` ಕಿಚ್ಚ ಸುದೀಪ್ 5 ವರ್ಷ ಚಿಕ್ಕವರಾಗಿದ್ದಾರಂತೆ..! - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
big boss 5
Big Boss 5 Host Sudeep

ಕಿಚ್ಚ ಸುದೀಪ್ ಕನ್ನಡದ ಸ್ಮಾರ್ಟ್ ಹೀರೋ. ಅದನ್ನು ಅವರ ಮಹಿಳಾ ಅಭಿಮಾನಿಗಳಂತೂ ಇನ್ನೂ ಪ್ರೀತಿಯಿಂದ ಹೇಳ್ತಾರೆ. ಆದರೆ, ಈ ಬಾರಿ ಆ ಮಾತು ಹೇಳಿರೋದು ಬಿಗ್‍ಬಾಸ್ ಡೈರೆಕ್ಟರ್ ಪರಮೇಶ್ವರ್ ಗುಂಡ್ಕಲ್. ಬಿಗ್‍ಬಾಸ್ 5ನೇ ಆವೃತ್ತಿ ಆರಂಭಕ್ಕೆ ಕ್ಷಣಗಣನೆ ಶುರುವಾಗಿದೆ. ಈ ಆವೃತ್ತಿಯಲ್ಲಿ ಸುದೀಪ್ ಅವರ ಹೇರ್‍ಸ್ಟೈಲ್ ತುಂಬಾನೇ ಡಿಫರೆಂಟಾಗಿದೆಯಂತೆ. ಪ್ರತಿ ಆವೃತ್ತಿಗೂ ಸುದೀಪ್ ಭಿನ್ನ ಭಿನ್ನ ಗೆಟಪ್‍ಗಳಲ್ಲಿ ಕಾಣಿಸಿಕೊಳ್ತಾರೆ. ಈ ಬಾರಿಯ ಅವರ ಹೇರ್‍ಸ್ಟೈಲ್ ದಿ ಬೆಸ್ಟ್ ಎಂದಿದ್ದಾರೆ ಪರಮೇಶ್ವರ್ ಗುಂಡ್ಕಲ್.

ಬಿಗ್‍ಬಾಸ್ ನಿರ್ದೇಶಕರಿಗೆ ಇಷ್ಟವಾಗಿರೋದು ಸುದೀಪ್ ಅವರ ಕಮಿಟ್‍ಮೆಂಟ್. ಸ್ಯಾಂಡಲ್‍ವುಡ್, ಬಾಲಿವುಡ್, ಕಾಲಿವುಡ್, ಟಾಲಿವುಡ್, ಹಾಲಿವುಡ್‍ಗಳಲ್ಲಿ ಏಕಕಾಲಕ್ಕೆ ಬ್ಯುಸಿಯಾಗಿರುವ ಸುದೀಪ್, ಬಿಗ್‍ಬಾಸ್‍ಗೆ ಪ್ರತಿ ವಾರದ ಶನಿವಾರ ಡೇಟ್ಸ್ ಕೊಟ್ಟಿದ್ದಾರೆ. ಶನಿವಾರ ರೆಕಾರ್ಡಿಂಗ್ ಎಂದರೆ, ಹಿಂದಿನ ರಾತ್ರಿ ನಿದ್ದೆಗೆಡಲೇಬೇಕು. ಬಿಗ್‍ಬಾಸ್‍ನ ಎಲ್ಲ ಎಪಿಸೋಡ್‍ಗಳನ್ನೂ ನೋಡಬೇಕು. ನಂತರ ರೆಕಾರ್ಡಿಂಗ್. ಅದನ್ನು ಸ್ಕ್ರೀನ್ ಮೇಲೆ ಎಲ್ಲಿಯೂ ಕಾಣಿಸದಂತೆ ನೋಡಿಕೊಳ್ಳುವುದು ಸುದೀಪ್ ಅವರ ಗುಣ.

ಸುದೀಪ್ ಎತ್ತರದ ನಟ. 6.2 ಅಡಿ ಎತ್ತರದ ಸುದೀಪ್‍ಗೆ ಅದ್ಭುತವಾದ ಧ್ವನಿಯೂ ಇದೆ. ಆಟಗಾರ, ಗಾಯಕ, ನಿರ್ದೇಶಕ..ಎಲ್ಲಕ್ಕಿಂತ ಮಿಗಿಲಾಗಿ ಅಪರೂಪದ ವ್ಯಕ್ತಿತ್ವ. ಅವರ ಜೊತೆ ಕೆಲಸ ಮಾಡುವುದು ಖುಷಿ ಎಂದಿದ್ದಾರೆ ಪರಮೇಶ್ವರ್ ಗುಂಡ್ಕಲ್.

ಎಲ್ಲ ಓಕೆ.. ಸುದೀಪ್ ಇನ್ನೂ 5 ವರ್ಷ ಚಿಕ್ಕವರಾದ್ರೆ ಹೇಗೆ ಕಾಣ್ತಾರೆ..? ಅಭಿಮಾನಿಗಳ ಕುತೂಹಲಕ್ಕೆ ಉತ್ತರ.. ಕೆಲವೇ ದಿನಗಳಲ್ಲಿ.

#

Ayushmanbhava Movie Gallery

Damayanthi Audio and Trailer Launch Gallery