ಭವ್ಯ, ಈಗ ಕನ್ನಡ ಚಿತ್ರರಂಗದ ಹಿರಿಯ ನಟಿ. ಅವರೀಗ ಸುಶೀಲಾವತಾರ ಎತ್ತಿದ್ದಾರೆ. ಸಿಂಪಲ್ ಸುನಿ ನಿರ್ದೇಶನದ ಅವತಾರ್ ಪುರುಷ ಚಿತ್ರದಲ್ಲಿ ಭವ್ಯ ಅವರ ಪಾತ್ರದ ಹೆಸರು ಸುಶೀಲ. ಅವರ ಹುಟ್ಟುಹಬ್ಬಕ್ಕೆಂದೇ ವಿಶೇಷ ಪೋಸ್ಟರ್ ರಿಲೀಸ್ ಮಾಡಿದ್ದಾರೆ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ.
ಸುಶೀಲಾ ಪಾತ್ರದ ಹಿನ್ನೆಲೆ ತುಂಬಾ ವಿಭಿನ್ನವಾಗಿದೆ. ಅದೇನು ಎನ್ನುವ ಕುತೂಹಲ ಹಾಗೆಯೇ ಇರಲಿ, ಸಿನಿಮಾದಲ್ಲಿಯೇ ನೋಡಿ ಎನ್ನುತ್ತಾರೆ ಸುನಿ.
ಶರಣ್, ಅಶಿಕಾ ರಂಗನಾಥ್ ಮತ್ತೊಮ್ಮೆ ಜೋಡಿಯಾಗಿರುವ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಪ್ರಮುಖ ಪಾತ್ರದಲ್ಲಿದ್ದಾರೆ.
