` 100  ದಾಟಿದ ಅರ್ಜುನ್ ಜನ್ಯಾ, ಥ್ಯಾಂಕ್ಸ್ ಹೇಳಿದ್ದು ಕಿಚ್ಚನಿಗೆ..! - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
arjun janya bats century
Arjun Janya

ಆಟೋಗ್ರಾಫ್ ಪ್ಲೀಸ್ ಚಿತ್ರದ ಮೂಲಕ ಸಂಗೀತ ನಿರ್ದೇಶಕರಾದ ಅರ್ಜುನ್ ಜನ್ಯಾ, ಸೆಂಚುರಿ ಹೊಡೆದಿದ್ದಾರೆ. ಗಣೇಶ್-ಭಾವನಾ-ಪ್ರೀತಂ ಗುಬ್ಬಿ-ರಾಮು ಕಾಂಬಿನೇಷನ್‍ನ 99 ಚಿತ್ರವೇ, ಅರ್ಜುನ್ ಜನ್ಯ ಅವರ 100ನೇ ಸಿನಿಮಾ.

ಅರ್ಜುನ್ ಜನ್ಯಾ 100 ಚಿತ್ರ ಪೂರೈಸಿದ್ದಕ್ಕೆ ಚಿತ್ರರಂಗದ ಗಣ್ಯರಿಂದ ಮೆಚ್ಚುಗೆ, ಶುಭಾಶಯಗಳ ಸುರಿಮಳೆಯಾಗಿದೆ.  ಅದರಲ್ಲೂ ವಿಶೇಷವಾಗಿ ಕಿಚ್ಚ ಸುದೀಪ್. ನಿಮ್ಮ ಈ ಸಾಧನೆಯ ಹಾದಿಯಲ್ಲಿ ನಾನೂ ಒಂದು ಭಾಗವಾಗಿದ್ದೆ ಎನ್ನುವುದೇ ನನಗೊಂದು ಹೆಮ್ಮೆ ಎಂದಿದ್ದಾರೆ ಸುದೀಪ್. ಅದಕ್ಕೆ ಅರ್ಜುನ್ ಜನ್ಯಾ ಪ್ರತಿಕ್ರಿಯೆ ನೋಡಿ..

`ನಿಮ್ಮ ಬೆಂಬಲವಿಲ್ಲದೇ ಹೋಗಿದ್ದರೆ, ಇವತ್ತು ನಾನು ಏನೇನೂ ಅಲ್ಲ ಸರ್. ನೀವು ನನ್ನ ಗಾಡ್‍ಫಾದರ್, ಗುರು, ಮಾರ್ಗದರ್ಶಕ.. ಎಲ್ಲವೂ. ನನ್ನ ಈ ಪುಟ್ಟ ಸಾಧನೆ, ನಿಮಗೆ ಅರ್ಪಣೆ' ಎಂದಿದ್ದಾರೆ ಅರ್ಜುನ್ ಜನ್ಯಾ.

ಅದಕ್ಕೆ ಕಾರಣವೂ ಇದೆ. ಅರ್ಜುನ್ ಜನ್ಯಾ ಆರಂಭದ ದಿನಗಳಲ್ಲಿ ಸಂಗೀತ ನೀಡಿದ ಚಿತ್ರಗಳ ಹಾಡುಗಳೆಲ್ಲ ಸೂಪರ್ ಹಿಟ್. ಪಟ್ರೆ ಲವ್ಸ್ ಪದ್ಮ, ಧಿಮಾಕು, ಸ್ಲಂ ಬಾಲ, ಬಿರುಗಾಳಿ, ಜುಗಾರಿ, ಸಂಚಾರಿ.. ಹೀಗೆ.. ಆದರೆ ಸಿನಿಮಾ ಫ್ಲಾಪ್. ಹೀಗಾಗಿ ಅನ್‍ಲಕ್ಕಿ ಹಣೆಪಟ್ಟಿ ಹೊತ್ತುಕೊಂಡಿದ್ದ ಅರ್ಜುನ್ ಜನ್ಯಾಗೆ ಸ್ಟಾರ್ ಚಿತ್ರಗಳ ಚಾನ್ಸ್ ಸಿಕ್ಕಿರಲಿಲ್ಲ. ಹಾಗಿದ್ದ ವೇಳೆಯಲ್ಲಿ ಅರ್ಜುನ್ ಜನ್ಯಾ ಮೇಲೆ ಭರವಸೆ ಇಟ್ಟು ಅವಕಾಶ ನೀಡಿದವರು ಸುದೀಪ್. ಕೆಂಪೇಗೌಡ ಚಿತ್ರದಿಂದ ಅರ್ಜುನ್ ಜನ್ಯಾ ಸ್ಟಾರ್ ಮ್ಯೂಸಿಕ್ ಡೈರೆಕ್ಟರ್ ಆದರು. ಈಗ 100 ದಾಟಿದ್ದಾರೆ. ಬೆಸ್ಟ್ ಆಫ್ ಲಕ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery