Print 
sankranthi festival sandalwood,

User Rating: 0 / 5

Star inactiveStar inactiveStar inactiveStar inactiveStar inactive
 
ಸ್ಯಾಂಡಲ್'ವುಡ್'ಗೆ ಸಂಕ್ರಾಂತಿ ಜೋಷ್..
Sandalwood's Sankranthi Festivities

ಕೊರೊನಾ.. ಲಾಕ್‍ಡೌನ್.. ಥಿಯೇಟರ್ ಪ್ರಾಬ್ಲಂ.. ಈ ಎಲ್ಲ ಸಮಸ್ಯೆ, ಸಂಕಟಗಳ ಮಧ್ಯೆಯೂ ಚಿತ್ರರಂಗ ಹೊಸ ಉತ್ಸಾಹದಿಂದ ಎದ್ದು ನಿಂತಿದೆ. ಅದರಲ್ಲೂ ಸಂಕ್ರಾಂತಿ ನಂತರ ಇದ್ದಕ್ಕಿದ್ದಂತೆ ಹೊಸ ಜೋಷ್ ಬಂದಂತೆ ಕಾಣುತ್ತಿದೆ. ಸಂಕ್ರಾಂತಿ ನಂತರ ಸಾಲು ಸಾಲು ಸಿನಿಮಾಗಳು ಸೆಟ್ಟೇರಿವೆ.

ಸಲಾರ್ : ಇದು ಪ್ಯಾನ್ ಇಂಡಿಯಾ ಸಿನಿಮಾ. ನಿರ್ಮಾಪಕ ಮತ್ತು ನಿರ್ದೇಶಕರು ಕನ್ನಡದವರು. ಹೊಂಬಾಳೆ ವಿಜಯ್ ಕಿರಗಂದೂರು, ಪ್ರಶಾಂತ್ ನೀಲ್ ಮತ್ತು ಪ್ರಭಾಸ್ ಜೊತೆಯಾಗಿರೋ ಸಿನಿಮಾ.

ಬ್ಯಾಡ್ ಮ್ಯಾನರ್ಸ್ : ಇದು ಅಭಿಷೇಕ್ ಅಂಬರೀಷ್ ಮತ್ತು ದುನಿಯಾ ಸೂರಿ ಕಾಂಬಿನೇಷನ್ ಸಿನಿಮಾ.

ಲಂಕಾಸುರ : ವಿನೋದ್ ಪ್ರಭಾಕರ್ ಹೀರೋ ಆಗಿರುವ ಸಿನಿಮಾ. ಪ್ರಮೋದ್ ಕುಮಾರ್ ನಿರ್ದೇಶನದ ಚಿತ್ರವಿದು.

ಓ ಮೈ ಲವ್ : ಸ್ಮೈಲ್ ಸೀನು ನಿರ್ದೇಶನದ ಹೊಸ ಚಿತ್ರವಿದು. ಶಶಿಕುಮಾರ್ ಪುತ್ರ ಅಕ್ಷಿತ್ ನಾಯಕರಾಗಿರುವ ಈ ಚಿತ್ರಕ್ಕೆ ಕೀರ್ತಿ ಎಂಬ ಹುಡುಗಿ ನಾಯಕಿ.

ಗಾಜನೂರು : ಸೋನಲ್ ಮಂಥೆರೋ ನಾಯಕಿಯಾಗಿರೋ ಚಿತ್ರಕ್ಕೆ ಹೊಸ ಹುಡುಗ ಅವತಾರ್ ಹೀರೋ. ಮೋಹನ್, ನಂದಕಿಶೋರ್ ಬಳಿ ಅಸಿಸ್ಟೆಂಟ್ ಆಗಿದ್ದ ವಿಜಯ್ ಈ ಚಿತ್ರಕ್ಕೆ ನಿರ್ದೇಶಕ.

ವೇಷ : ರಘು ಎಂಬ ಹೊಸ ಹುಡುಗ ಹೀರೋ ಆಗುತ್ತಿರುವ ಚಿತ್ರವಿದು. ಪವನ್ ಕೃಷ್ಣ ಎಂಬ ಇನ್ನೊಬ್ಬ ನವ ಪ್ರತಿಭೆ ಈ ಚಿತ್ರದ ನಿರ್ದೇಶಕರು.

ಅವಸ್ಥಾಂತರ : ಸಂಚಾರಿ ವಿಜಯ್ ನಟಿಸುತ್ತಿರುವ ಚಿತ್ರ ಹೆಸರಿಗೆ ತಕ್ಕಂತೆ ಪ್ರಯೋಗಾತ್ಮಕ ಚಿತ್ರ. ರಂಜನಿ ರಾಘವನ್, ದಿಶಾ ಕೃಷ್ಣಯ್ಯ ನಾಯಕಿಯಾಗಿರೋ ಚಿತ್ರಕ್ಕೆ ದೀಪಕ್ ಕುಮಾರ್ ನಿರ್ದೇಶಕ.