` ದರ್ಶನ್ ಮಗ ಸಿನಿಮಾಗೆ ಬರಬೇಕಂದ್ರೆ ಕಸ ಹೊಡೀಬೇಕಂತೆ..! - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ದರ್ಶನ್ ಮಗ ಸಿನಿಮಾಗೆ ಬರಬೇಕಂದ್ರೆ ಕಸ ಹೊಡೀಬೇಕಂತೆ..!
Darshan, Son Vineesh

ಬಹುಶಃ ಈ ಮಾತನ್ನು ಬೇರೆ ಯಾರೋ ಹೇಳಿದ್ದರೆ ವಿವಾದವಾಗುತ್ತಿತ್ತೇನೋ.. ಆದರೆ, ಈ ಮಾತು ಹೇಳಿರೋದು ಸ್ವತಃ ದರ್ಶನ್. ರಾಬರ್ಟ್ ಚಿತ್ರದ ಪ್ರಚಾರದಲ್ಲಿ ತೊಡಗಿಸಿಕೊಂಡಿರೋ ದರ್ಶನ್ಗೆ ಎದುರಾಗಿರೋ ಪ್ರಶ್ನೆ ಇದು. ನಿಮ್ಮ ಪುತ್ರ ವಿನೀಶ್ ಚಿತ್ರರಂಗಕ್ಕೆ ಬರೋದು ಯಾವಾಗ..?

ನಾನು ಅದಕ್ಕೆಲ್ಲ ಪ್ಲಾನ್ ಮಾಡಿಲ್ಲ. ಅವನಿಗೆ ಚಿತ್ರರಂಗಕ್ಕೆ ಬರಬೇಕು ಅನ್ನೋ ಆಸೆ ಇದ್ದರೆ ಅವನು ಮೊದಲು ಇಲ್ಲಿ ಕಸ ಹೊಡೆಯೋದನ್ನು ಕಲೀಲಿ. ಅವನಿಗೆ ಇಷ್ಟ ಇದ್ದರೆ ಚಿತ್ರರಂಗಕ್ಕೆ ಬರಲಿ. ಆದರೆ, ಬರೋಕೆ ಮುಂಚೆ ಅವನು ಚಿತ್ರರಂಗದ ಎಲ್ಲ ವಿಭಾಗದಲ್ಲೂ ಕೆಲಸ ಮಾಡಿರಬೇಕು ಎಂದಿದ್ದಾರೆ ದರ್ಶನ್.

ತಮ್ಮ ಆರಂಭದ ದಿನಗಳನ್ನು ನೆನಪಿಸಿಕೊಂಡಿರೋ ದರ್ಶನ್, ನಾನು ಲೈಟ್ ಬಾಯ್ ಆಗಿ ಬಂದು ಹೀರೋ ಆದವನು. ಆ ಹಾದಿಯಲ್ಲಿ ಏನೆಲ್ಲ ಕಷ್ಟಗಳಿವೆ ಅನ್ನೋದು ನನಗೆ ಗೊತ್ತು. ಅವುಗಳ ಅನುಭವ ಇರಬೇಕು ಎಂದಿದ್ದಾರೆ. 

ಸದ್ಯಕ್ಕೆ ರಾಬರ್ಟ್ ಬಿಡುಗಡೆ ಬ್ಯುಸಿಯಲ್ಲಿದ್ದಾರೆ ದರ್ಶನ್. ಉಮಾಪತಿ ಜೊತೆ ತರುಣ್ ಸುಧೀರ್ ಡೈರೆಕ್ಟ್ ಮಾಡಿರೋ ಸಿನಿಮಾ ಇದೇ ಮಾರ್ಚ್ 11ರ ಶಿವರಾತ್ರಿಯಂದು ರಿಲೀಸ್ ಆಗ್ತಿದೆ. ಹೀಗಾಗಿ ಹವಾನೂ ಜೋರಾಗೇ ಇದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery