` yogaraj bhat, - chitraloka.com | Kannada Movie News, Reviews | Image

yogaraj bhat,

  • Yograj Bhat Shaking And Jaggesh Thrilled 

    chouka film song

    The Alladsu Alladsu song from Chowka is becoming the new sensational song in Sandalwood. Written by Yograj Bhat with music by Harikrishna and sung by Vijay Prakash the song has already become a hit.

    Senior actor Jaggesh is also very happy with the song and has commented that it is one of the best song with folk effect that he has heard in a while. The multistarrer Chowka is nearing release. Lifeu Tonic Bottle Kudiyok Munche Alladsu has taken the internet by storm. The film is directed by Tharun Sudhir and is the 50th film under Dwarakish Chitra banner.

    Related Articles :-

    Chauka Releasing On January 19th

    Chauka Releasing on December 23rd

    Chauka Likely To Release On October 28th

    Chauka Heroines Revealed - Exclusive

    Chauka Songs to be Released on August 15th

    Deepa Sannidhi is Prajwal's Heroine in Chauka - Exclusive

    Chauka Characters Revealed

    Five Music Directors for Chauka

    Five Cinematographers for Chauka? - Exclusive

    Chauka Launching on January 01st

    Dwarkish's 50th Film is Chauka

  • ಅಂಬಿ ಹುಟ್ಟುಹಬ್ಬಕ್ಕೆ ಭಟ್ಟರ ಸಾಂಗು

    yogaraj bhatt's lyrical tribute

    ಅಂಬರೀಷ್.. ಮಾತಿನಲ್ಲಿ ಒರಟು.. ಆದರೆ ಹೃದಯವಂತ. ಆವಾಜು ಹಾಕೋದ್ರಲ್ಲಿ ಸ್ಟ್ರಾಂಗು.. ಚಿತ್ರರಂಗದವರೇ ಆಗಲೀ, ಪತ್ರಕರ್ತರೇ ಆಗಲೀ.. ರಾಜಕಾರಣದಲ್ಲಿರುವವರೇ ಆಗಲೀ.. ಅಪ್ಪಟ ಮಂಡ್ಯ ಸಂಸ್ಕøತದಲ್ಲಿಯೇ ಮಾತನಾಡುವ ಅಂಬರೀಷ್ ಅವರ ವ್ಯಕ್ತಿತ್ವ ಕಲರ್‍ಫುಲ್. 

    ಅಂಬರೀಷ್ ಅವರನ್ನು ಹತ್ತಿರದಿಂದ ನೋಡಿರುವವರಲ್ಲಿ ಯೋಗರಾಜ್ ಭಟ್ಟರೂ ಒಬ್ಬರು. ಅಂಬರೀಷ್‍ಗೆ ಬೊಂಬೆ ಆಡ್ಸೋನು ಎಂಬ ಲೈಫ್‍ಟೈಂ ಸಾಂಗು ಕೊಟ್ಟಿದ್ದ ಭಟ್ಟರು, ಈಗ ಅಂಬಿ ಹುಟ್ಟುಹಬ್ಬಕ್ಕೆ ಒಂದು ಸ್ಪೆಷಲ್ ಹಾಡನ್ನೂ ಕೊಟ್ಟಿದ್ದಾರೆ.

    ಬರ್ತ್ ಡೇ ಎಂಬುದು ಭಗವಂತನ ದೈವ.. ಅಂಬ್ರೀಸಣ್ಣ 66.. ಸಿಕ್ಸರ್ ಮೇಲೆ ಸಿಕ್ಸರ್..

    ಮಂಡ್ಯದ ಗಂಡಿಗಿನ್ನೂ ಜಸ್ಟ್ 16.. ಲೆಕ್ಕಕ್ಕೆ ಹೇಳ್ತಾರಪ್ಪೋ 66..

    ಕೋಟಿ ಕಾಲ ಬಾಳಲಿ ಹಾಯಾಗಿ ಇವ್ರು

    ಇವ್ರಿಗೆ ಲೈಫು ಅನ್ನೋದು ಒಂದು ಸುಂದರ ಟೂರು

    ನಂಬಿದ ಮಂದಿಗೆ ದಿಲ್‍ದಾರು ಕಾಣಯ್ಯೋ..

    ಮನಸು ತುಂಬಾ ಸ್ಮೂತು.. ಅವಾಜು ಸ್ಟ್ರಾಂಗಯ್ಯೋ..

    ದೋಸ್ತಿಲಿ ಇವರೇ ನಂಬರ್ ಒನ್ ಒನ್ನಯ್ಯ

    ಪ್ರೀತಿಗೆ ಇನ್ನೊಂದು ಹೆಸರೇ ಅಂಬರೀಷ್ ಅಣ್ಣಯ್ಯ

    ಬೇರೆ ಯಾರಿಗೈತೆ ಇಷ್ಟು ದೊಡ್ಡ ಹೃದಯ

    ಹುಟ್ಟಿದ ಹಬ್ಬಕ್ಕೆ ಇವ್ರಿಗೆ ಶುಭಾಶಯ

    ಯೋಗರಾಜ್ ಭಟ್ ನಿರ್ದೇಶನದ ಪಂಚತಂತ್ರ ಚಿತ್ರದ ಹಾಡಿನ ಟ್ಯೂನ್‍ನ್ನೇ ಬಳಸಿರುವ ಭಟ್ಟರು, ಹಾಡನ್ನು ಶಶಾಂಕ್ ಶೇಷಗಿರಿ ಅವರಿಂದ ಹಾಡಿಸಿದ್ದಾರೆ. ಹಾಡು.. ಅಂಬರೀಷ್‍ರ ವ್ಯಕ್ತಿತ್ವವನ್ನು ಪದಗಳಲ್ಲಿ ಹಿಡಿದಿಟ್ಟಿದೆ.

  • ಈ ವಯಸ್ಸಲ್ ಏನ್ಮಾಡೋದೋ ಗೊತ್ತಾಗೋದಿಲ್ಲ.. ತಪ್ಪು ನಮ್ದಲ್ಲ

    panchatantra's second song released

    ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ ಅನ್ನೋ ಹಾಡು ಬಿಟ್ಟು, ಚಳಿಗಾಲದಲ್ಲಿ ನೋಡುಗರ ಮೈ ಬೆಚ್ಚಗಾಗಿಸಿದ್ದ ಯೋಗರಾಜ್ ಭಟ್ಟರು, ಪಂಚತಂತ್ರ ಚಿತ್ರದ 2ನೇ ಹಾಡಿನಲ್ಲಿ ಬಿಸಿಯಾದ ಮೈ ಕುಣಿದು ಕುಪ್ಪಳಿಸುವಂತೆ ಮಾಡಿಬಿಟ್ಟಿದ್ದಾರೆ. ಈ ವಯಸ್ಸಲ್ ಏನ್ಮಾಡೋದೋ ಗೊತ್ತಾಗೋದಿಲ್ಲ.. ಇಪ್ಪತ್ತನಾಲ್ಕು ಗಂಟೆ ಸಾಕಾಗ್ತಾ ಇಲ್ಲ.. ಅನ್ನೋ ಹಾಡು ಹುಡುಗ/ಹುಡುಗಿಯರನ್ನು ಕುಣಿದು ಕುಪ್ಪಳಿಸುವಂತೆ ಮಾಡಿದೆ. ಹಾಗೆ ನೋಡಿದರೆ ಭಟ್ಟರ ಈ ಹಾಡು, ಯುವಕ/ಯುವತಿಯರ ಮನಸ್ಸಿನಲ್ಲಿ ಆಗಾಗ್ಗೆ ಸುಳಿದು ಹೋಗುವ ಪದಗಳೇ. 

    ದೊಡ್ಡವರ ಬಗೆಗಿನ ಯುವಕರ ಕಂಪ್ಲೇಂಟುಗಳೇ ಹಾಡಿನಲ್ಲಿರೋ  ಪದಗಳು. ತಾವು ಯುವಕರಾಗಿದ್ದಾಗ ಅನುಭವಿಸಿದ್ದ ಮತ್ತು ತಮ್ಮ ಮಕ್ಕಳು ಇನ್ನಷ್ಟು ದೊಡ್ಡವರಾದ ಮೇಲೆ ಅನುಭವಿಸಬೇಕಿರುವ ಎಲ್ಲವನ್ನೂ ಪದಗಳಲ್ಲೇ ಹಿಡಿದಿಟ್ಟಿದ್ದಾರೆ ಭಟ್ಟರು. ಅದನ್ನು ಅಷ್ಟೇ ಚೆಂದವಾಗಿ ಹಾಡಿರೋದು ಹರಿಕೃಷ್ಣ. ಸಿಂಪಲ್ಲಾಗ್ ಹೇಳಬೇಕಂದ್ರೆ, ಇದು ಅಪ್ಪಟ ಪಾರ್ಟಿ ಸಾಂಗ್. 

  • ಒಂದಾಗುತ್ತಿದ್ದಾರೆ ಶಿವರಾಜ್ ಕುಮಾರ್, ಯೋಗರಾಜ್ ಭಟ್

    shivarajkumar and yograj bhatt team up

    ಶಿವರಾಜ್ ಕುಮಾರ್ ಮತ್ತು ಯೋಗರಾಜ್ ಭಟ್ ಒಟ್ಟಿಗೇ ಸಿನಿಮಾ ಮಾಡೋದ್ಯಾವಾಗ..? ಇದು ಅಭಿಮಾನಿಗಳ ಪ್ರಶ್ನೆಯಷ್ಟೇ ಆಗಿರಲಿಲ್ಲ, ಚಿತ್ರರಂಗದಲ್ಲಿ ಹಲವರನ್ನು ಕಾಡುತ್ತಿದ್ದ ಪ್ರಶ್ನೆಯೂ ಆಗಿತ್ತು. ಕಥೆ ಚೆನ್ನಾಗಿದ್ದರೆ, ಇಷ್ಟವಾದರೆ, ಹೊಸಬರ ಚಿತ್ರಗಳಿಗೂ ಸೈ ಎನ್ನುವ ಶಿವರಾಜ್ ಕುಮಾರ್, ಈ ಬಾರಿ ಯೋಗರಾಜ್ ಭಟ್ ಅವರ ಚಿತ್ರಕ್ಕೆ ಕಥೆಯನ್ನೂ ಕೇಳದೆ ಓಕೆ ಎಂದಿದ್ದಾರಂತೆ.

    ಶಿವರಾಜ್ ಕುಮಾರ್ ಓಕೆ ಹೇಳಿದ್ದೇ ತಡ, ಬೇರೆಲ್ಲ ಸಿನಿಮಾ ಕೆಲಸಗಳನ್ನು ಬದಿಗಿಟ್ಟು ಶಿವರಾಜ್ ಕುಮಾರ್ ಚಿತ್ರಕ್ಕೆ ಕಥೆ, ಚಿತ್ರಕಥೆ ಸಿದ್ಧಪಡಿಸಲು ಪೆನ್ನು ಪೇಪರ್ ಕೈಗೆತ್ತಿಕೊಂಡಿದ್ದಾರೆ ಯೋಗರಾಜ್ ಭಟ್. ಚಿತ್ರದ ಒನ್‍ಲೈನ್ ಕಥೆಯನ್ನು ಶಿವರಾಜ್ ಕುಮಾರ್ ಅವರಿಗೆ ತಿಳಿಸಿದ್ದಾರೆ.

    ಒಂದು ಆ್ಯಕ್ಷನ್ ಬೇಸ್ಡ್ ಸಿನಿಮಾ ಮಾಡುವ ಯೋಜನೆಯಲ್ಲಿರುವ ಭಟ್ಟರು, ಶಿವಣ್ಣ ಚಿತ್ರಕ್ಕೆ ಎಂಥಾ ಕಥೆ ಹೆಣೆಯಬಹುದು ಎಂಬ ಕುತೂಹಲ ಹಲವರಲ್ಲಿದೆ. ಭಟ್ಟರು ಸದ್ಯಕ್ಕೆ ಪ್ರದೀಪ್, ಇಶಾನ್ ಚಿತ್ರವನ್ನು ಪಕ್ಕಕ್ಕಿಟ್ಟು, ಶಿವರಾಜ್ ಕುಮಾರ್ ಚಿತ್ರದಲ್ಲಿ ಬ್ಯುಸಿಯಾಗಿ ಹೋಗಿದ್ದಾರೆ.

    ಚಿತ್ರದ ಮುಹೂರ್ತ ಯಾವಾಗ.? ಶೂಟಿಂಗ್ ಯಾವಾಗ..? ರಿಲೀಸ್ ಯಾವಾಗ..? ಸದ್ಯಕ್ಕೆ ಇದು ಭಟ್ಟರಿಗೂ ಗೊತ್ತಿಲ್ಲ. ವೇಯ್ಟ್ ಮಾಡಿ.

  • ಕುಲದಲ್ಲಿ ಕೀಳ್ಯಾವುದೋ.. ಶಿವಣ್ಣ.. ಭಟ್ರು..

    yogaraj bhat shivanna movie

    ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್ ಹಾಗೂ ನಿರ್ದೇಶಕ ಯೋಗರಾಜ್ ಭಟ್ ಕಾಂಬಿನೇಷನ್‍ನಲ್ಲಿ ಸಿನಿಮಾ ಬರಲಿದೆ. ಪಂಚತಂತ್ರ ಮುಗಿಸಿದ ನಂತರ ಭಟ್ಟರು ಶಿವರಾಜ್‍ಕುಮಾರ್ ಸಿನಿಮಾ ನಿರ್ದೇಶಿಸಲಿದ್ದಾರೆ ಅನ್ನೋದು ಗುಟ್ಟೇನಲ್ಲ. ಈಗ ಆ ಚಿತ್ರಕ್ಕೆ ಟೈಟಲ್ ಫಿಕ್ಸಾಗಿದೆ ಅನ್ನೋ ಸುದ್ದಿ ತೇಲಿ ಬರುತ್ತಿದೆ.

    ಸ್ಟಾರ್ ಹೀರೋ, ಸ್ಟಾರ್ ಡೈರೆಕ್ಟರ್ ಕಾಂಬಿನೇಷನ್ ಚಿತ್ರಕ್ಕೆ ಅಣ್ಣಾವ್ರ ಸತ್ಯ ಹರಿಶ್ಚಂದ್ರ ಚಿತ್ರದ ಹಾಡಿನ ಸಾಲನ್ನು ಇಟ್ಟುಕೊಳ್ಳಲು ನಿರ್ಧರಿಸಿದ್ದಾರಂತೆ ಭಟ್ಟರು. ಕುಲದಲ್ಲಿ ಕೀಳ್ಯಾವುದೋ.. ಅನ್ನೋ ಸಾಲನ್ನೇ ಚಿತ್ರಕ್ಕೆ ಇಟ್ಟುಕೊಳ್ಳಲು ತೀರ್ಮಾನಿಸಿದ್ದಾರಂತೆ. 

    ಸಿನಿಮಾದಲ್ಲಿ ರಾಷ್ಟ್ರೀಯ ಏಕತೆ, ಜಾತಿಮತಭೇದ ಬಿಟ್ಟು ಜನ ಒಂದಾಗಿ ಬಾಳಬೇಕು ಎನ್ನುವ ಸಂದೇಶವಿದೆಯಂತೆ. ಹೀಗಾಗಿಯೇ ಚಿತ್ರಕ್ಕೆ ಕುಲದಲ್ಲಿ ಕೀಳ್ಯಾವುದೋ ಟೈಟಲ್ ಇಡಲು ತೀರ್ಮಾನಿಸಲಾಗಿದೆಯಂತೆ. ಭಟ್ಟರು ಈ ಬಾರಿ ಆ್ಯಕ್ಷನ್ ಥ್ರಿಲ್ಲರ್ ಕಥೆ ಹೇಳಲಿದ್ದಾರಂತೆ. ರಾಶಿ ಬ್ರದರ್ಸ್ ಲಾಂಚನದಲ್ಲಿ ಬರಲಿರೋ ಚಿತ್ರ ಶೀಘ್ರದಲ್ಲೇ ಸೆಟ್ಟೇರಲಿರುವ ಸಾಧ್ಯತೆ ಇದೆ.

  • ಗಾಳಿಪಟ-2 : ಶರಣ್, ರಿಷಿ ಔಟ್. ಗಣೇಶ್, ದಿಗಂತ್ ಇನ್

    breaking news from gaalipata 2 team

    ಗಾಳಿಪಟ-2, ಯೋಗರಾಜ್ ಭಟ್ಟರ ಚಿತ್ರ. ಶೂಟಿಂಗ್ ಶುರುವಾಗಬೇಕಿರುವ ಚಿತ್ರದಲ್ಲಿ ಒಂದು ಅನಿರೀಕ್ಷಿತ ಬದಲಾವಣೆಯಾಗಿದೆ. ಪ್ಲಾನ್ ಪ್ರಕಾರ ಚಿತ್ರದಲ್ಲಿ ಶರಣ್, ರಿಷಿ ಹಾಗೂ ಪವನ್ ಕುಮಾರ್ ನಾಯಕರು. ಆದರೆ, ಈಗ ಆ ಮೂವರಲ್ಲಿ ಇಬ್ಬರು ಹೊರಹೋಗಿದ್ದಾರೆ. ಶರಣ್ ಮತ್ತು ರಿಷಿ. ಇಬ್ಬರು ಒಳಗೆ ಬಂದಿದ್ದಾರೆ ಗಣೇಶ್ ಮತ್ತು ದಿಗಂತ್. ಅದಕ್ಕೆಲ್ಲ ಕಾರಣ ಸ್ಕ್ರಿಪ್ಟ್.

    ನಿರ್ಮಾಪಕ ಮಹೇಶ್ ದಾನಣ್ಣವರ್ ಈ ವಿಷಯವನ್ನು ಸ್ಪಷ್ಟಪಡಿಸಿದ್ದಾರೆ. ಚಿತ್ರದ ಸ್ಕ್ರಿಪ್ಟ್ ಡೆವಲಪ್ ಆಗುತ್ತಾ ಹೋದಂತೆ ಈ ಪಾತ್ರಗಳಿಗೆ ಗಣೇಶ್ ಮತ್ತು ದಿಗಂತ್ ಅವರೇ ಸೂಕ್ತ ಎನ್ನಿಸೋಕೆ ಶುರುವಾಯ್ತು. ಹೀಗಾಗಿ ಬದಲಾವಣೆ ಮಾಡಿಕೊಂಡಿದ್ದೇವೆ ಎಂದಿದ್ದಾರೆ.

    ಶರಣ್ ತುಂಬಾ ಒಳ್ಳೆಯ ನಟ. ಅವರು ಈ ಚಿತ್ರಕ್ಕಾಗಿ ಕೆಲವು ತಿಂಗಳು ಕೆಲಸ ಮಾಡಿದ್ದಾರೆ. ನಾವು ಈ ಚಿತ್ರದಲ್ಲಿ ಶರಣ್ ಅವರನ್ನು ಮಿಸ್ ಮಾಡಿಕೊಂಡರೂ, ಗಾಳಿಪಟ-2 ಮುಗಿದ ಮೇಲೆ ಶರಣ್-ಯೋಗರಾಜ್ ಭಟ್ ಕಾಂಬಿನೇಷನ್‍ನಲ್ಲಿ ಹೊಸ ಸಿನಿಮಾ ಶುರು ಮಾಡುತ್ತಿದ್ದೇನೆ ಎಂದಿದ್ದಾರೆ ಮಹೇಶ್.

    ಯೋಗರಾಜ್ ಭಟ್ಟರ ಸೋದರ ಮೃತಪಟ್ಟಿದ್ದು, ಸದ್ಯಕ್ಕೆ ಹುಟ್ಟೂರಿನಲ್ಲಿದ್ದಾರೆ. ಹೀಗಾಗಿ ಅವರು ಪ್ರತಿಕ್ರಿಯೆಗೆ ಸಿಕ್ಕಿಲ್ಲ.

  • ಗಾಳಿಪಟ-2ಗೆ ಪ್ರಭುದೇವ ಡ್ಯಾನ್ಸ್ ಪವರ್..?

    will yogaraj bhat be a part of gaalipata 2

    ಪಂಚತಂತ್ರ ಸಕ್ಸಸ್ ಬಳಿಕ ಯೋಗರಾಜ್ ಭಟ್ ಕೈಗೆತ್ತಿಕೊಂಡಿರೋ ಸಿನಿಮಾ ‘ಗಾಳಿಪಟ-2. ಚಿತ್ರದ ಶೂಟಿಂಗ್ ಇನ್ನೂ ಶುರುವಾಗಿಲ್ಲ. ತಾರಾಗಣದಲ್ಲಿ ಬದಲಾವಣೆ ಮಾಡಿಕೊಂಡು ಸುದ್ದಿಯಾಗಿದ್ದ ಯೋಗರಾಜ್ ಭಟ್, ಈಗ ತಮ್ಮ ಟೀಂಗೆ ಭಾರತದ ಮೈಕಲ್ ಜಾಕ್ಸನ್ ಪ್ರಭುದೇವಗೆ ಆಹ್ವಾನ ಕೊಟ್ಟಿದ್ದಾರೆ.

    ಈಗಾಗಲೇ ಯೋಗರಾಜ್ ಭಟ್ ಮತ್ತು ನಿರ್ಮಾಪಕ ಮಹೇಶ್ ದಾನಣ್ಣವರ್ ಪ್ರಭುದೇವರನ್ನು ಮುಂಬೈನಲ್ಲಿ ಭೇಟಿ ಮಾಡಿದ್ದಾರಂತೆ. ಮಾತುಕತೆಯೂ ನಡೆದಿದೆಯಂತೆ. 2002ರಲ್ಲಿ ಹೆಚ್2ಒ ಚಿತ್ರದಲ್ಲಿ ನಟಿಸಿದ್ದ ಪ್ರಭುದೇವ,ಆನಂತರ ಕನ್ನಡದಲ್ಲಿ ನಟಿಸಿಲ್ಲ. ಸದ್ಯಕ್ಕೆ ದಬಾಂಗ್-3ಯಲ್ಲಿ ಬ್ಯುಸಿಯಾಗಿರುವ ಪ್ರಭುದೇವ, ಭಟ್ಟರ ಚಿತ್ರಕ್ಕೆ ಓಕೆ ಎಂದಿದ್ದಾರೆ ಎಂಬ ಸುದ್ದಿಗಳಿವೆ.

    ಗಣೇಶ್, ದಿಗಂತ್, ಪವನ್ ಕುಮಾರ್, ಆದಿತಿ ಪ್ರಭುದೇವ, ಸೋನಲ್ ಮಂಥೆರೋ, ಶರ್ಮಿಳಾ ಮಾಂಡ್ರೆ ನಟಿಸುತ್ತಿರುವ ಚಿತ್ರವಿದು. ಸೆಪ್ಟೆಂಬರ್ನಿಂದ ಶೂಟಿಂಗ್ ಶುರುವಾಗಲಿದ್ದು, ಮಲೆನಾಡಿನಲ್ಲಿಯೇ ಚಿತ್ರೀಕರಣಕ್ಕೆ ಪ್ಲಾನ್ ಮಾಡಿದ್ದಾರೆ ಯೋಗರಾಜ್ ಭಟ್.

  • ತೆಲುಗು, ಹಿಂದಿಯಲ್ಲಿ ಪಂಚತಂತ್ರಕ್ಕೆ ಡಿಮ್ಯಾಂಡು

    panchatantra gets demand in telugu and hindi

    ಯೋಗರಾಜ್ ಭಟ್ಟರ ಪಂಚತಂತ್ರ ಚಿತ್ರ ಕಥೆ, ಪ್ರೀತಿ, ರೇಸ್‍ನಿಂದ ಮೋಡಿಯನ್ನೇ ಮಾಡಿದೆ. ಯುವ ಪ್ರೇಕ್ಷಕರನ್ನು ಸೆಳೆಯುತ್ತಿರುವ ಪಂಚತಂತ್ರ ಚಿತ್ರಕ್ಕೆ ಒಳ್ಳೆಯ ಓಪನಿಂಗೂ ಸಿಕ್ಕಿದೆ. ಪಂಚತಂತ್ರದ ಆಮೆ, ಮೊಲ ರೇಸ್ ಕಥೆಯನ್ನು ಇಷ್ಟು ಚೆಂದವಾಗಿ ಸಿನಿಮಾ ಮಾಡಬಹುದಾ ಎಂದು ಅಚ್ಚರಿ ಪಟ್ಟಿರುವುದು ಕನ್ನಡ ಪ್ರೇಕ್ಷಕರಷ್ಟೇ ಅಲ್ಲ, ತೆಲುಗು ಹಾಗೂ ಹಿಂದಿ ಚಿತ್ರರಂಗದವರೂ ಕೂಡಾ ಬೆರಗಾಗಿದ್ದಾರೆ.

    ಹೀಗಾಗಿಯೇ ಪಂಚತಂತ್ರ ಚಿತ್ರದ ರೀಮೇಕ್‍ಗೆ ಡಿಮ್ಯಾಂಡ್ ಬರೋಕೆ ಶುರುವಾಗಿದೆ. ಭಟ್ಟರ ಚಿತ್ರಗಳು ಬೇರೆ ಭಾಷೆಗೆ ರೀಮೇಕ್ ಆಗುವುದು ಹೊಸದೇನಲ್ಲ. ಈ ಬಾರಿಯೂ ಅಷ್ಟೆ, ತೆಲುಗಿನಲ್ಲಿ ಆಗಲೇ ಆಂಧ್ರ ವರ್ಸಸ್ ತೆಲಂಗಾಣ ಅನ್ನೋ ಹೆಸರಲ್ಲಿ ಪಂಚತಂತ್ರ ರೀಮೇಕ್ ಆಗುತ್ತಿದೆ ಎಂಬ ಸುದ್ದಿಯಿದೆ.

    ಒಟ್ಟಿನಲ್ಲಿ ಹೊಸಬರನ್ನೇ ಇಟ್ಟುಕೊಂಡು ಯೋಗರಾಜ್ ಭಟ್ಟರು ಮತ್ತೊಮ್ಮೆ ಗೆದ್ದಿದ್ದಾರೆ. ಶೃಂಗಾರದ ಹೊಂಗೇ ಮರ ಹೂ ಬಿಟ್ಟು, ಅರಳಿದೆ.

  • ದನಕಾಯೋನ ದುಡ್ಡು ಭಟ್ಟರಿಗೆ ಬರಲೇ ಇಲ್ಲ..!

    yograj bhat still waiting for kanakpura srinivas money

    ದನಕಾಯೋನು. ವರ್ಷಗಳ ಹಿಂದೆ ರಿಲೀಸ್ ಆಗಿದ್ದ ಸಿನಿಮಾ. ಕನಕಪುರ ಶ್ರೀನಿವಾಸ್ ನಿರ್ಮಾಣದ ಆ ಚಿತ್ರಕ್ಕೆ ಯೋಗರಾಜ್ ಭಟ್ ನಿರ್ದೇಶನವಿತ್ತು. ಆದರೆ, ಸಿನಿಮಾ ರಿಲೀಸ್ ಆಗಿ, ಲಾಭ ಮಾಡಿಕೊಂಡರೂ, ನಿರ್ಮಾಪಕ ಕನಕಪುರ ಶ್ರೀನಿವಾಸ್, ಯೋಗರಾಜ್ ಭಟ್ಟರಿಗೆ ಅವರಿಗೆ ಕೊಡಬೇಕಾದ ಸಂಭಾವನೆ ಕೊಡಲೇ ಇಲ್ಲ. ಫಿಲಂ ಚೇಂಬರ್ ಮೆಟ್ಟಿಲೇರಿ, ಹಲವು ಬಾರಿ ಸೂಚನೆ ಕೊಟ್ಟರೂ, ಶ್ರೀನಿವಾಸ್ ಪ್ರತಿ ಬಾರಿಯೂ ಮಾತಿಗೆ ತಪ್ಪಿದರು. ಕೊಟ್ಟಿದ್ದ ಚೆಕ್‍ಗಳು ಬೌನ್ಸ್ ಆದವು.

    ಅದೇ ಕನಕಪುರ ಶ್ರೀನಿವಾಸ್ ನಿರ್ಮಾಣದ ಭರ್ಜರಿ ಚಿತ್ರದ ರಿಲೀಸ್ ವೇಳೆ ಯೋಗರಾಜ್ ಭಟ್, ಕೋರ್ಟ್ ಮೆಟ್ಟಿಲೇರುವ ಎಚ್ಚರಿಕೆ ಕೊಟ್ಟಿದ್ದರು. ಆಗ ಮತ್ತೊಮ್ಮೆ ಫಿಲಂ ಚೇಂಬರ್ ಮೊರೆ ಹೋದ ಕನಕಪುರ ಶ್ರೀನಿವಾಸ್, ಸೆಪ್ಟೆಂಬರ್ ಅಂತ್ಯದೊಳಗೆ ಹಣವನ್ನು ಪೂರ್ತಿ ನೀಡುವುದಾಗಿ ಭರವಸೆ ಕೊಟ್ಟು, ಸಿನಿಮಾ ರಿಲೀಸ್ ಆಗುವಂತೆ ನೋಡಿಕೊಂಡಿದ್ದರು. 

    ಕನಕಪುರ ಶ್ರೀನಿವಾಸ್ ಅವರನ್ನು ನಂಬಿದ್ದಕ್ಕೆ ಈ ಬಾರಿಯೂ ಭರ್ಜರಿಯಾಗಿಯೇ ಕೈಕೊಟ್ಟಿದ್ದಾರೆ. ಭರ್ಜರಿ ಚಿತ್ರವೂ ಬಾಕ್ಸಾಫೀಸ್‍ನಲ್ಲಿ ಸದ್ದು ಮಾಡುತ್ತಿದೆ. ಆದರೆ, ಯೋಗರಾಜ್ ಭಟ್ಟರಿಗೆ ಇದುವರೆಗೆ ಬರಬೇಕಾದ ಸಂಭಾವನೆ ಬಂದೇ ಇಲ್ಲ. ದನಕಾಯೋನು ಚಿತ್ರ ನಿರ್ದೇಶಿಸಿ, ಸಾಕ್ಷಾತ್ತು ಪುಣ್ಯಕೋಟಿಯಂತೆಯೇ ಕಾಯುತ್ತಿದ್ದಾರೆ ಯೋಗರಾಜ್ ಭಟ್.

    Related Articles :-
    ದನಕಾಯೋನು ಮುಗುಳ್ನಕ್ಕಾಗ..

    ದನಕಾಯೋನು ನಿರ್ಮಾಪಕರ ವಿರುದ್ಧ ಸಿಡಿದೆದ್ದ ಯೋಗರಾಜ್ ಭಟ್ 

  • ದನಕಾಯೋನು ನಿರ್ಮಾಪಕರ ವಿರುದ್ಧ ಸಿಡಿದೆದ್ದ ಯೋಗರಾಜ್ ಭಟ್ 

    yograj bhatt files complaint aganist kanakpura srinivas

    ದನಕಾಯೋನು, ದುನಿಯಾ ವಿಜಿ, ಪ್ರಿಯಾಮಣಿ ಅಭಿನಯದ ಚಿತ್ರ. ಕಳೆದ ವರ್ಷ ರಿಲೀಸ್ ಆಗಿದ್ದ ಚಿತ್ರವನ್ನು ನಿರ್ದೇಶಿಸಿದ್ದವರು ಯೋಗರಾಜ್ ಭಟ್. ನಿರ್ಮಾಪಕ ಕನಕಪುರ ಶ್ರೀನಿವಾಸ್. ಆದರೆ, ಸಿನಿಮಾ ರಿಲೀಸ್ ಆದ ಹೆಚ್ಚೂ ಕಡಿಮೆ ಒಂದು ವರ್ಷದ ನಂತರ ನಿರ್ದೇಶಕ ಯೋಗರಾಜ್ ಭಟ್, ನಿರ್ಮಾಪಕ ಕನಕಪುರ ಶ್ರೀನಿವಾಸ್ ವಿರುದ್ಧ ಕಾನೂನು ಸಮರ ಸಾರಿದ್ದಾರೆ. 

    ಏಕೆಂದರೆ, ಚಿತ್ರವನ್ನು ನಿರ್ದೇಶಿಸದ್ದಕ್ಕೆ ಕೊಡಬೇಕಾಗಿದ್ದ ಸಂಭಾವನೆಯನ್ನು ನಿರ್ಮಾಪಕ ಶ್ರೀನಿವಾಸ್ ಇದುವರೆಗೆ ಕೊಟ್ಟಿಲ್ಲ. ಭಟ್ಟರು, ಚಿತ್ರದ ಛಾಯಾಗ್ರಾಹಕರೂ ಸೇರಿದಂತೆ ಹಲವರಿಗೆ ಶ್ರೀನಿವಾಸ್ ಸಂಭಾವನೆಯನ್ನೇ ನೀಡಿಲ್ಲ. ಸಾಲದ ಸುಳಿಯಲ್ಲಿದ್ದ ಶ್ರೀನಿವಾಸ್, ಚಿತ್ರವನ್ನು ರಿಲೀಸ್ ಮಾಡುವುದೇ ಕಷ್ಟವಾಗಿತ್ತು. ಆಗ ಯೋಗರಾಜ್ ಭಟ್ ಅವರೇ ಮುತುವರ್ಜಿ ವಹಿಸಿ, ಸಿನಿಮಾ ಬಿಡುಗಡೆಗೆ ಸಹಕರಿಸಿದ್ದರು. 

    ದನಕಾಯೋನು ಸಿನಿಮಾ ಬಿಡುಗಡೆಯಾಗಿ, ಸಿನಿಮಾ ಒಂದು ಹಂತಕ್ಕೆ ಹಿಟ್ ಕೂಡಾ ಆಗಿತ್ತು. ಚಿತ್ರ ಈಗಾಗಲೇ ಟಿವಿಯಲ್ಲೂ ಪ್ರಸಾರವಾಗಿದೆ. ಆದರೆ, ಚಿತ್ರಮಂದಿರದ ಕಲೆಕ್ಷನ್ ಮತ್ತು ಟಿವಿ ರೈಟ್ಸ್​ ಎಲ್ಲವನ್ನೂ ಪಡೆದುಕೊಂಡ ನಿರ್ಮಾಪಕ ಶ್ರೀನಿವಾಸ್, ಸಂಭಾವನೆಯನ್ನು ಮಾತ್ರ ಕೊಡದೆ ಕೈ ಎತ್ತಿಬಿಟ್ಟಿದ್ದಾರೆ.

    ಹಾಗೆಂದು ಭಟ್ಟರು ಏಕಾಏಕಿ ಕಾನೂನು ಸಮರ ಸಾರಿಲ್ಲ. ಫಿಲಂ ಚೇಂಬರ್ ಹಾಗೂ ನಿರ್ದೇಶಕರ ಸಂಘಕ್ಕೆ ದೂರು ಕೊಟ್ಟಿದ್ದಾರೆ. ಫಿಲಂ ಚೇಂಬರ್ ಅಧ್ಯಕ್ಷ ಸಾ.ರಾ. ಗೋವಿಂದು ಹಾಗೂ ನಿರ್ದೇಶಕರ ಸಂಘದ ಅಧ್ಯಕ್ಷ  ವಿ.ನಾಗೇಂದ್ರ ಪ್ರಸಾದ್‌‌ ಮಧ್ಯಸ್ಥಿಕೆಯಲ್ಲಿ ಸಂಧಾನವೂ ನಡೆದಿದೆ. ಯೋಗರಾಜ್ ಭಟ್ ಅವರಿಗೆ ಬರಬೇಕಿರುವ ಒಂದು ಕೋಟಿ 31 ಲಕ್ಷ ರೂ. ಸಂಭಾವನೆಯನ್ನು ಎರಡು ಕಂತುಗಳಲ್ಲಿ ಕೊಡುವುದಾಗಿ ಒಪ್ಪಿಕೊಂಡಿದ್ದ ಶ್ರೀನಿವಾಸ್, ನಂತರ ಅದನ್ನೂ ಪಾಲಿಸಿಲ್ಲ. 

    ಹೀಗಾಗಿ ಯೋಗರಾಜ್ ಭಟ್, ನಿರ್ಮಾಪಕ ಶ್ರೀನಿವಾಸ್ ವಿರುದ್ಧ ಕೋರ್ಟ್ ಮೆಟ್ಟಿಲೇರಿದ್ದಾರೆ.ಕನಕಪುರ ಶ್ರೀನಿವಾಸ್ ಅವರ ಆರ್.ಎಸ್. ಪ್ರೊಡಕ್ಷನ್​ನ ಮುಂದಿನ ಚಿತ್ರಗಳಿಗೆ ತಡೆ ನೀಡುವಂತೆ ಕೋರಿದ್ದಾರೆ.  ಸರ್ಕಾರದಿಂದ ತೆರಿಗೆ ವಿನಾಯಿತಿ ಪಡೆಯುವ ಕುರಿತು ನೀಡಬೇಕಿರುವ ಅನುಮತಿ ಪತ್ರಕ್ಕೆ  ತಾವು ಸಹಿ ಹಾಕಿಲ್ಲ ಎಂದು ಕೂಡಾ ತಿಳಿಸಿ, ವಾರ್ತಾ ಇಲಾಖೆಗೂ ಮಾಹಿತಿ ನೀಡಿದ್ದಾರೆ. 

    ತಮ್ಮ ನಿರ್ದೇಶನದ ಚಿತ್ರಗಳನ್ನು ಸ್ವಂತ ಮಕ್ಕಳಂತೆ ಪ್ರೀತಿಸುವ ಯೋಗರಾಜ್ ಭಟ್, ನೋವಿನಿಂದಲೇ ಕೋರ್ಟ್ ಮೆಟ್ಟಿಲೇರುತ್ತಿದ್ದೇನೆ. ಯಾವುದೇ ಕನ್ನಡ ಚಿತ್ರಗಳಿಗೆ ತೊಂದರೆಯಾಗಬಾರದು ಎನ್ನುವುದು ನನ್ನ ಕಳಕಳಿ. ಹಾಗೆಯೇ ಯಾವುದೇ ತಂತ್ರಜ್ಞರಿಗೆ ಮೋಸವಾಗಬಾರದು ಎನ್ನುವುದನ್ನೂ ನಾವು ಅರ್ಥ ಮಾಡಿಕೊಳ್ಳಬೇಕು. ಹೀಗಾಗಿ ನಾನು ಕೋರ್ಟ್ ಮೆಟ್ಟಿಲೇರಿದ್ಧೇನೆ ಎಂದು ಹೇಳಿದ್ಧಾರೆ ಯೋಗರಾಜ್ ಭಟ್.

    Related Articles :-

    Danakayonu Vs Bharjari

  • ದನಕಾಯೋನು ಮುಗುಳ್ನಕ್ಕಾಗ..

    danakayonu, yograjbhat smiles

    ಕನ್ನಡದ ಖ್ಯಾತ ನಿರ್ದೇಶಕ ಯೋಗರಾಜ್ ಭಟ್, ದನಕಾಯೋನು ಚಿತ್ರದ ನಿರ್ಮಾಪಕ ಕನಕಪುರ ಶ್ರೀನಿವಾಸ್ ವಿರುದ್ಧ ಚೆಕ್​ಬೌನ್ಸ್ ಕೇಸ್ ಹಾಕುತಿರುವುದು ಗೊತ್ತಿರುವ ವಿಚಾರ. ಈ ಕೇಸ್​ನ ಎಫೆಕ್ಟ್​ ತಟ್ಟಲಿರುವುದು ಶ್ರೀನಿವಾಸರ ಮುಂದಿನ ಚಿತ್ರ ಭರ್ಜರಿ ಚಿತ್ರದ ರಿಲೀಸ್​ಗೆ. ಹೀಗಾಗಿ ಧ್ರುವ ಸರ್ಜಾ ಅವರ ಕೆಲವು ಅಭಿಮಾನಿಗಳು ಭಟ್ಟರ ಮನೆಯೆದುರು ಪ್ರತಿಭಟನೆ ನಡೆಸಿದ್ದರು. ನೀವು ನೀವು ಏನಾದರೂ ಮಾಡಿಕೊಳ್ಳಿ, ನಮ್ಮ ಹೀರೋ ಚಿತ್ರ ಬಿಡುಗಡೆಗೆ ಅಡ್ಡಿ ಮಾಡಬೇಡಿ ಎಂದು ಭಟ್ಟರ ಮನೆಯ ಎದುರು ಜಮಾಯಿಸಿದ್ದರು. ಆದರೆ ಆಗಿದ್ದೇ ಬೇರೆ. ಘಟನೆಯ ಇನ್ನೊಂದು ಮುಖವನ್ನು ಚಿತ್ರಲೋಕ ಮೂಲಗಳು ಹೇಳಿದಾಗ ಹೊರಬಿದ್ದಿದ್ದೇ ಬೇರೆ. 

    ಭಟ್ಟರ ಮನೆಯೆದರು ಜಮಾಯಿಸಿದ್ದ ಜನರನ್ನು ನೋಡಿದ ಕೆಲವರು, ಈ ಬಗ್ಗೆ ಸಮೀಪದ ಪೊಲೀಸ್ ಸ್ಟೇಷನ್​ಗೆ ಮಾಹಿತಿ ನೀಡಿದರು. ತಕ್ಷಣ ಬಂದ ಪೊಲೀಸರು ಪ್ರತಿಭಟನೆ ನಡೆಸುತ್ತಿದ್ದ ಹುಡುಗರನ್ನೆಲ್ಲ ವಶಕ್ಕೆ ತೆಗೆದುಕೊಂಡರು. ಅದಾದ ಮೇಲೆ ಭಟ್ಟರು ಅನಿವಾರ್ಯವಾಗಿ ಠಾಣೆಗೆ ಹೋಗಲೇ ಬೇಕಾಯ್ತು.

    ಆದರೆ, ಹೋಗಿದ ಮೇಲೆ ನೋಡಿದರೆ, ಎಲ್ಲರೂ ಚಿಕ್ಕ ವಯಸ್ಸಿನ ಹುಡುಗರು. ಪೊಲೀಸರು ನೀವು ದೂರು ಕೊಟ್ಟರೆ, ಇವರನ್ನು ಬಂಧಿಸುತ್ತೇವೆ ಎಂದು ಹೇಳಿದಾಗ, ಭಟ್ಟರ ಮನಸ್ಸಿಗೇ ಕಸಿವಿಸಿಯಾಯಿತು. ಆ ಹುಡುಗರೋ.. ಊಟವನ್ನೂ ಮಾಡಿಲ್ಲ ಎನ್ನುವುದು ನೋಡಿದರೇನೇ ತಿಳಿಯುತ್ತಿತ್ತು. ಹೀಗಾಗಿ ಭಟ್ಟರೇ ಮನಸ್ಸು ಕರಗಿ ದೂರು ನೀಡದೆ, ಪೊಲೀಸರಿಗೆ ತಾವೇ ಸಮುಜಾಯಿಷಿ ನೀಡಿ, ಹುಡುಗರನ್ನು ಬಿಡಿಸಿದರು. ಅಷ್ಟೇ ಅಲ್ಲ ತಮ್ಮ ಜೇಬಿನಿಂದಲೇ ಹಣ ಕೊಟ್ಟು, ಒಂದು ಸಾವಿರ ಖರ್ಚು ಮಾಡಿ, ಹುಡುಗರಿಗೆ ಊಟವನ್ನೂ ಕೊಡಿಸಿ, ಬುದ್ದಿ ಹೇಳಿ ಕಳಿಸಿದರು. 

    ಮುಗುಳ್ನಗೆ ಚಿತ್ರ, ಥಿಯೇಟರುಗಳಲ್ಲಿಲ ಹೌಸ್​ಫುಲ್​ ಆದ ಖುಷಿಯಲ್ಲಿದ್ದ ಭಟ್ಟರಿಗೆ, ದನಕಾಯೋನು ಚಿತ್ರದ ನಿರ್ಮಾಪಕ ಹಣ ನೀಡಿಲ್ಲ. ಸಂಭಾವನೆಯ ಹಣ ನೀಡದೆ ಓಡಾಡುತ್ತಿರುವ ಶ್ರೀನಿವಾಸ್ ವಿರುದ್ಧ ದೂರು ನೀಡಿರುವ ಭಟ್ಟರು, ಪ್ರತಿಭಟನೆ ಮಾಡಲು ಬಂದವರಿಗೂ ಊಟ ಕೊಡಿಸಿ ಕಳಿಸಬೇಕಾಯ್ತು. ದನಕಾಯೋನು ಮುಗುಳ್ನಕ್ಕಾಗ ಎಂದಿದ್ದು ಇದಕ್ಕೇನೆ.

    Related Articles :-

    ದನಕಾಯೋನು ನಿರ್ಮಾಪಕರ ವಿರುದ್ಧ ಸಿಡಿದೆದ್ದ ಯೋಗರಾಜ್ ಭಟ್ 

  • ನಾಚಿಕೆ ಬಿಡಿಸೋಕ್ ಹೋಗಿ ನಾಚಿ ನಾಚಿ ಮುದ್ದೆಯಾದ ವಿಹಾನ್

    panchatantra hero feeling shy after movie release

    ಪಂಚತಂತ್ರ ಸಿನಿಮಾ ರಿಲೀಸ್ ಆಗಿ ಯುವ ಪ್ರೇಕ್ಷಕರು ರೋಮಾಂಚಿತರಾಗುತ್ತಿದ್ದರೆ, ಸಿನಿಮಾ ಹೀರೋ ವಿಹಾನ್ ನಾಚಿ ನಾಚಿ ಮುದ್ದೆಯಾಗುತ್ತಿದ್ದಾರೆ. ಎಲ್ಲವೂ ಭಟ್ಟರ ತುಂಟಾಟದ ಫಲ. ಯೋಗರಾಜ್ ಭಟ್ಟರು ತಮ್ಮ ತುಂಟಾಟ, ಚೆಲ್ಲಾಟವನ್ನು... ಛೆ.. ನಾನೇ ಅಲ್ಲಿರಬಾರದಿತ್ತೆ ಎಂದು ಹೊಟ್ಟೆ ಉರಿದುಕೊಳ್ಳುವಂತೆ ಸ್ಕ್ರೀನ್ ಮೇಲೆ ತೋರಿಸೋದ್ರಲ್ಲಿ ಎತ್ತಿದ ಕೈ. ಪಂಚತಂತ್ರದಲ್ಲೂ ಅದನ್ನು ಮಾಡಿ ಗೆದ್ದಿರೋ ಭಟ್ಟರು, ವಿಹಾನ್‍ರನ್ನು ನಾಚಿಕೊಳ್ಳೋ ಹಾಗೆ ಮಾಡಿದ್ದಾರೆ. 

    ಈಗ ವಿಹಾನ್‍ಗೆ ಬರ್ತಿರೋ ಮೆಸೇಜ್‍ಗಳು ಎಂಥವಂತೆ ಗೊತ್ತಾ..? ನಾಚಿಕೆ ಬಿಡಿಸೋದನ್ನ ಹೇಗ್ ಕಲ್ತುಕೊಂಡ್ರಿ..?

    ಹುಕ್ಕು ಬಿಚ್ಚೋದು ಹೇಗೆ..? ಹೇಳ್ಕೊಡ್ರಿ..?

    ನಾಚಿಕೆ ಬಿಡಿಸಿದ್ರಲ್ಲ, ರಿಸಲ್ಟ್ ಯಾವಾಗ..? 

    ನಿಜಕ್ಕೂ ನಾಚಿಕೆ ಬಿಡಿಸಿದ್ರಾ..?

    ಹೀಗೆ ಮೆಸೇಜ್ ಮೇಲೆ ಮೆಸೇಜುಗಳು. ಪಾಪ.. ಭಟ್ಟರ ಎದುರಿಗೆ, ಇಡೀ ಸಿನಿಮಾ ಸೆಟ್ಟಿನವರ ಕಣ್ಗಾವಲಿನಲ್ಲಿ ನಾಚಿಕೊಂಡೇ ನಾಚಿಕೆ ಬಿಡಿಸಿದ್ದ ವಿಹಾನ್, ಈಗ ಈ ಪ್ರಶ್ನೆಗಳಿಗೆ ಉತ್ತರ ಕೊಡೋಕಾಗದೆ ನಾಚಿ ಮುದ್ದೆಯಾಗಿದ್ದಾರೆ. ಸಿನಿಮಾ ನೋಡಿದ ಪ್ರೇಕ್ಷಕರು ವಿಹಾನ್-ಸೋನಲ್ ನಾಚಿಕೆ ಆಟ ನೋಡಿ ಒದ್ದೆಯಾಗಿದ್ದಾರೆ.

  • ನಿರ್ಮಾಪಕರಿಗೆ ಭಟ್ಟರು, ಕಥೆಯೇ ಕಾನ್ಫಿಡೆನ್ಸ್

    yogaraj bhat and story is the confidence to producers of panchtantra

    ಯೋಗರಾಜ್ ಭಟ್ ನಿರ್ದೇಶನದ ಚಿತ್ರದಲ್ಲಿ ವಿಹಾನ್, ಸೋನಲ್, ಅಕ್ಷರಾ, ರಂಗಾಯಣ ರಘು ಮೊದಲಾದವರು ನಟಿಸಿದ್ದಾರೆ. ಇದು ಯುವಕರು ಮತ್ತು ವೃದ್ಧರ ನಡುವಿನ ಲೈಫು ಮತ್ತು ರೇಸಿನ ಕಥೆ. ಆಮೆ ಮೊಲದ ರೇಸ್ ಕಥೆಯನ್ನು ಚಿತ್ರಕ್ಕೆ ಬಳಸಿಕೊಳ್ಳಲಾಗಿದೆ. ಹೊಸ ಹೊಸ ಪ್ರತಿಭೆಗಳನ್ನಿಟ್ಟುಕೊಂಡು ಸಿನಿಮಾ ಮಾಡಲು ಹೊರಟ ಯೋಗರಾಜ್ ಭಟ್ ಅವರಿಗೆ ಬಂಡವಾಳ ಹೂಡಿರುವುದು ಕೂಡಾ ಹೊಸಬರೇ.

    ನಮಗೆ ಯೋಗರಾಜ್ ಭಟ್ಟರ ಮೇಲೆ ನಂಬಿಕೆ. ಜೊತೆಗೆ ಅವರು ಹೇಳಿದ ಕಥೆ ಬಹಳ ಇಷ್ಟವಾಯ್ತು. ಅವರ ಜೊತೆ ಈ ಹಿಂದೆ ಕೆಲಸ ಮಾಡಿದ್ದೇನೆ. ಜೊತೆಗೆ ಕಥೆಯಲ್ಲಿನ ಫ್ರೆಶ್‍ನೆಸ್ ಇಷ್ಟವಾಗಿ ನಿರ್ಮಾಪಕರಾದೆವು ಎನ್ನುತ್ತಾರೆ ಹರಿಪ್ರಸಾದ್ ಜಯಣ್ಣ.

    ಕಥೆ ಇಷ್ಟವಾಯ್ತು. ಕ್ಲೈಮಾಕ್ಸ್ ಚಿತ್ರೀಕರಣದ ವೇಳೆ ನನ್ನ ನಿರ್ಧಾರ ಸರಿ ಎಂದು ಪದೇ ಪದೇ ಎನ್ನಿಸಿತು. ಇದು ವಿಭಿನ್ನವಾದ ಕಥೆ ಇರುವ ಫ್ರೆಶ್ ಸಿನಿಮಾ. 6ನೇ ವಯಸ್ಸಿನವರಿಂದ 60 ದಾಟಿರುವ ವೃದ್ಧರವರೆಗೂ ಈ ಸಿನಿಮಾ ಇಷ್ಟವಾಗುತ್ತೆ ಎನ್ನುವುದು ಇನ್ನೊಬ್ಬ ನಿರ್ಮಾಪಕ ಹೇಮಂತ್ ಪರಾಡ್ಕರ್ ವಿಶ್ವಾಸ.

    ಪ್ರೇಕ್ಷಕರಿಗೂ ಅಷ್ಟೆ, ಕಲಾವಿದರು ಹೊಸಬರಿದ್ದರೂ, ಭಟ್ಟರ ಮೇಲೊಂದು ವಿಶ್ವಾಸ. ಅದಕ್ಕೆ ತಕ್ಕಂತೆ ಹಾಡುಗಳು ಸೂಪರ್ ಹಿಟ್. ಸಿನಿಮಾ ಹಿಟ್ ಆಗುವ ಸುದ್ದಿಯನ್ನೂ ಬೇಗನೇ ಹೇಳುವಂತಾಗೋಣ.

  • ಪಂಚತಂತ್ರ ನೋಡ ಬನ್ನಿ - ಪ್ರೇಕ್ಷಕರಿಗೆ ಯೋಗರಾಜ್ ಭಟ್ಟರ ಪತ್ರ

    yogaraj bhat writes a letter to panchatantra lovers

    ಕನ್ನಡ ಪಿಕ್ಚರ್‍ನಲ್ಲಿ ಏನಿರುತ್ತೆ.. ಅನ್ನೋದು ಕಿರಿಯರ ಮಾತು..ಎಷ್ಟೋ ವರ್ಷ ಆಯ್ತ್ ಕಣ್ರಿ.. ಸಿನಿಮಾನೇ ನೋಡಿಲ್ಲ ಅನ್ನೋದು ಹಿರಿಯರ ವಾದ.

    ಈ ಇಬ್ಬರಿಗೂ ಯೋಗರಾಜ್ ಭಟ್ಟರು ಒಂದು ಪತ್ರ ಬರೆದಿದ್ದಾರೆ. ಬನ್ನಿ.. ಪಂಚತಂತ್ರ ನೋಡಿ.. ಇದು ಹೊಸಬರೇ ನಟಿಸಿರುವ ಸಿನಿಮಾ. ಹಿರಿಯರು ಕಿರಿಯರು ನಡುವಿನ ಜನರೇಷನ್ ಗಲಾಟೆ, ಕರೆಂಟು ಹರಿದಂತ ಕ್ಲೈಮಾಕ್ಸ್.. ಹೀಗೆ  ಇದು ನಿಮ್ಮ ಮನಗಳ, ಮನೆಯ ಕಥೆ. ಬಂದು ನೋಡಿ. ಎಂಜಾಯ್ ಮಾಡಿ. ಅಪರೂಪದ ಸಿನ್ಮಾ ಮಿಸ್ ಮಾಡಬೇಡಿ. ಹೊಸಬರನ್ನು ಪ್ರೋತ್ಸಾಹಿಸಿ..

    ಎಂದು ಪುಟ್ಟದೊಂದು ಬರಹ ರೂಪದ ಪತ್ರ ಬರದಿದ್ದಾರೆ ಭಟ್ಟರು. ವಿಹಾನ್, ಸೋನಲ್, ಅಕ್ಷರಾ ಗೌಡ, ರಂಗಾಯಣ ರಘು ಮೊದಲಾದವರು ನಟಿಸಿದ್ದ ಚಿತ್ರ, ಬಿಡಗಡೆಗೂ ಮೊದಲು ಹಾಡಿನಿಂದ, ಬಿಡುಗಡೆಯಾದ ನಂತರ ಚಿತ್ರದಲ್ಲಿರೋ ಗಟ್ಟಿ ಕಥೆಯಿಂದ ಸದ್ದು ಮಾಡುತ್ತಿದೆ. 25ನೇ ದಿನದತ್ತ ಮುನ್ನಡೆಯುತ್ತಿರುವ ಚಿತ್ರ, ಎರಡೂ ಜನರೇಷನ್‍ರವರನ್ನು ಆಕರ್ಷಿಸುತ್ತಿದೆ.

  • ಪಂಚತಂತ್ರ ಮಾ.29ಕ್ಕೆ 

    panchatantra to release on march 29th

    ಯೋಗರಾಜ್ ಭಟ್ ನಿರ್ದೇಶನದ, ಹೊಸ ಹುಡುಗ-ಹುಡುಗಿಯರನ್ನೇ ಹಾಕ್ಕೊಂಡು ಮಾಡಿರುವ ಸಿನಿಮಾ ಪಂಚತಂತ್ರ. ಈಗಾಗಲೇ ಪಂಚತಂತ್ರದ ಶೃಂಗಾರದ ಹೊಂಗೇಮರ, ಮಂಕುತಿಮ್ಮನ ಹಾಡುಗಳೆಲ್ಲ ಹಿಟ್ ಆಗಿ, ಕಣ್ಣು, ಕಿವಿಯನ್ನು ರೋಮಾಂಚನಗೊಳಿಸಿವೆ. ಈಗ ಚಿತ್ರದ ರಿಲೀಸ್ ಡೇಟ್‍ನ್ನೂ ಹೇಳೋ ಮೂಲಕ ದಿನಗಣನೆ ಶುರು ಮಾಡಿಸಿದ್ದಾರೆ ಭಟ್ಟರು.

    ಸ್ನೇಹ, ಸಂಬಂಧ, ಸ್ಪರ್ಧೆ, ಸಂಗೀತ ಮತ್ತು ಮನರಂಜನೆಯೇ ಚಿತ್ರದ ಜೀವಾಳ ಎಂದಿರುವ ಭಟ್ಟರು, ಈ ಚಿತ್ರದಲ್ಲಿ ವಿಹಾನ್, ಸೋನಲ್, ಅಕ್ಷರಾ ಗೌಡರನ್ನು ಶೃಂಗಾರದ ಹೊಂಗೆ ಮರಕ್ಕೆ ನೇತು ಹಾಕಿದ್ದಾರೆ. ಅವರನ್ನೆಲ್ಲ ಮಾರ್ಚ್ 29ನೇ ತಾರೀಕು ಪ್ರೇಕ್ಷಕರ ಮುಂದಿಡಲಿದ್ದಾರೆ.

  • ಪಂಚತಂತ್ರದ ಪ್ರಥಮ ನೋಟ..

    panchatantra first look released

    ಪಂಚತಂತ್ರ. ಯೋಗರಾಜ್ ಭಟ್ಟರ ಸಿನಿಮಾ. ಸುದೀರ್ಘ ಕಾಲದ ನಂತರ ಹೊಸಬರ ಜೊತೆ ಮಾಡುತ್ತಿರುವ ಸಿನಿಮಾ. ಇತ್ತೀಚೆಗಷ್ಟೇ ಶೃಂಗಾರಕ್ಕೇ ಠೂ ಬಿಟ್ಟು ಮೈ ಚಳಿ ಹೆಚ್ಚಿಸಿದ್ದ ಭಟ್ಟರು, ಈಗ ಚಿತ್ರದ ಫಸ್ಟ್‍ಲುಕ್ ಹೊರತಂದಿದ್ದಾರೆ. ಚಿತ್ರದ ಫಸ್ಟ್‍ಲುಕ್ ಬಿಡುಗಡೆ ಮಾಡಿರುವುದು ಹ್ಯಾಟ್ರಿಕ್ ಹೀರೋ ಶಿವ ರಾಜ್‍ಕುಮಾರ್.

    ಫಸ್ಟ್‍ಲುಕ್ ರಿಲೀಸ್ ಮಾಡಿದ ಶಿವಣ್ಣ, ಹೊಸ ನಟ ವಿಹಾನ್, ಸೋನಲ್ ಮಂತೆರೋಗೆ ಶುಭ ಹಾರೈಸಿದ್ದಾರೆ. ಸಿನಿಮಾದಲ್ಲಿ ಪಂಚತಂತ್ರದ ಕಥೆಯ ಎಳೆ ಬಿಚ್ಚಿಟ್ಟ ಯೋಗರಾಜ್ ಭಟ್, ಇದು ಒಂದು ಜಾಗಕ್ಕಾಗಿ ಎರಡು ತಲೆಮಾರಿನವರ ನಡುವೆ ನಡೆಯುವ ಹೋರಾಟದ ಕಥೆ ಎಂದಿದ್ದಾರೆ.

    ವಿಹಾನ್ ಚಿತ್ರದಲ್ಲಿ ಬೈಕ್ ರೇಸರ್. ಅವರಿಗೆ ಸೋನಲ್ ಮಂತೆರೋ ಸ್ಪೀಡ್ ಬ್ರೇಕರ್. ರಂಗಾಯಣ ರಘು, ಅಕ್ಷರಾ ಗೌಡ, ಕರಿಸುಬ್ಬು, ಮಾಸ್ತಿ ಮೊದಲಾದವರು ನಟಿಸಿರುವ ಸಿನಿಮಾಕ್ಕೆ, ಹರಿಪ್ರಸಾದ್ ಜಯಣ್ಣ ಹಾಗೂ ಹೇಮಂತ್ ಪರಾಡ್ಕರ್ ನಿರ್ಮಾಪಕರು. ನವೆಂಬರ್‍ನಲ್ಲಿ ಸಿನಿಮಾ ಬಿಡುಗಡೆಯಾಗುವ ಸಾಧ್ಯತೆ ಇದೆ.

  • ಪಂಚತಂತ್ರದಲ್ಲಿ ಭಟ್ಟರಿಗೆ ಕಾರ್ ಮೇಲೆ ಲವ್ವಾಗಿದೆ

    yogaraj bhat's panchatantra

    ಯೋಗರಾಜ್ ಭಟ್ಟರ ಸಿನಿಮಾಗಳಲ್ಲಿ ಲವ್ವು ಇರಲೇಬೇಕು. ಅದು ಬೇರೆಯವರು ಯೋಚನೆ ಅಥವಾ ಕಲ್ಪನೆಯನ್ನೂ ಮಾಡಿಕೊಳ್ಳದ ರೀತಿಯಲ್ಲಿರುತ್ತೆ ಅನ್ನೋದ್ರಲ್ಲೂ ನೋ ಡೌಟು. ಭಟ್ಟರು ಪ್ರೀತಿಗೆ ರೂಪಕಗಳನ್ನು ಬಳುಸುವುದೇ ಒಂದು ಚೆಂದ.

    ಮುಂಗಾರು ಮಳೆಯಲ್ಲಿ ಮೊಲ, ಗಾಳಿಪಟದಲ್ಲಿ ಗಾಳಿಪಟ, ನಗು, ಕಬಡ್ಡಿ, ಮೆಂಟಲ್ ಆಸ್ಪತ್ರೆ, ದನಗಳ ರೂಪಕಗಳನ್ನಿಟ್ಟುಕೊಂಡು ಪ್ರೇಮಕಥೆ ಹೇಳಿದ್ದ ಭಟ್ಟರು, ಹೊಸ ಚಿತ್ರ ಪಂಚತಂತ್ರದಲ್ಲಿ ಕಾರುಗಳ ಮೂಲಕ ಲವ್‍ಸ್ಟೋರಿ ಹೇಳುತ್ತಿದ್ದಾರೆ. ಪಂಚತಂತ್ರ ಚಿತ್ರದಲ್ಲಿ ಶೇ.40ರಷ್ಟು ಕಾರ್ ರೇಸ್ ಇರುತ್ತದಂತೆ. ಈ ಜಾನರ್‍ನ ಸಿನಿಮಾವನ್ನು ನಾನು ಇದುವರೆಗೆ ಮಾಡಿಲ್ಲ. ಈ ಸಿನಿಮಾ 20 ವರ್ಷದ ಯುವಕರಿಂದ 80 ವರ್ಷದ ಮುದುಕರವರೆಗೆ ಎಲ್ಲರಿಗೂ ಇಷ್ಟವಾಗಲಿದೆ ಅನ್ನೋ ಭರವಸೆ ಭಟ್ಟರಿಗಿದೆ.

    ಚಿತ್ರದ ಕಾರ್ ರೇಸ್ ದೃಶ್ಯಗಳಿಗಾಗಿ ಜರ್ಮನಿಯಿಂದ ಕಾರುಗಳನ್ನು ತರಿಸಲಾಗಿದೆಯಂತೆ. ಮೊನೀಷ್ ಮತ್ತು ಚಂದನ್ ಎಂಬ ಇಬ್ಬರು ರೇಸರ್‍ಗಳು ಭಟ್ಟರ ಕೆಲಸವನ್ನು ಸುಲಭ ಮಾಡಿದರಂತೆ. 

    ವಿಹಾನ್ ಗೌಡ, ಸೋನಲ್ ಮಂಥೆರೋ, ಅಕ್ಷರಾ ಗೌಡ, ರಂಗಾಯಣ ರಘು, ಕರಿಸುಬ್ಬು ಮೊದಲಾದವರು ನಟಿಸಿರುವ ಸಿನಿಮಾ ಇದು. ಡಿಸೆಂಬರ್‍ನಲ್ಲಿ ರಿಲೀಸ್ ಆಗುವ ಸಾಧ್ಯತೆಗಳಿವೆ.

  • ಪಡ್ಡೆಹುಲಿಯ ವಿಕಟ ಕವಿ ಇವರೇ ಕಣ್ರಪ್ಪಾ

    yogaraj bhat is philosopher to paddehuli

    ಪಡ್ಡೆಹುಲಿ ಟ್ರೇಲರ್ ನೋಡಿದವರಿಗೆ ಅರೆ.. ಇದೇನೋ.. ಯೋಗರಾಜ್ ಭಟ್ಟರ ಧ್ವನಿ ಇದ್ದ ಹಾಗಿದೆಯಲ್ಲ ಎನ್ನಿಸಿದ್ದರೆ ಖಂಡಿತಾ ಆಶ್ಚರ್ಯವಿಲ್ಲ. ಮಧ್ಯೆ ಮಧ್ಯೆ ಒಂದಿಷ್ಟು ವೇದಾಂತದ ಮಾತುಗಳು, ಉಡಾಫೆ ಎಂಬ ಮಸಾಲೆಯ ಜೊತೆ ಹದವಾಗಿ ಬೆರೆಸಿದಂತೆ ಕಿವಿಗೆ ಕೇಳಿಸಿರುವುದೂ ಸುಳ್ಳಲ್ಲ. ಅದು ಸುಳ್ಳೇನಲ್ಲ.. ಯೋಗರಾಜ್ ಭಟ್ಟರು ಇರೋದು ಸತ್ಯ.

    ಗುರು ದೇಶಪಾಂಡೆ ನಿರ್ದೇಶನದ ಪಡ್ಡೆಹುಲಿಯಲ್ಲಿ ಭಟ್ಟರು ವಿಕಟ ಕವಿ. ಅದೊಂದು ವಿಶೇಷವಾದ ಪಾತ್ರ. ಕ್ಲಬ್‍ನಲ್ಲಿಯೇ ಇರುವ ಭಟ್ಟರ ಪಾತ್ರ, ನಾಯಕನಿಗೆ ಹಾಡು, ಸಂಗೀತದ ಬಗ್ಗೆ ತಮ್ಮದೇ ಸ್ಟೈಲಿನಲ್ಲಿ ಕಿವಿ ಮಾತು ಹೇಳುತ್ತೆ. ಅರ್ಥಾತ್.. ಭಟ್ಟರ ಫಿಲಾಸಫಿ ತೆರೆಯ ಮೇಲೂ ಮುಂದುವರಿಯುತ್ತೆ.

    ಕೆ.ಮಂಜು ಪುತ್ರ ಶ್ರೇಯಸ್‍ಗೆ ಗುರು, ನಿರ್ದೇಶಕ ಗುರುದೇಶಪಾಂಡೆಯವರೇ ಆದರೂ, ತೆರೆಯ ಮೇಲೆ ಭಟ್ಟರೂ ಪಾಠ ಹೇಳ್ತಾರೆ. ರಮೇಶ್ ರೆಡ್ಡಿ ನುಂಗ್ಲಿ ನಿರ್ಮಾಣದ ಚಿತ್ರದಲ್ಲಿ ರವಿಚಂದ್ರನ್, ಸುಧಾರಾಣಿ, ಪುನೀತ್, ರಕ್ಷಿತ್ ಶೆಟ್ಟಿ ಮೊದಲಾದ ತಾರೆಯರ ದಂಡೇ ಇದೆ.

  • ಭಟ್ಟರ 2ನೇ ಗಾಳಿಪಟಕ್ಕೆ ಇಬ್ಬರು ಚೆಲುವೆಯರು

    two heroines for bhatt's gaalipata 2 ..?

    ಯೋಗರಾಜ್ ಭಟ್, ಗಾಳಿಪಟ 2 ಸಿನಿಮಾ ಮಾಡೋದಾಗಿ ಘೋಷಿಸಿಯೂ ಆಗಿದೆ. ಶರಣ್, ಲೂಸಿಯಾ ಪವನ್, ರಿಷಿ ನಾಯಕತ್ವದ ಗಾಳಿಪಟ 2 ಚಿತ್ರಕ್ಕೆ  ಪಂಚತಂತ್ರ ಬಿಡುಗಡೆ ಟೈಮಿನಲ್ಲೇ ಕೆಲಸ ಶುರು ಮಾಡಿದ್ದಾರೆ. ಒಂದು ಚಿತ್ರ ಮುಗಿಯುತ್ತಿರುವಾಗಲೇ ಇನ್ನೊಂದು ಚಿತ್ರದಲ್ಲಿ ಬ್ಯುಸಿಯಾಗುತ್ತಿರುವುದು ಭಟ್ಟರ ಚರಿತ್ರೆಯಲ್ಲಿ ಇದೇ ಮೊದಲು ಎನ್ನಬೇಕು. ಈಗ ಆ ಚಿತ್ರಕ್ಕೆ ಇಬ್ಬರು ನಾಯಕಿಯರು ಓಕೆ ಆಗಿದ್ದಾರೆ.

    ಶೃಂಗಾರದ ಹೊಂಗೆ ಮರದಲ್ಲಿ ಹೂ ಬಿಟ್ಟಿದ್ದ ಚೆಲುವೆ ಸೋನಾಲ್ ಓಕೆ ಆಗಿದ್ದಾರೆ. ಇನ್ನೊಂದು ಪಾತ್ರಕ್ಕೆ ಶರ್ಮಿಳಾ ಮಾಂಡ್ರೆ ಜೊತೆ ಮಾತುಕತೆ ನಡೆದಿದೆ. ಬೆಳಗಾವಿ ಮೂಲದ ಮಹೇಶ್ ಎಂಬುವರು ನಿರ್ಮಿಸುತ್ತಿರುವ ಗಾಳಿಪಟ 2ಗೆ ಸಂಗಿತ ಸಂಯೋಜನೆಗೆ ರೆಡಿಯಾಗಿದ್ಧಾರೆ ಭಟ್ಟರು.

    ಇದು ಕಂಪ್ಲೀಟ್ ನನ್ನ ಶೈಲಿಯ ಸಿನಿಮಾ. ಮನರಂಜನೆ ಮತ್ತು ಭಾವನಾತ್ಮಕ ಅಂಶಗಳನ್ನು ಹದವಾಗಿ ಬೆರೆಸಿರುವ ಸಿನಿಮಾ. ಈಗಿನ ಜನರೇಷನ್‍ಗೆ ಇಷ್ಟವಾಗುವ ಸಿನಿಮಾ ಎಂದಿದ್ದಾರೆ ಭಟ್ಟರು.

  • ಭಟ್ಟರ ಚಿತ್ರಕ್ಕೆ ಅರ್ಜುನ್ ಜನ್ಯಾ ಮ್ಯೂಸಿಕ್ಕು..!

    arjun janya's music for bhat's panchatantra

    ಪಂಚತಂತ್ರ ಚಿತ್ರದಿಂದ, ಶೃಂಗಾರದ ಹೊಂಗೆಮರದಲ್ಲಿ ಹೂ ಬಿಡಿಸಿ, ಚಳಿಗಾಲದಲ್ಲೂ ಮೈ ಬೆಚ್ಚಗಾಗಿಸಿರುವ ಯೋಗರಾಜ್ ಭಟ್, ಹೊಸ ಸಿನಿಮಾ ಆರಂಭಿಸುತ್ತಿದ್ದಾರೆ. ಗಾಳಿಪಟ-2. ಶರಣ್, ಪವನ್ ಕುಮಾರ್ (ಯು ಟರ್ನ್ ನಿರ್ದೇಶಕ), ರಿಷಿ (ಅಲಮೇಲಮ್ಮ ಖ್ಯಾತಿ) ಗಾಳಿಪಟ 2 ಹೀರೋಗಳು. ತಮ್ಮದೇ ನಿರ್ದೇಶನದ, ದಾಖಲೆ ಬರೆದಿದ್ದ ಗಾಳಿಪಟ ಚಿತ್ರದ ಟೈಟಲ್‍ನ್ನು ಮತ್ತೊಮ್ಮೆ ತಾವೇ ಕೈಗೆತ್ತಿಕೊಂಡಿದ್ದಾರೆ ಯೋಗರಾಜ್ ಭಟ್.

    ವಿಶೇಷದ ಮೇಲೆ ವಿಶೇಷವೆಂದರೆ, ಈ ಚಿತ್ರಕ್ಕೆ ಮ್ಯೂಸಿಕ್ ಡೈರೆಕ್ಟರ್ ಅರ್ಜುನ್ ಜನ್ಯಾ. 

    ಭಟ್ಟರ ಚಿತ್ರಗಳಿಗೆ ಇದುವರೆಗೆ ಸಂಗೀತ ನೀಡಿರುವುದು ಮನೋಮೂರ್ತಿ, ಸಂದೀಪ್ ಚೌಟ ಹಾಗೂ ಭಟ್ಟರ ಆಪ್ತಮಿತ್ರರೂ ಆಗಿರುವ ಹರಿಕೃಷ್ಣ. ಭಟ್ಟರು ಮತ್ತು ಹರಿಕೃಷ್ಣ ಕಾಂಬಿನೇಷನ್, ಹಲವು ಚಿತ್ರಗಳ ನಂತರ ಇದೇ ಮೊದಲ ಬಾರಿಗೆ ಗ್ಯಾಪ್ ಆಗುತ್ತಿದೆ. 

    ಹಾಗಂತ ಅರ್ಜುನ್ ಜನ್ಯಾ, ಭಟ್ಟರಿಗೆ ಹೊಸಬರೇನಲ್ಲ. ಭಟ್ಟರ ಕ್ಯಾಂಪಿನ ಹಲವರ ಜೊತೆ ಜನ್ಯಾ ಕೆಲಸ ಮಾಡಿದ್ದಾರೆ. ಅರ್ಜುನ್ ಜನ್ಯಾ ಅವರ ಹಲವಾರು ಸೂಪರ್ ಹಿಟ್ ಹಾಡುಗಳಿಗೆ ಭಟ್ಟರು ಸಾಹಿತ್ಯ ಕೊಟ್ಟಿದ್ದಾರೆ. ಅವರ ನಿರ್ದೇಶನಕ್ಕೆ, ಇವರ ಸಂಗೀತ ನಿರ್ದೇಶನವಷ್ಟೇ ಓಂ ಪ್ರಥಮ.

    ಇದೆಲ್ಲದರ ಜೊತೆಗೆ ಚಿತ್ರದ ನಿರ್ಮಾಪಕ ಮಹೇಶ್ ದಾನಣ್ಣವರ್ ಹಾಗೂ ಅರ್ಜುನ್ ಜನ್ಯಾ, ಆಪ್ತಸ್ನೇಹಿತರು. ಇದೂ ಕೂಡಾ ಭಟ್ಟರ ಚಿತ್ರಕ್ಕೆ, ಅರ್ಜುನ್ ಜನ್ಯಾ ಸಂಗೀತ ನೀಡಲು ಕಾರಣವಾಗಿದೆ. 

     

Geetha Movie Gallery

Rightbanner02_gimmick_inside

Badava Rascal Movie Launch Gallery