` shiva143, - chitraloka.com | Kannada Movie News, Reviews | Image

shiva143,

  • ಧೀರನ್ ರಾಮಕುಮಾರ್ ಮೊದಲ ಸಿನಿಮಾ ಲಿಪ್ ಲಾಕ್ ಅನುಭವ

    ಧೀರನ್ ರಾಮಕುಮಾರ್ ಮೊದಲ ಸಿನಿಮಾ ಲಿಪ್ ಲಾಕ್ ಅನುಭವ

    ಕನ್ನಡದಲ್ಲಿ ಲಿಪ್ ಲಾಕ್ ರೊಮ್ಯಾನ್ಸ್ ಇಲ್ಲವೇ ಇಲ್ಲ ಎಂಬಷ್ಟು ಕಡಿಮೆ. ಕನ್ನಡದಲ್ಲಿ ತೆರೆಯ ಮೇಲೆ ಲಿಪ್ ಲಾಕ್ ಮಾಡಿದ ಮೊದಲ ನಟ ರವಿಚಂದ್ರನ್. ಇತ್ತೀಚೆಗೆ ಚುಂಬನ ಅನ್ನೋದು ಕಾಮನ್ ಆಗಿ ಹೋಗಿದೆ. ಆರಂಭದಲ್ಲಿ ಕಿಸ್ಸಿಂಗ್ ಸೀನ್ ಸೃಷ್ಟಿಸುತ್ತಿದ್ದ ಸಂಚಲನಗಳೇ ಬೇರೆ. ರಾಜ್ ಬ್ಯಾನರ್ ಚಿತ್ರಗಳ ಕಥೆ ಬಿಡಿ.. ರೊಮ್ಯಾನ್ಸ್`ಗೂ ಲಿಮಿಟ್ ಇರುತ್ತಿತ್ತು. ನಾಯಕಿಯರನ್ನು ಗ್ಲಾಮರಸ್ ಆಗಿ ತೋರಿಸುವ ವಿಚಾರದಲ್ಲಿ ಪಾರ್ವತಮ್ಮನವರಂತೂ ಸಿಕ್ಕಾಪಟ್ಟೆ ಸ್ಟ್ರಿಕ್ಟ್ ಇದ್ದರು.

    ಡಾ.ರಾಜ್ ಆಗಲೀ, ಶಿವಣ್ಣ, ರಾಘವೇಂದ್ರ ರಾಜಕುಮಾರ್ ಅಥವಾ ಪುನೀತ್ ಅವರಾಗಲೀ ತೆರೆಯ ಮೇಲೆ ಲಿಪ್ ಲಾಕ್ ಮಾಡಿಲ್ಲ. ಪುನೀತ್ ಕೂಡಾ ಮಡಿವಂತಿಕೆ ಇಟ್ಟುಕೊಂಡಿದ್ದವರೇ. ಆದರೆ ರಾಮಕುಮಾರ್ ತೆರೆಯ ಮೇಲೆ ಲಿಪ್ ಲಾಕ್ ಮಾಡಿದ್ದಾರೆ. ಗೆಜ್ಜೆನಾದ ಚಿತ್ರದಲ್ಲಿ ಶ್ವೇತಾ ಅವರ ಜೊತೆ ಲಿಪ್ ಲಾಕ್ ಆಗಿತ್ತು. ಆಗ ಅದು ಸೆನ್ಸೇಷನ್. ಆದರೆ ಈಗ ಅವರ ಪುತ್ರ ಧೀರನ್ ಮೊದಲ ಚಿತ್ರದಲ್ಲೇ ಮುತ್ತಿನ ಮಳೆ ಸುರಿಸಿದ್ದಾರೆ.

    ಲಿಪ್ ಲಾಕ್ ಮಾಡಿರುವುದು ನಾನಲ್ಲ, ಶಿವ ಅನ್ನೋ ಕ್ಯಾರೆಕ್ಟರ್ ಎನ್ನುವ ಧೀರನ್ ಅದನ್ನು ನಾನು ನಾರ್ಮಲ್ ಆಗಿಯೇ ತಗೊಂಡೆ. ಅದು ಜಸ್ಟ್ ಆಕ್ಟಿಂಗ್ ಅನ್ನೋದು ನನ್ನ ತಲೆಯಲ್ಲಿತ್ತು. ಫೈಟ್ಸ್, ಎಮೋಷನ್ಸ್, ಕೊಲೆಗಳಂತೆಯೇ ಅದೂ ಒಂದು ಸೀನ್ ಸೀಕ್ವೆನ್ಸ್ ಅನ್ನೋದು ಗೊತ್ತಿತ್ತು. ನಿರ್ದೇಶಕರು ಮಾನ್ವಿತಾ ಅವರಿಗೆ ಕಂಫರ್ಟ್ ಇರಲಿ ಎಂದು ಕೇರ್ ತೆಗೆದುಕೊಂಡರು. ನನಗೆ ಅದು ದೊಡ್ಡ ವಿಷಯ ಎನ್ನಿಸಲಿಲ್ಲ ಎನ್ನುತ್ತಾರೆ ಧೀರನ್.

    ಚಿತ್ರದಲ್ಲಿ ಕಿಸ್ಸಿಂಗ್, ರೊಮ್ಯಾನ್ಸ್‍ನ್ನು ಮೀರಿದ ನಾಯಕನ ಮುಗ್ಧತೆ ಪ್ರೇಕ್ಷಕರನ್ನು ಕಾಡಲಿದೆ. ಅವನು ನಗಿಸುತ್ತಾನೆ, ಅಳಿಸುತ್ತಾನೆ, ಕಾಡುತ್ತಾನೆ.. ಅವನನ್ನು ನೋಡುತ್ತಿರುವ ಪ್ರೇಕ್ಷಕ ಅಯ್ಯೋ ಪಾಪ ಅಂದ್ಕೊಳ್ತಾನೆ. ಅಷ್ಟರಮಟ್ಟಿಗೆ ಸಿನಿಮಾ ಕಾಡುತ್ತೆ. ಬನ್ನಿ ಸಿನಿಮಾ ನೋಡಿ ಅನ್ನೋದು ಧೀರನ್ ಕೊಡೋ ಇನ್ವಿಟೇಷನ್.

    ರಾಜ್ಯದಲ್ಲಿ ಕುಟುಂಬಕ್ಕಿರೋ ದೊಡ್ಡಮನೆ ಅನ್ನೋ ಹೆಸರು, ಗೌರವ ಉಳಿಸಿಕೊಂಡೇ ಹೊಸತನಕ್ಕೆ ಓಪನ್ ಆಗಬೇಕು ಅನ್ನೋದು ಧೀರನ್ ವಾದ.  ಶಿವ 143 ಈಗ ಥಿಯೇಟರುಗಳಿಗೆ ಎಂಟ್ರಿ ಕೊಟ್ಟಿದೆ. ಪ್ರೇಕ್ಷಕರ ಹೃದಯಕ್ಕೂ ಲಗ್ಗೆ ಹಾಕುವ ಉತ್ಸಾಹದಲ್ಲಿದ್ದಾರೆ ಧೀರನ್

  • ಹಾಡಿನಲ್ಲಿ ಮುತ್ತಿನ ಮತ್ತು.. ಟ್ರೇಲರಿನಲ್ಲಿ ರುದ್ರಭಯಂಕರ : ಶಿವ 143

    ಹಾಡಿನಲ್ಲಿ ಮುತ್ತಿನ ಮತ್ತು.. ಟ್ರೇಲರಿನಲ್ಲಿ ರುದ್ರಭಯಂಕರ : ಶಿವ 143

    ಮೊನ್ನೆ ಮೊನ್ನೆಯಷ್ಟೇ ಶಿವ 143 ಚಿತ್ರದ ಹಾಡು ರಿಲೀಸ್ ಆಗಿತ್ತು. ಮೂರೂಮುಕ್ಕಾಲು ನಿಮಿಷದ ಹಾಡಿನುದ್ದಕ್ಕೂ ಧಿರೇನ್ ಮತ್ತು ಮಾನ್ವಿತಾ ಮುತ್ತಿನ ಮೇಲೆ ಮುತ್ತು ಕೊಟ್ಟುಕೊಂಡು ಮತ್ತೇರಿಸಿದ್ದರು. ಈಗ ಟ್ರೇಲರ್ ಬಂದಿದೆ. ಟ್ರೇಲರಿನಲ್ಲಿರೋದು ಮುತ್ತಿನ ಮಳೆಯಲ್ಲ.. ರೌದ್ರಭಯಂಕರ ಎನ್ನಿಸುವ ಎಮೋಷನ್ಸ್.

    ನಾಯಕನ ಆಕ್ರೋಶ.. ಶುಭ ಕಾರ್ಯವನ್ನು ನಿಲ್ಲಿಸೋಕೆ ಪ್ರಯತ್ನಿಸುವ ನಾಯಕ.. ಶಿವ ಮತ್ತು ಮಧು ಇಬ್ಬರ ಪ್ರೀತಿ.. ಕೊನೆಯಲ್ಲಿ ಬರೋ ನಿಮ್ಮಮ್ಮನ್ ಡೈಲಾಗ್.. ವಿಚಿತ್ರ ಕುತೂಹಲ ಹುಟ್ಟಿಸಿದರೆ.. ಅದು ಕಥೆಯ ತಾಕತ್ತು. ಈ ವಯೊಲೆಂಟ್ ಪ್ರೇಮ್ ಕಹಾನಿಯಲ್ಲಿ ಮುತ್ತಿನ ಮತ್ತು ಬರೋದು ಎಲ್ಲಿ..? ರಾಜ್ ಮೊಮ್ಮಗ `ಮುತ್ತು'ರಾಜನಾಗೋದು ಯಾಕೆ? ಕೆಂಡ ಸಂಪಿಗೆ, ನೋಡುವವರ ಮೈಯೆಲ್ಲ ಬೆಚ್ಚಗಾಗಿಸೋದು ಏಕೆ ಅನ್ನೋ ಪ್ರಶ್ನೆಗೆಲ್ಲ ಉತ್ತರ ಪಡೆಯೋಕೆ ಶಿವ 143ಯನ್ನೇ ಕಾಯಬೇಕು.

    ಅನಿಲ್ ಕುಮಾರ್ ನಿರ್ದೇಶನದ ಶಿವ 143, ರಾಮ್‍ಕುಮಾರ್ ಅವರ ಮಗ ಧಿರೇನ್ ಅವರಿಗೆ ಮೊದಲ ಸಿನಿಮಾ. ಮಾನ್ವಿತಾ ಇಷ್ಟೊಂಡು ಬೋಲ್ಡ್ ಆಗಿ ನಟಿಸಿರೋ ಮೊದಲ ಸಿನಿಮಾ. ಜಯಣ್ಣ ಭೋಗೇಂದ್ರ, ಡಾ.ಸೂರಿ ನಿರ್ಮಾಣದ ಶಿವ 143 ಚಿತ್ರದ ಟ್ರೇಲರ್‍ನ್ನು ಶಿವಣ್ಣ ಕೂಡಾ ಮೆಚ್ಚಿದ್ದಾರೆ.