` ಎನ್‍ಟಿಆರ್ ರೀತಿ ಕಾಣ್ತಾವ್ರಂತೆ ರವಿಚಂದ್ರನ್..! - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
crazy star's new look
Ravichandran Image

ಕ್ರೇಜಿಸ್ಟಾರ್ ರವಿಚಂದ್ರನ್, ಕುರುಕ್ಷೇತ್ರ ಚಿತ್ರದಲ್ಲಿ ಶ್ರೀಕೃಷ್ಣನಾಗಿ ನಟಿಸುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ. ರವಿಚಂದ್ರನ್ ಅವರನ್ನು ಇಷ್ಟು ವರ್ಷಗಳಲ್ಲಿ ಮೀಸೆ ಇಲ್ಲದೆ ನೋಡಿದವರೇ ಇಲ್ಲ. ಮೀಸೆಯನ್ನು ತೆಗೆಯಲು ಕಷ್ಟವಾಗುತ್ತಿದೆ ಎಂದು ಹೇಳಿಕೊಂಡಿದ್ದ ರವಿಚಂದ್ರನ್, ಸವಾಲಿನ ಪಾತ್ರ ಎಂಬ ಕಾರಣಕ್ಕೆ ಓಕೆ ಎಂದಿದ್ದರು. ಮೀಸೆಯನ್ನಷ್ಟೇ ಅಲ್ಲ, ಎದೆಯ ಮೇಲಿನ ಕೂದಲನ್ನೂ ಶೇವ್ ಮಾಡಿದ್ದಾರಂತೆ.

ರವಿಚಂದ್ರನ್ ಅವರ ಶ್ರೀಕೃಷ್ಣನ ಲುಕ್ ಹೇಗಿದೆ ಅನ್ನೋದನ್ನು ಗುಟ್ಟಾಗಿಡಲಾಗಿದೆ. ಒಂದೇ ಒಂದು ಫೋಟೋ ಕೂಡಾ ಲೀಕ್ ಆಗದಂತೆ ದಿಗ್ಬಂಧನ ಹಾಕಲಾಗಿದೆ. ಇದರ ಮಧ್ಯೆ ಹೊರಗೆ ಕಾಣಿಸಿರೋದು ಇದೊಂದೇ ಫೋಟೋ. ಮೀಸೆಯಿಲ್ಲದ ರವಿಚಂದ್ರನ್ ಅವರದ್ದು.

ಶ್ರೀಕೃಷ್ಣನ ಗೆಟಪ್‍ನಲ್ಲಿ ರವಿಚಂದ್ರನ್, ಪೌರಾಣಿಕ ಚಿತ್ರಗಳಲ್ಲಿನ  ಎನ್‍ಟಿಆರ್, ಎಂಜಿಆರ್ ರೀತಿ ಕಾಣಿಸುತ್ತಿದ್ದಾರೆ ಅನ್ನೋದು ಕಾಂಪ್ಲಿಮೆಂಟು. ಡೈಲಾಗುಗಳನ್ನು ಹೇಳುವಾಗ ಕಷ್ಟವೇನೂ ಆಗಿಲ್ಲವಂತೆ. ನಾನೂ ಕೂಡಾ ಬರೆಯುತ್ತಿದ್ದೇನೆ. ಹೀಗಾಗಿ ಕಷ್ಟವೇನೂ ಆಗಿಲ್ಲ ಎಂದಿದ್ದಾರೆ ರವಿಚಂದ್ರನ್. 

ಹಾಗಿದ್ದರೆ, ಶ್ರೀಕೃಷ್ಣ ರವಿಚಂದ್ರನ್ ಹೇಗಿದ್ದಾರೆ..? ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಲೇ ಇದ್ದಾರೆ. ಶ್ರೀಕೃಷ್ಣನ ದರ್ಶನ ಯಾವಾಗ..?

Rambo 2 Movie Gallery

https://www.chitraloka.com/movie-reviews/17656-rambo-2-movie-review-chitraloka-rating-3-5-5.html

Raja Loves Radhe Movie Gallery