ಅಯೋಗ್ಯ ಹಿಟ್ ಆದ ನಂತರ ರಚಿತಾ ರಾಮ್ ಮತ್ತು ಸತೀಶ್ ನೀನಾಸಂ ಜೋಡಿ ಮತ್ತೊಮ್ಮೆ ಒಂದಾಗಿದೆ. ಅದು ಮ್ಯಾಟ್ನಿ ಚಿತ್ರದಲ್ಲಿ. ಚಿತ್ರ ಈಗ ಸೆಟ್ಟೇರಿದ್ದು, ರೊಮ್ಯಾಂಟಿಕ್ ಥ್ರಿಲ್ಲರ್ ಚಿತ್ರದ ಹಾಡೊಂದರ ಶೂಟಿಂಗ್ ಕೂಡಾ ಶುರುವಾಗಿದೆ. ಅಂದಹಾಗೆ ಇದು ಮನೋಹರ್ ಕಂಪಳ್ಳಿ ಡೈರೆಕ್ಷನ್ ಇರೋ ಸಿನಿಮಾ.
ರಚಿತಾ ರಾಮ್ ಕೈತುಂಬಾ ಚಿತ್ರಗಳಿವೆ. ಏಕ್ ಲವ್ ಯಾ ಮುಗಿಸಿರುವ ರಚಿತಾ, ಬ್ಯಾಡ್ ಮ್ಯಾನರ್ಸ್, ಲವ್ ಯೂ ರಚ್ಚು, ಲಿಲ್ಲಿ, ವೀರಂ.. ಹೀಗೆ ಒಂದರ ಹಿಂದೊಂದು ಚಿತ್ರಗಳಲ್ಲಿ ಕಂಪ್ಲೀಟ್ ಬ್ಯುಸಿಯಾಗಿದ್ದಾರೆ. ಅತ್ತ ನೀನಾಸಂ ಸತೀಶ್ ಕೂಡಾ ಅತ್ತ ತಮಿಳು ಚಿತ್ರವನ್ನು ಮುಗಿಸಿ, ಇತ್ತ ಕನ್ನಡದಲ್ಲಿ ಪೆಟ್ರೋಮ್ಯಾಕ್ಸ್ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ನಡುವೆಯೇ ಮ್ಯಾಟ್ನಿ ಸೆಟ್ಟೇರಿದೆ.
