ಶಕೀಲಾ ಎಂದರೆ ಸಾಫ್ಟ್ ಪೋರ್ನ್ ಸಿನಿಮಾ. ಒಂದಾನೊಂದು ಕಾಲದ.. ಈಗ 40 ಮೇಲ್ಪಟ್ಟಿರುವವರ ಯೌವನದ ದಿನಗಳ ಕನಸಿನ ರಾಣಿ. ಅವರ ಬದುಕು ಸಿನಿಮಾ ಆಗಿದೆ. ಶಕೀಲಾ ಸಿನಿಮಾ ತೆರೆಗೆ ಬಂದಿದೆ. ಆದರೆ, ಇಲ್ಲಿ ಇರೋ ಶಕೀಲಾ ಕಥೆ ಏನು..?

ಶಕೀಲಾ ಎಲ್ಲರ ಹಾಗೆಯೇ ಇದ್ದಾರೆ. ಎಲ್ಲ ಮುಸ್ಲಿಂ ಹೆಣ್ಣು ಮಕ್ಕಳಂತೆಯೇ ಅವರೂ ಬುರುಕಾ ಧರಿಸಿಯೇ ಓಡಾಡುವ ಸಂಪ್ರದಾಯಬದ್ಧ ಮಹಿಳೆ. ಅವರು ಯಾವ ಕುಟುಂಬಕ್ಕಾಗಿ ಅಷ್ಟೆಲ್ಲ ಕಷ್ಟಪಟ್ಟರೋ.. ಅವಮಾನ ಭರಿಸಿದರೋ.. ಅವರೇ ಈಗ ಶಕೀಲಾರನ್ನು ದೂರವಿಟ್ಟಿದ್ದಾರೆ. ನನ್ನ ಪ್ರಕಾರ ಶಕೀಲಾ ಎಂದರೆ ಪವಿತ್ರ ಆತ್ಮ.

ಶಕೀಲಾಗೆ ಇಂಥಾದ್ದೊಂದು ಪ್ರಮಾಣ ಪತ್ರ ನೀಡಿದವರು ರಿಚಾ ಚಡ್ಡಾ. ಶಕೀಲ ಚಿತ್ರದಲ್ಲಿ ಶಕೀಲಾ ಪಾತ್ರದಲ್ಲಿ ನಟಿಸಿರುವುದು ಇವರೇ. ಇಂದ್ರಜಿತ್ ಲಂಕೇಶ್ ನಿರ್ದೇಶಿಸಿರುವ ಸಿನಿಮಾ, ಹಿಂದಿ, ತಮಿಳು, ತೆಲುಗು, ಮಲಯಾಳಂ ಹಾಗೂ ಕನ್ನಡದಲ್ಲಿ ಏಕಕಾಲಕ್ಕೆ ರಿಲೀಸ್ ಆಗಿರುವುದು ವಿಶೇಷ.