ರಕ್ಷಿತ್ ಶೆಟ್ಟಿ ತಾವು ನಟಿಸುವ ಪಾತ್ರಗಳಿಗೆ ತಕ್ಕಂತೆ ಗೆಟಪ್ ಬದಲಿಸುತ್ತಾರೆ. ಅವರು ಮಾಡಿಕೊಳ್ಳೋ ಸಣ್ಣ ಸಣ್ಣ ಬದಲಾವಣೆಗಳು ಸ್ಕ್ರೀನ್ನಲ್ಲಿ ಬೇರೆಯದ್ದೇ ರೀತಿಯ ಫೀಲ್ ಕೊಡುತ್ತವೆ. ಈ ಬಾರಿಯೂ ಅಷ್ಟೆ, ರಕ್ಷಿತ್ ಶೆಟ್ಟಿ ಅವರ ಹೇರ್ ಸ್ಟೈಲ್, ಗೆಟಪ್ ಚೇಂಜ್ ಆಗಿದೆ.
ರಕ್ಷಿತ್ ಶೆಟ್ಟಿ ಅವರನ್ನು ಈ ಮಟ್ಟಿಗೆ ಬದಲಿಸಿರೋದು ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಮತ್ತು ಕವಲು ದಾರಿ ಖ್ಯಾತಿಯ ಹೇಮಂತ್ ರಾವ್. ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ಸಪ್ತಸಾಗರದಾಚೆ ಎಲ್ಲೋ.. ಚಿತ್ರದ ರಕ್ಷಿತ್ ಶೆಟ್ಟಿ ಲುಕ್ ಕಂಪ್ಲೀಟ್ ಡಿಫರೆಂಟ್ ಆಗಿದೆ. ರಕ್ಷಿತ್ ಶೆಟ್ಟಿ ಅವರಿಗೆ ಈ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿರುವುದು ರುಕ್ಮಿಣಿ ವಸಂತ್. ಮತ್ತೊಮ್ಮೆ ರಕ್ಷಿತ್-ಪುಷ್ಕರ್-ಹೇಮಂತ್ ಜೋಡಿ ಒಂದಾಗಿರುವುದರಿಂದ ಒಂದೊಳ್ಳೆಯ ಸಿನಿಮಾ ಗ್ಯಾರಂಟಿ ಅನ್ನೋ ಕಾನ್ಫಿಡೆನ್ಸ್ ಇಟ್ಟುಕೊಳ್ಳಬಹುದು.
