ಲವ್ ಲಿ ಸ್ಟಾರ್ ಪ್ರೇಮ್ ನಟಿಸುತ್ತಿರೋ 25ನೇ ಸಿನಿಮಾ ಪ್ರೇಮಂ ಪೂಜ್ಯಂ. ಪ್ರೇಮ ಕಥೆಯ ಸಿನಿಮಾಗಳ ಮೂಲಕವೇ ಸ್ಟಾರ್ ಆಗಿ ಲವ್ಲಿ ಸ್ಟಾರ್ ಪಟ್ಟಕ್ಕೇರಿದ ಪ್ರೇಮ್, ಪ್ರೇಮಂ ಪೂಜ್ಯಂ ಚಿತ್ರದಲ್ಲಿ ಪ್ರೇಮಿಗಳಿಗಾಗಿ ಪ್ರೇಮ ಮಂತ್ರವನ್ನೇ ಕೊಟ್ಟಿದ್ದಾರೆ. ಚಿತ್ರದ ಟೈಟಲ್ ಸಾಂಗ್ ನೋಡಿದವರಿಗೆ ಹಾಗೆ ಅನಿಸದೇ ಇರದು.

ಪ್ರೇಮಂ ಪೂಜ್ಯಂ ಚಿತ್ರದ ಟೈಟಲ್ ಟ್ರ್ಯಾಕ್ ಕೇಳಿದರೆ, ಪ್ರೇಮಿಗಳ ಹೃದಯ ಕದಿಯೋಕೆ ರೆಡಿಯಾಗಿದ್ದಾರೆ ಪ್ರೇಮ್ ಅನ್ನೋ ಸತ್ಯ ಅರಿವಾಗದೇ ಇರದು. ಡಾ. ರಾಘವೇಂದ್ರ ನಿರ್ದೇಶದನ ಚೊಚ್ಚಲ ಸಿನಿಮಾ ಪ್ರೇಮಂ ಪೂಜ್ಯಂ. ಅಂದಹಾಗೆ ಈ ಹಾಡಿಗೆ ಸಾಹಿತ್ಯ ಮತ್ತು ಸಂಗೀತ ಎರಡೂ ರಾಘವೇಂದ್ರ ಅವರದ್ದೇ.

ಪ್ರೇಮ್ ಗೆ ಜೋಡಿಯಾಗಿ ಬೃಂದಾ ಆಚಾರ್ಯ ನಟಿಸುತ್ತಿದ್ದು, ಲವ್ ಫೀಲಿಂಗ್ ಕೊಡುತ್ತಿರುವುದಂತೂ ಪಕ್ಕಾ.