` ಶಿವಣ್ಣಂಗೇ ಪಾಠ ಹೇಳಿಕೊಟ್ಟ ಕೆಂಡಸಂಪಿಗೆ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
tagaru movie image
Shivarajkumar, Manvitha Harish In Tagaru

ಶಿವರಾಜ್ ಕುಮಾರ್, 118 ಚಿತ್ರಗಳಲ್ಲಿ ನಟಿಸಿರುವ ಸ್ಯಾಂಡಲ್‍ವುಡ್ ಸೂಪರ್‍ಸ್ಟಾರ್. ಮಾನ್ವಿತಾ, ಇನ್ನೂ ಈಗಷ್ಟೇ ಚಿತ್ರರಂಗದಲ್ಲಿ ಕಣ್ಣು ಬಿಡುತ್ತಿರುವ ಪ್ರತಿಭೆ. ಅಂಥಾದ್ದರಲ್ಲಿ ಮಾನ್ವಿತಾ, ಶಿವ ರಾಜ್‍ಕುಮಾರ್‍ಗೆ ಮಾನ್ವಿತಾ ಏನು ಪಾಠ ಹೇಳಿಕೊಟ್ಟಿರಬಹದು..? ಕನ್‍ಫ್ಯೂಸ್ ಆಗಬೇಡಿ. ಶಿವ ರಾಜ್‍ಕುಮಾರ್‍ಗೆ ಮಾನ್ವಿತಾ ಸ್ನ್ಯಾಪ್‍ಶಾಟ್ ಮತ್ತು ಇನ್‍ಸ್ಟಾಗ್ರಾಂ ಬಳಕೆ ಹೇಳಿಕೊಟ್ಟಿದ್ದಾರಂತೆ. ಟಗರು ಚಿತ್ರದಲ್ಲಿ ಶಿವರಾಜ್‍ಕುಮಾರ್ ಜೊತೆ ನಟಿಸಿರುವ ಮಾನ್ವಿತಾ, ಶಿವಣ್ಣ ಅಂಥವನ್ನೆಲ್ಲ ಸಖತ್ ಎಂಜಾಯ್ ಮಾಡುತ್ತಿದ್ದರು ಎಂದಿದ್ದಾರೆ.

ಇನ್ನು ಶಿವ ರಾಜ್‍ಕುಮಾರ್ ಅವರಿಂದ ಶಿಸ್ತು ಮತ್ತು ಸಮಯಪಾಲನೆ ಕಲಿತೆ ಎಂದಿದ್ದಾರೆ ಮಾನ್ವಿತಾ. ಸಹಕಲಾವಿದರಿಗಾಗಿ ಅವರು ತಮ್ಮ ಶಾಟ್ ಇಲ್ಲದಿದ್ದರೂ ನಟಿಸುತ್ತಿದ್ದರು. ಅಷ್ಟು ದೊಡ್ಡ ಸ್ಟಾರ್‍ಗೆ ಅದು ಅಗತ್ಯವಿಲ್ಲ. ಆದರೆ, ಶಿವಣ್ಣ ಹಾಗಲ್ಲ. ಸಹಕಲಾವಿದರನ್ನು ಗೌರವಿಸಬೇಕು ಎಂಬುದನ್ನು ಶಿವಣ್ಣನವರಿಂದ ಕಲಿಯಬೇಕು. ಅದನ್ನು ನನ್ನ ಇಡೀ ಜೀವನದಲ್ಲಿ ಅಳವಡಿಸಿಕೊಳ್ತೇನೆ ಎಂದು ಹೇಳಿಕೊಂಡಿದ್ದಾರೆ ಮಾನ್ವಿತಾ.

ಚಿತ್ರದಲ್ಲಿ ನನ್ನ ಪಾತ್ರ ತುಂಬಾ ವಿಭಿನ್ನವಾಗಿದೆ. ಅಭಿನಯಕ್ಕೆ ಚಿತ್ರದಲ್ಲಿ ಬಹಳಷ್ಟು ಅವಕಾಶಗಳಿವೆ. ಚಿತ್ರಜೀವನದ ಆರಂಭದಲ್ಲೇ ಇಂಥಾ ಪಾತ್ರ ಸಿಕ್ಕಿದ್ದು ನನ್ನ ಭಾಗ್ಯ. ಜೊತೆಗೆ ಸೂರಿ ಸರ್ ಜೊತೆ ಮತ್ತೊಮ್ಮೆ ಕೆಲಸ ಮಾಡುವ ಅವಕಾಶ ಸಿಕ್ಕಿದೆ. ಚಿತ್ರದ ಬಗ್ಗೆ ನನಗೂ ಕುತೂಹಲವಿದೆ ಎಂದಿದ್ದಾರೆ ಮಾನ್ವಿತಾ. ಈ ಗುರುವಾರದಿಂದ ಟಗರು ಗುಮ್ಮೋಕೆ ಬರ್ತಾ ಇದೆ. 

Padarasa Movie Gallery

Kumari 21 Movie Gallery