ಹಸಿರು ದ್ಯಾವ್ರಲ್ವಾ... ಹಸಿರು ದ್ಯಾವ್ರಲ್ವಾ... ರುಚಿಯು ದ್ಯಾವರಲ್ಲವೇ... ಚಂದ ಕೋಳಿ ಸಾರು, ಅಷ್ಟೇ ಚಂದ ಕೀರು, ನನ್ನ ರುಚಿ ನಂದು, ನಿನ್ನ ರುಚಿ ನಿಂದು.. ಬಾಡು ನಮ್ಮ ಹಾಡು, ಬಾಡೇ ನಮ್ಮ ಗಾಡು..

ಟಗರುಪಲ್ಯದಲ್ಲಿ ಬರುವ ಈ ಟೈಟಲ್ ಟ್ರ್ಯಾಕ್.. ಆ ಮ್ಯೂಸಿಕ್..ಎರಡೂ ಬೇರೆಯದೇ ಟಚ್ ಕೊಟ್ಟಿವೆ.

ಹಾಡಿಗೆ ಸಾಹಿತ್ಯ ಕೊಟ್ಟಿರೋದು ಡಾಲಿ ಧನಂಜಯ್. ಚಿತ್ರಕ್ಕೆ ನಿರ್ಮಾಪಕರೂ ಅವರೇ. ಹೀರೋ ನಾಗಭೂಷಣ್. ಹೀರೋಯಿನ್ ಪ್ರೇಮ್ ಪುತ್ರಿ ಅಮೃತಾ ಪ್ರೇಮ್. ಯುವ ನಿರ್ದೇಶಕ ಉಮೇಶ್ ಕೆ ಕೃಪಾ ನಿರ್ದೇಶನದ ಚೊಚ್ಚಲ ಚಿತ್ರವಾಗಿರುವ ಟಗರು ಪಲ್ಯ , ಡಾಲಿ ಪಿಕ್ಚರ್ಸ್ ನಡಿ ನಿರ್ಮಿಸುತ್ತಿರುವ ಮೂರನೇ ಚಿತ್ರ .

ಕಬ್ಬಿನ ಕಣಜ ಮಂಡ್ಯ ಜಿಲ್ಲೆಯ ಹಳ್ಳಿ ಭಾಗದಲ್ಲಿ ನಡೆಯುವ ಆಚರಣೆ ಸುತ್ತಾ ಈ ಸಿನಿಮಾ ಕಥೆ ಕೆತ್ತಿದ್ದಾರೆ ನಿರ್ದೇಶಕ ಉಮೇಶ್ ಕೃಪಾ. ನಾಯಕ ನಾಗಭೂಷಣ್ ಬರ್ತ್ ಡೇ  ಸ್ಪೆಷಲ್ ಗಿಫ್ಟ್ ಈ ಟಟಟಟ ಹಾಡು.. ಇದರಲ್ಲಿ ಇನ್ನೂ ಒಂದು ಸ್ಪೆಷಲ್ ಏನಂದ್ರೆ, ಹಾಡಿನಷ್ಟೇ ಕ್ಯಾಚಿಯಾಗಿರೋದು ರಿದಂ. ಎಲ್ಲೆಲ್ಲೂ ಟಟಟಟಟ ಸೌಂಡ್ ಕೇಳಿ ಬರ್ತಿದೆ. ವಾಸುಕಿ ವೈಭವ್ ಮ್ಯೂಸಿಕ್ ನೀಡಿದ್ದು, ವಿಜಯ್ ಪ್ರಕಾಶ್ ಅವರು ಹಾಡಿಗೆ ಧ್ವನಿಯಾಗಿದ್ದಾರೆ.

ಇನ್ನು ಹಾಡು ನೋಡಿದವರು ಬಾಯಿ ಚಪ್ಪರಿಸುತ್ತಾರೆ. ಕಿವಿಯಲ್ಲಿ ಇಂಪಾಗಿ.. ಬಾಯಲ್ಲಿ ನೀರಾಗಿ ಹರಿಯುವಂತೆ ಹಾಡು ಕೊಟ್ಟಿದೆ ಟಗರು ಪಲ್ಯ. 'ಟಗರು ಪಲ್ಯ' ಸಿನಿಮಾದಲ್ಲಿ ದೊಡ್ಡ ತಾರಾಬಳಗವೇ ಇದ್ದು ಕೂತೂಹಲ ದುಪ್ಪಟ್ಟಾಗಿದೆ. ಹಿರಿಯ ಕಲಾವಿದರಾದ ರಂಗಾಯಣ ರಘು, ತಾರಾ, ಶರತ್ ಲೋಹಿತಾಶ್ವ ಸೇರಿದಂತೆ ದೊಡ್ಡ ಸ್ಟಾರ್ ಕಾಸ್ಟ್ ಟಗರು ಪಲ್ಯ ಚಿತ್ರಕ್ಕೆ ಸಾಥ್ ಕೊಟ್ಟಿದೆ.

ಟಗರು. ಡಾಲಿ ಧನಂಜಯ್ ವೃತ್ತಿ ಜೀವನದ ಮಹತ್ವದ ಸಿನಿಮಾ. ಧನಂಜಯ್ ಅವರಿಗೆ ಡಾಲಿ ಅನ್ನೋ ಐಡೆಂಟಿಟಿ ಕೊಟ್ಟಿದ್ದೇ ಟಗರು ಚಿತ್ರದ ಡಾಲಿ ಪಾತ್ರ. ಈಗ ಡಾಲಿ ಟಗರು ಪಲ್ಯ ಮಾಡುತ್ತಿದ್ದಾರೆ. ಅದು ಕೇವಲ ನಿರ್ಮಾಪಕರಾಗಿ. ಹೀರೋ ಆಗಿ ಅಲ್ಲ. ಡಾಲಿ ಪಿಕ್ಚರ್ಸ್ ಎಂಬ ಚಿತ್ರ ನಿರ್ಮಾಣ ಸಂಸ್ಥೆ ಆರಂಭಿಸಿದ ಧನಂಜಯ್ ಮೊದಲಿಗೆ ತಾನೇ ಅಭಿನಯಿಸಿದ 'ಬಡವ ರಾಸ್ಕಲ್' ಹಾಗೂ 'ಹೆಡ್ ಬುಶ್' ಚಿತ್ರಗಳಿಗೆ ಬಂಡವಾಳ ಹೂಡಿದ್ದರು. ಬಳಿಕ ಇತ್ತೀಚೆಗಷ್ಟೇ ಡಾಲಿ ಪಿಕ್ಚರ್ಸ್ ನಿರ್ಮಾಣದ ಮೂರನೇ ಸಿನಿಮಾ 'ಟಗರು ಪಲ್ಯ'ವನ್ನು ಘೋಷಿಸಲಾಗಿತ್ತು. ಮೋಷನ್ ಪೋಸ್ಟರ್ ಮೂಲಕ ಸುದ್ದಿಯಾಗಿದ್ದ 'ಟಗರು ಪಲ್ಯ' ಇದೀಗ ಸೆಟ್ಟೇರೋಕೆ ಸಿದ್ಧವಾಗಿದೆ.

ಟಗರು ಪಲ್ಯಕ್ಕೆ ಉಮೇಶ್ ಕೆ.ಕೃಪ ಡೈರೆಕ್ಟರ್. ಡಾಲಿ ಗೆಳೆಯ ನಾಗಭೂಷಣ್ ಹೀರೋ.  ಉಮೇಶ್ ಅವರು ಈ ಮೊದಲು ಯೋಗರಾಜ್ ಭಟ್ ಗರಡಿಯಲ್ಲಿ ಪಳಗಿದವರು. ಬೇರೆ ನಿರ್ದೇಶಕರ ಜಒತೆಯೂ ಕೆಲಸ ಮಾಡಿದ ಅನುಭವವಿದೆ. ಇದು ಕಂಟೆಂಟ್ ಬೇಸ್ ಸಿನಿಮಾ. ಸ್ಕ್ರಿಪ್ಟ್ ಕೆಲಸ ಮುಗಿದಿದ್ದು ಡಿಸೆಂಬರ್ ಮೊದಲ ವಾರದಲ್ಲಿ ಸಿನಿಮಾ ಸೆಟ್ಟೇರಲಿದೆ ಎಂದಿದ್ದಾರೆ ಡೈರೆಕ್ಟರ್ ಉಮೇಶ್ ಕೆ.ಕೃಪ.

ವಾಸುಕಿ ವೈಭವ್ ಸಂಗೀತವಿದ್ದು, ರಂಗಾಯಣ ರಘು, ತಾರಾ, ಶರತ್ ಲೋಹಿತಾಶ್ವ ನಟಿಸುತ್ತಿದ್ದಾರೆ. ಹೀರೋಯಿನ್ ಇನ್ನೂ ಫೈನಲ್ ಆಗಿಲ್ಲ.

ಸೂರ್ಯಕಾಂತಿ ನಾನು.. ನನ್ನ ಸೂರ್ಯ ನೀನು..

ನೀ ಎತ್ತಾಗೋದ್ರೂ.. ಅತ್ತಾಕಡೆ ತಿರುಗ್ತೀನಿ ನಾನು..

ಹೊಂಗೆ ನೆರಳಂಗೆ ನಿನ್ನ ಪ್ರೀತಿ ಅಕ್ಕರೆ..

ನಿನ್ನ ಬಾಳಿನಲ್ಲಿ ನಾನು ಮಂಡ್ಯ ಸಕ್ಕರೆ..

ಹೂವ ಬಳ್ಳಿ ನಾನು ನಿನ್ನ ಸುತ್ತ ಹಬ್ಬಲೆ..

ಲೋಕ ನಾಚುವಂತೆ ನಿನ್ನ ನಾನು ತಬ್ಬಲೆ..

ಹೂ ಅನ್ನು.. ಉಹೂಂ ಅನ್ನಬ್ಯಾಡ..ಮಾಮ..

ಟಗರುಪಲ್ಯದ ಸೂರ್ಯಕಾಂತಿ ಹಾಡಿದು. ಮಾವನ ಮೇಲಿನ ಪ್ರೀತಿಯನ್ನು ಹೇಳೋ ಹಾಡಿನ ಲಿರಿಕಲ್ ವಿಡಿಯೋ ಬಿಟ್ಟಿದೆ ಟಗರುಪಲ್ಯ ಟೀಂ. ಸ್ವತಃ ಧನಂಜಯ ಅವರೇ ಕ್ಯಾಚಿ ಮ್ಯಾಚಿ ಪದಗಳನ್ನು ಪೊಣಿಸಿ ಸಾಹಿತ್ಯ ಬರೆದಿದ್ದು, ಮಾಧುರಿ ಶೇಷಾದ್ರಿ ಕಂಠ ಕುಣಿಸಿದ್ದು, ವಾಸುಕಿ ವೈಭವ್ ಟ್ಯೂನ್ ಹಾಕಿದ್ದಾರೆ. ಹಳ್ಳಿ ಸೊಗಡಿನ ಕಂಪು ಹೊಂದಿರುವ ಈ ಮೆಲೋಡಿ ಹಾಡಿಗೆ 'ಲವ್ಲಿ ಸ್ಟಾರ್' ಪ್ರೇಮ್ ಪುತ್ರಿ ಅಮೃತಾ ಪ್ರೇಮ್ ಹೆಜ್ಜೆ ಹಾಕಿದ್ದಾರೆ. ಲಂಗ ದಾವಣಿ ತೊಟ್ಟು ಪಕ್ಕಾ ಹಳ್ಳಿ ಹುಡುಗಿಯಾಗಿ ಮಿಂಚಿದ್ದಾರೆ.

ಡಾಲಿ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಆಗುತ್ತಿರುವ ‘ಟಗರು ಪಲ್ಯ’ ಚಿತ್ರಕ್ಕೆ ಉಮೇಶ್ ಕೆ ಕೃಪ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾ ಮೂಲಕ ನಟಿಯಾಗಿ 'ನೆನಪಿರಲಿ' ಪ್ರೇಮ್ ಮಗಳು ಅಮೃತಾ ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಾರೆ. ನಾಗಭೂಷಣ್ 'ಟಗರು ಪಲ್ಯ'ದ ನಾಯಕ. ಈಗಾಗಲೇ ನಾಗಭೂಷಣ್ ಹಾಗೂ ಅಮೃತಾ ಅವರ ಕಾಂಬಿನೇಶನ್ ಭಾರೀ ಕುತೂಹಲವನ್ನು ಸೃಷ್ಟಿ ಮಾಡಿದೆ. ಹಿರಿಯ ಕಲಾವಿದರಾದ ರಂಗಾಯಣ ರಘು, ತಾರಾ, ಶರತ್ ಲೋಹಿತಾಶ್ವ ಸೇರಿದಂತೆ ದೊಡ್ಡ ಸ್ಟಾರ್ ಕಾಸ್ಟ್ ಚಿತ್ರಕ್ಕೆ ಸಾಥ್ ಕೊಟ್ಟಿದೆ.

ಟಗರು ಚಿತ್ರದ ಮೂಲಕವೇ ಫೇಮಸ್ ಆದ ಡಾಲಿ ಧನಂಜಯ ನಿರ್ಮಾಣದ ಚಿತ್ರ ಟಗರು ಪಲ್ಯ. ಹಾಗಂತ ಅವರು ಇಲ್ಲಿ ನಟಿಸುತ್ತಿಲ್ಲ. ಕೇವಲ ನಿರ್ಮಾಪಕ. ಹೊಸಬರಿಗೆ ಅವಕಾಶ ಕೊಟ್ಟು, ಇನ್ನೊಂದು ಪ್ರಯೋಗ ಮಾಡುತ್ತಿದ್ದಾರೆ ಡಾಲಿ ಧನಂಜಯ.  ‘ಟಗರು ಪಲ್ಯ’ ಚಿತ್ರಕ್ಕೆ ಉಮೇಶ್ ಕೆ ಕೃಪ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾ ಮೂಲಕ ಅನೇಕ ಹೊಸಬರಿಗೆ ಅವಕಾಶ ಸಿಕ್ಕಿದೆ. ಈ ಸಿನಿಮಾ ಮೂಲಕ ನಟಿಯಾಗಿ ನೆನಪಿರಲಿ ಪ್ರೇಮ್ ಮಗಳು ಅಮೃತಾ ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಾರೆ. ಅವರ ಪೋಸ್ಟರ್ಗಳು ಈಗಾಗಲೇ ರಿಲೀಸ್ ಆಗಿ ಗಮನ ಸೆಳೆದಿವೆ. ಈಗ ಸಿನಿಮಾದ ಶೂಟಿಂಗ್ ಮುಕ್ತಾಯವಾಗಿದ್ದು, ಕುಂಭಳಕಾಯಿ ಒಡೆಯಲಾಗಿದೆ.

ಈ ಚಿತ್ರಕ್ಕೆ ಡಾಲಿ ಧನಂಜಯ್ ಅವರ ಗೆಳೆಯ ನಾಗಭೂಷಣ್ ಹೀರೋ. ಜೊತೆಗೆ ರಂಗಾಯಣ ರಘು, ತಾರ, ಬಿರಾದಾರ್ ಮೊದಲಾದವರು ನಟಿಸಿದ್ದಾರೆ.

ಚಿತ್ರಕ್ಕೆ ವಾಸುಕಿ ವೈಭವ್ ಸಂಗೀತ ನಿರ್ದೇಶನ ಮಾಡಿದ್ದು, ಎಸ್. ಕೆ. ರಾವ್ ಛಾಯಾಗ್ರಹಣ ಚಿತ್ರಕ್ಕಿದೆ.

ನೆನಪಿರಲಿ ಪ್ರೇಮ್ ಅವರ ಮಗ ಗುರು ಶಿಷ್ಯರು ಚಿತ್ರದಲ್ಲಿ ಪುಟ್ಟ ಪಾತ್ರದಲ್ಲಿ ಎಂಟ್ರಿ ಕೊಟ್ಟು ಶಹಬ್ಬಾಸ್ ಎನ್ನಿಸಿಕೊಂಡ ಬೆನ್ನಲ್ಲೇ ಮಗಳು ಕೂಡಾ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾಗಿದೆ. ಪ್ರೇಮ್ ಪುತ್ರಿ ಅಮೃತಾ ನಾಯಕಿಯಾಗಿ ಎಂಟ್ರಿ ಕೊಡುತ್ತಿದ್ದಾರೆ. ಡಾಲಿ ಧನಂಜಯ್ ನಿರ್ಮಾಣದ ಟಗರು ಪಲ್ಯ ಚಿತ್ರಕ್ಕೆ ಅಮೃತಾ ಹೀರೋಯಿನ್. ಚಿತ್ರತಂಡಕ್ಕೊಂದು ಮಹಾಲಕ್ಷ್ಮಿ ಬೇಕಿತ್ತು. ಆ ಪಾತ್ರ ಗೆದ್ದರೆ ಇಡೀ ಸಿನಿಮಾ ಗೆದ್ದಂತೆ. ಚಿತ್ರದ ನಾಯಕಿಯ ಪಾತ್ರವೇ ಅಷ್ಟು ಚೆನ್ನಾಗಿದೆ. ಮಹಾಲಕ್ಷ್ಮಿಯಂತಿರಬೇಕು. ಅಂತಹ ಹುಡುಗಿ ಬೇಕು ಎಂದು ಹುಡುಕುತ್ತಿದ್ದಾಗ ನಮ್ ಡೈರೆಕ್ಟರ್ ಪ್ರೇಮ್ ಅವರ ಮಗಳನ್ನು ತೋರಿಸಿದು. ನಾನು ಅಮೃತಾರನ್ನು ನೋಡಿರಲಿಲ್ಲ. ಆದರೆ ಫೋಟೋ ಮತ್ತು ವಿಡಿಯೋ ನೋಡಿದಾಗ ಇಷ್ಟವಾಯಿತು ಎಂದಿದ್ದಾರೆ ಡಾಲಿ ಧನಂಜಯ್.

ಅಪ್ರೋಚ್ ಮಾಡುವ ಮುಂಚೆ ಪ್ರೇಮ್ ಅವರು ತಮ್ಮ ಮಗಳನ್ನು ಲಾಂಚ್ ಮಾಡುವುದಕ್ಕೆ ಏನು ಪ್ಲಾನ್ ಮಾಡಿಕೊಂಡಿದ್ದಾರೋ.. ಏನೋ.. ಎಂಬ ಯೋಚನೆಯಲ್ಲಿಯೇ ಪ್ರೇಮ್ ಅವರಿಗೆ ಕರೆ ಮಾಡಿದೆವು. ಅವರಿಗೆ ಕಥೆ ಇಷ್ಟವಾಯಿತು ಎನ್ನುತ್ತಾರೆ ಡಾಲಿ. ದುನಿಯಾ ವಿಜಯ್ ಅವರ ಜಾಕ್ಸನ್ ಚಿತ್ರವನ್ನು ನಿರ್ದೇಶನ ಮಾಡಿದ್ದ ಉಮೇಶ್ ಕೆ. ಕೃಪ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ನಾಯಕನಾಗಿ ನಾಗಭೂಷಣ್ ಇದ್ದಾರೆ. ಬಂಡಿಕಾಳಮ್ಮ ದೇವಸ್ಥಾನದಲ್ಲಿ ಚಿತ್ರದ ಮುಹೂರ್ತವೂ ನೆರವೇರಿದೆ.

ಈ ವೇಳೆ ಮಾತನಾಡಿದ ನೆನಪಿರಲಿ ಪ್ರೇಮ್ ಪುನೀತ್ ರಾಜಕುಮಾರ್ ಅವರನ್ನು ನೆನಪಿಸಿಕೊಂಡರು. ಪುನೀತ್ ಅವರು ಎಷ್ಟೇ ಕ್ರೌಡ್ ಮಧ್ಯೆ ಇದ್ದರೂ ನನ್ನ ಮಗಳನ್ನು ಕರೆದು ಮಾತನಾಡಿಸುತ್ತಿದ್ದರು. ಅಮೃತಾ ಎಜುಕೇಷನ್ ಬಗ್ಗೆ ಎಲ್ಲ ಕೇಳುತ್ತಿದ್ದರು. ಅದು ನನ್ನ ಮಗಳಿಗೂ ಇಷ್ಟವಾಗಿತ್ತು. ಪುನೀತ್ ನಿಧನರಾದಾಗ ಕೂಡಾ ಕ್ರೌಡ್ ಇರುತ್ತೆ, ಮಗಳೇ ಬೇಡ ಎಂದಿದ್ದೆ. ದೊಡ್ಡ ಕ್ರೌಡ್ ಮಧ್ಯೆಯೂ ಪುನೀತ್ ಸರ್ ನನ್ನನ್ನು ಕರೆದು ಮಾತನಾಡಿಸ್ತಾ ಇದ್ದರು. ನಾನು ಹೋಗಲೇಬೇಕು ಎಂದಳು. ಕರೆದುಕೊಂಡು ಹೋಗಿದ್ದೆ.

ಅವಳು ನನಗಿಂತ ಹೆಚ್ಚು ಪುನೀತ್ ಸರ್ ಫ್ಯಾನ್. ಅದಾದ ಮೇಲೆ ಗಂಧದ ಗುಡಿ ಪ್ರೀಮಿಯರ್ ಶೋಗೆ ಹೋಗಿದ್ದೆವು. ಆ ಪ್ರೀಮಿಯರ್ ಶೋನಲ್ಲಿ ನನ್ನ ಮಗಳೂ ಇದ್ದಳು. ಆ ವಿಡಿಯೋ ನೋಡಿಯೇ ಡೈರೆಕ್ಟರ್ ಆಯ್ಕೆ ಮಾಡಿದ್ದಾರೆ. ಒಂದು ರೀತಿ ಇದನ್ನು ಪುನೀತ್ ಸರ್ ಆಶೀರ್ವಾದವೇ ಅಲ್ಲವೇ ಎನ್ನುತ್ತಾರೆ ಪ್ರೇಮ್. ನನ್ನ ಮಗಳಿಗೆ ಆ ಆಶೀರ್ವಾದ ಎಂದಿಗೂ ಇರಲಿ ಎನ್ನುವುದು ಪ್ರೇಮ್ ಮಾತು.