` ಕೈಯ್ಯಲ್ಲಿ ಪೀಪಿ, ಕುರುಚಲು ಗಡ್ಡ.. ಏನಿದು ರಾಘಣ್ಣ..? - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
raghavendra rajkumar returns with ammana mane
Ammana Mane Movie Image

ಮೈಮುಚ್ಚುವ ಶರಟು, ಮೇಲೊಂದು ಹಾಫ್ ಸ್ವೆಟರ್, ಕೈಯ್ಯಲ್ಲಿ ಪೀಪಿ, ಅರ್ಧಂಬರ್ಧ ಬೆಳ್ಳಗಾಗಿರುವ ತಲೆ ಕೂದಲು, ಕುರುಚಲು ಗಡ್ಡ.. ಕೈಲೊಂದು ಪಿಟಿ ಮಾಸ್ಟರ್ ಊದುವಂತಹ ಪೀಪಿ.. ಇದು ರಾಘವೇಂದ್ರ ರಾಜ್‍ಕುಮಾರ್. ಇದು ಅಮ್ಮನ ಮನೆ ಚಿತ್ರದಲ್ಲಿನ ರಾಘವೇಂದ್ರ ರಾಜ್‍ಕುಮಾರ್ ಫಸ್ಟ್‍ಲುಕ್.

ನಿಖಿಲ್ ಮಂಜು ನಿರ್ದೇಶನದ ಚಿತ್ರದಲ್ಲಿ ರಾಘವೇಂದ್ರ ರಾಜ್‍ಕುಮಾರ್, 14 ವರ್ಷಗಳ ನಂತರ ಬಣ್ಣ ಹಚ್ಚುತ್ತಿದ್ದಾರೆ. ಪಕ್ಕದ್ಮನೆ ಹುಡುಗಿ ಚಿತ್ರದ ನಂತರ ರಾಘವೇಂದ್ರ ರಾಜ್‍ಕುಮಾರ್, ಯಾವುದೇ ಚಿತ್ರದಲ್ಲಿ ನಟಿಸಿರಲಿಲ್ಲ. ಆತ್ಮಶ್ರೀ ಮುತ್ತು, ಆರ್.ಎಸ್.ಕುಮಾರ್ ನಿರ್ಮಾಣದ ಚಿತ್ರಕ್ಕೆ ಶ್ರೀಲಲಿತೆ ಚಿತ್ರಕಥೆ ಬರೆದಿದ್ದಾರೆ.

ಜೀವನದಲ್ಲಿ ಎದುರಾಗುವ ಪ್ರತಿಯೊಂದು ಸಂಕಷ್ಟಗಳನ್ನೂ ಆತ್ಮವಿಶ್ವಾಸದಿಂದ ಎದುರಿಸಿ ಗೆಲ್ಲುವ ಪಾತ್ರ ರಾಘವೇಂದ್ರ ರಾಜ್‍ಕುಮಾರ್ ಅವರದು ಎನ್ನುತ್ತಾರೆ ನಿಖಿಲ್ ಮಂಜು. ಅವರ ಪ್ರಕಾರ, ರಾಘಣ್ಣನ ರಿಯಲ್ ಲೈಫ್‍ಗೂ, ಚಿತ್ರದಲ್ಲಿನ ಅವರ ಪಾತ್ರಕ್ಕೂ ತುಂಬಾ ಹೋಲಿಕೆಗಳಿವೆ. ಅದರಲ್ಲೂ ರಾಘಣ್ಣನ ಆತ್ಮವಿಶ್ವಾಸ ಸ್ವತಃ ನಿಖಿಲ್ ಅವರಿಗೂ ಸ್ಫೂರ್ತಿ ತುಂಬುತ್ತಂತೆ. ಅದು ಇತರರಿಗೆ ಪ್ರೇರಣೆಯಾಗಬಲ್ಲ ಎನ್ನುವುದು ನಿಖಿಲ್ ಮಂಜು ವಿವರಣೆ.

ಆಗಸ್ಟ್ 15ರಂದು ಚಿತ್ರಕ್ಕೆ ಮುಹೂರ್ತ. ಅದು ರಾಘವೇಂದ್ರ ರಾಜ್‍ಕುಮಾರ್ ಹುಟ್ಟುಹಬ್ಬದ ದಿನವೂ ಹೌದು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery