` ಸಮುದ್ರದ ನೀರಿನೊಳಗೆ ಗಣೇಶ್-ರಶ್ಮಿಕಾ ಚಮಕ್..! - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ganesh rashmika's under water duet
Ganesh, Rashmika Image

ಮಳೆಯಲ್ಲಿ ನೆನೆಯೋದು ಗಣೇಶ್ ಅವರ ಟ್ರೇಡ್‍ಮಾರ್ಕ್. ಆದರೆ, ಚಮಕ್ ಚಿತ್ರದಲ್ಲಿ ಗಣೇಶ್ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ, ಸಮುದ್ರದಲ್ಲೇ ಮುಳುಗಿಬಿಟ್ಟಿದ್ದಾರೆ. ರಶ್ಮಿಕಾ ಜೊತೆ.

ಇದು ಚಮಕ್ ಚಿತ್ರದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದು. ಸಿನಿಮಾದಲ್ಲಿ ಸ್ಕೂಬಾ ಡೈವಿಂಗ್ ದೃಶ್ಯವಿದೆ. ಮದುವೆಯಾದ ಮೇಲೆ ಹನಿಮೂನ್‍ಗೆ ಹೋಗುವ ಜೋಡಿ, ಸ್ಕೂಬಾ ಡೈವಿಂಗ್ ಮಾಡುವ ಸೀನ್ ಅದು. ಚಿತ್ರದಲ್ಲಿ ಅದು ಸುಮಾರು ಒಂದೂವರೆ ನಿಮಿಷ ಬರುತ್ತೆ. 

ಆ ಒಂದೂವರೆ ನಿಮಿಷದ ಸೀನ್‍ಗಾಗಿ ಒಂದೂವರೆ ದಿನ ಖರ್ಚು ಮಾಡಿ ಶೂಟ್ ಮಾಡಿರುವುದು ವಿಶೇಷ. ಅದನ್ನೇನೂ ಫಾರಿನ್‍ನಲ್ಲಿ ಶೂಟ್ ಮಾಡಿಲ್ಲ. ಮಲ್ಪೆ ಸಮೀಪದ ನೇತ್ರಾಣಿ ದ್ವೀಪದ ಬಳಿ ಅರ್ಧ ದಿನ ಗಣೇಶ್ ಹಾಗೂ ರಶ್ಮಿಕಾಗೆ ಪ್ರಾಕ್ಟೀಸ್ ಮಾಡಿಸಿ, ಮಾರನೇ ದಿನ ಶೂಟ್ ಮಾಡಲಾಗಿದೆ. ಅರ್ಧ ದಿನ ಶೂಟಿಂಗ್ ಆದರೆ, ಇನ್ನರ್ಧ ದಿನ ಇಡೀ ತಂಡದ ಖುಷಿಗೆ. 

ನೀರಿನೊಳಗೆ ಉಸಿರಾಡುವುದೇ ದೊಡ್ಡ ಚಾಲೆಂಜ್ ಎಂದು ಹೇಳಿಕೊಂಡಿದ್ದಾರೆ ಗಣೇಶ್ ಹಾಗೂ ರಶ್ಮಿಕಾ. ಸಿನಿಮಾ ಇದೇ ಡಿಸೆಂಬರ್ ಕೊನೆಯಲ್ಲಿ ಬಿಡುಗಡೆಯಾಗುವ ನಿರೀಕ್ಷೆ ಇದೆ. ಕ್ರಿಸ್ಟಲ್ ಪಾರ್ಕ್ ಬ್ಯಾನರ್‍ನಲ್ಲಿ ಚಂದ್ರಶೇಖರ್ ನಿರ್ಮಿಸಿರುವ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿರುವುದು ಸಿಂಪಲ್ ಸುನಿ. ಹ್ಞಾಂ.. ಅಲಮೇಲಮ್ಮ ಸುನಿ ಎಂದರೂ ತಪ್ಪಾಗಲಿಕ್ಕಿಲ್ಲ. ಇಬ್ಬರೂ ಒಬ್ಬರೇ. ಇದು ಚಮಕ್ ಅಷ್ಟೆ.

Johnny Johnny Yes Papa Movie Gallery

Rightbanner02_statement_inside

Dalapathi Movie Gallery