` ಇದು ಅಧಿಕೃತ : ವೀರೇಶ್ ಚಿತ್ರಮಂದಿರದ 4 ದಿನದ ಗಳಿಕೆ ಎಷ್ಟು..? - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
veeresh theater owner discloses pailwan 4 days collections
Pailwan

ಪೈಲ್ವಾನ್ ಚಿತ್ರ ಒಂದು ಲೆಕ್ಕದ ಪ್ರಕಾರ ವಾರ ಮುಗಿಯುವ ಮೊದಲೇ 50 ಕೋಟಿಯ ಕಲೆಕ್ಷನ್ ದಾಟು ಮುನ್ನುಗ್ಗುತ್ತಿದೆ. ಅದರಲ್ಲಿ ನಿರ್ಮಾಪಕರ ಷೇರ್ ಎಷ್ಟು ಎನ್ನುವುದು ಬೇರೆಯದೇ ವಿಚಾರ. ಮತ್ತೊಂದೆಡೆ ಚಿತ್ರಕ್ಕೆ ಜನ ಇಲ್ಲ, ಥಿಯೇಟರು ಖಾಲಿ ಖಾಲಿ ಎಂಬ ಅಪಪ್ರಚಾರವೂ ನಡೆಯುತ್ತಿದೆ. ಅಫ್‍ಕೋರ್ಸ್.. ಅಪಪ್ರಚಾರ ಮಾಡುತ್ತಿರುವವರ ವಿರುದ್ಧ ಕಾದಾಡುತ್ತಿರುವುದು ಸುದೀಪ್ ಫ್ಯಾನ್ಸ್.

ಈ ಅಪಪ್ರಚಾರಗಳಿಗೆ ಸ್ವತಃ ಬೆಂಗಳೂರಿನ ಮಾಗಡಿ ರಸ್ತೆಯಲ್ಲಿರುವ ವೀರೇಶ್ ಚಿತ್ರಮಂದಿರದ ಮಾಲೀಕರಾದ ಕೆ.ವಿ.ಚಂದ್ರಶೇಖರ್ ಉತ್ತರ ಕೊಟ್ಟಿದ್ದಾರೆ.

ಮೊದಲ 4 ದಿನಗಳಲ್ಲಿ ವೀರೇಶ್ ಸಿನಿಮಾಸ್ ಚಿತ್ರಮಂದಿರದಲ್ಲಿ ಪೈಲ್ವಾನ್ ಚಿತ್ರದ ಗಳಿಕೆ 31 ಲಕ್ಷ. ಇದು ಅವರ ಥಿಯೇಟರಿನಲ್ಲಿ ಮಾತ್ರವೇ ಆದ ಕಲೆಕ್ಷನ್ ವಿವರ.

ಚಿತ್ರಕ್ಕೆ ಮೊದಲು ನಡೆಯುವ ಪ್ರಚಾರ ಮೊದಲ ಶೋಗಳಿಗಷ್ಟೇ ಸೀಮಿತ. ನಂತರದ್ದೇನಿದ್ದರೂ ಬಾಯಿ ಮಾತಿನ ಪ್ರಚಾರದಲ್ಲಿಯೇ ನಡೆಯಬೇಕು. ಅಪಪ್ರಚಾರದಿಂದ ಯಾವುದೇ ಚಿತ್ರವನ್ನು ಸೋಲಿಸಲು ಸಾಧ್ಯವಿಲ್ಲ. ಚಿತ್ರ ಚೆನ್ನಾಗಿದ್ದರೆ ಹೀರೋ ಯಾರೇ ಆಗಿದ್ದರೂ ಪ್ರೇಕ್ಷಕ ಪ್ರಭು ಕೈಬಿಡಲ್ಲ ಎಂದಿರುವ ಚಂದ್ರಶೇಖರ್, ಪ್ರೇಕ್ಷಕರನ್ನು ಚಿತ್ರಮಂದಿರದಿಂದ ದೂರ ತಳ್ಳುವ ಇಂತಹ ಕುತಂತ್ರಗಳನ್ನು ಕೈಬಿಡಿ, ಇದು ಚಿತ್ರರಂಗಕ್ಕೆ ಮತ್ತು ಕನ್ನಡಕ್ಕೆ ಒಳ್ಳೆಯದಲ್ಲ ಎಂದು ಮನವಿ ಮಾಡಿದ್ದಾರೆ.

 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery