕ್ವಾರಂಟೈನ್ ಆಗಿದ್ದಾನೆ. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery