` ಅಣ್ಣಾವ್ರನ್ನು ನೆನಪಿಸಿತು ದಿ ವಿಲನ್ 2ನೇ ಸಾಂಗ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
the villain's second song
The Villain

ದಿ ವಿಲನ್ ಚಿತ್ರದ ಎರಡನೇ ಹಾಡನ್ನು ಪ್ರೇಮ್ ಹೊರಬಿಟ್ಟಿದ್ದಾರೆ. ನಿನ್ನೆ ಮೊನ್ನೆ ಬಂದೋರೆಲ್ಲ ನಂಬರ್ ಒನ್ ಅಂತಾರೆ ಹಾಡಿನಲ್ಲಿ ಮ್ಯಾಜಿಕ್ ಸೃಷ್ಟಿಸಿದ್ದ ಪ್ರೇಮ್, 2ನೇ ಹಾಡಿನಲ್ಲೂ ಮೋಡಿ ಮಾಡಿದ್ದಾರೆ. 2ನೇ ಹಾಡು ಅಣ್ಣಾವ್ರನ್ನು ನೆನಪಿಸುತ್ತಿರುವುದು ವಿಶೇಷ.

ನಾನ್ ಸೈಲೆಂಟ್ ಆಗಿದ್ರೆ ರಾಮ.. ವಯೊಲೆಂಟ್ ಆದ್ನೋ.. ರಾವಣ.. ಎಂದು ಶುರುವಾಗುತ್ತೆ ಈ ಹಾಡು. ಅಣ್ಣಾ ನನ್ನ ಊರು.. ಅಣ್ಣಾ ನನ್ನ ಹೆಸರು.. ಅಣ್ಣಾ ನಾನು ಕೆಂಚನಳ್ಳಿ ಕೆಂಚ ಕಣಣ್ಣೊ.. ಎಂದು ಮುಂದುವರೆಯುತ್ತೆ. ನಂತರ ಬರುವ ಸಾಹಿತ್ಯವೇ ಇಫ್ ಯೂ ಕಂ ಟುಡೇ.. ಆ್ಯಮ್ ಸೋ ಹ್ಯಾಪಿ.. ಇಫ್ ಯೂ ಕಮ್ ಟುಮಾರೋ.. ಆ್ಯಮ್ ಟೂ ಬ್ಯಾಡ್.. ಯು ಪಿಕ್ ದ ಟೈಮ್.. ಟಿಕ್ ಟಿಕ್ ಟಿಕ್.. ಟಿಕ್ ಟಿಕ್ ಟಿಕ್ ಟಿಕ್.. ಟಿಕ್ 

ಆಪರೇಷನ್ ಡೈಮಂಡ್ ರಾಕೆಟ್ ಚಿತ್ರದ ಹಾಡು ನೆನಪಾಯ್ತಾ..? ಅಣ್ಣಾವ್ರು ಓದಿದ್ದು 2ನೇ ಕ್ಲಾಸ್ ಆಗಿದ್ದರೂ, ಆ ಇಂಗ್ಲಿಷ್ ಹಾಡನ್ನ ಎಷ್ಟು ಅದ್ಭುತವಾಗಿ ಹಾಡಿದ್ದರು ಎಂದರೆ, ಯಾರೋ ವಿದೇಶಿ ಹಾಡುಗಾರನೇ ಹಾಡಿರಬೇಕು ಎನ್ನಿಸುವ ಹಾಗಿತ್ತು. ವಿದೇಶಿ ಇಂಗ್ಲಿಷರ ಆಕ್ಸೆಂಟ್‍ನಲ್ಲೇ ಹಾಡಿದ್ದ ಹಾಡು, ಮೋಡಿಯನ್ನೇ ಮಾಡಿತ್ತು. ಈಗ ಅರ್ಜುನ್ ಜನ್ಯ, ಆ ಹಾಡಿನ ಪಲ್ಲವಿಯನ್ನು ತಮ್ಮ ಹಾಡಿನಲ್ಲಿ ಮಿಕ್ಸ್ ಮಾಡಿದ್ದಾರೆ. ಹಾಡು ಅದ್ಬುತವಾಗಿದೆ.

ಅಂದಹಾಗೆ ಇದು ಒಂದೇ ಹಾಡು. ಆದರೆ, ಈ ಒಂದೇ ಹಾಡಿಗೆ ನಾಲ್ವರು ಗಾಯಕರು ಧ್ವನಿ ನೀಡಿದ್ದಾರೆ. ವಿಜಯ್ ಪ್ರಕಾಶ್, ಕೈಲಾಶ್ ಕೇರ್, ಸಿದ್ದಾರ್ಥ ಬಸ್ರೂರು ಹಾಗೂ ಜೋಗಿ ಪ್ರೇಮ್ ಈ ಹಾಡು ಹಾಡಿದ್ದಾರೆ. 2ನೇ ಹಾಡನ್ನು ಕಂಠೀರವ ಸ್ಟುಡಿಯೋದಲ್ಲಿ ಬಿಡುಗಡೆ ಮಾಡಿರುವ ಪ್ರೇಮ್, ಮುಂದಿನ ಗೀತೆಗಳನ್ನು ಹುಬ್ಬಳ್ಳಿ, ದುಬೈನಲ್ಲಿ ರಿಲೀಸ್ ಮಾಡುವ ಆಲೋಚನೆಯಲ್ಲಿದ್ದಾರೆ. ಅದ್ಧೂರಿಯಾಗಿ ಮಾಡೋಕೆ ಬೆನ್ನಿಗೆ ನಿಂತಿರೋದು ನಿರ್ಮಾಪಕ ಸಿ.ಆರ್.ಮನೋಹರ್.

ಈ ಹಾಡು ಕೇಳಿದರೆ, ಬಹುಶಃ ಈ ಹಾಡನ್ನು ಶಿವರಾಜ್ ಕುಮಾರ್ ಮೇಲೆಯೇ ಚಿತ್ರೀಕರಿಸಿದ ಹಾಗಿದೆ. ಆದರೆ, ಪ್ರೇಮ್ ಡೈರೆಕ್ಷನ್ ಮೂವಿ. ಕುತೂಹಲದಿಂದ ಕಾಯಲೇಬೇಕು.

Adhyaksha In America Success Meet Gallery

Ellidhe Illitanaka Movie Gallery