` ಅಮ್ಮನನ್ನು ಪ್ರೀತಿಸ್ತೀರಾ.. ಈ ಹಾಡು ಖಂಡಿತಾ ಇಷ್ಟವಾಗುತ್ತೆ...!  - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
heart touching song on mother's
Amma Song From Amma I Love You Movie

ಮಕ್ಕಳ ಪ್ರೀತಿ ತಾಯಿಯ ಮೇಲೆ ಒಂಚೂರು ಜಾಸ್ತಿನೇ ಇರುತ್ತೆ. ತಾಯಿಯ ತ್ಯಾಗ,ಪ್ರೀತಿ, ಮಮತೆ, ವಾತ್ಸಲ್ಯ ಬಣ್ಣಿಸುವ ಸಾವಿರಾರು ಗೀತೆಗಳಿವೆ. ಒಂದೊಂದು ಹಾಡು ಅಮೂಲ್ಯವೇ. ಚೌಕ ಚಿತ್ರದಲ್ಲಿ ಅಪ್ಪನನ್ನು ಪ್ರೀತಿಸುವ ಮಕ್ಕಳಿಗಾಗಿ ಅಪ್ಪ ಐ ಲವ್ ಯೂ ಪಾ.. ಹಾಡು ಕೊಟ್ಟಿದ್ದ ದ್ವಾರಕೀಶ್ ಸಂಸ್ಥೆ, ಈಗ ಅಮ್ಮ ಐ ಲವ್ ಯೂ ಚಿತ್ರದಲ್ಲಿ ಅಮ್ಮನನ್ನು ಪ್ರೀತಿಸುವವರಿಗಾಗಿ ಅದ್ಭುತ ಹಾಡು ಕೊಟ್ಟಿದೆ.

ಅಮ್ಮಾ.. ನನ್ನ ಈ ಜನುಮಾ..

ನಿನ್ನಾ.. ವರದಾನವಮ್ಮಾ..

ಅಮ್ಮಾ.. ನಿನಗ್ಯಾರು ಸಮ..

ನನ್ನ ಜಗ ನೀನೇ ಅಮ್ಮಾ..

ನಿನ್ನ ಆ ಲಾಲಿ ಪದ

ನನ್ನ ಒಳಗೆ ಸದಾ..

ನಿನದೇ ಮಿಡಿದಿದೆ ಅಮ್ಮಾ..

ಗುಡಿಯ ಹಂಗಿರದ

ಕೀರ್ತನೆ ಬೇಕಿರದ

ನಡೆವಾ ದೈವವೇ ಅಮ್ಮಾ..

ಹೀಗೆ ಶುರುವಾಗುವ ಹಾಡು ಚರಣದಲ್ಲಿ ಕಣ್ಣೀರು ಜಿನುಗುವಂತೆ ಮಾಡುತ್ತೆ. ಅಮ್ಮನ ಕೈತುತ್ತು ನೆನಪಿಸುತ್ತೆ.

ನಿನ್ನ ಒಂದು ಕೈ ತುತ್ತೂ ಸಾಕು..

ಈ ಜನ್ಮ ಪೂರ್ತಿ ಉಪವಾಸ ಇರುವೆನು..

ನಿನ್ನ ಒಂದು ಅಪ್ಪುಗೆಯೂ ಸಾಕು

ಆ ನೆನಪಿನಲ್ಲೇ ಸೆರೆವಾಸ ಇರುವೆನೂ..

ನೀನೆ ನನ್ನ ಲೋಕವೂ.. ನೀನೆ ನನ್ನ ಜೀವವೂ..

ನೀನೆ ನನಗೆ ಎಲ್ಲವೂ..

ಅಮ್ಮಾ...

ಅಂದಹಾಗೆ ಈ ಹಾಡಿಗೆ ಸಾಹಿತ್ಯ ಬರೆದಿರುವದು ನಾಗೇಂದ್ರ ಪ್ರಸಾದ್. ಸಂಗೀತ ಗುರುಕಿರಣ್. ದ್ವಾರಕೀಶ್ ಪಿಕ್ಚರ್ಸ್ ಲಾಂಛನದ ಚಿತ್ರಕ್ಕೆ ಯೋಗಿ ದ್ವಾರಕೀಶ್ ನಿರ್ಮಾಪಕರಾದರೆ, ಆ ದಿನಗಳು, ಆಟಗಾರ.. ಖ್ಯಾತಿಯ ಚೈತನ್ಯ ನಿರ್ದೇಶಕ. ಚಿರಂಜೀವಿ ಸರ್ಜಾ ಮಗನಾಗಿದ್ದರೆ, ತಾಯಿಯಾಗಿರುವುದು ಹಾಲುಂಡ ತವರು ಸಿತಾರಾ.

ತಾಯಿ, ಮಗನ ಬಾಂಧವ್ಯವೇ ಚಿತ್ರದ ಕಥೆ. ಈ ಹಾಡನ್ನು ಹಾಡಿರುವುದು ಸಾಧುಕೋಕಿಲ. ಅದೂ ಸ್ವಾರಸ್ಯವೇ. ಹಾಡನ್ನು ಪುನೀತ್ ಅವರಿಗೆ ಕೇಳಿಸೊಕೆ ಎಂದು ಗುರುಕಿರಣ್ ಹೋಗಿದ್ದರಂತೆ. ಆಗ ಅಲ್ಲೇ ಇದ್ದ ಸಾಧುಕೋಕಿಲಾ, ಈ ಹಾಡನ್ನು ನಾನು ಹಾಡುತ್ತೇನೆ, ಇಷ್ಟವಾದರೆ ಇಟ್ಟುಕೊಳ್ಳಿ ಎಂದು ಕೇಳಿಕೊಂಡು ಹಾಡಿದ ಹಾಡು ಇದು. 

ಸ್ವತಃ ಒಬ್ಬ ಸಂಗೀತ ನಿರ್ದೇಶಕನ ಹೃದಯ ತಟ್ಟಿದ ಹಾಡು, ತಾಯಿಯನ್ನು ಪ್ರೀತಿಸುವ ಮಕ್ಕಳ ಹೃದಯ ತಟ್ಟೋದಿಲ್ವಾ.. ಅದು ಅಮ್ಮ ಐ ಲವ್ ಯೂ ಚಿತ್ರತಂಡದ ನಂಬಿಕೆ. ನಂಬಿಕೆ ಸುಳ್ಳಾಗಲ್ಲ. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery