` kantara, - chitraloka.com | Kannada Movie News, Reviews | Image

kantara,

  • 100 ಕೋಟಿ ಕ್ಲಬ್‍ನತ್ತ ಕಾಂತಾರ :ಸೃಷ್ಟಿಸಿದ ದಾಖಲೆಗಳೆಷ್ಟು? ಕನ್ನಡದಲ್ಲಿ ಮಾತ್ರ...

    100 ಕೋಟಿ ಕ್ಲಬ್‍ನತ್ತ ಕಾಂತಾರ :ಸೃಷ್ಟಿಸಿದ ದಾಖಲೆಗಳೆಷ್ಟು? ಕನ್ನಡದಲ್ಲಿ ಮಾತ್ರ...

    ಕಾಂತಾರ. ಕನ್ನಡಿಗರೆಲ್ಲರೂ ಎದೆಗೆ ಅಪ್ಪಿಕೊಂಡು ಪ್ರೀತಿಸುತ್ತಿರುವ ಸಿನಿಮಾ. ರಿಷಬ್ ಶೆಟ್ಟಿ ಚಿತ್ರದ ಮೂಲಕ ತಾವೂ ಬೇರೆಯ ಎತ್ತರಕ್ಕೆ ಹೋದರು. ಚಿತ್ರರಂಗವನ್ನೂ ಎತ್ತಿಕೊಂಡು ಹೋದರು. ಈಗ 100 ಕೋಟಿ ಕ್ಲಬ್ ಸನಿಹ ಬಂದಿದೆ.

    ಉ.ಭಾರತದಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಕನ್ನಡ ಸಿನಿಮಾ ಕಾಂತಾರ. ಕನ್ನಡವೂ ಸೇರಿದಂತೆ ಬಹುಭಾಷೆಗಳಲ್ಲಿ ರಿಲೀಸ್ ಆದ ಕೆಜಿಎಫ್, ವಿಕ್ರಾಂತ್ ರೋಣ ಸೇರಿದಂತೆ ಹಲವು ಚಿತ್ರಗಳು ದಾಖಲೆ ಕಲೆಕ್ಷನ್ ಮಾಡಿವೆ. ಆದರೆ ಕೇವಲ ಕನ್ನಡದಲ್ಲಿ ಮಾತ್ರವೇ ರಿಲೀಸ್ ಆಗಿ ದಾಖಲೆ ಮಾಡಿದ್ದು ಕಾಂತಾರ.

    ತಮಿಳುನಾಡು, ಮಹಾರಾಷ್ಟ್ರದಲ್ಲಿ ಅತೀ ಹೆಚ್ಚು ಸ್ಕ್ರೀನ್‍ಗಳಲ್ಲಿ ಬಿಡುಗಡೆಯಾದ ಕನ್ನಡ ಸಿನಿಮಾ ಕಾಂತಾರ. ಕಲೆಕ್ಷನ್‍ನಲ್ಲೂ ನಂ.1 . ಮುಂಬೈನಲ್ಲಿ 100ಕ್ಕೂ ಹೆಚ್ಚು ಶೋ ಕಂಡ ಮೊದಲ ಕನ್ನಡ ಸಿನಿಮಾ ಕಾಂತಾರ.

    ಅಮೆರಿಕ, ಕೆನಡಾ, ಬ್ರಿಟನ್, ಅರಬ್ ರಾಷ್ಟ್ರಗಳು ಸೇರಿದಂತೆ ವಿದೇಶಗಳಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಕಾಂತಾರ. ಕೇವಲ ಕನ್ನಡದಲ್ಲಿ ರಿಲೀಸ್ ಆಗಿ ಕಲೆಕ್ಷನ್ ಮಾಡಿದ್ದು ದಾಖಲೆ

    100 ಕೋಟಿ ಕ್ಲಬ್ ಸೇರುವುದು ಖಚಿತ. ಅಧಿಕೃತ ಮಾಹಿತಿ ಬಂದಿಲ್ಲವಾದರೂ 100 ಕೋಟಿಗೆ ಹತ್ತಿರದಲ್ಲಿದೆ ಎಂಬ ಸುದ್ದಿಯಂತೂ ಇದೆ.

    ರಿಷಬ್ ಶೆಟ್ಟಿಯವರ ಕಿರಿಕ್ ಪಾರ್ಟಿ ಚಿತ್ರದ ಜೀವಮಾನದ ಗಳಿಕೆಯನ್ನು ಈಗಾಗಲೇ ಕಾಂತಾರ ಹಿಂದೆ ಹಾಕಿದೆ. ವಿಕ್ರಾಂತ್ ರೋಣ, ಮಿಸ್ಟರ್ & ಮಿಸೆಸ್ ರಾಮಾಚಾರಿ, ರಾಜಕುಮಾರ, ಚಾರ್ಲಿ 777 ಚಿತ್ರದ ದಾಖಲೆಯನ್ನೂ ಹಿಂದೆ ಹಾಕಿದೆ.

    ಬುಕ್ ಮೈ ಶೋನಲ್ಲಿ ಚಿತ್ರವನ್ನು ಮೆಚ್ಚಿದವರ ಸಂಖ್ಯೆ 99%ಗೂ ಹೆಚ್ಚು. ವೋಟಿಂಗ್ ಮಾಡಿದವರ ಸಂಖ್ಯೆ ಕೂಡಾ ಅಷ್ಟೆ. 30 ಸಾವಿರಕ್ಕೂ ಹೆಚ್ಚು. ಇದೂ ದಾಖಲೆಯೇ.

    ಈಗ ಹಿಂದಿಯಲ್ಲಿ ಅಕ್ಟೋಬರ್ 17ಕ್ಕೆ ರಿಲೀಸ್ ಆಗುತ್ತಿದೆ. ಹಿಂದಿ ಟ್ರೇಲರ್ ಕೂಡಾ ಬಿಡುಗಡೆಯಾಗಿದೆ. ತೆಲುಗಿನಲ್ಲಿ ಅಕ್ಟೋಬರ್ 15ಕ್ಕೆ ಬಿಡುಗಡೆಯಾಗುತ್ತಿದೆ. ತೆಲುಗಿನ ಟ್ರೇಲರ್‍ಗೂ ಉತ್ತಮ ರಿಯಾಕ್ಷನ್ ಸಿಕ್ಕಿದೆ.

    ದಂತಕತೆಯ ಸಕ್ಸಸ್ ಸ್ಟೋರಿಗೆ ಕೊಟ್ಟಿರುವ ಹೆಸರು ಡಿವೈನ್ ಹಿಟ್ ಎನ್ನುವುದು. ಅಫ್‍ಕೋರ್ಸ್.. ಇದು ಖಂಡಿತ ದೈವೀಕ ಯಶಸ್ಸು.

  • 200 ಕೋಟಿ ಕ್ಲಬ್ ಸೇರಿದ ಕಾಂತಾರ

    200 ಕೋಟಿ ಕ್ಲಬ್ ಸೇರಿದ ಕಾಂತಾರ

    ದಿನ ದಿನಕ್ಕೂ ಕಾಂತಾರ ಕ್ರೇಜ್ ಹೆಚ್ಚುತ್ತಿದೆ. ಇತ್ತೀಚಿನ ವರ್ಷಗಳಲ್ಲಿ ಈ ರೀತಿಯ ಕ್ರೇಜ್‍ನ್ನು ರಿಲೀಸ್ ಆದ 4 ವಾರದ ನಂತರವೂ ಉಳಿಸಿಕೊಂಡ ಇನ್ನೊಂದು ಚಿತ್ರ ಇಲ್ಲ. ಈಗಾಗಲೇ ಚಿತ್ರ ನೋಡಿದವರ ಸಂಖ್ಯೆಯಲ್ಲಿ ಕೆಜಿಎಫ್ ಚಾಪ್ಟರ್ 2 ದಾಖಲೆಯನ್ನು ಮೀರಿ ಮುನ್ನುಗ್ಗುತ್ತಿರುವ ಚಿತ್ರ ಕಾಂತಾರ. ಇನ್ನು ಕೆಲವೇ ದಿನಗಳಲ್ಲಿ 1 ಕೋಟಿ ಪ್ರೇಕ್ಷಕರ ಸಂಖ್ಯೆ ಗಡಿ ದಾಟಲಿದೆ. ಹೊಂಬಾಳೆ, ರಿಷಬ್ ಶೆಟ್ಟಿ ಇಬ್ಬರೂ ದಾಖಲೆಗಳ ಸರದಾರರಾಗುತ್ತಿದ್ದಾರೆ.

    ಕಾಂತಾರ ಕನ್ನಡದಲ್ಲಿಯೇ 120 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಅದೂ ಕೂಡಾ ಕರ್ನಾಟಕದಲ್ಲಿಯೇ ಎನ್ನವುದು ವಿಶೇಷ. ವಿಶ್ವದಾದ್ಯಂತ ಸೇರಿ 150 ಕೋಟಿ ದಾಟಿದೆ ಎನ್ನುವುದು ಒಂದು ಅಂದಾಜು.

    ಹಿಂದಿಯಲ್ಲಿ ವಿಶ್ವದಾದ್ಯಂತ 27 ಕೋಟಿ ಕಲೆಕ್ಷನ್ ಮಾಡಿದ್ದು ದಿನೇ ದಿನೇ ಕಲೆಕ್ಷನ್ ಏರುತ್ತಲೇ ಇದೆ. ವಿಶೇಷವೆಂದರೆ ಟಿಕೆಟ್ ದರವನ್ನು ಕಡಿಮೆ ಮಾಡಿದ್ದರೂ ಈ ಕಲೆಕ್ಷನ್ ಒಂದು ದಾಖಲೆಯೇ. ಡಬ್ ಆದ ಸಿನಿಮಾವೊಂದು ಪ್ರತಿ ದಿನವೂ 2 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿರುವುದು ದಾಖಲೆ. ಹಿಂದಿಯಲ್ಲೇ 50 ಕೋಟಿ ಕಲೆಕ್ಷನ್ ದಾಟುವ ಸಾಧ್ಯತೆ ಇದೆ.

    ಕನ್ನಡ ಮತ್ತು ಹಿಂದಿ ಬಿಟ್ಟರೆ ಅತಿ ಹೆಚ್ಚು ಕಲೆಕ್ಷನ್ ಆಗಿರುವುದು ತೆಲುಗಿನಲ್ಲಿ. ತೆಲುಗಿನಲ್ಲಿ 25 ಕೋಟಿ ದಾಟಿದೆ ಕಾಂತಾರ ಕಲೆಕ್ಷನ್.

    ತಮಿಳು ಹಾಗೂ ಮಲಯಾಳಂ ಬಾಕ್ಸಾಫೀಸಿನಲ್ಲೂ ಇತಿಹಾಸ ಬರೆಯುತ್ತಿದೆ. ಆದರೆ ಪಕ್ಕಾ ಲೆಕ್ಕ ಸಿಕ್ಕಿಲ್ಲ.

    ಅಮೆರಿಕದಲ್ಲಿ 1 ಮಿಲಿಯನ್ ಡಾಲರ್ ಕ್ಲಬ್ ಸೇರಿದೆ. ಕೆಜಿಎಫ್ ಬಿಟ್ಟರೆ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಕಾಂತಾರ. ಸಿಂಗಪುರ, ಮಲೇಷ್ಯಾ, ಇಂಡೋನೇಷ್ಯಾದಲ್ಲಿ ಪ್ರೇಕ್ಷಕರ ಒತ್ತಾಯದ ಮೇರೆಗೆ ತಮಿಳು ವರ್ಷನ್ ಇವತ್ತು ರಿಲೀಸ್ ಆಗುತ್ತಿದೆ.

  • 2022ರ ಸೂಪರ್ ಹಿಟ್ ಸಂಸ್ಥೆ ಯಾವುದು ಗೊತ್ತಾ?

    2022ರ ಸೂಪರ್ ಹಿಟ್ ಸಂಸ್ಥೆ ಯಾವುದು ಗೊತ್ತಾ?

    2022. ಇಡೀ ವರ್ಷ ಕನ್ನಡ ಚಿತ್ರರಂಗಕ್ಕೆ ಶುಭ ಸುದ್ದಿ. ಒಂದರ ಹಿಂದೊಂದು ಹಿಟ್ ಚಿತ್ರಗಳು ಬರುತ್ತಿವೆ. ಈಗ ಗಂಧಧ ಗುಡಿಯೂ ಹಿಟ್ ಸಿನಿಮಾ ಲಿಸ್ಟಿಗೆ ಸೇರಿದೆ. ಅಂದಹಾಗೆ ಈ ವರ್ಷ ಅತೀ ಹೆಚ್ಚು ಮೆಗಾ ಹಿಟ್ ಕೊಟ್ಟ ಸಂಸ್ಥೆ ಹೊಂಬಾಳೆ. ಅದರಲ್ಲಿ ಅನುಮಾನವಿಲ್ಲ. ಕೆಜಿಎಫ್ ಚಾಪ್ಟರ್ 2 ಹಾಗೂ ಕಾಂತಾರ ಈ ವರ್ಷದ ಬ್ಲಾಕ್ ಬಸ್ಟರ್ಸ್. ಡಿವೈನ್ ಹಿಟ್ ಸಿನಿಮಾಗಳು.

    2021ರಲ್ಲಿ ಕೂಡಾ ಯುವರತ್ನ, ಬಡವ ರಾಸ್ಕಲ್, ಗರುಡ ಗಮನ ವೃಷಭ ವಾಹನ, ತೆಲುಗಿನ ವಕೀಲ್ ಸಾಬ್ ಚಿತ್ರಗಳನ್ನು ವಿತರಣೆ ಮಾಡಿತ್ತು. ಎಲ್ಲವೂ ಸೂಪರ್ ಹಿಟ್.

    2022ರಲ್ಲಿ ಕೆಜಿಎಫ್ 2 ಚಿತ್ರವನ್ನು ನಿರ್ಮಿಸಿದ್ದು ಹೊಂಬಾಳೆಯೇ ಆದರೂ ಕರ್ನಾಟಕದಲ್ಲಿ ಅದನ್ನು ವಿತರಣೆ ಮಾಡಿದ್ದು ಕೆಆರ್ಜಿ ಸ್ಟುಡಿಯೋಸ್. ಕಾರ್ತಿಕ್ ಗೌಡ ಅವರ ಸಂಸ್ಥೆ. ಡಾರ್ಲಿಂಗ್ ಕೃಷ್ಣ ಅಭಿನಯದ ಲವ್ ಮಾಕ್ಟೇಲ್ 2, ಕೆಜಿಎಫ್ ಚಾಪ್ಟರ್ 2, ರಕ್ಷಿತ್ ಬ್ಯಾನರ್ನ ಸಕುಟುಂಬ ಸಮೇತ, 777 ಚಾರ್ಲಿ, ಕಾಂತಾರ ಮತ್ತೀಗ ಪುನೀತ್ ರಾಜಕುಮಾರ್ ಅವರ ಗಂಧದ ಗುಡಿ ಚಿತ್ರಗಳನ್ನು ವಿತರಣೆ ಮಾಡಿದ್ದು ಕೂಡಾ ಕೆಆರ್ಜಿ ಸ್ಟುಡಿಯೋಸ್.

    ಇವುಗಳಲ್ಲಿ ಗಂಧದ ಗುಡಿ ಇದೀಗ ತಾನೇ ರಿಲೀಸ್ ಆಗಿದೆ. ಕೆಜಿಎಫ್ ಚಾಪ್ಟರ್ 2 ಬಾಕ್ಸಾಫೀಸಿನಲ್ಲಿ ಹೊಸ ಇತಿಹಾಸವನ್ನೇ ಬರೆದಿದೆ. ಕಾಂತಾರ 200 ಕೋಟಿ ಕ್ಲಬ್ ಸೇರಿದೆ. 777 ಚಾರ್ಲಿ ಕೂಡಾ 100 ಕೋಟಿಗೂ ಹೆಚ್ಚು ಗಳಿಸಿದ ಸಿನಿಮಾ. ಒಟ್ಟಿನಲ್ಲಿ ಈ ವರ್ಷವೂ ಕೆಆರ್ಜಿ ಸ್ಟುಡಿಯೋಸ್ ಸೂಪರ್ ಸಕ್ಸಸ್.

  • 2ನೇ ವಾರಕ್ಕೆ ಕಾಂತಾರ. 3ನೇ ವಾರಕ್ಕೆ ಗುರು ಶಿಷ್ಯರು

    2ನೇ ವಾರಕ್ಕೆ ಕಾಂತಾರ. 3ನೇ ವಾರಕ್ಕೆ ಗುರು ಶಿಷ್ಯರು

    ಕನ್ನಡ ಚಿತ್ರರಂಗದಲ್ಲೀಗ ಸಂಭ್ರಮ. ದಸರೆಗೂ ಮುಂಚೆ ಬಂದ ಗುರು ಶಿಷ್ಯರು ಸೂಪರ್ ಹಿಟ್. ಶರಣ್-ನಿಶ್ವಿಕಾ ಜೋಡಿಯ ಖೋಖೋ ಆಟದ ಹಿನ್ನೆಲೆಯಲ್ಲಿ ಮೂಡಿ ಬಂದ ಸಿನಿಮಾ ಗುರು ಶಿಷ್ಯರು. ಜಡೇಶ್ ಕುಮಾರ್ ಹಂಪಿ ಭರವಸೆಯ ನಿರ್ದೇಶಕ ಅನ್ನೋದನ್ನ ಸಾಬೀತು ಮಾಡಿದರು. ಕಾಮಿಡಿ ಟ್ರ್ಯಾಕ್ ಜೊತೆ ಜೊತೆಗೇ ಸಾಗಿದ ಖೋಖೋ ಸಿನಿಮಾ ಪ್ರೇಕ್ಷಕರಿಗೆ ಥ್ರಿಲ್ ಕೊಟ್ಟಿತು. ಸಿನಿಮಾ ಈಗಲೂ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಈ ವಾರ ಭರ್ಜರಿ 3ನೇ ವಾರಕ್ಕೆ ಹೆಜ್ಜೆಯಿಟ್ಟಿದ್ದಾರೆ ಗುರು ಶಿಷ್ಯರು.

    ಮತ್ತೊಂದೆಡೆ ಕನ್ನಡ ಚಿತ್ರರಂಗದಲ್ಲೇ ದಾಖಲೆ ಬರೆಯುತ್ತಿರುವ ಕಾಂತಾರ. 2ನೇ ವಾರಕ್ಕೆ ಕಾಲಿಟ್ಟಿದೆ. ಕಿರಿಕ್ ಪಾರ್ಟಿ ಸಿನಿಮಾ ಇಡೀ ಜರ್ನಿಯಲ್ಲಿ ಗಳಿಸಿದ್ದ ಹಣವನ್ನೆಲ್ಲ ಕಾಂತಾರಾ ಮೂರು ದಿನಗಳಲ್ಲೇ ಗಳಿಸಿದೆ. ಈಗಲೂ ಹೌಸ್ ಹೌಸ್ ಫುಲ್. ರಿಷಬ್ ಶೆಟ್ಟಿಗೆ ಹೋದಲ್ಲಿ ಬಂದಲ್ಲಿ ದೈವ ನಮಸ್ಕಾರ ಸಿಗುತ್ತಿದೆ. ಅದು ಅವರಿಗಲ್ಲ, ಅವರೊಳಗಿನ ದೈವಕ್ಕೆ. ಸಪ್ತಮಿ ಗೌಡ ರೋಮಾಂಚನ ಹುಟ್ಟಿಸಿದ್ದಾರೆ. ಹೊಂಬಾಳೆ ಈಗ ಸಿನಿಮಾವನ್ನು ಬೇರೆ ಭಾಷೆಯಲ್ಲೂ ತರೋಕೆ ಮುಂದಾಗಿದ್ದು ಅಕ್ಟೋಬರ್ 9ರಂದು ಹಿಂದಿಯ ಟ್ರೇಲರ್ ರಿಲೀಸ್ ಆಗಲಿದೆ. ಶೀಘ್ರದಲ್ಲೆ ಇತರೆ ಭಾಷೆಗಳಿಗೂ ಡಬ್ ಆಗಲಿದೆ.

  • 300 ಕೋಟಿ ಕ್ಲಬ್ ಸೇರಿದ ಕಾಂತಾರ : ಫೈನಾನ್ಸ್ ಮಿನಿಸ್ಟರ್ ನೋಡಿದ ಸಿನಿಮಾ

    kantara image

    ಡಿವೈನ್ ರಿಷಬ್ ಶೆಟ್ಟಿ ನಟಿಸಿ ನಿರ್ದೇಶಿಸಿರುವ ಕಾಂತಾರ ದೈವೀಕ ಯಶಸ್ಸನ್ನೇ ಗಳಿಸಿದೆ. ಧರ್ಮಸ್ಥಳ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ, ಶ್ರೀಶ್ರೀಶ್ರೀ ರವಿಶಂಕರ್`ರಂತಹವರೂ ಸಿನಿಮಾ ನೋಡಿದ್ದಾರೆ. ಸಿನಿಮಾ ಮಂದಿಯನ್ನು ಹೊರತುಪಡಿಸಿ ಹಲವು ರಾಜಕಾರಣಿಗಳು, ಧರ್ಮಗುರುಗಳು ಸಿನಿಮಾ ನೋಡಿ ಖುಷಿಪಟ್ಟಿದ್ದಾರೆ. ಆ ಲಿಸ್ಟಿಗೀಗ ಹೊಸ ಸೇರ್ಪಡೆ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್. ತಮಿಳುನಾಡಿನವಾದರೂ ನಿರ್ಮಲಾ ಸೀತಾರಾಮನ್ ಕರ್ನಾಟಕದಿಂದ ರಾಜ್ಯಸಭೆ ಸದಸ್ಯರು. ಇನ್ವೆಸ್ಟ್ ಕರ್ನಾಟಕ ಕಾರ್ಯಕ್ರಮಕ್ಕಾಗಿ ಬೆಂಗಳೂರಿನಲ್ಲಿರುವ ನಿರ್ಮಲಾ ಸೀತಾರಾಮನ್ ಬೆಂಗಳೂರಿನ ಗರುಡಾಮಾಲ್‍ನಲ್ಲಿ ಕಾಂತಾರ ನೋಡಿದ್ದಾರೆ.

    ಅಷ್ಟೇ ಅಲ್ಲ, ಸಿನಿಮಾ ನೋಡಿ ಖುಷಿಯಾಗಿ ರಿಷಬ್ ಶೆಟ್ಟಿಯವರ ಜೊತೆ ಮಾತನಾಡಿ ಅಭಿನಂದನೆ ಸಲ್ಲಿಸಿದ್ದಾರೆ.

