ರಿಷಿಕಾ ಶರ್ಮ ಮತ್ತು ನಿಹಾಲ್ ರಜಪೂತ್. ವಿಜಯ್ ಸಂಕೇಶ್ವರ್ ಬಯೋಪಿಕ್ ವಿಜಯಾನಂದ ಚಿತ್ರದ ನಿರ್ದೇಶಕಿ ರಿಷಿಕಾ ಹಾಗೂ ಹೀರೋ ನಿಹಾಲ್ ಈಗ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಹಲವು ವರ್ಷಗಳಿಂದ ಪ್ರೀತಿಯಲ್ಲಿದ್ದ ರಿಷಿಕಾ-ನಿಹಾಲ್ ಈಗ ವಿವಾಹ ಜೀವನಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ.

ನಾನು ಮತ್ತು ನಿಹಾಲ್ ಫೆಬ್ರವರಿಯಲ್ಲಿ ಮದುವೆಯಾಗಲಿದ್ದೇವೆ. ನಮ್ಮಿಬ್ಬರದು ಸುಮಾರು 9 ವರ್ಷಗಳ ಸ್ನೇಹ. ಪ್ರೀತಿಯ ನೆಲೆಗಟ್ಟಿನ ಹಾದಿಯಲ್ಲಿ ಹೆಜ್ಜೆಯಿಡುತ್ತಿದ್ದೇವೆ. ಹರಸಿ ಹಾರೈಸಿ, ಪ್ರೀತಿ ವಿಶ್ವಾಸ ಸದಾ ಎದುರು ನೋಡುವ ನಿಮ್ಮ ರಿಷಿಕಾ-ನಿಹಾಲ್ ಎಂದು ಬರೆದುಕೊಂಡಿದ್ದಾರೆ ರಿಷಿಕಾ ಮತ್ತು ನಿಹಾಲ್.

ಫೆಬ್ರವರಿ 15ರಂದು ಮಲ್ಲೇಶ್ವರದ ಟಿಟಿಡಿ ಕಲ್ಯಾಣ ಮಂಟಪದಲ್ಲಿ ಮದುವೆ ನೆರವೇರಲಿದೆ. ಫೆ.17ರಂದು ಧಾರವಾಡದಲ್ಲಿ ಆರತಕ್ಷತೆ.