` ನಳ ನಳಮಹಾರಾಜನ ದಮಯಂತಿ ಹೇಳಿದ ಕಥೆ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
arohi narayan in bheemasena nalamaharaja
Arohi Narayan Image

ಆರೋಹಿ ನಾರಾಯಣ್. ದೃಶ್ಯ ಚಿತ್ರದಲ್ಲಿ ರವಿಚಂದ್ರನ್ ಮಗಳಾಗಿ ನಟಿಸಿದ್ದ ಮುದ್ದು ಹುಡುಗಿ. ಹೆಚ್ಚೂ ಕಮ್ಮಿ 3 ವರ್ಷಗಳ ನಂತರ ಮತ್ತೊಮ್ಮೆ ತೆರೆಗೆ ಬರುತ್ತಿದ್ದಾರೆ. 2 ವರ್ಷದ ಬ್ರೇಕ್, ಒಂದು ಸರ್ಜರಿಯಿಂದಾಗಿ ಚಿತ್ರರಂಗದಿಂದ ದೂರವಿದ್ದೆ ಎನ್ನವ ಆರೋಹಿ, ಭೀಮಸೇನ ನಳಮಹಾರಾಜ ಚಿತ್ರದ ನಾಯಕಿ.

ಅಪೂರ್ವದಲ್ಲಿ ಅಪ್ಪನ ಮುದ್ದಿನ ಮಗಳಾಗಿ, ಹೆದರುವ ಹುಡುಗಿಯಾಗಿ ನಟಿಸಿದ್ದ ಅಪೂರ್ವಗೆ, ನಳಮಹಾರಾಜನಲ್ಲಿ.. ಟಾಮ್ ಬಾಯ್ ಗರ್ಲ್ ಪಾತ್ರ. ಬ್ರಾಹ್ಮಣರ ಹುಡುಗಿ, ಟಿಪಿಕಲ್ ಸೂತ್ರಗಳ ಆಚೆ ನಿಂತು ಬದುಕುವ ಧೈರ್ಯವಂತ ಹುಡುಗಿಯ ಪಾತ್ರ. ಹೀಗಾಗಿ ನನಗೂ ಇದು ಚಾಲೆಂಜ್. ನಿಜ ಜೀವನದಲ್ಲಿ ಅಪ್ಪಟ ಸಸ್ಯಾಹಾರಿಯಾದ ನಾನು, ಸಿನಿಮಾದಲ್ಲಿ ನಾನ್‍ವೆಜ್ ತಿನ್ನುವ ದೃಶ್ಯದಲ್ಲೂ ನಟಿಸಿದ್ದೇನೆ ಎಂದು ಹೇಳಿಕೊಳ್ತಾರೆ ಆರೋಹಿ.

ಆರೋಹಿಗೆ ಇಷ್ಟವಾಗಿರೋದು ಪ್ರೊಡಕ್ಷನ್ ಹೌಸ್‍ನಲ್ಲಿ ಅವರನ್ನು ನೋಡಿಕೊಳ್ಳುತ್ತಿರುವ ಚಿತ್ರತಂಡದವರ ವರ್ತನೆ. ಹೆಣ್ಣು ಮಕ್ಕಳನ್ನು ಯಾವ ರೀತಿ ಗೌರವಿಸಬೇಕು, ಹೇಗೆ ನೋಡಿಕೊಳ್ಳಬೇಕು ಎಂದು ನನಗೆ ತೋರಿಸಿಕೊಟ್ಟ ಸಿನಿಮಾ ಇದು. ಒಂದು ದಿನವೂ ನನಗೆ ಕಿರಿಕಿರಿಯಾಗಲಿಲ್ಲ ಎಂದು ಖುಷಿಯಾಗಿ ಹೇಳಿಕೊಳ್ತಾರೆ ಆರೋಹಿ. ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ, ರಕ್ಷಿತ್ ಶೆಟ್ಟಿ, ಹೇಮಂತ್ ರಾವ್, ನಿರ್ದೇಶಕ ಕಾರ್ತಿಕ್ ಸರಗೂರು.. ಅವರ ಕನಸಿನ ಸಿನಿಮಾ ಇದು. ಹೀಗಾಗಿ ನನಗೂ ನಿರೀಕ್ಷೆ ಇದೆ ಎಂದು ಕನಸು ಬಿಚ್ಚಿಡ್ತಾರೆ ಆರೋಹಿ.

Geetha Movie Gallery

Adhyaksha In America Audio Release Images