` golden star ganesh, - chitraloka.com | Kannada Movie News, Reviews | Image

golden star ganesh,

  • ಗೋಲ್ಡನ್ ಸ್ಟಾರ್ ಗಣೇಶ್ ಅದೃಷ್ಟ ನೋಡ್ರಿ.. ಮತ್ತೆ ಮೂವರು ಹೀರೋಯಿನ್ಸ್ ಜೊತೆ..

    ganesh to romance three heroine once again

    ಗೋಲ್ಡನ್ ಸ್ಟಾರ್ ಗಣೇಶ್ ಅವರಿಗೆ ಅದೇನು ಅದೃಷ್ಟವೋ ಏನೋ.. ಇತ್ತೀಚೆಗೆ ಅವರ ಚಿತ್ರಗಳಲ್ಲಿ ನಾಯಕಿಯರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಮುಗುಳುನಗೆ, ಗೀತಾ ನಂತರ ಈಗ ಮತ್ತೊಮ್ಮೆ ಮೂವರು ಹೀರೋಯಿನ್ಸ್ ಜೊತೆ ಡ್ಯುಯೆಟ್ ಹಾಡೋಕೆ ರೆಡಿಯಾಗಿದ್ದಾರೆ.

    ಗಣೇಶ್ ಅಭಿನಯದ ಹೊಸ ಚಿತ್ರದ ಹೆಸರು ತ್ರಿಬಲ್ ರೈಡಿಂಗ್. ವಿನೋದ್ ಪ್ರಭಾಕರ್ ಅವರ ರಗಡ್ ಚಿತ್ರ ನಿರ್ದೇಶಿಸಿದ್ದ ಮಹೇಶ್ ಗೌಡ, ಈ ಚಿತ್ರಕ್ಕೆ ಡೈರೆಕ್ಟರ್. ಜನವರಿ ಕೊನೆಯ ಹೊತ್ತಿಗೆ ಟೀಂ ಸೇರಿಕೊಳ್ತಾರಂತೆ ಗಣೇಶ್. ಸದ್ಯಕ್ಕೆ ಗಣೇಶ್ ಗಾಳಿಪಟ-2ನಲ್ಲಿ ಬ್ಯುಸಿಯಾಗಿದ್ದಾರೆ.

     

  • ಗೋಲ್ಡನ್ ಸ್ಟಾರ್ ಗಣೇಶ್ ಗಿಮಿಕ್

    ganesh naganna film titled gimmick

    ಗಣೇಶ್ ಯಾವಾಗ ಗಿಮಿಕ್ ಮಾಡ್ತಾರ್ರೀ.. ಸೀದಾ ಸಾದಾ ಇರ್ತಾರೆ. ಏನ್ರಿ ಇದೆಲ್ಲ ಅಂತಾ ಕನ್‍ಫ್ಯೂಸ್ ಆಗ್ಬೇಡ್ರಿ. ಇದು ಗಣೇಶ್ ಅವರ ಹೊಸ ಚಿತ್ರದ ಟೈಟಲ್ಲು. ನಾಗಣ್ ನಿರ್ದೇಶನದ ಹಾರರ್ ಸಿನಿಮಾದಲ್ಲಿ ಗಣೇಶ್ ನಟಿಸಲಿದ್ದಾರೆ ಅನ್ನೋದು ಗೊತ್ತಿದೆಯಷ್ಟೆ. ಆ ಚಿತ್ರಕ್ಕೆ ಗಿಮಿಕ್ ಅಂತಾ ಹೆಸರಿಡಲಾಗಿದೆ.

    ಚಿತ್ರದ ಶೂಟಿಂಗ್‍ಗೆ ಲೊಕೇಷನ್ ನೋಡಲೆಂದೇ ಶ್ರೀಲಂಕಾಗೆ ಹೋಗಿ ಬಂದಿದ್ದಾರೆ. ಇದುವರೆಗೆ ಯಾರೂ ತೋರಿಸದ ಲೊಕೇಷನ್‍ಗಳಲ್ಲಿ ಸಿನಿಮಾ ಚಿತ್ರೀಕರಣ ನಡೆಯಲಿದೆ ಎಂದು ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ ನಾಗಣ್ಣ. ದೀಪಕ್ ಸುನಿ ನಿರ್ಮಾಣದ ಸಿನಿಮಾಗೆ ಪಂಜಾಬಿ ಬೆಡಗಿ ರೋನಿಕಾ ಸಿಂಗ್ ನಾಯಕಿ.

  • ಗೋಲ್ಡನ್ ಸ್ಟಾರ್ ಗಣೇಶ್, ಈಗ ಡಾ.ಗಣೇಶ್

    dr ganesh as luv uvacha

    ನಿಮಗೆ ಲೈಂಗಿಕ ಸಮಸ್ಯೆಗಳಿವೆಯೇ.. ಸ್ತ್ರೀ ರೋಗ ಸಮಸ್ಯೆಗಳಿವೆಯೇ.. ವೈದ್ಯರು ಸಿಗುತ್ತಿಲ್ಲವೇ.. ತಡಮಾಡಬೇಡಿ. ಇದೇ ಶುಕ್ರವಾರದಿಂದ ನಿಮಗೆ ಹೊಸ ಡಾಕ್ಟರ್ ಸಿಗುತ್ತಿದ್ದಾರೆ. ಅವರ ಹೆಸರು ಡಾ.ಗಣೇಶ್. ಗೋಲ್ಡನ್ ಸ್ಟಾರ್ ಗಣೇಶ್, ಈಗ ಡಾ.ಗಣೇಶ್ ಆಗಿದ್ದಾರೆ. ಅವರೀಗ ಗೈನಕಾಲಜಿಸ್ಟ್. ಸ್ತ್ರೀರೋಗ ತಜ್ಞರು. ಗರ್ಭಧಾರಣೆ, ಶಿಶುಪಾಲನೆ, ಹೆರಿಗೆ ಎಲ್ಲದಕ್ಕೂ ಅವರು ಚಿಕಿತ್ಸೆ ಕೊಡ್ತಾರೆ. ಚಿಕಿತ್ಸೆ ಕೊಡದೇ ಹೋದರೂ ಚಮಕ್ ಅಂತೂ ಗ್ಯಾರಂಟಿ.

    ನಗಬೇಡಿ, ಇದೂ ಚಮಕ್ಕೇ. ಚಮಕ್‍ನಲ್ಲಿ ಸಿಂಪಲ್ ಸುನಿ, ರಿಯಲ್ ಲೈಫಲ್ಲಿ ಡಿಪ್ಲೋಮಾ ಎಂಜಿನಿಯರಿಂಗ್ ಒದಿರುವ ಗಣೇಶ್‍ರನ್ನು ಎಂಬಿಬಿಎಸ್ ಓದಿಸಿ ಡಾಕ್ಟರ್ ಮಾಡಿಸಿದ್ದಾರೆ. ಸ್ಟೆತಾಸ್ಕೋಪು ಹಿಡಿಯೋದು, ಮೆಡಿಕಲ್ ಸ್ಟೋರ್‍ನವರಿಗೆ ಮಾತ್ರ ಅರ್ಥವಾಗುವ ರೀತಿಯಲ್ಲಿ ಪ್ರಿಸ್ಕಿಪ್ಷನ್ ಬರೆಯೋದು ಮೊದಲಾದ ಡಾಕ್ಟರ್ ಕಸುಬುದಾರಿಕೆಗಳನ್ನು ಗಣೇಶ್ ಕಲಿತಿದ್ದಾರೆ.

    ಈ ಡಾಕ್ಟರ್‍ಗೆ ಚಮಕ್ ಕೊಡೋದು ಅಂದ, ಅದೃಷ್ಟದ ಗೊಂಬೆ ರಶ್ಮಿಕಾ. ಇವರೆಲ್ಲರನ್ನೂ ಒಟ್ಟಿಗೇ ಕೂರಿಸಿರೋದು ಚಂದ್ರಶೇಖರ್. ಚಮಕ್, ಚಮಕ್ ಕೊಡೋಕೆ ರೆಡಿ.

  • ಗೋಲ್ಡನ್ ಸ್ಟಾರ್ ಗೆ ಮತ್ತೊಮ್ಮೆ ಮಗಧೀರನ ವಿಲನ್

    orange film shooting completed

    ಗಣೇಶ್ ಅಭಿನಯದ ಆರೆಂಜ್ ಸಿನಿಮಾ ಶೂಟಿಂಗ್ ಮುಗಿಯುತ್ತಿರುವಂತೆಯೇ ಚಿತ್ರದ ವಿಲನ್ ಯಾರು ಅನ್ನೋ ಸೀಕ್ರೆಟ್ ಕೂಡಾ ಬಯಲಾಗಿದೆ. ಮಗಧೀರ ಚಿತ್ರದ ಖಳ ದೇವ್‍ಗಿಲ್, ಇಲ್ಲಿ ಗಣೇಶ್‍ಗೆ ವಿಲನ್ ಆಗಿದ್ದಾರೆ. ಝೂಮ್ ಚಿತ್ರದಲ್ಲೂ ನಟಿಸಿದ್ದ ದೇವ್‍ಗಿಲ್‍ಗೆ ಇದು ಗಣೇಶ್ ಎದುರು 2ನೇ ಸಿನಿಮಾ.

    ರಾಜಕುಮಾರ ಖ್ಯಾತಿಯ ಪ್ರಿಯಾ ಆನಂದ್, ಗಣೇಶ್‍ಗೆ ನಾಯಕಿ. ಇದು ಲವ್ ಕಂ ಆ್ಯಕ್ಷನ್ ಸಿನಿಮಾ. ಗಣೇಶ್ ಅವರದ್ದು ಇಲ್ಲಿ ರಾಬಿನ್ ಹುಡ್ ಶೈಲಿಯ ಪಾತ್ರವಂತೆ. ಪ್ರಶಾಂತ್ ರಾಜ್, ಈ ಚಿತ್ರದ ಮೂಲಕ ಗಣೇಶ್ ಇಮೇಜ್‍ನ್ನೇ ಬದಲಿಸಲಿದ್ದಾರಾ..?-- 

  • ಗೋಲ್ಡನ್ ಸ್ಟಾರ್ ಹೇಮಂತ್.. ಜಾಕಿ ಸಮೀಕ್ಷಾ.. @99

    golden star hemanth and ajckie sameeksha in 99

    ಗೋಲ್ಡನ್ ಸ್ಟಾರ್ ಅಂದ್ರೆ ಗಣೇಶ್. ಇದ್ಯಾರು ಇದು ಹೇಮಂತ್.. ಜಾಕಿ ಅಂದ್ರೆ ಭಾವನಾ. ಈ ಸಮೀಕ್ಷಾ ಯಾರು..? ಅನುಮಾನವಿದ್ದರೆ, ಪ್ರಶ್ನೆಗಳಿದ್ದರೆ ನೀವು ಪ್ರೀತಂ ಗುಬ್ಬಿ ಅವರನ್ನೇ ಕೇಳಬೇಕು.

    ಅಂದಹಾಗೆ ಇದು 99 ಸಿನಿಮಾದ ಕಥೆ. ಈ ಚಿತ್ರದಲ್ಲಿ ನಾಯಕ ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ನಾಯಕಿ ಜಾಕಿ ಭಾವನಾ. ಸಿನಿಮಾದಲ್ಲಿ ಇವರಿಬ್ಬರ ಯಂಗ್ ಏಜ್ ಪಾತ್ರಗಳು ಬರುತ್ತವೆ. ಆ ಪಾತ್ರಗಳಿಗೆ ಆಯ್ಕೆಯಾಗಿರುವುದೇ ಈ ಹೇಮಂತ್ ಮತ್ತು ಸಮೀಕ್ಷಾ.

    ಈ ಹೇಮಂತ್ ಯಾರು ಅಂದ್ರೆ, ಇವರು ಜೂನಿಯರ್ ರಾಮಾಚಾರಿ. ಮಿಸ್ಟರ್ & ಮಿಸೆಸ್ ರಾಮಾಚಾರಿ ಚಿತ್ರದಲ್ಲಿ ಯಶ್ ಬಾಲಕನ ಪಾತ್ರದಲ್ಲಿ ಮಿಂಚಿದ್ದ ಹುಡುಗನನ್ನು ನೆನಪಿಸಿಕೊಳ್ಳಿ. ಅವನೇ.. ಇವರು. ಇನ್ನು ಸಮೀಕ್ಷಾ ಧಾರಾವಾಹಿ ಕಲಾವಿದೆ. 

    99 ಚಿತ್ರದ ಚಿತ್ರೀಕರಣ ಮಂಗಳೂರು, ಪುತ್ತೂರು, ತೀರ್ಥಹಳ್ಳಿ ಕಡೆ ಸಾಗುತ್ತಿದೆ. ಡಿಸೆಂಬರ್‍ನಲ್ಲಿ ಸೆಟ್ಟೇರಿರುವ ಸಿನಿಮಾ, ಮಾರ್ಚ್ ವೇಳೆಗೆ ಥಿಯೇಟರಿಗೆ ಬರಲಿದೆ. ಎರಡು ಕಾಲಘಟ್ಟದಲ್ಲಿ ನಡೆಯುವ ಸಿನಿಮಾ ಆದ ಕಾರಣ, ದೃಶ್ಯಗಳಿಗೆ ತಕ್ಕಂತೆ ಲೊಕೇಷನ್ ಹುಡುಕಿಕೊಳ್ಳುತ್ತಿದ್ದೇವೆ ಎಂದು ಮಾಹಿತಿ ನೀಡಿದ್ದಾರೆ ಪ್ರೀತಂ ಗುಬ್ಬಿ.

  • ಗೋಲ್ಡನ್ ಸ್ಟಾರ್‍ಗೆ ರಾಜಕುಮಾರಿ

    priya anand for orange

    ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಪ್ರಶಾಂತ್ ರಾಜ್ ಕಾಂಬಿನೇಷನ್‍ನ ಆರೆಂಜ್ ಚಿತ್ರಕ್ಕೆ ನಾಯಕಿಯಾಗಿ ರಾಜಕುಮಾರಿಯೇ ಸಿಕ್ಕಿದ್ದಾಳೆ. ಈ ರಾಜಕುಮಾರಿ ಬೇರ್ಯಾರೂ ಅಲ್ಲ. `ರಾಜಕುಮಾರ'ನ ನಾಯಕಿ ಪ್ರಿಯಾ ಆನಂದ್.

    ಚಿತ್ರದ ಕಥೆಗೆ ಪ್ರಿಯಾ ಆನಂದ್ ಸೂಕ್ತ ಎನಿಸಿತು. ಅವರಿಗೆ ಕಥೆ ಹೇಳಿದೆವು. ಅವರಂತೂ ತಮ್ಮ ಪಾತ್ರದ ಬಗ್ಗೆ ಎಕ್ಸೈಟ್ ಆಗಿ ಒಪ್ಪಿಕೊಂಡಿದ್ದಾರೆ ಎಂದಿದ್ದಾರೆ ನಿರ್ದೇಶಕ ಪ್ರಶಾಂತ್ ರಾಜ್.

    ಚಿತ್ರದಲ್ಲಿ ನಾಯಕಿಯ ಪಾತ್ರ, ಸಂಪತ್ತಿಗೆ ಸವಾಲ್ ಮಂಜುಳಾ ಅವರನ್ನು ನೆನಪಿಸುತ್ತಂತೆ. ಅಲ್ಲಿಗೆ ರಾಜಕುಮಾರನ ರಾಜಕುಮಾರಿ, ಗಣೇಶ್ ಪಾಲಿನ ದುರ್ಗೆಯಾಗುತ್ತಿದ್ದಾರೆ.

     

  • ಚಮಕ್ ಇಟಲಿಯಲ್ಲಿ ಹೆಡ್‍ಲೈನ್ ನ್ಯೂಸ್ ಆದಾಗ..

    chamak movie image

    ಚಮಕ್, ತಿಂಗಳ ಕೊನೆಯಲ್ಲಿ ಡಿ.29ಕ್ಕೆ ತೆರೆಗೆ ಬರುತ್ತಿದೆ. ಚಿತ್ರದ ಟೀಸರ್, ಹಾಡುಗಳು, ತರಲೆ, ತಮಾಷೆಗಳ ಕಥೆಗಳು ಪ್ರೇಕ್ಷಕರಲ್ಲಿ ವಿಚಿತ್ರ ಕುತೂಹಲ ಹುಟ್ಟುಹಾಕಿವೆ. ಜೊತೆಗೆ ಡಿ.29, ರಶ್ಮಿಕಾ ಹಾಗೂ ಗಣೇಶ್‍ಗೆ ಲಕ್ಕಿ ದಿನಗಳು ಬೇರೆ. ಇಂಥ ಸಂಭ್ರಮಗಳ ನಡುವೆ ಚಮಕ್ ಇಟಲಿಯ ಸ್ಥಳೀಯ ಪತ್ರಿಕೆಗಳಲ್ಲಿ ಹೆಡ್‍ಲೈನ್ ಆಗಿದ್ದ ಕಥೆ  ಗೊತ್ತಾ..?

    ಇಟಲಿಯಲ್ಲಿ ಚಮಕ್ ಚಿತ್ರದ ಹಾಡುಗಳ ಶೂಟಿಂಗ್ ಆಗಿದೆ. ಚಿತ್ರತಂಡ ಎಲ್ಲ ಕಡೆ ಸಾರ್ವಜನಿಕ ಸಾರಿಗೆಯನ್ನೇ ಬಳಸಿರುವುದು ವಿಶೇಷ. ಇಟಲಿಯ ಬೆಲಾಜಿಯೋ ಎಂಬ ಹಳ್ಳಿಯಲ್ಲಿ, ಟೊರಿನೋ, ಕೊಮೊ, ಮಿಲನ್ ಎಂಬ ಸರೋವರಗಳ ಸುತ್ತ ಶೂಟಿಂಗ್ ಆಗಿದೆ. ಗಣೇಶ್ ಇಂಟ್ರೊಡಕ್ಷನ್ ಸೀನ್ ಹಾಗೂ ಚಿತ್ರದ ಕ್ಲೈಮಾಕ್ಸ್ ಸೀನ್ ಶೂಟಿಂಗ್ ಆಗಿರುವುದು ಅಲ್ಲೆ. ಅಲ್ಲಿಯ ವಿಶೇಷವೆಂದರೆ, ಸೂರ್ಯ ರಾತ್ರಿ 9 ಗಂಟೆಯವರೆಗೂ ಮುಳುಗುವುದಿಲ್ಲ. ಹಗಲಿನ ವಾತಾವರಣವೇ ಇರುತ್ತದಂತೆ. 

    ಹೀಗೆ ಅಲ್ಲಿ ಶೂಟಿಂಗ್ ಮುಗಿಸಿಕೊಂಡು ಬಂದ ಮೇಲೆ ಚಿತ್ರತಂಡಕ್ಕೊಂದು ಅಚ್ಚರಿ ಕಾದಿತ್ತು. ಇಟಲಿಯ ಸ್ಥಳೀಯ ಪತ್ರಿಕೆಯೊಂದರಲ್ಲಿ ಗಣೇಶ್ ಅವರ ಬಗ್ಗೆ ಲೇಖನ ಬಂದಿತ್ತು. ಕನ್ನಡ ಮೂವೀ ಸ್ಟಾರ್ ಎಂದು ಬಣ್ಣಿಸಲಾಗಿತ್ತು. ಅದನ್ನು ಚಿತ್ರತಂಡ ಕನ್ನಡದ ಮಾಧ್ಯಮಗಳಿಗೂ ತಿಳಿಸಿ ಖುಷಿ ಪಟ್ಟಿತ್ತು. ಆದರೆ, ಕೆಲವು ದಿನಗಳ ನಂತರ ಗೊತ್ತಾಗಿದ್ದೇನೆಂದರೆ, ಆ ಲೇಖನದಲ್ಲಿ ಗಣೇಶ್ ಅವರನ್ನು ಹೊಗಳುವ ಸುದ್ದಿಯೇನೂ ಇರಲಿಲ್ಲ. ಬದಲಿಗೆ ಚಿತ್ರತಂಡ ಅನುಮತಿಯನ್ನೇ ಪಡೆಯದೆ ಶೂಟಿಂಗ್ ಮಾಡಿದೆ ಎಂದು ವರದಿಯಾಗಿತ್ತು. 

    ಅನುಮತಿಯನ್ನು ಪಡೆದೇ ಚಿತ್ರೀಕರಣ ಮಾಡಿದ್ದ ಚಮಕ್ ಟೀಂಗೆ ಅದು ಶಾಕಿಂಗ್ ನ್ಯೂಸ್. ಹಾಗೆಂದು ಟೆನ್ಷನ್ ಮಾಡಿಕೊಳ್ಳಲು ಹೋಗಲಿಲ್ಲವಂತೆ. ಏಕೆಂದರೆ ಅಷ್ಟು ಹೊತ್ತಿಗೆ ಶೂಟಿಂಗೇ ಮುಗಿದಿತ್ತಂತೆ. ಅಲ್ಲಿಯೇ ಚಿತ್ರೀಕರಿಸಿರುವ ಖುಷಿಖುಷಿ ಹಾಡು ಹಿಟ್  ಆಗಿರುವ ವೇಳೆ ನಿರ್ದೇಶಕ ಸುನಿ ಇವೆಲ್ಲ ಘಟನೆಗಳನ್ನು ನೆನಪಿಸಿಕೊಂಡಿದ್ದಾರೆ.

  • ಚಮಕ್ ಜೋಡಿಯ ಭರಭರ ಭರಾಟೆ

    bharaate producer to produce simpla suni's next

    ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಸಿಂಪಲ್ ಸುನಿ ಮತ್ತೊಮ್ಮೆ ಒಟ್ಟಿಗೇ ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿಯ ಅಪ್‍ಡೇಟ್ ಇದು. ಈ ಚಿತ್ರಕ್ಕೆ ಭರಾಟೆ ನಿರ್ಮಾಪಕ ಸುಪ್ರೀತ್ ಬಂಡವಾಳ ಹೂಡುತ್ತಿದ್ದಾರೆ. ಉಳಿದಂತೆ ಕಲಾವಿದರು, ತಂತ್ರಜ್ಞರ ಆಯ್ಕೆ ಆಗಬೇಕಿದೆ.

    ಇದೊಂದು ಕಾಮಿಡಿ ಥ್ರಿಲ್ಲರ್. ಸಿನಿಮಾ ಶುರುವಾದಾಗಿನಿಂದ ಕೊನೆಯಾಗುವವರೆಗೆ ನಕ್ಕು ನಲಿಸುವ ಕಥೆ ಎಂದಿದ್ದಾರೆ ಸುನಿ. ಆದರೆ, ಈ ಚಿತ್ರ ಸೆಟ್ಟೇರುವ ಮುನ್ನ ಗಣೇಶ್ ಗಾಳಿಪಟ2 ಚಿತ್ರೀಕರಣ ಮುಗಿಸಬೇಕು, ಇತ್ತ ಸುನಿ ಅವತಾರ್ ಪುರುಷ ಕಂಪ್ಲೀಟ್ ಮಾಡಿ ತೆರೆಗೆ ತರಬೇಕು. ಅಲ್ಲಿಯವರೆಗೆ ಪ್ರಿ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿರುತ್ತವೆ.

  • ಚಮಕ್‍ಗೆ ರಶ್ಮಿಕಾ ಲಕ್

    chamak image

    ಚಮಕ್, ಇದೇ ತಿಂಗಳು ಅಂದರೆ ಡಿಸೆಂಬರ್ 29ರಂದು ಬಿಡುಗಡೆಯಾಗ್ತಿದೆ. ಈ ಡಿಸೆಂಬರ್ ರಶ್ಮಿಕಾಗೆ ಲಕ್ಕಿ. ಕಳೆದ ವರ್ಷ ಡಿಸೆಂಬರ್ 30ಕ್ಕೆ ಕಿರಿಕ್ ಪಾರ್ಟಿ ರಿಲೀಸ್ ಆಗಿತ್ತು. ಈಗ, ಒಂದು ದಿನ ಮುಂಚಿತವಾಗಿ ಚಮಕ್ ರಿಲೀಸ್ ಆಗ್ತಿದೆ.

    ಅಷ್ಟೇ ಅಲ್ಲ, ಗಣೇಶ್‍ಗೂ ಡಿಸೆಂಬರ್ ಲಕ್ಕಿ ತಿಂಗಳು. ಮುಂಗಾರು ಮಳೆ ರಿಲೀಸ್ ಆಗಿದ್ದುದೇ ಡಿಸೆಂಬರ್‍ನಲ್ಲಿ. ಹೀಗಾಗಿ ಎರಡು ಲಕ್ಕುಗಳ ಜೊತೆ ತುಂಟ ನಿರ್ದೇಶಕ ಎಂದೇ ಫೇಮಸ್ ಆಗಿರೋ ಸುನಿ ನಿರ್ದೇಶನದ ಚಮಕ್ ರಿಲೀಸ್ ಆಗ್ತಿದೆ.

  • ಚಮಕ್‍ನಲ್ಲಿ ಜಗ್ಗೇಶ್ ಚಮಕ್ಕೂ ಇದೆ..!

    jaggesh's commentary in chamak

    ಸಿಂಪಲ್ ಸುನಿ ಚಮಕ್ ಸುನಿ ಆಗ್ತಾರಾ..? ಅಂಥಾದ್ದೊಂದು ನಿರೀಕ್ಷೆ ಹುಟ್ಟಿಸಿದೆ ಈ ಸಿನಿಮಾ. ಚಿತ್ರಕ್ಕೆ ಯು ಸರ್ಟಿಫಿಕೇಟು ಸಿಕ್ಕಿರುವುದನ್ನೂ ಫುಲ್ ಜೋಶ್‍ನಿಂದ ಹೇಳಿಕೊಂಡಿದೆ ಚಮಕ್ ಟೀಮು. ಸುನಿ ಸಹವಾಸವೋ ಏನೋ.. ಚಿತ್ರದಲ್ಲಿ ಭಾಗಿಯಾಗಿದ್ದವರೆಲ್ಲ ಇಷ್ಟಿಷ್ಟೇ ತುಂಟರಾಗುತ್ತಿದ್ದಾರೆ.

    ಈತ ತುಂಟಾಟದ ಮಹಾರಾಜ ಜಗ್ಗೇಶ್ ಕೂಡಾ ಚಮಕ್ ಟೀಂನಲ್ಲಿದ್ದಾರಂತೆ. ಚಿತ್ರದಲ್ಲಿ ಜಗ್ಗೇಶ್ ಅವರ ಧ್ವನಿಯನ್ನು ಬಳಸಿಕೊಳ್ಳಲಾಗಿದೆ. ಕನ್ನಡಿಗರಿಗೆ ರಸಗವಳ ಸಾಕಿದೆ ಎಂದು ಹೇಳಿರೋ ಜಗ್ಗೇಶ್, ಅಭಿಮಾನಿಗಳ ಕಿವಿಗೆ ರಸಗವಳದ ಸುನಾಮಿಯ ಸೂಚನೆ ಕೊಟ್ಟಿದ್ದಾರೆ.

    ಚಂದ್ರಶೇಖರ್ ನಿರ್ಮಾಣದ ಸಿನಿಮಾ, ಚಿತ್ರ ನರ್ತಕಿ ಥಿಯೇಟರ್‍ನಲ್ಲಿ ರಿಲೀಸಾಗುತ್ತಿದೆ. ಎಲ್ಲ ಟೈಮಲ್ಲೂ ಕರೆಂಟು ಬರಲಿ ಅಂತೇನಿಲ್ಲ, ಕರೆಂಟು ಹೋಗಲಿ ಎಂದು ಕೂಡಾ ಬೇಡಿಕೊಳ್ಳಬೇಕಾಗುತ್ತೆ ಎಂದು ಟ್ವೀಟ್ ಮಾಡಿರೋ ಸುನಿ, ಅದೇನೇನು ಚಮಕ್ ಇಟ್ಟಿದ್ದಾರೋ.. ಏನೋ.. 

  • ಟಾಕೀಸ್​ಗೆ ಬಂತು ಮುಗುಳುನಗೆ ಹಾಡು

    mugulunage image

    ಮುಗುಳುನಗೆ ಸಿನಿಮಾ ಹಿಟ್ ಆಗುವ ಹಾದಿಯಲ್ಲಿದೆ. ಮುಂಗಾರು ಮಳೆ ದಾಖಲೆ ಮುರಿದರೂ ಆಶ್ಚರ್ಯವಿಲ್ಲ. ಆದರೆ, ಸಿನಿಮಾ ನೋಡಿದವರಿಗೆ ಚಿತ್ರದ ಟೈಟಲ್ ಸಾಂಗ್ ಮಿಸ್ಸಾಗಿದೆ ಎಂಬ ಬೇಸರ ಕಾಡಿತ್ತು. ಚಿತ್ರ ನೋಡಿದ ಹಲವರು ಈ ಬಗ್ಗೆ ಬೇಸರ ತೋಡಿಕೊಂಡಿದ್ದರು. 

    ಪ್ರೇಕ್ಷಕರಿಗೆ ಇಷ್ಟೊಂದು ಇಷ್ಟವಾಗಿದ್ದ ಆ ಹಾಡನ್ನು ಈಗ ಚಿತ್ರತಂಡ ಥಿಯೇಟರಿಗೆ ಬಿಟ್ಟಿದೆ. ಮೊದಲ ವಾರದಲ್ಲಿ ಮಿಸ್ ಆಗಿದ್ದ ಮುಗುಳುನಗೆಯ ಹಾಡು ಇನ್ನು ಮೇಲೆ ಚಿತ್ರಮಂದಿರದಲ್ಲೂ ಕಾಣಿಸಲಿದೆ.ಪ್ರೇಕ್ಷಕರ ಒತ್ತಾಯದ ಮೇರೆಗೆ ಚಿತ್ರದಲ್ಲಿ ವಿ.ಹರಿಕೃಷ್ಣ ಸಂಗೀತ ಸಂಯೋಜಿಸಿರುವ ಶೀರ್ಷಿಕೆ ಗೀತೆಯನ್ನ ಸೇರಿಸಲಾಗಿದೆ.

  • ಡಿ.7ಕ್ಕೆ ಗೋಲ್ಡನ್ ಸ್ಟಾರ್ V/s ಹ್ಯಾಟ್ರಿಕ್ ಹೀರೋ

    shivanna's kavachan and ganesh;s orange to clash on same day

    2019ರ ಡಿಸೆಂಬರ್ ಸ್ಟಾರ್ ವಾರ್‍ಗೆ ಸಾಕ್ಷಿಯಾಗುತ್ತಾ..? ಅಂಥಾದ್ದೊಂದು ಲೆಕ್ಕಾಚಾರ, ನಿರೀಕ್ಷೆಗಳು ಗರಿಗೆದರುತ್ತಿವೆ. ಡಿಸೆಂಬರ್ 21ಕ್ಕೆ ಕೆಜಿಎಫ್ ರಿಲೀಸ್ ಆಗುತ್ತಿದ್ದು, ಅದೇ ದಿನ ಉಪೇಂದ್ರ-ರಚಿತಾ ರಾಮ್-ಎ.ಪಿ.ಅರ್ಜುನ್ ಕಾಂಬಿನೇಷನ್‍ನ ಐ ಲವ್ ಯು ತೆರೆ ಕಾಣುವ ಸಾಧ್ಯತೆ ಇದೆ. ಹೀಗಿರುವಾಗಲೇ ಅದಕ್ಕೂ ಮೊದಲು ಡಿಸೆಂಬರ್ 7ಕ್ಕೆ ಶಿವಣ್ಣ ಮತ್ತು ಗಣೇಶ್ ಚಿತ್ರಗಳು ಮುಖಾಮುಖಿಯಾಗಲಿವೆ.

    ಡಿಸೆಂಬರ್ 7ಕ್ಕೆ ಗಣೇಶ್ ಅಭಿನಯದ ಆರೆಂಜ್ ರಿಲೀಸ್ ಆಗುತ್ತಿದೆ. ಅದೇ ದಿನ ಶಿವರಾಜ್‍ಕುಮಾರ್ ಅಭಿನಯದ ಕವಚ ಚಿತ್ರವೂ ರಿಲೀಸ್ ಆಗುವ ಸಾಧ್ಯತೆ ಇದೆ.

    ಆರೆಂಜ್, ಪ್ರಶಾಂತ್ ರಾಜ್ ನಿರ್ದೇಶನದ ಸಿನಿಮಾ. ರಾಜಕುಮಾರಿ ಪ್ರಿಯಾ ಆನಂದ್ ನಾಯಕಿ. ಜೂಮ್ ಚಿತ್ರದ ನಂತರ ಗಣೇಶ್-ಪ್ರಶಾಂತ್ ರಾಜ್ ಒಂದಾಗಿರುವ ಸಿನಿಮಾ ಇದು.

    ಇನ್ನು ಕವಚ, ಮಲಯಾಳಂನ ಒಪ್ಪಂ ಚಿತ್ರದ ರೀಮೇಕ್. ಹಲವು ವರ್ಷಗಳ ನಂತರ ಶಿವಣ್ಣ ಇಷ್ಟಪಟ್ಟು ನಟಿಸಿರುವ ರೀಮೇಕ್ ಸಿನಿಮಾ. ಇಶಾ ಕೊಪ್ಪಿಕರ್ ನಾಯಕಿಯಾಗಿರುವ ಈ ಚಿತ್ರದಲ್ಲಿ ಶಿವಣ್ಣ, ಅಂಧನಾಗಿ ನಟಿಸಿದ್ದಾರೆ. 

    ಇಬ್ಬರು ಸ್ಟಾರ್‍ಗಳ ಸಿನಿಮಾ ಒಂದೇ ದಿನ ಬಂದರೆ, ಡಿಸೆಂಬರ್ 7 ಧಮಾಕಾ ಸೃಷ್ಟಿಸಲಿದೆ.

  • ಡಿಜಿಟಲ್ ಮಾರ್ಕೆಟ್ಟಿನಲ್ಲಿ ಗೀತಾಗೆ ಬಂಪರ್

    ganesh's geeth gets good price at digital market

    ಗೋಲ್ಡನ್ ಸ್ಟಾರ್ ಗಣೇಶ್, ಶಾನ್ವಿ ಶ್ರೀವಾಸ್ತವ್ ಅಭಿನಯಿಸುತ್ತಿರುವ ಗೀತಾ ಸಿನಿಮಾ, ರಿಲೀಸ್ ಆಗುವುದಕ್ಕೂ ಮೊದಲೇ ಭರ್ಜರಿಯಾಗಿ ಸೇಲ್ ಆಗುತ್ತಿದೆ. ವಿಜಯ್ ನಾಗೇಂದ್ರ ಚೊಚ್ಚಲ ನಿರ್ದೇಶನದ ಗೀತಾ, ಟೈಟಲ್ ಕಾರಣದಿಂದಾಗಿಯೇ ದೊಡ್ಡ ನಿರೀಕ್ಷೆ ಮೂಡಿಸಿದೆ. 

    ಶಂಕರ್‍ನಾಗ್ ಅವರ ಕ್ಲಾಸಿಕ್ ಸಿನಿಮಾಗಳಲ್ಲಿ ಗೀತಾ ಕೂಡಾ ಒಂದು. ಅದೇ ಟೈಟಲ್ಲಿನಲ್ಲಿ ಮತ್ತೆ ಬರುತ್ತಿರುವ ಚಿತ್ರದಲ್ಲಿ ಗಣೇಶ್‍ಗೆ ಶಾನ್ವಿ ಒಬ್ಬರೇ ಅಲ್ಲ, ಇನ್ನೂ ಇಬ್ಬರು ನಾಯಕಿಯರಿದ್ದಾರೆ. ಪ್ರಯಾಗ ಮಾರ್ಟಿನ್, ಪಾರ್ವತಿ ಅರುಣ್ ಕೂಡಾ ನಾಯಕಿಯರು.

    ಈ ಚಿತ್ರ ಈಗ ಅಮೇಜಾನ್‍ಗೆ 2.75 ಕೋಟಿಗೆ ಸೇಲ್ ಆಗಿದೆಯಂತೆ. ಶೂಟಿಂಗ್ ಮುಗಿದು, ಪ್ರಥಮ ಪ್ರತಿ ಬರುವುದಕ್ಕೂ ಮೊದಲು ಇಷ್ಟು ದೊಡ್ಡ ಮೊತ್ತಕ್ಕೆ ಸೇಲ್ ಆಗಿರುವುದು ಚಿತ್ರದ ನಿರ್ಮಾಪಕರ ಖುಷಿ ಹೆಚ್ಚಿಸಿದೆ. 

  • ತೆಲುಗಿಗೂ ಚಮಕ್ ಚಮಕ್ ಚಲೋ..

    chamak in telugu

    ಚಮಕ್. ಗಣೇಶ್, ರಶ್ಮಿಕಾ ಅಭಿನಯದ ಸಿನಿಮಾ ಈಗ ಸೂಪರ್ ಹಿಟ್. ನಿರ್ದೇಶಕ ಸುನಿ ಪ್ರೇಕ್ಷಕರ ಹೃದಯಗಳಲ್ಲಿ ಕಚಗುಳಿ ಇಡುವುದರಲ್ಲಿ ಗೆದ್ದುಬಿಟ್ಟಿದ್ದಾರೆ. ಚಿತ್ರ ಈಗ ಹೊರರಾಜ್ಯ, ವಿದೇಶಗಳಲ್ಲೂ ತೆರೆ ಕಾಣುತ್ತಿದೆ. ಹೀಗಿರುವಾಗಲೇ ಚಮಕ್ ಚಿತ್ರವನ್ನು ತೆಲುಗಿನಲ್ಲೂ ನಿರ್ಮಿಸಲು ನಿರ್ಮಾಪಕ ಟಿ.ಆರ್.ಚಂದ್ರಶೇಖರ್ ಮುಂದಾಗಿದ್ದಾರೆ.

    ಸಿನಿಮಾವನ್ನು ತೆಲುಗಿಗೆ ರೀಮೇಕ್ ಮಾಡಲು ಹಲವರು ರೈಟ್ಸ್ ಕೇಳಿಕೊಂಡು ಬಂದಿದ್ದರಂತೆ. ಆದರೆ, ಯಾರಿಗೂ ಸಿನಿಮಾ ಹಕ್ಕುಗಳನ್ನು ಕೊಡದ ಚಂದ್ರಶೇಖರ್, ತೆಲುಗಿನಲ್ಲಿಯೂ ತಾವೇ ಚಿತ್ರ ನಿರ್ಮಿಸಲು ನಿರ್ಧರಿಸಿದ್ದಾರೆ. ತೆಲುಗಿಗೆ ಪರಿಚಯವಾಗುತ್ತಿರುವ ರಶ್ಮಿಕಾ ಅವರನ್ನೇ ತೆಲುಗು ಚಮಕ್‍ನಲ್ಲೂ ಮುಂದುವರಿಸಲು ತೀರ್ಮಾನಿಸಿರುವ ಚಂದ್ರಶೇಖರ್, ಹೀರೋ ಪಾತ್ರಕ್ಕೆ ನಾನಿ ಅವರನ್ನು ಆಯ್ಕೆ ಮಾಡಿಕೊಳ್ಳುವ ಯೋಜನೆಯಲ್ಲಿದ್ದಾರೆ.

    ಸದ್ಯಕ್ಕೆ ಯಾವುದೂ ಫೈನಲ್ ಆಗಿಲ್ಲ. ತಂತ್ರಜ್ಞರನ್ನೂ ಸೇರಿದಂತೆ ಕೆಲವರನ್ನು ಸಂಪರ್ಕಿಸಲಾಗಿದೆ. ಸದ್ಯಕ್ಕೆ ಚಮಕ್ ಭರ್ಜರಿ ಪ್ರದರ್ಶನ ನೀಡುತ್ತಿದ್ದು, ಮಲ್ಟಿಪ್ಲೆಕ್ಸ್‍ಗಳಲ್ಲಿ ಚಿತ್ರದ ಶೋಗಳನ್ನು ಹೆಚ್ಚಿಸಲಾಗಿದೆ. ಅಮೆರಿಕದಲ್ಲಿ 30 ಹಾಗೂ ಕೆನಡಾದಲ್ಲಿ 2 ಕೇಂದ್ರಗಳಲ್ಲಿ ಕೂಡಾ ಚಮಕ್ ರಿಲೀಸ್ ಆಗಿದ್ದು, ಯಶಸ್ವಿಯಾಗಿ ಪ್ರದರ್ಶನಗೊಳ್ಳುತ್ತಿದೆ. 

  • ನೋ ಲಾಸ್.. ನೋ ಪ್ರಾಫಿಟ್.. ಗೀತಾ ರಿಪೋರ್ಟ್

    geetha movie producer talks about geetha box office collecion

    ಗೀತಾ, ಗೋಕಾಕ್ ಚಳವಳಿ ಹಿನ್ನೆಲೆಯಲ್ಲಿ ಅರಳಿದ ಪ್ರೇಮಕಥೆಯ ಸಿನಿಮಾ. ಕಥೆ, ಚಿತ್ರಕಥೆ ವಿಭಿನ್ನವಾಗಿದ್ದ ಕಾರಣಕ್ಕೆ ಪ್ರೇಕ್ಷಕರು ಇಷ್ಟಪಟ್ಟ ಸಿನಿಮಾ. ಗಣೇಶ್,ಶಾನ್ವಿ ಜೋಡಿಯ ಚಿತ್ರಕ್ಕೆ ವಿಜಯ್ ನಾಗೇಂದ್ರ ನಿರ್ದೇಶಕರು. ಈಗ ಸಿನಿಮಾದ ಕಲೆಕ್ಷನ್ ರಿಪೋರ್ಟ್ ಕೊಟ್ಟಿದ್ದಾರೆ ನಿರ್ಮಾಪಕ ಸೈಯದ್ ಸಲಾಂ. ನೋ ಬಿಲ್ಡಪ್.. ನಥಿಂಗ್. ಇದ್ದದ್ದನ್ನು ಇದ್ದಂಗೆ ಹೇಳಿ ತಾವೇಕೆ ಡಿಫರೆಂಟ್ ಎಂದೂ ತೋರಿಸಿದ್ದಾರೆ.

    ಗೀತಾ ಚಿತ್ರದಿಂದ ನಂಗೆ ಲಾಸ್ ಆಗಿಲ್ಲ. ಲಾಭವೂ ಬಂದಿಲ್ಲ. ಹಾಕಿದ್ದ ಖರ್ಚಿನಷ್ಟು ಗಳಿಕೆಯಾಗಿದೆ. ಅಲ್ಲಿಗಲ್ಲಿಗೆ ಸರಿ ಹೋಗಿದೆ ಎಂದಿದ್ದಾರೆ ಸೈಯದ್.

    ನಟ ಗಣೇಶ್ ಮತ್ತು ನಿರ್ಮಾಪಕ ಸೈಯದ್ ಸಲಾಂ ಇಬ್ಬರದ್ದೂ ಒಂದೇ ಮಾತು, ಒಳ್ಳೆಯ ಚಿತ್ರ ಕೊಟ್ಟ ತೃಪ್ತಿ ಇದೆ. ಒಬ್ಬ ನಟನಾಗಿ ಇಂತಹ ಚಿತ್ರ ಕೊಟ್ಟಿದ್ದಕ್ಕೆ ನನಗಂತೂ ಹೆಮ್ಮೆಯಿದೆ. ಎಷ್ಟೋ ಬಾರಿ ಹಿಟ್ ಆದರೂ ಮನಸ್ಸಿಗೆ ತೃಪ್ತಿ ಇರಲ್ಲ. ಆದರೆ, ಗೀತಾ ಹಾಗಲ್ಲ, ಮನಸ್ಸಿಗೆ ಖುಷಿ ಕೊಟ್ಟ ಸಿನಿಮಾ ಎಂದಿದ್ದಾರೆ ಗಣೇಶ್.

    ಮೊದಲ ವಾರ 5 ಕೋಟಿ ಬ್ಯುಸಿನೆಸ್ ಮಾಡಿದ್ದ ಗೀತಾ, ಈಗಲೂ ಮಲ್ಟಿಪ್ಲೆಕ್ಸ್‍ಗಳಲ್ಲಿ ಚೆನ್ನಾಗಿಯೇ ಹೋಗುತ್ತಿದೆ. ಚಿತ್ರವನ್ನು ಜನ ಮೆಚ್ಚಿಕೊಂಡಿದ್ದಾರೆ. ನಾನು ಹ್ಯಾಪಿ ಎಂದಿದ್ದಾರೆ ಸೈಯದ್ ಸಲಾಂ.

  • ಪರಭಾಷೆ ಚಿತ್ರಗಳಿಗೆ ಗಣೇಶ್ ಕೊಟ್ಟ ಎಚ್ಚರಿಕೆ

    ganesh talks about other language films

    ಗಣೇಶ್ ಅಭಿನಯದ ಗೀತಾ ತೆರೆಗೆ ಸಿದ್ಧವಾಗಿದೆ. ಇಡೀ ಚಿತ್ರದಲ್ಲಿ ಮೈ ರೋಮಾಂಚನಗೊಳಿಸುವ ಹಾಡು, ಪುನೀತ್ ಹಾಡಿರುವ ಕನ್ನಡಿಗ.. ಕನ್ನಡಿಗ.. ಎಂಬ ಹಾಡು. ಎಂತಹವರನ್ನೂ ಬಡಿದೆಬ್ಬಿಸುವಂತಿರುವ ಹಾಡಿನಲ್ಲಿ ಕನ್ನಡ ಹೋರಾಟದ ಧ್ವನಿಯಿದೆ. ಸ್ಫೂರ್ತಿ ಇದೆ. ಗೀತಾ ಚಿತ್ರದ ಕಥೆಯಲ್ಲಿ ಗೋಕಾಕ್ ಚಳವಳಿಯ ನೆರಳಿದೆ. ಅಂಥಾದ್ದೊಂದು ಚಿತ್ರವನ್ನು ತೆರೆಗೆ ತರುತ್ತಿರುವ ಗಣೇಶ್, ಪರಭಾಷೆ ಚಿತ್ರಗಳಿಗೆ ಎಚ್ಚರಿಕೆಯನ್ನೂ ರವಾನಿಸಿದ್ದಾರೆ.

    ಗೀತಾ ನಾಳೆ ರಿಲೀಸ್ ಆಗುತ್ತಿದ್ದರೆ, ಮುಂದಿನ ವಾರ ಚಿರಂಜೀವಿ ಅಭಿನಯದ ತೆಲುಗು ಚಿತ್ರ ಸೈರಾ ನರಸಿಂಹ ರೆಡ್ಡಿ ಬರಲಿದೆ. ಜೊತೆಗೆ ಹೃತಿಕ್ ರೋಷನ್, ಟೈಗರ್ ಶ್ರಾಫ್ ಅಭಿನಯದ ಹಿಂದಿ ಸಿನಿಮಾ ವಾರ್ ರಿಲೀಸ್ ಆಗುತ್ತಿದೆ. ಸಾಮಾನ್ಯವಾಗಿ ಬೇರೆ ಭಾಷೆಯ ದೊಡ್ಡ ದೊಡ್ಡ ಚಿತ್ರಗಳು ತೆರೆಗೆ ಬಂದಾಗ ಮೊದಲು ಹೊಡೆತ ತಿನ್ನುವುದೇ ಕನ್ನಡ ಚಿತ್ರಗಳು. ಚಿತ್ರವನ್ನು ಹೆಚ್ಚು ಹೆಚ್ಚು ಶೋಗಳಲ್ಲಿ ತೋರಿಸಿ, ಅರ್ಜೆಂಟ್ ಅರ್ಜೆಂಟಾಗಿ ಬಾಕ್ಸಾಫೀಸ್ ಭರ್ತಿ ಮಾಡಿಕೊಳ್ಳುವುದು ಬೇರೆ ಭಾಷೆ ನಿರ್ಮಾಪಕರ ವ್ಯವಹಾರ ತಂತ್ರ. ಈ ತಂತ್ರಕ್ಕೆ ಗಣೇಶ್ ಅಭಿನಯದ ಗೀತಾ ಕೂಡಾ ಬಲಿಯಾಗುವ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ. ಹೀಗಾಗಿಯೇ ಗಣೇಶ್ ಎಚ್ಚರಿಕೆ ಕೊಟ್ಟಿದ್ದಾರೆ.

    ಗೀತಾ ಅಪ್ಪಟ ಕನ್ನಡ ಸಿನಿಮಾ. ಕನ್ನಡ ಪರವಾದ ಸಿನಿಮಾ. ಗೋಕಾಕ್ ಚಳವಳಿಯ ಕಥೆ ಇರುವ ಸಿನಿಮಾ. ಬೇರೆ ಭಾಷೆ ಚಿತ್ರಗಳಿಗೆ ಏನಾಗುತ್ತೋ.. ಏನೋ.. ನನಗೂ ಅದಕ್ಕೂ ಸಂಬಂಧವಿಲ್ಲ. ನನ್ನ ಚಿತ್ರದ ತಂಟೆಗೆ ಬಂದರೆ ಸುಮ್ಮನಿರಲ್ಲ. ನನ್ನ ಚಿತ್ರಕ್ಕೆ ಬೇರೆ ಭಾಷೆ ಚಿತ್ರಗಳು ತೊಂದರೆ ಮಾಡಿದರೆ ಪರಿಣಾಮ ನೆಟ್ಟಗಿರಲ್ಲ' ಎಂದಿದ್ದಾರೆ. ಆದರೆ, ಕನ್ನಡ ಚಿತ್ರ ತೆರೆಗೆ ಬಂದರೆ ಸಮಸ್ಯೆಯಿಲ್ಲ, ಪರಭಾಷೆ ಚಿತ್ರದಿಂದ ಮಾತ್ರ ನನ್ನ ಚಿತ್ರಕ್ಕೆ ಧಕ್ಕೆಯಾಗಬಾರದು ಎನ್ನುವುದು ಗಣೇಶ್ ಎಚ್ಚರಿಕೆ.

  • ಪವರ್ ಫುಲ್ ಕಂಠಕ್ಕೆ ಕೆಚ್ಚೆದೆಯ ಕನ್ನಡಿಗರ ಕರತಾಡನ

    puneeth's powerful voice for geetha song

    ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಗೀತಾ ಚಿತ್ರದ ಹಾಡು ಹೊರಬಿದ್ದಿದೆ. ಕನ್ನಡ ಕನ್ನಡ ಕನ್ನವಡವೇ ಸತ್ಯ.. ಎಂಬ ಈ ಹಾಡನ್ನು ಬರೆದಿರೋದು ಬೊಂಬೆ ಹೇಳುತೈತೆ ಖ್ಯಾತಿಯ ಸಂತೋಷ್ ಆನಂದರಾಮ್. ತಮ್ಮ ಗೆಳೆಯ ಮತ್ತು ಶಿಷ್ಯ ಎರಡೂ ಆಗಿರುವ ವಿಜಯ್ ನಾಗೇಂದ್ರ ಅವರಿಗಾಗಿ ಬರೆದಿರುವ ಗೀತೆಯಿದು.

    ಇನ್ನು ಈ ಹಾಡಿಗೆ ಅಷ್ಟೇ ಪವರ್‍ಫುಲ್ಲಾಗಿ ಹಾಡಿರೋದು ಪುನೀತ್ ರಾಜ್‍ಕುಮಾರ್. ಪುನೀತ್ ಗಟ್ಟಿ ಧ್ವನಿ, ಹಾಡನ್ನು ಇನ್ನೊಂದು ಎತ್ತರಕ್ಕೆ ಕೊಂಡೊಯ್ದಿದೆ. ಹಾಡು ಭರ್ಜರಿ ಸದ್ದು ಮಾಡ್ತಿದೆ. ಸೈಯ್ಯದ್ ಸಲಾಮ್ ಮತ್ತು ಶಿಲ್ಪಾ ಗಣೇಶ್ ನಿರ್ಮಾಣದ ಗೀತಾ ಮುಂದಿನ ತಿಂಗಳು ರಿಲೀಸ್ ಆಗುತ್ತಿದೆ.

  • ಪೈಲ್ವಾನ್ ಪಾಠ : ಗೀತಾ ಮುನ್ನೆಚ್ಚರಿಕೆ

    geetha movie team takes precautionary measures

    ಪೈಲ್ವಾನ್ ಚಿತ್ರವನ್ನು ಪೈರಸಿ ಕ್ರಿಮಿನಲ್ಸ್ ಕಾಡಿದ್ದಾರೆ. ಪೈರಸಿಯಿಂದಾಗಿಯೇ ಪೈಲ್ವಾನ್ ಟೀಂ 5 ಕೋಟಿಗೂ ಹೆಚ್ಚು ನಷ್ಟ ಅನುಭವಿಸಿದೆ. ಪೈರಸಿ ಮಾಡುತ್ತಿದ್ದವರನ್ನು ಬಂಧಿಸಲಾಗಿದೆ. ಲಿಂಕುಗಳನ್ನು ಡಿಲೀಟ್ ಮಾಡಲಾಗಿದೆ. ಹೋರಾಟ ಚಾಲ್ತಿಯಲ್ಲಿದೆ. ಇದೆಲ್ಲದರಿಂದ ಎಚ್ಚೆತ್ತುಕೊಂಡಿರುವುದು ಗೀತಾ ಟೀಂ.

    ಸಿನಿಮಾ ರಿಲೀಸ್ ಆಗುವುದಕ್ಕೂ ಮೊದಲೇ ಖಾಸಗಿ ಕಂಪೆನಿ ಜೊತೆ ಒಪ್ಪಂದ ಮಾಡಿಕೊಂಡಿರುವ ಗೀತಾ ನಿರ್ಮಾಪಕರು, ಪೈರಸಿ ವಿರುದ್ಧ ಹೋರಾಟ ಆರಂಭಿಸಿದ್ದಾರೆ. ಪೈರಸಿ ಲಿಂಕ್‍ಗಳು ಸೃಷ್ಟಿಯಾದ ತಕ್ಷಣ ಡಿಲೀಟ್ ಮಾಡುವ ವ್ಯವಸ್ಥೆ ಅದು. ಪೈರಸಿ ವಿಡಿಯೋಗಳ ವೆಬ್‍ಸೈಟ್ ಲಿಂಕುಗಳನ್ನು ಡಿಲೀಟ್ ಮಾಡುವುದು  ಆ ಕಂಪೆನಿ ಕೆಲಸ. ಜೊತೆಗೆ ಪ್ರತಿ ಚಿತ್ರಮಂದಿರದಲ್ಲೂ ಗೀತಾ ಟೀಂನವರಿರುತ್ತಾರೆ. ಸೈಬರ್ ಪೊಲೀಸರಿಗೂ ಈ ಬಗ್ಗೆ ಈಗಾಗಲೇ ದೂರು ನೀಡಲಾಗಿದೆ.

    ಗೋಲ್ಡನ್ ಸ್ಟಾರ್ ಗಣೇಶ್, ಶಾನ್ವಿ ಶಾನ್ವಿ ಶ್ರೀವಾಸ್ತವ್, ಸುಧಾರಾಣಿ ಅಭಿನಯದ ಗೀತಾ ಚಿತ್ರಕ್ಕೆ ಶಿಲ್ಪಾ ಗಣೇಶ್ ಮತ್ತು ಸೈಯದ್ ಸಲಾಂ ನಿರ್ಮಾಪಕರು. ವಿಜಯ್ ನಾಗೇಂದ್ರ ನಿರ್ದೇಶನದ ಮೊದಲ ಚಿತ್ರವಿದು. ಮೊದಲ ಚಿತ್ರದಲ್ಲೇ 1980ರ ದಶಕದ ಗೋಕಾಕ್ ಚಳವಳಿ, ಪ್ರೇಮಕಥೆ ಇರುವ ಗಟ್ಟಿ ಕಥೆ ಕೈಗೆತ್ತಿಕೊಂಡಿದ್ದಾರೆ ವಿಜಯ್ ನಾಗೇಂದ್ರ.

  • ಮಗಧೀರ ವಿಲನ್ ಎದುರು ಗಣೇಶ್ ಖದರ್

    ganesh fights with magadheera villain dev gill

    ಆರೆಂಜ್ ಚಿತ್ರದಲ್ಲಿ ಗಣೇಶ್ ಎದುರು ನಾಯಕಿಯಾಗಿರುವುದು ಪ್ರಿಯಾ ಆನಂದ್. ಖಳನಾಯಕನಾಗಿರುವುದು ದೇವ್‍ಗಿಲ್. ಮಗಧೀರ ಚಿತ್ರದಲ್ಲಿ ಹೀರೋನಷ್ಟೇ ಭಯಂಕರವಾಗಿ ಅಬ್ಬರಿಸಿದ್ದ ದೇವ್‍ಗಿಲ್, ಈ ಚಿತ್ರದಲ್ಲಿ ಗಣೇಶ್ ಎದುರು ಘರ್ಜಿಸಿದ್ದಾರೆ.

    ಆರೆಂಜ್‍ನಲ್ಲಿ ಗಣೇಶ್‍ಗೆ ಮಾಸ್ ಲುಕ್ ಇದೆ. ಗಣೇಶ್ ಮತ್ತು ದೇವ್‍ಗಿಲ್ ಮಧ್ಯೆ ಪವರ್‍ಫುಲ್ ಫೈಟ್ ಕೂಡಾ ಇದೆ. ಸಾಹಸ ಸನ್ನಿವೇಶವನ್ನು ಪ್ರಶಾಂತ್ ರಾಜ್ ಸ್ಪೆಷಲ್ಲಾಗಿ ಚಿತ್ರೀಕರಿಸಿದ್ದಾರೆ. ಜೂಮ್ ನಂತರ ಜೊತೆಯಾಗಿರುವ ಗಣೇಶ್-ಪ್ರಶಾಂತ್ ರಾಜ್ ಜೋಡಿ, ಮತ್ತೊಂದು ಮ್ಯಾಜಿಕ್‍ಗೆ ರೆಡಿಯಾಗುತ್ತಿದೆ.

  • ಮಧ್ಯರಾತ್ರಿ 12.30ಕ್ಕೆ ಗಣೇಶ್ ಗಿಮಿಕ್ ದೆವ್ವ..!

    ganesh's horro comedy gimmick trailer launched

    ಗೋಲ್ಡನ್ ಸ್ಟಾರ್ ಗಣೇಶ್, ಇದೇ ಮೊದಲ ಬಾರಿಗೆ ಹಾರರ್ ಚಿತ್ರದಲ್ಲಿ ನಟಿಸಿದ್ದಾರೆ. ಅಫ್‍ಕೋರ್ಸ್.. ಈ ಹಾರರ್ ಚಿತ್ರದಲ್ಲಿ ಕಾಮಿಡಿಯೂ ಇದೆ. ಅದೇ ಗಿಮಿಕ್. ಇದು ನಾಗಣ್ಣ ನಿರ್ದೇಶನದ ಸಿನಿಮಾ.

    ದೆವ್ವವನ್ನೇ ಕಾಮಿಡಿ ಮಾಡುವ ಪಾತ್ರದಲ್ಲಿ ಗಣೇಶ್, ಗಣೇಶ್‍ಗೆ ಜೋಡಿಯಾಗಿ ರೋನಿಕಾ ಸಿಂಗ್ ನಟಿಸಿದ್ದಾರೆ. ಚಿ.ಗುರುದತ್, ರವಿಶಂಕರ್ ಗೌಡ, ಸಾಧು ಕೋಕಿಲ, ಶೋಭರಾಜ್, ಸುಂದರರಾಜ್.. ಹೀಗೆ ಸೀನಿಯರ್ ಕಲಾವಿದರ ದಂಡೇ ಚಿತ್ರದಲ್ಲಿದೆ.

    ಅಂದಹಾಗೆ ಇದು ದಿಲ್ಲುಕು ದುಡ್ಡು ಚಿತ್ರದ ರೀಮೇಕ್. 2016ರಲ್ಲಿ ಸಂತಾನಂ ನಟಿಸಿದ್ದ ಚಿತ್ರವನ್ನು ರೀಮೇಕ್ ಮಾಡಲಾಗಿದೆ. ಟ್ರೇಲರ್‍ನ್ನು ದೆವ್ವದ ಸಮಯ ಎಂದೇ ನಂಬಲಾಗಿರುವ ಮಧ್ಯರಾತ್ರಿ 12.30ಕ್ಕೇ ರಿಲೀಸ್ ಮಾಡಿದ್ದು ವಿಶೇಷ. ಆದರೆ, ಸಿನಿಮಾ ಮಾತ್ರ ಮಾರ್ನಿಂಗ್ ಶೋನಲ್ಲೇ ರಿಲೀಸ್ ಆಗುತ್ತೆ. ವೇಯ್ಟ್ ಮಾಡಿ. ಭಯ ಪಡಿ. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery