` ದೀಪಕ್ ಕುಟುಂಬಕ್ಕೆ ಪ್ರಥಮ್‍ರಿಂದ ಪರಿಹಾರ, ಸಾಂತ್ವನ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
pratham meets deepak's mother and brother
Pratham visits Deepak's House

ರಾಜ್ಯಾದ್ಯಂತ ಹೊತ್ತಿ ಉರಿಯುತ್ತಿರುವುದು ಕೋಮು ಸಂಘರ್ಷ. ಕರಾವಳಿಯಂತೂ ಕೊತಕೊತನೆ ಕುದಿಯುತ್ತಿದೆ.  ದೀಪಕ್ ರಾವ್ ಕೋಮುವಾದಿ ಮುಸಲ್ಮಾನರ ದಾಳಿಗೆ ಬಲಿಯಾಗಿದ್ದರೆ, ಬಶೀರ್ ಎಂಬುವವರು ಹಿಂದೂ ಕೋಮುವಾದಿಗಳ ಅಟ್ಟಹಾಸಕ್ಕೆ ಜೀವಬಿಟ್ಟಿದ್ದಾರೆ. ಮೃತರ ನೆರವಿಗೆ ಧಾವಿಸಿರುವವರು ಸೌಹಾರ್ದದ ಮಾತನಾಡುತ್ತಿದ್ದಾರೆ. ಅದರಲ್ಲೂ ಪ್ರಥಮ್‍ಗೆ ಆನ್‍ಲೈನ್ ಅಭಿಯಾನದಲ್ಲಿ ನೆರವಿನ ಮಹಾಪೂರವೇ ಹರಿದುಬಂದಿದೆ. ಸರಿಸುಮಾರು 40 ಲಕ್ಷ ರೂ. ಹಣ ದಾನಿಗಳಿಂದಲೇ ಸಂಗ್ರಹವಾಗಿದೆ. ಸರ್ಕಾರದ ನೆರವನ್ನು ಹೊರತುಪಡಿಸಿ ಎನ್ನುವುದು ವಿಶೇಷ.

ಈ ನಡುವೆಯೇ ಬಿಗ್‍ಬಾಸ್ ಪ್ರಥಮ್ ಸದ್ದಿಲ್ಲದೆ ಮಂಗಳೂರಿಗೆ ಹೋಗಿ ಬಂದಿದ್ದಾರೆ. ಯಾವುದೇ ಪ್ರಚಾರವಿಲ್ಲದೆ ದೀಪಕ್ ರಾವ್ ಅವರ ಮನೆಗೆ ಹೋಗಿ ಸಾಂತ್ವನ ಹೇಳಿದ್ದಾರೆ. ನಿಮ್ಮ ನೆರವಿಗೆ, ಕುಟುಂಬಕ್ಕೆ ಆಸರೆಯಾಗಿ ನಾವಿದ್ದೇವೆ ಎಂದು ಭರವಸೆ ತುಂಬಿದ್ದಾರೆ. 25 ಸಾವಿರ ರೂ. ನಗದು ಹಾಗೂ 25 ಸಾವಿರ ರೂ. ಚೆಕ್‍ನ್ನು ನೀಡಿ ಬಂದಿದ್ದಾರೆ.

ಪ್ರಥಮ್ ಈ ರೀತಿಯ ನೆರವು ನೀಡುತ್ತಿರುವುದು ಇದೇ ಮೊದಲೇನೂ ಅಲ್ಲ. ಹಾಗೆಂದು ಪ್ರಥಮ್ ಕೋಟ್ಯಧಿಪತಿಯಲ್ಲ. ತನ್ನ ಬಳಿ ಇರುವ ಅಲ್ಪಸ್ವಲ್ಪ ಹಣವನ್ನೇ ನೊಂದವರಿಗೆ ನೀಡುವ ಕೆಲಸವನ್ನು ಮಾಡಿಕೊಂಡೇ ಬರುತ್ತಿದ್ದಾರೆ. 

Shivarjun Movie Gallery

KFCC 75Years Celebrations and Logo Launch Gallery