` ಕಿಚ್ಚನ ಬಿಗ್​ಬಾಸ್ ಮನೆಗೆ ನೀವೂ ಹೋಗಬಹುದು - chitraloka.com | Kannada Movie News, Reviews | Image

User Rating: 4 / 5

Star activeStar activeStar activeStar activeStar inactive
 
big boss season 5
Big Boss 5 Enteries Open to Comman Man

ಬಿಗ್​ಬಾಸ್ ಎಂದರೆ, ಖ್ಯಾತ ನಟ, ನಟಿಯರು, ಸೆಲೆಬ್ರಿಟಿಗಳೇ ತುಂಬಿರುವ ಮನೆ ಎನ್ನೋದು ಇದುವರೆಗಿನ ನಂಬಿಕೆ. ಈ ಬಾರಿ ಕಾನ್ಸೆಪ್ಟ್ ಬದಲಾಗಿದೆ. ಬಿಗ್‌ ಬಾಸ್‌ ಮನೆಗೆ ನೀವೂ ಹೋಗಬಹುದು.  ಬಿಗ್‌ ಬಾಸ್ ಕನ್ನಡ ರಿಯಾಲಿಟಿ ಷೋದ ಐದನೇ ಆವೃತ್ತಿಯಲ್ಲಿ ಜನಸಮಾನ್ಯರಿಗೂ ಅವಕಾಶ ನೀಡಲು ಕಲರ್ಸ್‌ ಕನ್ನಡ ವಾಹಿನಿ ನಿರ್ಧರಿಸಿದೆ. ಸೆಲೆಬ್ರಿಟಿಗಳ ಆಟ ತುಂಟಾಟಗಳನ್ನೇ ನೋಡಿ ಖುಷಿಪಡುತ್ತಿದ್ದ ಜನಸಾಮಾನ್ಯರು ಬಿಗ್​ಬಾಸ್​ನಲ್ಲಿ ಕಾಣಿಸಿಕೊಳ್ಳಬಹುದು. ಕಿಚ್ಚ ಸುದೀಪ್ ಎದುರು ಮಾತನಾಡಬಹುದ

ಅರ್ಜಿ ಸಲ್ಲಿಕೆ ಶೀಘ್ರದಲ್ಲೇ ಶುರುವಾಗಲಿದೆ. ಈ ಬಾರಿಯೂ ಒಟ್ಟು 15 ಸ್ಪರ್ಧಿಗಳಿರಲಿದ್ದಾರೆ. ಆ 15ರಲ್ಲಿ ಮೂವರು ಜನಸಾಮಾನ್ಯರು. ಸ್ಪರ್ಧಿಗಳ ಆಯ್ಕೆಗೆ ಈ ವಾರವೇ ವಾಹಿನಿ ಅಧಿಕೃತವಾಗಿ ಅರ್ಜಿ ಕರೆಯಲಿದೆ. ವೂಟ್‌ ಡಾಟ್‌ ಕಾಂನಲ್ಲಿ ಅರ್ಜಿ ನಮೂನೆ ಲಭ್ಯವಿದೆ. ಅರ್ಜಿ ಸಲ್ಲಿಕೆಗೆ ಅಧಿಕೃತ ಪ್ರಕಟಣೆ ಇನ್ನೂ ಹೊರಬಿದ್ದಿಲ್ಲ.

ನೀವು ಮಾಡಬೇಕಾದ್ದು ಇಷ್ಟೆ. 

ಅರ್ಜಿಯಲ್ಲಿ ಕೇಳಲಾಗಿರುವ 3 ಪ್ರಶ್ನೆಗಳಿಗೆ ಉತ್ತರಿಸುವುದು. ನಿಮ್ಮನ್ನು ನಿಮ್ಮದೇ ಆದ ರೀತಿಯಲ್ಲಿ ಪರಿಚಯಿಸಿಕೊಳ್ಳಬೇಕು. ನೀವು ಬಿಗ್‌ಬಾಸ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಯಸುತ್ತಿರುವುದು ಏಕೆ ಎಂದು ಹೇಳಬೇಕು. ಅಷ್ಟೇ ಅಲ್ಲ,  ಇತರರಿಗಿಂತ ನೀವು ಹೇಗೆ ಭಿನ್ನ ಎಂದು ತೋರಿಸಿಕೊಳ್ಳಬೇಕು. ಇದಕ್ಕೆ ಮೂರು ನಿಮಿಷದ ಉತ್ತರವನ್ನು ವಿಡಿಯೊ ಮಾಡಿ ಕಳಿಸಿಕೊಡಬೇಕು. ನಿಮ್ಮ ವಿಡಿಯೋ ಕ್ರಿಯೇಟಿವಿಟಿ ಮೇಲೆ ನಿಮ್ಮ ಆಯ್ಕೆ ನಿರ್ಧಾರವಾಗಬಹುದು. 

ಇಂಥ ಪ್ರಯತ್ನ ಕನ್ನಡದಲ್ಲಷ್ಟೇ ಹೊಸದು. ಈಗಾಗಲೇ ಬೇರೆ ಬೇರೆ ದೇಶಗಳಲ್ಲಿ ಈ ಕಾನ್ಸೆಪ್ಟ್ ಈಗಾಗಲೇ ಪ್ರಯೋಗವಾಗಿದ್ದು, ಯಶಸ್ವಿಯೂ ಆಗಿದೆ.

 

Adi Lakshmi Purana Movie Gallery

Rightbanner02_butterfly_inside

Dasharatha Movie Gallery