` dhruva sarja, - chitraloka.com | Kannada Movie News, Reviews | Image

dhruva sarja,

  • ಧ್ರುವ ಹನಿಮೂನ್ ಬಿಟ್ಟು.. ಹೋಗಿದ್ದಾದರೂ ಎಲ್ಲಿಗೆ..?

    dhruva sarja back to shooting post wedding

    ಮೊನ್ನೆ ಮೊನ್ನೆಯಷ್ಟೇ ಹೊಸ ಬಾಳಿಗೆ ಕಾಲಿಟ್ಟಿರುವ ಧ್ರುವ ಸರ್ಜಾ, ದಾಂಪತ್ಯ ಜೀವನದ ಆರಂಭದಲ್ಲಿ ಹನಿಮೂನ್ಗೆ ಹೋಗ್ತಾರೆ ಅನ್ನೋ ನಿರೀಕ್ಷೆ ಹುಸಿಯಾಗಿದೆ. ಪತ್ನಿ ಪ್ರೇರಣಾರನ್ನು ಮನೆಯಲ್ಲಿಯೇ ಬಿಟ್ಟ ಧ್ರುವ, ಶೂಟಿಂಗ್ಗೆ ಹೊರಟಿದ್ದಾರೆ.

    ಪೊಗರು ಚಿತ್ರದ ಕೊನೆಯ ಹಂತದ ಶೂಟಿಂಗ್ ನಡೆಯುತ್ತಿದ್ದು, ಮದುವೆಯಾದ ಬೆನ್ನಲ್ಲೇ ಮತ್ತೆ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ದಾರೆ ಧ್ರುವ ಸರ್ಜಾ. ಪೊಗರು ಶೂಟಿಂಗ್ ಮುಗಿದಿಲ್ಲ ಎಂಬ ಕಾರಣಕ್ಕೇ ಗಡ್ಡ, ಕೂದಲನ್ನು ಕಟ್ ಮಾಡಿಕೊಳ್ಳದೆ ಅದೇ ಗೆಟಪ್ಪಿನಲ್ಲಿದ್ದ ಧ್ರುವ ಸರ್ಜಾ, ಸಿನಿಮಾ ಬಗ್ಗೆ ತಮ್ಮ ಕಮಿಟ್ಮೆಂಟ್ ಹೇಗಿದೆ ಅನ್ನೋದನ್ನು ಮತ್ತೆ ಪ್ರೂವ್ ಮಾಡಿದ್ದಾರೆ.

    ನಂದ ಕಿಶೋರ್ ನಿರ್ದೇಶನದಲ್ಲಿ ಬರುತ್ತಿರುವ ಪೊಗರು ಚಿತ್ರದಲ್ಲಿ ಧ್ರುವಾಗೆ ರಶ್ಮಿಕಾ ಮಂದಣ್ಣ ಹೀರೋಯಿನ್. ಚಿತ್ರದ ಹಾಡುಗಳ ಚಿತ್ರೀಕರಣವಷ್ಟೇ ಬಾಕಿಯಿದ್ದು, ಸಂಕ್ರಾಂತಿ ವೇಳೆಗೆ ಸಿನಿಮಾ ರಿಲೀಸ್ ಆಗುವ ಸಾಧ್ಯತೆ ಇದೆ.

  • ಧ್ರುವಾ ಪೊಗರಿಗೆ ಕಿರಿಕ್ ರಶ್ಮಿಕಾ ಜೋಡಿ

    rashmika to act with dhruva sarja

    ಕಿರಿಕ್ ಪಾರ್ಟಿಯಿಂದ ಗುರುತಿಸಿಕೊಂಡ ರಶ್ಮಿಕಾ ಮಂದಣ್ಣ, ನಂತರ ಕನ್ನಡದಲ್ಲಿ ನಟಿಸಿದ್ದು ಅಂಜನೀಪುತ್ರ, ಚಮಕ್ ಚಿತ್ರಗಳಲ್ಲಿ. ತೆಲುಗಿನಲ್ಲಿ ಗೀತ ಗೋವಿಂದಂ ಹಿಟ್ ಆದ ನಂತರ ಸ್ಟಾರ್ ಆದ ರಶ್ಮಿಕಾ, ತೆಲುಗಿನಲ್ಲಿಯೇ ಹೆಚ್ಚು ಬ್ಯುಸಿಯಾಗಿಬಿಟ್ಟರು. ಸದ್ಯಕ್ಕೆ ಯಜಮಾನ ಚಿತ್ರದಲ್ಲಿ ದರ್ಶನ್‍ಗೆ ನಾಯಕಿಯಾಗಿ ನಟಿಸುತ್ತಿರುವ ರಶ್ಮಿಕಾ ಮಂದಣ್ಣ, ಮತ್ತೊಂದು ಕನ್ನಡ ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ರಶ್ಮಿಕಾ ಮಂದಣ್ಣ ಮುಂದಿನ ಸಿನಿಮಾ ಪೊಗರು.

    ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಪೊಗರು ಸಿನಿಮಾಗೆ ರಶ್ಮಿಕಾ ಓಕೆ ಎಂದಿದ್ದಾರೆ. ನಂದ ಕಿಶೋರ್ ನಿರ್ದೇಶನದ ಪೊಗರು ಚಿತ್ರಕ್ಕೆ ಚಿತ್ರಕಥೆ ಬರೆದಿರುವುದು ಅರ್ಜುನ್ ಸರ್ಜಾ. ಪೊಗರು ಚಿತ್ರದ 2ನೇ ಹಂತದ ಚಿತ್ರೀಕರಣ ನವೆಂಬರ್ 20ರಿಂದ ಶುರುವಾಗಲಿದೆ.

  • ಧ್ರುವಾಗೆ ಜಗಪತಿ ಬಾಬು ವಿಲನ್

    jagapathi babu is villain to dhruva sarja

    ಧ್ರುವ ಸರ್ಜಾ ಅಭಿನಯದ ಪೊಗರು ಚಿತ್ರಕ್ಕೆ ಜಗಪತಿ ಬಾಬು ವಿಲನ್ ಆಗಿ ಬರುತ್ತಿದ್ದಾರೆ. ಒಂದು ಕಾಲದಲ್ಲಿ ತೆಲುಗು ಸಿನಿಮಾರಂಗದಲ್ಲಿ ಹೀರೋ ಆಗಿ ವಿಜೃಂಭಿಸಿದ್ದ ಜಗಪತಿ ಬಾಬು, ಈಗ ಪೋಷಕ, ವಿಲನ್ ಪಾತ್ರಗಳಲ್ಲಿ ಮಿಂಚುತ್ತಿದ್ದಾರೆ. ಸುದೀಪ್ ಎದುರು ಬಚ್ಚನ್, ಜಾಗ್ವಾರ್, ವಿಜಯಾದಿತ್ಯ ಚಿತ್ರಗಳಲ್ಲಿ ಈಗಾಗಲೇ ನಟಿಸಿರುವ ಜಗಪತಿ ಬಾಬು, ಪೊಗರುನಿಂದ ಮತ್ತೊಮ್ಮೆ ಕನ್ನಡಕ್ಕೆ ಬರುತ್ತಿದ್ದಾರೆ.

    ನಂದಕಿಶೋರ್ ನಿರ್ದೇಶನದ ಪೊಗರು ಸಿನಿಮಾದ ಚಿತ್ರೀಕರಣ ಜೂನ್ 15ರಿಂದ ಶುರುವಾಗಲಿದೆ. ಜಗಪತಿ ಬಾಬು ದೃಶ್ಯಗಳು ಜುಲೈನಲ್ಲಿವೆ. ಕಥೆ, ಪಾತ್ರ ಅವರಿಗೆ ಇಷ್ಟವಾಗಿದೆಯಂತೆ. ಜಗಪತಿ ಬಾಬು ಡೇಟ್ಸ್ ಹೇಳೋದಷ್ಟೇ ಬಾಕಿ ಎಂದಿದೆ ಚಿತ್ರತಂಡ.

    ಧ್ರುವಾ ಪೊಗರಿಗೆ ಇನ್ನೂ ನಾಯಕಿ ಸಿಕ್ಕಿಲ್ಲ. ಇನ್ನೊಂದು ವಾರದಲ್ಲಿ ಚಿತ್ರದ ಎಲ್ಲ ಕಲಾವಿದರ ಆಯ್ಕೆ ಅಂತಿಮವಾಗಲಿದೆ. ಗಂಗಾಧರ್ ನಿರ್ಮಾಣದ ಚಿತ್ರ ಅದ್ಧೂರಿಯಾಗಿ ಮೂಡಿಬರಲಿದೆ ಅನ್ನೋದು ನಿರ್ದೇಶಕ ನಂದಕಿಶೋರ್ ಭರವಸೆ.

  • ನ.೨೪ಕ್ಕೆ ಧ್ರುವ ಕಲ್ಯಾಣ

    dhruva sarja tp wed prerna on nov 24th

    ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಮದುವೆ ಮುಹೂರ್ತ ಫಿಕ್ಸ್ ಆಗಿದೆ. ಪೊಗರು ರಿಲೀಸ್ ಆಗುವ ಹೊತ್ತಿಗೆ ಧ್ರುವ ಸರ್ಜಾ ಫುಲ್ ಶರ್ಟ್ ಆಗಿರುತ್ತಾರೆ. ಹಾಫ್ ಶರ್ಟ್ ಆಗಿ ಪ್ರೇರಣಾ ಬಂದಿರುತ್ತಾರೆ. ನವೆಂಬರ್ ೨೪ಕ್ಕೆ ಧ್ರುವ ಸರ್ಜಾ, ಪ್ರೇರಣಾ ಮದುವೆ ಫಿಕ್ಸ್.

    ನವೆಂಬರ್ ೨೪ರ ಭಾನುವಾರ ಬೆಳಗ್ಗೆ ೭ ಗಂಟೆ ೧೫ನೇ ನಿಮಿಷದಿಂದ ೭ ಗಂಟೆ ೪೫ ನಿಮಿಷದವರೆಗೆ ಮುಹೂರ್ತ. ವೃಶ್ಚಿಕ ಲಗ್ನದಲ್ಲಿ ವಿವಾಹ ಮಹೋತ್ಸವ ನಡೆಯಲಿದೆ.

    ಜೆಪಿ ನಗರದ ೭ನೇ ಹಂತದಲ್ಲಿರುವ ಸಂಸ್ಕೃತಿ ಬೃಂದಾವನ ಕನ್ವೆನ್ಷನ್ ಹಾಲ್‌ನಲ್ಲಿ ವಿವಾಹ ಮಹೋತ್ಸವ ಸಮಾರಂಭ. ಅದೇ ದಿನ ಸಂಜೆ ೭.೩೦ರಿಂದ ಆರತಕ್ಷತೆ. ಹೋಗಿ.. ಹರಸಿ.. ಆಶೀರ್ವದಿಸಿ..

  • ನಾಯಿ, ನರಿ, ಕ್ರಿಮಿ, ಕೀಟ ಹೇಳಿದ್ದಕ್ಕೆಲ್ಲ ಡೋಂಟ್‍ಕೇರ್ - ಚೇತನ್‍ಗೆ ಧ್ರುವ ಚಾಲೆಂಜ್

    Dhruva Sarja, Chethan Image

    ಅರ್ಜುನ್ ಸರ್ಜಾ ವಿರುದ್ಧ ಕೇಳಿ ಬಂದಿರೋ ಆರೋಪಗಳಿಗೆ ಆರಂಭದ ದಿನದಿಂದಲೂ ಕೆಂಡಾಮಂಡಲವಾಗಿರುವ ನಟ ಧ್ರುವ ಸರ್ಜಾ, ಶೃತಿ ಹರಿಹರನ್ ಬೆಂಬಲಕ್ಕೆ ನಿಂತಿರುವ ಚೇತನ್‍ರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ನಾಯಿ, ನರಿ, ಕ್ರಿಮಿ, ಕೀಟ ಹೇಳಿದ್ದಕ್ಕೆಲ್ಲ ಡೋಂಟ್‍ಕೇರ್. ನನ್ನ ಮಾವ ಏನು ಅನ್ನೋದು ನನಗೆ ಗೊತ್ತು ಎಂದಿದ್ದಾರೆ ಧ್ರುವ ಸರ್ಜಾ.

    ಹಾಗಾದರೆ, ನಾವು ನಾಯಿ, ನರಿ, ಕ್ರಿಮಿ, ಕೀಟಗಳಾ ಎಂದು ಪ್ರಶ್ನೆ ಹಾಕಿದ್ದಾರೆ ಚೇತನ್. ಅಲ್ಲದೆ ಏನು..? ನಿಮ್ಮ ಬಳಿ ಸತ್ಯ ಇದ್ದರೆ, ಸಾಕ್ಷಿ ಇದ್ದರೆ, ಈ ರೀತಿ ಪಬ್ಲಿಸಿಟಿ ಮಾಡ್ಕೊಂಡು ಇರುತ್ತಿರಲಿಲ್ಲ. ನಿಮ್ಮ ಹಿಂದೆ ಯಾರ್ಯಾರೆಲ್ಲ ಇದ್ದಾರೆ ಎನ್ನುವುದು ನನಗೆ ಗೊತ್ತು ಎಂದಿದ್ದಾರೆ ಧ್ರುವ ಸರ್ಜಾ.

    ಕಾನೂನಿನ ವ್ಯಾಪ್ತಿ ಮೀರಿ ಮಾತನಾಡುತ್ತಿದ್ದೀರಿ ಎಂಬ ಚೇತನ್ ಮಾತಿಗೆ, ನಿಮ್ಮ ಬಗ್ಗೆ ಮಾತ್ರ ಕಾನೂನು ರೀತಿ ನೋಡಬೇಕು ಎನ್ನುವವರು  ಬೇರೆಯವರ ಬಗ್ಗೆಯೂ ಕಾನೂನಿನ ರೀತಿಯಲ್ಲೇ ನೋಡಬೇಕಿತ್ತಲ್ವಾ..? ಈಗ ನಿಮ್ಮ ವಿರುದ್ಧ ಯಾರೋ ಒಬ್ಬ ಮಹಿಳೆ ಆರೋಪ ಮಾಡಿದ್ರೆ, ನೀವು ನಂಬ್ತೀರಾ.. ಎನ್ನುವುದು ಧ್ರುವ ಸರ್ಜಾ ಪ್ರಶ್ನೆ.

    ನಿಮ್ಮ ಫೈರ್ ಸಂಘಟನೆಗೆ ಶೃತಿ ಹರಿಹರನ್ 8 ತಿಂಗಳ ಹಿಂದೆಯೇ ಸದಸ್ಯೆಯಾಗಿದ್ದಾರೆ. ಹಾಗಿದ್ದರೆ 8 ತಿಂಗಳಿಂದ ಏನ್ ಮಾಡ್ತಾ ಇದ್ರಿ..? ನಿಮ್ಮ ಸಂಸ್ಥೆ ಕೂಡಾ ಕಾನೂನಿನ ಅಡಿಯಲ್ಲೇ ಬರುತ್ತೆ. ಆ ಸಂಸ್ಥೆಯಲ್ಲಿ ಹೆಣ್ಣು ಮಕ್ಕಳಿದ್ದಾರೆ. ಆ ಕಾರಣಕ್ಕಾಗಿ ಗೌರವ ನೀಡುತ್ತಿದ್ದೇನೆ. ಇಲ್ಲದೆ ಇರುವ ವಿವಾದ ಸೃಷ್ಟಿ ಮಾಡುತ್ತಿದ್ದೀರಿ ಎನ್ನುವುದು ಇಡೀ ಕರ್ನಾಟಕಕ್ಕೇ ಗೊತ್ತಿದೆ ಎಂದಿದ್ದಾರೆ ಧ್ರುವ ಸರ್ಜಾ.

    ಸಾ.ರಾ.ಗೋವಿಂದು ಕುರಿತು ಚೇತನ್ ಮಾಡಿರುವ ಟೀಕೆಗೆ, ಅವರ ವಿರುದ್ಧ ಟೀಕೆ ನಿನಗ್ಯಾವ ಅರ್ಹತೆ ಇದೆ ಎಂದು ಕೆಂಡಕಾರಿದ್ದಾರೆ ಧ್ರುವ ಸರ್ಜಾ.

  • ನಾಳೆ ಹಸಿರು ಚಪ್ಪರದಲ್ಲಿ ಧ್ರುವ ಸರ್ಜಾ ಎಂಗೇಜ್‍ಮೆಂಟ್

    praparations for dhruva's engagement begins

    ಸಪ್ತಪದಿ ತುಳಿದು ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿರುವ ಧ್ರುವ ಸರ್ಜಾ, ನಾಳೆ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತಿದ್ದಾರೆ. ಬಾಲ್ಯದ ಗೆಳತಿ ಪ್ರೇರಣಾ ಅವರೊಂದಿಗೆ ಎಂಗೇಜ್‍ಮೆಂಟ್ ಮಾಡಿಕೊಳ್ಳಲಿದ್ದಾರೆ. ಪುಣ್ಯಕ್ಷೇತ್ರ ಶ್ರೀ ಧರ್ಮಗಿರಿ ದೇವಾಲಯದಲ್ಲಿ ಬೆಳಗ್ಗೆ 10 ಗಂಟೆಗೆ ಎಂಗೇಜ್‍ಮೆಂಟ್.

    ವಿಶೇಷವೆಂದರೆ ಪಕ್ಕಾ ಸಂಪ್ರದಾಯಸ್ಥ ಹುಡುಗನಾಗಿರುವ ಧ್ರುವ, ಮದುವೆಯ ಎಂಗೇಜ್‍ಮೆಂಟ್‍ನ್ನು ಹಸಿರು ಚಪ್ಪರದಲ್ಲಿಯೇ ಮಾಡಿಕೊಳ್ಳಲಿದ್ದಾರೆ. ಮದುವೆ ಚಪ್ಪರ ಹಾಕಿಸುತ್ತಿರುವುದು ಕಲಾ ನಿರ್ದೇಶಕ ಅರುಣ್ ಸಾಗರ್. ಚಿತ್ರರಂಗದ ಸ್ಟಾರ್‍ಗಳೆಲ್ಲ ಈ ನಿಶ್ಚಿತಾರ್ಥಕ್ಕೆ ಆಗಮಿಸಿ ನೂತನ ವಧು-ವರರಿಗೆ ಶುಭ ಹಾರೈಸಲಿದ್ದಾರೆ.

  • ಪುಟಾಣಿಗಳಿದ್ದಾಗ ಧ್ರುವ ಪ್ರೇರಣಾ ಬಣ್ಣದ ಹೋಳಿ.. ಈಗ ಪ್ರೇಮದ ಹೋಳಿ

    dhruva sarja remembers his childhood memories with his lad love

    ಧ್ರುವ ಸರ್ಜಾ ಮತ್ತು ಪ್ರೇರಣಾ ಶಂಕರ್ ಪ್ರೀತಿ, ನಿಶ್ಚಿತಾರ್ಥದ ಹಂತಕ್ಕೆ ಬಂದು ನಿಂತಿದೆ. ಟೀಚರ್ ಪ್ರೀತಿಯ ಬಲೆಯಲ್ಲಿ ಬಿದ್ದಿರುವ ಧ್ರುವ ಸರ್ಜಾ ಮತ್ತು ಆ್ಯಕ್ಟರ್ ಪ್ರೀತಿಗೆ ಮರುಳಾದ ಪ್ರೇರಣಾ.. ಇಬ್ಬರು ಬಾಲ್ಯ ಸ್ನೇಹಿತರು. ಒಟ್ಟಿಗೇ ಆಡುತ್ತಾ ಬೆಳೆದವರು. ಅದಕ್ಕೆ ಒಂದು ಪುಟ್ಟ ಸಾಕ್ಷಿಯನ್ನು ಸ್ವತಃ ಧ್ರುವ ಅವರೇ ಬಹಿರಂಗಪಡಿಸಿದ್ದಾರೆ.

    ವಿಡಿಯೋ ಒಂದನ್ನು ತಮ್ಮ ಪೇಜ್‍ನಲ್ಲಿ ಹಾಕಿದ್ದಾರೆ ಧ್ರುವ. ಆ ವಿಡಿಯೋದಲ್ಲಿ ಮುಖಕ್ಕೆ ನೇರಳೆ ಬಣ್ಣ ಹಚ್ಚಿಕೊಂಡು ನಗುತ್ತಿರುವ ಹುಡುಗ, ಹುಡುಗಿಯೇ ಧ್ರುವ ಮತ್ತು ಪ್ರೇರಣಾ. ನಿಶ್ಚಿತಾರ್ಥದ ಉಂಗುರವನ್ನೂ ಖರೀದಿಸಿರುವ ಜೋಡಿ ಮದುವೆಗೆ ರೆಡಿಯಾಗುತ್ತಿದೆ. ಅಂದಹಾಗೆ ಇದು 1997ನೇ ಇಸವಿಯ ಮಾರ್ಚ್ 24ರಂದು ತೆಗೆದಿದ್ದ ಫೋಟೋ ಅಂತೆ.

  • ಪೊಗರು : ಮತ್ತೊಂದು ಪೋಸ್ಟರ್ ಬಂತು..

    pogaru new poster rleased

    ಧ್ರುವ ಸರ್ಜಾ, ರಶ್ಮಿಕಾ ಮಂದಣ್ಣ ನಟಿಸುತ್ತಿರುವ, ಬಿ.ಕೆ.ಗಂಗಾಧರ್ ನಿರ್ಮಾಣದ ಪೊಗರು ಚಿತ್ರದ ಮತ್ತೊಂದು ಪೋಸ್ಟರ್ ರಿಲೀಸ್ ಆಗಿದೆ. ಖಳನೊಬ್ಬನ ಕುತ್ತಿಗೆ ಹಿಡಿದು ನಿಂತಿರುವ ಧ್ರುವ ಸರ್ಜಾ ಲುಕ್ಕಿಗೆ ಅಭಿಮಾನಿಗಳೇನೋ ಫುಲ್ ಫಿದಾ. ಆದರೆ, ಅವರದ್ದೆಲ್ಲ ಒಂದೇ ಪ್ರಶ್ನೆ. ಸಿನಿಮಾ ರಿಲೀಸ್ ಯಾವಾಗ ಸರ್ ಅನ್ನೋದು..

    ಏಕೆಂದರೆ, ಒನ್ಸ್ ಎಗೇಯ್ನ್ ಪೊಗರು ಚಿತ್ರ ಕೂಡಾ ಧ್ರುವ ಅವರ ಹಿಂದಿನ ಅದ್ಧೂರಿ, ಬಹದ್ದೂರ್, ಭರ್ಜರಿ ಚಿತ್ರಗಳಂತೆಯೇ ಎರಡು ವರ್ಷ ಪೂರೈಸುತ್ತಿದೆ. ನಂದಕಿಶೋರ್ ನಿರ್ದೇಶನದ ಪೊಗರು ಚಿತ್ರಕ್ಕೆ ಇನ್ನೂ ಹಲವು ದಿನಗಳ ಶೂಟಿಂಗ್ ಬಾಕಿಯಿದೆ. ಜೂನ್ 30ರಿಂದ ಮತ್ತೊಂದು ಹಂತದ ಶೂಟಿಂಗ್ ಹೈದರಾಬಾದ್‍ನಲ್ಲಿ ಶುರುವಾಗಲಿದೆ. 

  • ಪೊಗರು ಡಬ್ಬಿಂಗ್ ಶುರು

    pogaru image

    ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಪೊಗರು ಚಿತ್ರದ ಡಬ್ಬಿಂಗ್ ಕಾರ್ಯ ಶುರುವಾಗಿದೆ. ಸುಮಾರು 2 ವರ್ಷಗಳಿಂದ ಪ್ರೊಡಕ್ಷನ್ ಹಂತದಲ್ಲಿರೋ ಪೊಗರು, ಮಾರ್ಚನಲ್ಲಿ ಬರುವುದು ಪಕ್ಕಾ ಆಗಿದೆ. ಧ್ರುವ ಸರ್ಜಾ ಅಬ್ಬಾಯಿ ನಾಯ್ಡು ಸ್ಟುಡಿಯೋದಲ್ಲಿ ಡಬ್ಬಿಂಗ್ ಮಾಡುತ್ತಿದ್ದಾರೆ.

    ಐಟಿ ರೇಡ್‍ನಿಂದಾಗಿ ರಶ್ಮಿಕಾ ಮಂದಣ್ಣ ಡೇಟ್ಸ್ ಕ್ಲಾಶ್ ಆಗಿದ್ದು, ರಶ್ಮಿಕಾ ಡಬ್ಬಿಂಗ್ ನಿಧಾನವಾಗಿ ನಡೆಯಲಿದೆ. ನಂದಕಿಶೋರ್ ನಿರ್ದೇಶನದ ಚಿತ್ರಕ್ಕೆ ಬಿ.ಕೆ.ಗಂಗಾಧರ್ ನಿರ್ಮಾಪಕ. 

  • ಪೊಗರು ನಿಂತಿಲ್ಲ.. ಚಿತ್ರ ರೀಮೇಕ್ ಅಲ್ಲ

    pogaru doubts cleared

    ಪೊಗರು. ಧ್ರುವ ಸರ್ಜಾ ಅಭಿನಯದ ಸಿನಿಮಾ. ಚಿತ್ರದ ಕುರಿತು ಎದ್ದಿರುವ ಹಲವಾರು ಸುದ್ದಿಗಳಿಗೆ, ಅನುಮಾನಗಳಿಗೆ ನಿರ್ಮಾಪಕ ಬಿ.ಕೆ. ಗಂಗಾಧರ್ ತೆರೆ ಎಳೆಯುವ ಪ್ರಯತ್ನ ಮಾಡಿದ್ದಾರೆ. ಚಿತ್ರದ ಕಥೆ, ಶೂಟಿಂಗ್ ಕುರಿತು ಎದ್ದಿರುವ ಎಲ್ಲ ಅನುಮಾನಗಳಿಗೂ ಫುಲ್‍ಸ್ಟಾಪ್ ಇಟ್ಟಿದ್ದಾರೆ.

    ಚಿತ್ರದ ಕಥೆ ಪಕ್ಕಾ ಆಗಿದೆ. ಕಥೆ ಆಯ್ಕೆ ಆಗಿಲ್ಲ ಅನ್ನೋದು ಸುಳ್ಳು. ಕಥೆ ಸಿದ್ದವಾದ ಮೇಲೆಯೇ ನಾನು ಚಿತ್ರ ನಿರ್ಮಾಣಕ್ಕೆ ಒಪ್ಪಿಕೊಂಡಿದ್ದು ಎಂದಿದ್ದಾರೆ ಗಂಗಾಧರ್. ನವೆಂಬರ್‍ನಲ್ಲಿ ಚಿತ್ರದ ಫೋಟೋಶೂಟ್ ನಡೆಯಲಿದ್ದು, ಚಿತ್ರೀಕರಣ ಶುರುವಾಗುವ ಹೊತ್ತಿಗೆ ಮೊದಲ ಟೀಸರ್ ಬಿಡುಗಡೆ ಮಾಡುತ್ತೇವೆ. ಬಹುತೇಕ ನವೆಂಬರ್‍ನಲ್ಲೇ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ ಎಂದಿದ್ದಾರೆ ಗಂಗಾಧರ್.

    ನಂದಕಿಶೋರ್ ನಿರ್ದೇಶನದ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ನೀಡುತ್ತಿದ್ದು, ವೈದಿ ಕ್ಯಾಮೆರಾ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಸತತವಾಗಿ ಗೆದ್ದ ಹೀರೋಗೆ ಸಿನಿಮಾ ಮಾಡುವಾಗ ಕೆಲವು ಎಚ್ಚರಿಕೆ ತೆಗೆದುಕೊಳ್ಳಬೇಕಾಗುತ್ತೆ. ಅವೆಲ್ಲವನ್ನೂ ಮಾಡಿಕೊಂಡಿದ್ದೇವೆ. ಪೊಗರು ಚಿತ್ರಕ್ಕೆ ಯಾವುದೇ ಕಂಟಕ ಇಲ್ಲ. ಪೊಗರು ಮುಗಿಯುವವರೆಗೆ ಬೇರೆ ಯಾವುದೇ ಚಿತ್ರ ಮಾಡುವುದಿಲ್ಲ ಎಂದಿದ್ದಾರೆ ಗಂಗಾಧರ್.

  • ಪೊಗರು ಸೆಟ್ಟಲ್ಲಿ ರಶ್ಮಿಕಾ ಬರ್ತ್ ಡೇ

    rashmika's birthday celebrations in pogaru set

    ಕಿರಿಕ್ ಪಾರ್ಟಿಯ ಸಾನ್ವಿ ಅಲಿಯಾಸ್ ರಶ್ಮಿಕಾ, ಈಗ ಸೌಥ್ ಇಂಡಿಯಾ ಕ್ರಶ್. ಪಡ್ಡೆ ರಸಿಕರ ಡಾರ್ಲಿಂಗ್. ಕನಸಲ್ಲೂ ಅಲೆಲೆಲೆಲೆ ಎನ್ನಿಸುವ ಸುಂದರಿ, ಈಗಷ್ಟೇ 22 ಮುಗಿಸಿ, 23ಕ್ಕೆ ಕಾಲಿಟ್ಟಿದ್ದಾರೆ. ಹಾಗೆ ಹುಟ್ಟುಹಬ್ಬ ಸಂಭ್ರಮಿಸುವ ವೇಳೆಯಲ್ಲಿ ಅವರು ಇದ್ದುದು ಪೊಗರು ಚಿತ್ರದ ಸೆಟ್ಟಿನಲ್ಲಿ.

    ಧ್ರುವ ಸರ್ಜಾ ಅವರಿಗೆ ಟೀಚರ್ ಆಗಿ ನಟಿಸುತ್ತಿರುವ ರಶ್ಮಿಕಾ ಅವರಿಗೆ, ನಿರ್ದೇಶಕ ನಂದಕಿಶೋರ್ ಸೇರಿದಂತೆ ಇಡೀ ಚಿತ್ರತಂಡ ಹುಟ್ಟುಹಬ್ಬ ಶುಭಾಶಯ ಕೋರಿ ಸಂಭ್ರಮಿಸಿದೆ. ಸೆಟ್‍ನಲ್ಲೇ ಕೇಕ್ ಕಟ್ ಮಾಡಿ ಖುಷಿ ಪಟ್ಟಿದ್ದಾರೆ ರಶ್ಮಿಕಾ ಮಂದಣ್ಣ.

  • ಪೊಗರು ಸೆಟ್ಟಿನಲ್ಲಿ ಬೆಂಕಿ ; ಸುದ್ದಿ ನಿಜಾನಾ..? ಸುಳ್ಳಾ..?

    news behind pogaru set on fire

    ಧ್ರುವ ಸರ್ಜಾ, ರಶ್ಮಿಕಾ ಮಂದಣ್ಣ ಅಭಿನಯದ ಪೊಗರು ಚಿತ್ರದ ಚಿತ್ರೀಕರಣ ಸೆಟ್ಟಿನಲ್ಲಿ ಬೆಂಕಿ ಬಿದ್ದಿದೆ. ಅಗ್ನಿ ಅವಘಡದಲ್ಲಿ ಧ್ರುವ ಸರ್ಜಾ ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ ಎಂಬ ಸುದ್ದಿ ಇದ್ದಕ್ಕಿದ್ದಂತೆ ಹಬ್ಬಿದೆ. ಪೊಗರು ಶೂಟಿಂಗ್ ಹೈದರಾಬಾದ್‍ನಲ್ಲಿ ನಡೆಯುತ್ತಿದ್ದು, ಕ್ಲೈಮಾಕ್ಸ್ ಶೂಟಿಂಗ್ ಮಾಡುತ್ತಿದ್ದಾರೆ ನಿರ್ದೇಶಕ ನಂದಕಿಶೋರ್.

    ಚಿತ್ರದ ಬಗ್ಗೆ ಹಬ್ಬಿದ ಈ ಸುದ್ದಿಯೆಲ್ಲ ಸುಳ್ಳು ಎಂದು ಸ್ಪ್ಟಪಡಿಸಿದೆ ಚಿತ್ರತಂಡ. ಹರಿದಾಡುತ್ತಿರುವ ಫೋಟೋ ಕೂಡಾ ಶೂಟಿಂಗ್‍ನದ್ದೇ. ಸೀನ್‍ನಲ್ಲಿ ಬಾಂಬ್ ಸ್ಫೋಟಿಸುವ ದೃಶ್ಯದ ಫೋಟೋ. ಅಷ್ಟೇ ಹೊರತು ಚಿತ್ರೀಕರಣದಲ್ಲಿ ಯಾವುದೇ ಅನಾಹುತ, ಅವಘಡ, ಆಕಸ್ಮಿಕ ಸಂಭವಿಸಿಲ್ಲ ಎಂದು ಸ್ಪಷ್ಟಪಡಿಸಿದೆ ಪೊಗರು ಟೀಂ.

  • ಪೊಗರು'ನ ಕರಾಬು ಹಾಡಿಗೆ ಕೊರೋನಾ ಬ್ರೇಕ್

    pogaru's khabaru song release postponed

    ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಇಷ್ಟು ಹೊತ್ತಿಗೆ ಪೊಗರು ಚಿತ್ರದ ಕರಾಬು ಸಾಂಗ್ ರಿಲೀಸ್ ಆಗಬೇಕಿತ್ತು. ಆದರೆ ಅಭಿಮಾನಿಗಳ ನಿರೀಕ್ಷೆಗೆ ಕೊರೋನಾ ಬ್ರೇಕ್ ಹಾಕಿದೆ. ಅರೆ.. ಹಾಡು ರಿಲೀಸ್ ಆಗೋದು ಯೂಟ್ಯೂಬ್ ಚಾನೆಲ್ಲಲ್ಲಿ, ಅದಕ್ಕೇಕೆ ಬ್ರೇಕ್ ಹಾಕಬೇಕು ಅನ್ನೋ ಅಭಿಮಾನಿಗಳ ಪ್ರಶ್ನೆಗೆ ಧ್ರುವ ಸರ್ಜಾ ಕೊಟ್ಟಿರುವ ಉತ್ತರ ಅಷ್ಟೇ ಸಿಂಪಲ್.

    ಎಲ್ಲರೂ ಆತಂಕದಲ್ಲಿದ್ದಾರೆ. ಯುಗಾದಿಯ ಸಂಭ್ರಮವೂ ಇಲ್ಲ. ಎಲ್ಲರೂ ಆತಂಕದಲ್ಲಿರೋವಾಗ ನಮಗೆ ಸಂಭ್ರಮ ಬೇಕಾ ಅನ್ನೋದು ಧ್ರುವ ಸರ್ಜಾ ವಾದ.

    ಸ್ಸೋ.. ನಂದಕಿಶೋರ್ ನಿರ್ದೇಶನದ ಪೊಗರು ಚಿತ್ರದ ಹಾಡು ಇವತ್ತಿಲ್ಲ. ಮುಂದೆ.. ಕಾದು ನೊಡೋಣ.

  • ಪೊಗರು.. ಅದೇನ್ ಖದರ್ ಗುರೂ..

    pogaru dialogue trailer is super hit

    ಇವತ್ತು.. ನಾಳೆ.. ನಾಳಿದ್ದು.. ಎಂದೆಲ್ಲ ನಿರೀಕ್ಷೆ ಹುಟ್ಟಿಸಿಯೇ ವರ್ಷ ಕಳೆದಿದ್ದ ಪೊಗರು ಚಿತ್ರದ ಭರ್ಜರಿ ಟ್ರೇಲರ್ ಹೊರಬಿದ್ದಿದೆ. ತಡೆದ ಮಳೆ ಜಡಿದು ಬಂತು ಅನ್ನೋ ಹಾಗೆ ಪೊಗರು ಟ್ರೇಲರಿನಲ್ಲಿ ಡೈಲಾಗುಗಳ ಸುರಿಮಳೆಯೇ ಇದೆ. ಪಂಚು, ಪವರ್ರು ಮಿಸ್ಸಾಗಿಲ್ಲ.

    ಅಡ್ರೆಸ್ ತಿಳ್ಕೊಂಡು ಹೋಗಿ ಸರ್ವಿಸ್ ಮಾಡೋಕೆ ಕೊರಿಯರ್ ಬಾಯ್ ಅಂದ್ಕೊಂಡ್ಯಾ.. ಫೈಟರ್.. ಹೊಡೆದ್ರೆ ಯಾವನೂ ಅಡ್ರೆಸ್ ಇರಲ್ಲ. ಹೋಗಿ ಅವನಿಗೆ ನನ್ನ ಅಡ್ರೆಸ್ ಹೇಳು...

    ಮಕ್ಳಾ ಸಿಂಪಲ್ಲಾಗಿ ಮೂರು ಹೊಡೆದಿದ್ದಕ್ಕೇ ಸೀರಿಯಸ್ ಆಗಿದ್ದೀರ. ಸೀರಿಯಸ್ಸಾಗಿ ಹೊಡೆದ್ರೆ ಸೀದಾ ಸುಡುಗಾಡೇ..

    ವ್ಹೋ... ಇಂಗ್ಲಿಷಾ.. ಮಾತೃಭಾಷೆ ಬಿಟ್ಟೋರೂ.. ಮೂರೂ ಬಿಟ್ಟೋರು..

    ಹೀಗೆ.. ಒಂದೊಂದು ಡೈಲಾಗಿನಲ್ಲೂ ಒಂದೊಂದು ಅವತಾರ ತೋರಿಸಿದ್ದಾರೆ ಧ್ರುವಾ. ಉದ್ದನೆಯ ಕೂದಲು, ಗಡ್ಡದಲ್ಲಿ ಲುಕ್ಕು ರಗಡ್ಡಾಗಿದೆ. ನಂದಕಿಶೋರ್ ನಿರ್ದೇಶನದ ಚಿತ್ರದಲ್ಲಿ ಧ್ರುವ ಸರ್ಜಾಗೆ ರಶ್ಮಿಕಾ ಮಂದಣ್ಣ ನಾಯಕಿ. ಕಿರಿಕ್ ಪಾರ್ಟಿಯಲ್ಲಿ ದಪ್ಪನೆಯ ಕನ್ನಡಕದಲ್ಲಿ ಗಮನ ಸೆಳೆದಿದ್ದ ರಶ್ಮಿಕಾ, ಇಲ್ಲಿ ಮತ್ತೊಮ್ಮೆ ಕನ್ನಡಕಧಾರಿಣಿ.

    ಬಿ.ಕೆ.ಗಂಗಾಧರ್ ನಿರ್ಮಾಪಕರಾಗಿರುವ ಚಿತ್ರದಲ್ಲಿ ಡಾಲಿ ಧನಂಜಯ್ ಕೂಡಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಚಂದನ್ ಶೆಟ್ಟಿ ಸಂಗೀತವಿದೆ.

  • ಪ್ರಥಮ್ ಕಾಟಕ್ಕೆ ಒಟ್ಟಿಗೇ ಬಂದ್ರು ಧ್ರುವ-ಪ್ರೇರಣಾ

    olle hudga pratham meets dhruva sarja and his fiancee

    ಒಳ್ಳೆಯ ಹುಡುಗ ಪ್ರಥಮ್ ಕಾಟ ಕೊಡೋದ್ರಲ್ಲಿ ಫೇಮಸ್. ಆದರೆ, ಅದ್ಯಾವತ್ತೂ ಪ್ರೀತಿಯಿಂದ ಆಗೋದ್ರಿಂದ ಎಂಥವರೂ ಕರಗುತ್ತಾರೆ. ಹಾಗೆ ಕರಗಿದವರಲ್ಲಿ ಧ್ರುವ ಸರ್ಜಾ ಮತ್ತು ಪ್ರೇರಣಾ ಜೋಡಿಯೂ ಇದೆ. ಧ್ರುವ-ಪ್ರೇರಣಾ ಲವ್ ಸ್ಟೋರಿ ಕೇಳಿದ ಮೇಲೆ ಪ್ರಥಮ್ ಸ್ವತಃ ಧ್ರುವ ಮನೆಗೆ ಹೋಗಿದ್ದಾರೆ. ಅವರನ್ನು ಪ್ರೀತಿಯಿಂದ ಒತ್ತಾಯ ಮಾಡಿ ಪ್ರೇರಣಾ ಮನೆಗೆ ಕರೆದುಕೊಂಡು ಹೋಗಿದ್ದಾರೆ.

    ಧ್ರುವ ಸರ್ಜಾ ಅವರನ್ನು ಮದುವೆಯಾಗುತ್ತಿರುವ ಪ್ರೇರಣಾ ಅಷ್ಟೇ ಅದೃಷ್ಟವಂತೆಯಲ್ಲ, ಅವರನ್ನು ಮದುವೆಯಾಗುತ್ತಿರುವ ಧ್ರುವಾ ಕೂಡಾ ಅದೃಷ್ಟವಂತ. ಮೀಡಿಯಾಗಳಿಂದ, ಪಬ್ಲಿಸಿಟಿಯಿಂದ ದೂರ ಇರುವ ಪ್ರೇರಣಾ, ನಿಜಕ್ಕೂ ಧ್ರುವ ಸರ್ಜಾಗೆ ಒಳ್ಳೆಯ ಸಂಗಾತಿ ಎಂದಿದ್ದಾರೆ. 

    ಪ್ರೇರಣಾ ಅವರ ಕುಟುಂಬಕ್ಕೆ ಧ್ರುವ ಬಗ್ಗೆ ಹೆಮ್ಮೆಯಿದೆ. ಅವರು ಅಳಿಯ ಅನ್ನೋದಕ್ಕಿಂತ ಹೆಚ್ಚಾಗಿ ಗೆಳೆಯರಂತಿದ್ದಾರೆ. ಇನ್ನು ಪ್ರೇರಣಾ ಅವರ ತಂದೆ, ಅರ್ಜುನ್ ಸರ್ಜಾರ ಬೆಸ್ಟ್ ಫ್ರೆಂಡ್ ಎಂದು ಪ್ರೀತಿಯಿಂದ ವಿಷಯ ತಿಳಿಸಿದ್ದಾರೆ.

  • ಪ್ರೀತಿಯ ಪತ್ನಿಗೆ ಧ್ರುವ ಕೊಟ್ಟ ಮೊದಲ ಉಡುಗೊರೆ

    dhruva sarja's first gift post wedding

    ಮದುವೆಯಾಗಿ ಕೆಲವೇ ದಿನಗಳಾಗಿವೆ. ಆದರೆ, ನಿಶ್ಚಿತಾರ್ಥವಾಗಿ ಒಂದು ವರ್ಷವಾಗಿದೆ. ಸಿನಿಮಾದಲ್ಲಿ ಹೀರೋಯಿನ್ನಿಗೆ ಅಂಗೈಯಲ್ಲೇ ಆಕಾಶ ತೋರಿಸುವ ನಟ, ರಿಯಲ್ ಲೈಫಲ್ಲಿ ಒಂದೊಳ್ಳೆ ಗಿಫ್ಟ್ ಕೊಡದಿದ್ರೆ ಹೇಗೆ..? ಈ ಬಾರಿ ಧ್ರುವ ಸರ್ಜಾ ಪತ್ನಿ ಪ್ರೇರಣಾಗೆ ಒಂದು ಚೆಂದದ ಉಡುಗೊರೆ ತಂದಿದ್ದಾರೆ. ಅದು ಕಪ್ಪು ಬಣ್ಣದ ಪೋರ್ಷೆ ಕಾರ್.

    ಒಂದೇ ದಿನ ಹಲವು ವಿಶೇಷತೆಗಳಿದ್ದಾಗ ನಿಮ್ಮೊಡನೆ ಹಂಚಿಕೊಳ್ಳೋ ಖುಷಿ. ಮೊದಲಿಗೆ ಇಷ್ಟ ದೇವರು ಹನುಮಜಯಂತಿ. ನನ್ನೆಲ್ಲ ಹಿತೈಷಿ, ಕನ್ನಡ ಬಂಧುಗಳಿಗೆ ಹನುಮದೇವರ ಕೃಪಾಶೀರ್ವಾದವಿರಲಿ. ಇಂದಿಗೆ ನಾವು ನಿಶ್ಚಿತಾರ್ಥವಾಗಿ 1 ವರ್ಷ. ಜೊತೆಗೆ ಹೊಸ ಅತಿಥಿಯಾಗಿ ಕಾರ್ ಆಗಮನ ಇನ್ನಷ್ಟು ಸಂಭ್ರಮ. ಆಂಜನೇಯನ ಆಶೀರ್ವಾದ, ನಿಮ್ಮೆಲ್ಲರ ಹಾರೈಕೆ ನಮಗೆ ಶ್ರೀರಕ್ಷೆ ಜೈ ಆಂಜನೇಯ.

    ಮದುವೆಯಾಗಿ ಬ್ರಹ್ಮಚರ್ಯ ಬಿಟ್ಟರೂ, ಈ ಆಂಜನೇಯನ ಭಕ್ತ ಆಂಜನೇಯನನ್ನು ಬಿಟ್ಟಿಲ್ಲ. ಧ್ರುವ ಪ್ರೇರಣಾ ದಂಪತಿಯ ಸಂಭ್ರಮ ಹೀಗೆಯೇ ನೂರ್ಕಾಲ ಇರಲಿ ಎನ್ನುವುದು ಅಭಿಮಾನಿಗಳ ಹಾರೈಕೆ.

  • ಬಚ್ಚನ್ ಫ್ಯಾಮಿಲಿ ಹಾದಿಯಲ್ಲಿ ಧ್ರುವ ಸರ್ಜಾ ಫ್ಯಾಮಿಲಿ

    dhruva sarja and his wife prerna tests positive for corona

    ಬಾಲಿವುಡ್‍ನಲ್ಲಿ ಅಮಿತಾಬ್ ಬಚ್ಚನ್ ಕುಟುಂಬಕ್ಕೆ ಕೊರೋನಾ ಸೋಂಕು ತಲ್ಲಣವನ್ನೇ ಸೃಷ್ಟಿಸಿದೆ. ಹಿಂದಿ ಚಿತ್ರರಂಗದ ದೊಡ್ಡಮನೆಯಲ್ಲಿ ಅಮಿತಾಭ್, ಅಭಿಷೇಕ್, ಐಶ್ವರ್ಯಾ ರೈ, ಆರಾಧ್ಯ ಬಚ್ಚನ್ ಎಲ್ಲರಿಗೂ ಕೋವಿಡ್ 19 ಸೋಂಕು ತಗುಲಿದೆ. ಚೈನೀಸ್ ವೈರಸ್ ತಟ್ಟದೆ ಬಚಾವ್ ಆಗಿರುವುದು ಜಯಾ ಬಚ್ಚನ್ ಮಾತ್ರ. ಈಗ ಇದೇ ಆತಂಕ ಸರ್ಜಾ ಫ್ಯಾಮಿಲಿಗೆ ಕಾಡ್ತಿದೆ.

    ಧ್ರುವ ಸರ್ಜಾ ಮತ್ತು ಪತ್ನಿ ಪ್ರೇರಣಾ ಸರ್ಜಾ ಇಬ್ಬರಿಗೂ ಕೋವಿಡ್ 19 ಪಾಸಿಟಿವ್ ರಿಪೋರ್ಟ್ ಬಂದಿದೆ. ಇಬ್ಬರನ್ನೂ ಆಸ್ಪತ್ರೆಗೆ ಸೇರಿಸಲಾಗಿದೆ. ಐಸೋಲೇಷನ್‍ನಲ್ಲಿ ಇರಿಸಲಾಗುತ್ತಿದೆ. ನಮ್ಮೊಂದಿಗೆ ಸಂಪರ್ಕದಲ್ಲಿದ್ದವರು ದಯವಿಟ್ಟು ಟೆಸ್ಟ್ ಮಾಡಿಸಿಕೊಳ್ಳಿ ಎಂದು ಧ್ರುವ ಸರ್ಜಾ ಮನವಿ ಮಾಡಿಕೊಂಡಿದ್ದಾರೆ. ಗುಣಮುಖರಾಗಿ ಬನ್ನಿ ಧ್ರುವ ಮತ್ತು ಪ್ರೇರಣಾ. ಇದು ಚಿತ್ರಲೋಕದ ಹಾರೈಕೆ.  

  • ಬಹದ್ದೂರ್ ಗಂಡು ಧ್ರುವ, ಲೆಕ್ಚರರ್ ಪ್ರೇರಣಾ ಲವ್ ಸ್ಟೋರಿ

    dhruva sarja prerna's 10 year old love story

    ಅದ್ಧೂರಿ, ಬಹದ್ದೂರ್, ಭರ್ಜರಿ ಮೂಲಕ ಹ್ಯಾಟ್ರಿಕ್ ಹಿಟ್ ನೀಡಿರುವ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಲವ್ವಲ್ಲಿ ಬಿದ್ದಿದ್ದರು ಅನ್ನೋದು ಗುಟ್ಟಾಗಿಯೇನೂ ಇರಲಿಲ್ಲ. ತಾನು ಮದುವೆಯಾಗುವುದಾದರೆ ಪ್ರೀತಿಸಿಯೇ ಮದುವೆಯಾಗುತ್ತೇನೆ ಎಂದಿದ್ದ ಧ್ರುವ, ಈಗ ತಮ್ಮ ಹೃದಯ ಕದ್ದ ಹುಡುಗಿಯ ಜೊತೆ ಸಪ್ತಪದಿ ತುಳಿಯಲು ಮುಂದಾಗಿದ್ದಾರೆ.

    ಧ್ರುವ ಸರ್ಜಾ ಅವರ ಸಂಗಾತಿಯ ಹೆಸರು ಪ್ರೇರಣಾ. ಪಕ್ಕದ್ಮನೆ ಹುಡುಗಿ. ಪ್ರೀತಿ ಇವತ್ತು ನಿನ್ನೆಯದ್ದಲ್ಲ. ಇದು 16 ವರ್ಷಗಳ ಪ್ರೀತಿ. ಲವ್ ಶುರುವಾಗುವಾಗ ಧ್ರುವ ಸರ್ಜಾ ಹೀರೋ ಆಗಿರಲಿಲ್ಲ. ಸ್ಟಾರ್ ಆಗಿರಲಿಲ್ಲ. ಈಗ ಸ್ಟಾರ್ ಆದ ಮೇಲೂ ಪ್ರೀತಿ ಹಾಗೆಯೇ ಇದೆ. ಇಬ್ಬರ ಮದುವೆಗೆ ಹಿರಿಯರು ಒಪ್ಪಿದ್ದಾರೆ.

    ಚಿತ್ರರಂಗಕ್ಕೆ ಬರುವ ಮುನ್ನವೇ ಪ್ರೇರಣಾರನ್ನು ಪ್ರೀತಿಸಿದ್ದೆ. ನಮ್ಮ ಪ್ರೀತಿಗೆ ಎರಡೂ ಮನೆಯವರು ಒಪ್ಪಿಗೆ ಸೂಚಿಸಿದ್ದಾರೆ. ಡಿಸೆಂಬರ್ 9ರಂದು ನಿಶ್ಚಿತಾರ್ಥ ಎಂದಿದ್ದಾರೆ ಧ್ರುವ ಸರ್ಜಾ.

    ಬೆಂಗಳೂರಿನ ಬನಶಂಕರಿಯಲ್ಲಿರುವ ವೀರಾಂಜೇಯ ಸ್ವಾಮಿ ದೇವಸ್ಥಾನದಲ್ಲಿ ಡಿಸೆಂಬರ್ 9ರಂದು ನಿಶ್ಚಿತಾರ್ಥ ನೆರವೇರಲಿದೆ. ನಂತರ ಲಕ್ಷ್ಮೀ ವೆಂಕಟೇಶ್ವರ ಕಲ್ಯಾಣ ಮಂಟಪದಲ್ಲಿ ನಿಶ್ಚಿತಾರ್ಥದ ವಿಶೇಷ ಕಾರ್ಯಕ್ರಮ ಇಟ್ಟುಕೊಳ್ಳಲಾಗಿದೆ.

  • ಬಹಾದ್ದೂರ್‍ನ ಭರ್ಜರಿಯೂ ಸೆಂಚುರಿ.. ಸಂಭ್ರಮ ಅದ್ಧೂರಿ

    bharjari completes 100 days

    ಧ್ರುವ ಸರ್ಜಾ ಅವರ ಭರ್ಜರಿ ಚಿತ್ರ ಭರ್ಜರಿ ಯಶಸ್ಸನ್ನೇ ಕಂಡಿದೆ. ಚಿತ್ರ ಹಿಟ್ ಎಂಬ ಸೂಚನೆ ಸಿಕ್ಕ ದಿನದಿಂದಲೂ ಚಿತ್ರತಂಡ, ಸಿನಿಮಾದ ಪ್ರತಿ ಮೈಲುಗಲ್ಲನ್ನೂ ಸಂಭ್ರಮಿಸುತ್ತಾ ಬಂದಿತ್ತು. 25 ದಿನ, 50 ದಿನ & 75ನೇ ದಿನದ ಸಂಭ್ರಮವನ್ನು ಥಿಯೇಟರುಗಳಲ್ಲಿ ಆಚರಿಸಿತ್ತು. ಧ್ರುವ ಸರ್ಜಾ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದ್ದರು.

    ಇಂದು ಚಿತ್ರಕ್ಕೆ 100 ದಿನ. ಶತದಿನೋತ್ಸವದ ಸಂಭ್ರಮವೂ ಜೋರಾಗಿಯೇ ನಡೆಯಲಿದೆ. ಇಂದು ಧ್ರುವ ಸರ್ಜಾ ಅವರನ್ನು ಅಭಿಮಾನಿಗಳು ಮೈಸೂರು ಬ್ಯಾಂಕ್ ಸರ್ಕಲ್‍ನಿಂದ ನರ್ತಕಿ ಚಿತ್ರಮಂದಿರದವರೆಗೆ ಮೆರವಣಿಗೆಯಲ್ಲಿ ಕರೆತರಲಿದ್ದಾರೆ. ಡೊಳ್ಳುಕುಣಿತ, ವೀರಗಾಸೆ, ಕೇರಳ ಚಂಡೆ, ಕೀಲುಗೊಂಬೆ, ತಮಟೆ.. ಎಲ್ಲ ವಾದ್ಯಗಳ ಮೇಳವೂ ಇರಲಿದೆ.

    ಇನ್ನು ಇಡೀ ದಿನ ಅಭಿಮಾನಿಗಳಿಗೆ ಅನ್ನ ಸಂತರ್ಪಣೆ, ಹೂವಿನ ಅಭಿಷೇಕ, ಪಟಾಕಿಗಳ ಮೊರೆತ ಇರಲಿದೆ. ಧ್ರುವ ಸರ್ಜಾ ಅವರ 75 ಅಡಿ ಕಟೌಟ್‍ಗೆ ಅಭಿಷೇಕವೂ ನಡೆಯಲಿದೆ. 101 ಕೆಜಿಯ ಕೇಕ್ ಕಟ್ ಮಾಡಿ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.

  • ಭರ್ಜರಿ ಶತದಿನೋತ್ಸವ.. ಸಿನಿಮಾದವರೇ ಹೋಗಲ್ಲ..!

    bharjari to celebrate 100 days function

    ಭರ್ಜರಿ. ಧ್ರುವ ಸರ್ಜಾಗೆ ಹ್ಯಾಟ್ರಿಕ್ ಹಿಟ್ ಕೊಟ್ಟ ಸಿನಿಮಾ. ಧ್ರುವ, ರಚಿತಾ ರಾಮ್, ಹರಿಪ್ರಿಯಾ ನಟಿಸಿರುವ ಚಿತ್ರ ಸೂಪರ್ ಹಿಟ್ ಆಗಿ, ಶತದಿನೋತ್ಸವ ಆಚರಿಸಿತ್ತು. ಆದರೆ, ಚಿತ್ರದ ಬಿಡುಗಡೆಗೂ ಮೊದಲಿನಿಂದ ಚಿತ್ರತಂಡ ಹಾಗೂ ನಿರ್ಮಾಪಕರ ಮಧ್ಯೆ ತಿಕ್ಕಾಟ ನಡೆದೇ ಇತ್ತು. ಚಿತ್ರತಂಡ, ಭರ್ಜರಿ ಸಿನಿಮಾ 50 ಕೋಟಿ ಕಲೆಕ್ಷನ್ ಮಾಡಿದೆ ಎಂದಿದ್ದರೆ, ನಿರ್ಮಾಪಕ ಶ್ರೀನಿವಾಸ್.. ಅದೆಲ್ಲ ಸುಳ್ಳು. ಸಂಭಾವನೆ ಹೆಚ್ಚಿಸಿಕೊಳ್ಳೋಕೆ ಸುಳ್ಳು ಹೇಳ್ತಿದ್ದಾರೆ ಎಂದಿದ್ದರು.

    ಈಗ ನಿರ್ಮಾಪಕ ಕನಕಪುರ ಶ್ರೀನಿವಾಸ್, ಭರ್ಜರಿ ಚಿತ್ರದ ಶತದಿನ ಸಮಾರಂಭ ಏರ್ಪಡಿಸಿದ್ದಾರೆ. ಆ ಕಾರ್ಯಕ್ರಮಕ್ಕೆ ಸಚಿವ ಡಿ.ಕೆ.ಶಿವಕುಮಾರ್, ಸಂಸದ ಡಿ.ಕೆ.ಸುರೇಶ್, ಶಾಸಕರಾದ ಆರ್.ವಿ.ದೇವರಾಜ್, ವಿತರಕ ಭಾಷಾ ಮೊದಲಾದವರು ಬರುತ್ತಿದ್ದಾರೆ. ಮಾರ್ಚ್ 30ನೇ ತಾರೀಕು ಕನಕಪುರ ರಸ್ತೆಯ ಮುನೇಶ್ವರ ದೇವಸ್ಥಾನದ ಬಳಿ ಶತದಿನೋತ್ಸವ ಕಾರ್ಯಕ್ರಮ ನಡೆಯಲಿದೆ.

    ಆದರೆ, ಆ ಕಾರ್ಯಕ್ರಮಕ್ಕೆ ಚಿತ್ರತಂಡದವರೇ ಹೋಗುತ್ತಿಲ್ಲ. ನಾಯಕ ನಟ ಧ್ರುವ ಸರ್ಜಾ ಸೇರಿದಂತೆ ಚಿತ್ರತಂಡದ ಎಲ್ಲ ಸದಸ್ಯರೂ ಈ ಸಮಾರಂಭದಿಂದ ದೂರವೇ ಉಳಿದಿದ್ದಾರೆ. ನಿರ್ಮಾಪಕರು ಅಷ್ಟರಮಟ್ಟಿಗೆ ಚಿತ್ರತಂಡದವರ ಜೊತೆ ಬಾಂಧವ್ಯ ಕೆಡಿಸಿಕೊಂಡಿದ್ದಾರಾ..? ಚಿತ್ರತಂಡದವರನ್ನು ಕೇಳಿದರೆ ಒಬ್ಬೊಬ್ಬರ ಬಳಿಯೂ ಮೈಲುದ್ದದ ದೂರುಗಳಿವೆ. ಸಿನಿಮಾ ಸದಸ್ಯರೇ ಇಲ್ಲದೆ ಸಿನಿಮಾ ಶತದಿನೋತ್ಸವ ನಡೆಯುತ್ತಾ..? ವೇಯ್ಟ್ ಮಾಡಿ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery