` ಲಾಕ್ ಡೌನ್ ಟೈಮಲ್ಲಿ ಕೋಟಿ ಕೋಟಿ ದುಡಿದ ಏಕೈಕ ನಿರ್ಮಾಪಕ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
rgv earned crores during lockdown
Ram Gopal Verma

ಚಿತ್ರರಂಗ ಸಂಕಷ್ಟದಲ್ಲಿದೆ. ಹೆಚ್ಚೂ ಕಡಿಮೆ 4 ತಿಂಗಳಿಂದ ಒಂದೇ ಒಂದು ಸಿನಿಮಾ ಶೋ ಆಗಿಲ್ಲ. ಇನ್ನೂ ಒಂದು ತಿಂಗಳು ಸಿನಿಮಾ ಶೋ ಇಲ್ಲ. ಸಿನಿಮಾ ಶೋಗಳು ಶುರುವಾದರೂ ಪ್ರೇಕ್ಷಕರು ಮೊದಲಿನಂತೆಯೇ ಬರುತ್ತಾರೆಂಬ ಗ್ಯಾರಂಟಿಯೂ ಇಲ್ಲ. ಇಂತಹ ಹೊತ್ತಿನಲ್ಲಿಯೇ ನಿರ್ಮಾಪಕ ರಾಮ್ ಗೋಪಾಲ್ ವರ್ಮಾ, ಸಿನಿಮಾದಿಂದಲೇ ಕೋಟಿ ಕೋಟಿ ಹಣ ಗಳಿಸಿದ್ದಾರೆ.

ಇತ್ತೀಚೆಗೆ ರಾಮ್ ಗೋಪಾಲ್ ವರ್ಮಾ, ಕ್ಲೈಮಾಕ್ಸ್ ಅನ್ನೋ ಸಿನಿಮಾ ರಿಲೀಸ್ ಮಾಡಿದ್ದರು. ಅಫ್‍ಕೋರ್ಸ್.. ಒಟಿಟಿ ಪ್ಲಾಟ್‍ಫಾರ್ಮಿನಲ್ಲಿ. ಅದು ಅಮೇಜಾನ್, ನೆಟ್‍ಫ್ಲಿಕ್ಸ್ ಮಾದರಿಯ ಒಟಿಟಿ ಅಲ್ಲ. ಅವರದ್ದೇ ಆ್ಯಪ್. ಪೋರ್ನ್‍ಸ್ಟಾರ್ ಮಿಯಾ ಮಾಲ್ಕೋವಾ ಅವರು ನಟಿಸಿದ್ದ ಹಸಿಬಿಸಿ ಚಿತ್ರಕ್ಕೆ ವರ್ಮಾ 200 ರೂ. ಫೀಸ್ ಇಟ್ಟಿದ್ದರು. ಆ ಚಿತ್ರದಿಂದ ಸುಮಾರು 2 ಕೋಟಿ ಲಾಭ ಮಾಡಿದ ವರ್ಮಾ, ಈಗ ಮತ್ತೊಮ್ಮೆ ದುಡ್ಡು ಮಾಡಿದ್ದಾರೆ.

ನಗ್ನಂ ಹೆಸರಿನ ಇನ್ನೊಂದು ಸಿನಿಮಾವನ್ನು ಒಟಿಟಿಯಲ್ಲಿ ರಿಲೀಸ್ ಮಾಡಿದ ವರ್ಮಾ, ಅರ್ಧ ಗಂಟೆಯಲ್ಲೇ 48 ಲಕ್ಷ ಕಲೆಕ್ಷನ್ ಮಾಡಿದ್ದಾರೆ. 20 ಗಂಟೆಯಲ್ಲಿ 70 ಲಕ್ಷಕ್ಕೂ ಹೆಚ್ಚು ಕಲೆಕ್ಷನ್ ಆಗಿದೆ. ಆದರೆ, ಚಿತ್ರ ನೋಡಿದವರು ಸಿನಿಮಾ ಚೆನ್ನಾಗಿಲ್ಲ ಎನ್ನುತ್ತಿದ್ದಾರೆ. ಆದರೂ.. ವರ್ಮಾ ಅವರ ಐಡಿಯಾಕ್ಕೆ ಹ್ಯಾಟ್ಸಾಫ್ ಹೇಳಲೇಬೇಕು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery