` ಅಮ್ಮನ ಮನೆಯಲ್ಲಿ ರಾಘಣ್ಣನನ್ನೇ ನೋಡಿಕೊಂಡು ನಟಿಸಿದ ಅಮ್ಮ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ammana mane specialty
Ammana Mane

ಅಮ್ಮನ ಮನೆ ಚಿತ್ರದಲ್ಲಿ ರಾಘವೇಂದ್ರ ರಾಜ್‍ಕುಮಾರ್ ಪಿಟಿ ಮಾಸ್ಟರ್ ಆಗಿ ನಟಿಸಿದ್ದಾರೆ. ಹೆಸರು ರಾಜೀವ. ಅದು ಬಂಗಾರದ ಮನುಷ್ಯ ಚಿತ್ರದಲ್ಲಿನ ರಾಜ್‍ಕುಮಾರ್ ಪಾತ್ರದ ಹೆಸರು ಅನ್ನೋದು ಕನ್ನಡಿಗರಿಗೆ ಗೊತ್ತು. ಆದರೆ, ಅದೆಲ್ಲಕ್ಕಿಂತ ಡಿಫರೆಂಟ್ ಎನ್ನಿಸಿರುವುದು, ದೈವಲೀಲೆ ಎನ್ನಿಸಿರುವುದು ಚಿತ್ರದ ಕಥೆಯಲ್ಲಿರುವ ಎರಡು ಪಾತ್ರಗಳು.

ಅಮ್ಮನ ಮನೆ ಚಿತ್ರದಲ್ಲಿ ರಾಘವೇಂದ್ರ ರಾಜ್‍ಕುಮಾರ್, ತಾಯಿಯನ್ನು ಆರೈಕೆ ಮಾಡುವ ಮಗ. ತಾಯಿಯಾಗಿ ನಟಿಸಿರುವ ರೋಹಿಣಿ ರಿಯಲ್ ಲೈಫ್‍ನಲ್ಲಿ ರಾಘಣ್ಣನಿಗಿಂತ 16 ವರ್ಷ ಚಿಕ್ಕವರು. ಅದಕ್ಕಿಂತ ವಿಶೇಷವೆಂದರೆ ಚಿತ್ರದಲ್ಲಿ ತಾಯಿಗೆ ಸ್ಟ್ರೋಕ್ ಆಗಿರುತ್ತೆ. ರಿಯಲ್ ಲೈಫ್‍ನಲ್ಲಿ ರೋಹಿಣಿಗೆ ಸ್ಟ್ರೋಕ್ ಏನೂ ಹೊಡೆದಿಲ್ಲ. ಆದರೆ, ಆಕೆಯನ್ನು ಆರೈಕೆ ಮಾಡುವ ಮಗ ರಾಘಣ್ಣಂಗೆ ರಿಯಲ್ ಲೈಫ್‍ನಲ್ಲಿ ಸ್ಟ್ರೋಕ್ ಹೊಡೆದಿತ್ತು. ರಿಯಲ್ ಲೈಫ್‍ನಲ್ಲಿ ತಾಯಿಯನ್ನು ಕಳೆದುಕೊಂಡ 6 ತಿಂಗಳ ನಂತರ ಸಿಕ್ಕ ಚಾನ್ಸ್ ಅಮ್ಮನ ಮನೆ.

ಹೀಗೆ ವಿಸ್ಮಯ ಹುಟ್ಟಿಸುವ ಕಥೆಯ ದೃಶ್ಯಗಳಲ್ಲಿ ರೋಹಿಣಿಗೆ ರಾಘಣ್ಣನೇ ರೋಲ್‍ಮಾಡೆಲ್. ಕಾರಣ ಇಷ್ಟೆ, ಸ್ಟ್ರೋಕ್ ಹೊಡೆದು ಚೇತರಿಸಿಕೊಂಡವರು ಹೇಗಿರುತ್ತಾರೆ ಅನ್ನೋದನ್ನು ರೋಹಿಣಿ, ರಾಘವೇಂದ್ರ ರಾಜ್‍ಕುಮಾರ್ ಅವರನ್ನೇ ನೋಡಿಕೊಂಡು ಅಭಿನಯಿಸಿದ್ರಂತೆ. ನಿಖಿಲ್ ಮಂಜು ನಿರ್ದೇಶನದ ಅಮ್ಮನ ಮನೆ ರಿಲೀಸ್‍ಗೆ ರೆಡಿಯಾಗಿದೆ. 

Kurukshetra Celebrity Show Gallery

Rightbanner02_gimmick_inside

Nanna Prakara Movie Images