` ವದಂತಿಗಳಿಗೆಲ್ಲ ತೆರೆ ಎಳೆದ ಸ್ವಾಭಿಮಾನದ ಮಹಾಲಕ್ಷ್ಮಿ - chitraloka.com | Kannada Movie News, Reviews | Image

User Rating: 4 / 5

Star activeStar activeStar activeStar activeStar inactive
 
actress mahalakshmi
Mahalakshmi

ಮಹಾಲಕ್ಷೀ ಹೇಗಿದ್ದಾರೆ..? ಏನು ಮಾಡುತ್ತಿದ್ದಾರೆ..? ಅವರದ್ದು ಭಗ್ನಪ್ರೇಮವಂತೆ. ಯಾರನ್ನೋ ಇಷ್ಟಪಟ್ಟು, ಪ್ರೀತಿಸಿ ಮೋಸ ಹೋದರಂತೆ. ಹೀಗಾಗಿಯೇ ಜೀವನದ ಬಗ್ಗೆ ಜಿಗುಪ್ಸೆ ಮೂಡಿ ಕ್ರೆೈಸ್ತ ಸನ್ಯಾಸಿನಿ ಆಗಿದ್ದಾರಂತೆ. ಕೇಳಿದ್ರೆ ಶಾಕ್ ಆಗ್ತೀರ.. ಓದಿದ್ರೆ ಶಾಕ್ ಆಗ್ತೀರ.. ತಿಳ್ಕೊಂಡ್ರೆ ಡ್ಯಾಶ್ ಡ್ಯಾಶ್ ಆಗ್ತೀರ.. ಎಂಬೆಲ್ಲ ಶಾಕ್ ಶಾಕಿಂಗ್ ಸುದ್ದಿಗಳು ಹರಿದಾಡುತ್ತಲೇ ಇದ್ದವು. ಈಗ ಇಂತಹ ಸುದ್ದಿಗಳಿಗೆಲ್ಲ ನಿಜಕ್ಕೂ ಶಾಕಿಂಗ್ ಸುದ್ದಿಯನ್ನೇ ಕೊಟ್ಟಿದ್ದಾರೆ ಮಹಾಲಕ್ಷೀ.

ಮಹಾಲಕ್ಷೀ ಚೆನ್ನೇನಲ್ಲಿದ್ದಾರೆ. ಒಂಟಿಯಾಗಿಲ್ಲ. ಪತಿ ಮತ್ತು ಇಬ್ಬರು ಮಕ್ಕಳಿದ್ದಾರೆ. ಕ್ರೆೃಸ್ತ ಸನ್ಯಾಸಿನಿಯೂ ಆಗಿಲ್ಲ. ಈಗ ಮತ್ತೆ ಚಿತ್ರರಂಗಕ್ಕೆ ಬರಲು ಮನಸ್ಸು ಮಾಡಿದ್ದಾರೆ.

ಕನ್ನಡಿಗರು ನನಗೆ ತೋರಿಸಿದ ಪ್ರೀತಿಯನ್ನು ನಾನು ಮರೆಯಲು ಸಾಧ್ಯವಿಲ್ಲ. ಕೌಟುಂಬಿಕ ಕಾರಣಗಳಿಂದಾಗಿ ನಾನು ಮದುವೆಯ ನಂತರ ಸಿನಿಮಾಗಳಲ್ಲಿ ನಟಿಸಲು ಸಾಧ್ಯವಾಗಲಿಲ್ಲ. ಈಗ ಮತ್ತೆ ವಾಪಸ್ ಆಗಲು ಮನಸ್ಸು ಮಾಡಿದ್ದೇನೆ. ಉತ್ತಮ ಪಾತ್ರಗಳು, ಡಿಗ್ನಿಫೈಡ್ ರೋಲ್‌ಗಳನ್ನು ಎದುರು ನೋಡುತ್ತಿದ್ದೇನೆ ಎಂದಿದ್ದಾರೆ ಮಹಾಲಕ್ಷೀ.

ಮಹಾಲಕ್ಷೀ ಕನ್ನಡದಲ್ಲಿ ೩೦ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ವಿಷ್ಣು, ಅಂಬಿ, ಡಾ.ರಾಜ್, ರವಿಚಂದ್ರನ್, ಅನಂತ್ ನಾಗ್, ಶಂಕರ್ ನಾಗ್, ಪ್ರಭಾಕರ್, ಶಶಿಕುಮಾರ್, ಜೈಗದೀಶ್, ಶ್ರೀನಾಥ್ ಸೇರಿದಂತೆ ಕನ್ನಡದ ಆಗಿನ ಎಲ್ಲ ಸ್ಟಾರ್‌ಗಳ ಜೊತೆಯಲ್ಲೂ ನಟಿಸಿದ್ದಾರೆ.

ಎಲ್ಲಿದ್ದಾರೆ ಮಹಾಲಕ್ಷೀ ಅನ್ನೋ ಕಿರು ಚಿತ್ರ ನೋಡುತ್ತಿದ್ದಾಗ ಅಭಿಮಾನಿಗಳು ತಮ್ಮ ಮೇಲಿಟ್ಟಿರುವ ಪ್ರೀತಿ ಕಂಡು ವಿಸ್ಮಿತಳಾದೆ. ಅದೇ ಮತ್ತೆ ಚಿತ್ರರಂಗಕ್ಕೆ ಬರಲು ಪ್ರೇರಣೆ ಎಂದಿದ್ದಾರೆ ಮಹಾಲಕ್ಷೀ.

ಆನಂದ ಭೈರವಿ, ಸ್ವಾಭಿಮಾನ, ಟೈಗರ್, ಜಯಸಿಂಹ, ಮಿ.ರಾಜಾ, ಬ್ರಹ್ಮ ವಿಷ್ಣು ಮಹೇಶ್ವರ, ಸಂಸಾರ ನೌಕೆ, ಪದ್ಮವ್ಯೂಹ, ಹೆಂಡ್ತಿಗೇಳ್ಬೇಡಿ, ಬಾರೇ ನನ್ನ ಮುದ್ದಿನ ರಾಣಿ, ದುರ್ಗಾಷ್ಟಮಿ, ಭದ್ರಕಾಳಿ.. ಹೀಗೆ ಹಲವು ಹಿಟ್ ಚಿತ್ರಗಳು ಮಹಾಲಕ್ಷೀ ಹಿಟ್ ಲಿಸ್ಟಿನಲ್ಲಿವೆ.

ಅಂದಹಾಗೆ ಮಹಾಲಕ್ಷೀಯನ್ನು ಹುಡುಕಿದ್ದು ಬೇರಾರೋ ಅಲ್ಲ, ಕನ್ನಡದ ಹೆಮ್ಮೆಯ ನಿರ್ದೇಶಕ ರವಿ ಶ್ರೀವತ್ಸ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery