` ಚುಟು ಚುಟು ಆಶಿಕಾಗೆ ಅಪ್ಪು ಅವಾರ್ಡ್ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
ashika ranganath gets appu award
Ashika Ranganath Image

ರ್ಯಾಂಬೋ 2 ಸಿನಿಮಾ ಸೂಪರ್ ಹಿಟ್ ಆಗಿದೆ. 50ನೇ ದಿನದತ್ತ ಚುಟುಚುಟು ಅಂತಾನೇ ಮುನ್ನುಗ್ಗುತ್ತಿದೆ. ಅಮೆರಿಕದಲ್ಲೂ ಭರ್ಜರಿ ಸದ್ದು ಮಾಡೋಕೆ ಹೊರಟಿದೆ. ಹೀಗಿರುವಾಗಲೇ ಚಿತ್ರದ ಹೀರೋಯಿನ್ ಆಶಿಕಾ ರಂಗನಾಥ್‍ಗೆ ದೊಡ್ಡದೊಂದು ಪ್ರಶಸ್ತಿಯೂ ಸಿಕ್ಕಿದೆ. ಅದು ಅಪ್ಪು ಅವಾರ್ಡ್.

ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ಸಿಕ್ಕಿದ್ದ ಪುನೀತ್ ರಾಜ್‍ಕುಮಾರ್, ಚುಟುಚುಟು ಹಾಡಿನಲ್ಲಿ ಆಶಿಕಾ ರಂಗನಾಥ್ ಅವರ ಡ್ಯಾನ್ಸ್‍ನ್ನು ಹೊಗಳಿದರಂತೆ. ಚುಟುಚುಟು ಹಾಡಿನಲ್ಲಿ ಅದ್ಭುತ ಡ್ಯಾನ್ಸ್ ಮಾಡಿದ್ದೀರ, ನಟನೆಯೂ ಚೆನ್ನಾಗಿದೆ. ನಿಮ್ಮ ಡ್ಯಾನ್ಸ್‍ನಲ್ಲಿ ಸಖತ್ ಎನರ್ಜಿ ಇದೆ ಎಂದು ಬೆನ್ನು ತಟ್ಟಿದ್ದಾರೆ ಅಪ್ಪು.

ಚಿಕ್ಕಂದಿನಿಂದ ಅಪ್ಪು ಸಿನಿಮಾ, ಅವರ ಡ್ಯಾನ್ಸ್ ನೋಡಿಕೊಂಡೇ ಬೆಳೆದ ನನಗೆ ಈಗ ಅಪ್ಪು ಅವರಿಂದಲೇ ಮೆಚ್ಚುಗೆ ಸಿಕ್ಕಿರುವುದು ದೊಡ್ಡ ಪ್ರಶಸ್ತಿಯೇ ಸಿಕ್ಕಂತಾಗಿದೆ. ಕನ್ನಡದಲ್ಲಿ ಡ್ಯಾನ್ಸ್ ಅಂದ್ರೆ ಅಪ್ಪು, ಅಂಥಾದ್ದರಲ್ಲಿ ಅವರಿಗೇ ಇಷ್ಟವಾಯ್ತು ಅಂದ್ರೆ, ಅದಕ್ಕಿಂತ ದೊಡ್ಡ ಪ್ರಶಸ್ತಿ ಇನ್ನೇನಿದೆ.. ಚುಟುಚುಟು ಅಂತೈತಿ.. ಚುಮುಚುಮು ಆಗ್ತೈತಿ..