    ಈ ಸಂಭ್ರಮದ ನಡುವೆಯೇ ರಿಷಬ್ ಶೆಟ್ಟಿ ಧರ್ಮಸ್ಥಳ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆಯವರನ್ನು ಭೇಟಿ ಆಶೀರ್ವಾದ ಪಡೆದಿದ್ದಾರೆ. ವೀರೇಂದ್ರ ಹೆಗ್ಗಡೆಯವರು ಸಿನಿಮಾ ನೋಡಿದ್ದು ದೇವರೇ ನೋಡಿದಷ್ಟು ಖುಷಿಯಾಯ್ತು ಎಂದಿದ್ದಾರೆ.

    ಇತ್ತ ಬಾಕ್ಸಾಫೀಸಿನಲ್ಲಿ ಕಾಂತಾರ ದಾಖಲೆಗಳನ್ನೆಲ್ಲ ಪುಡಿಗಟ್ಟಿ ಮುನ್ನುಗ್ಗುತ್ತಿದೆ. 300 ಕೋಟಿ ಕ್ಲಬ್ ಸೇರಿದೆ. ಮೂಲಗಳ ಪ್ರಕಾರ ಕನ್ನಡದಲ್ಲಿ ಕಲೆಕ್ಷನ್ 160 ಕೋಟಿ ದಾಟಿದ್ದು, ಕೆಜಿಎಫ್ ಚಾಪ್ಟರ್ 2 ಕನ್ನಡದಲ್ಲಿ ಸೃಷ್ಟಿಸಿದ್ದ ದಾಖಲೆಗಳನ್ನೆಲ್ಲ ಮುರಿಯುವ ಹಾದಿಯಲಿಲದೆ. ತೆಲುಗಿನಲ್ಲು 50 ಕೋಟಿ ಕಲೆಕ್ಷನ್ ದಾಟಿದ್ದು ಇದೂ ಕೂಡಾ ದಾಖಲೆಯೇ. ಹಿಂದಿಯಲ್ಲಿ ಕೂಡಾ ಕೆಜಿಎಫ್ ಚಾಪ್ಟರ್ 1 ದಾಖಲೆಯನ್ನು ಮುರಿದಿರುವ ಕಾಂತಾರ ಅಲ್ಲಿಯೂ 50 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ತಮಿಳು ಮತ್ತು ಮಲಯಾಳಂ ಬಾಕ್ಸಾಫೀಸ್ ದಾಖಲೆಗಳು ಸಿಗುತ್ತಿಲ್ಲವಾದರೂ ಉತ್ತಮ ಕಲೆಕ್ಷನ್ ಮಾಡುತ್ತಿರುವುದಂತೂ ನಿಜ.

  • 31 ದಿನ 305 ಕೋಟಿ : ಕಾಂತಾರ ರೆಕಾರ್ಡ್

    31 ದಿನ 305 ಕೋಟಿ : ಕಾಂತಾರ ರೆಕಾರ್ಡ್

    ಸತತ 6ನೇ ವಾರವೂ ಕಾಂತಾರ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಇಷ್ಟೊಂದು ದೊಡ್ಡ ಮಟ್ಟದ ಕ್ರೇಜ್ ಹಿಂದೆಂದು ಸೃಷ್ಟಿಯಾಗಿದ್ದಿಲ್ಲ. ಈಗ 300 ಕೋಟಿಯ ಗಡಿಯನ್ನೂ ದಾಟಿರುವ ಕಾಂತಾರ 31ನೇ ದಿನಕ್ಕೆ 305 ಕೋಟಿ ಬ್ಯುಸಿನೆಸ್ ಮಾಡಿದೆ. ಸೆಪ್ಟೆಂಬರ್ 30ರಂದು ರಿಲೀಸ್ ಆದ ಚಿತ್ರಕ್ಕೆ ದಸರಾ ಹಬ್ಬದ ಓಪನಿಂಗ್ ಸಿಕ್ಕಿತ್ತು. ಆಯುಧಪೂಜೆ, ವಿಜಯದಶಮಿ, ಗಾಂಧಿ ಜಯಂತಿ, ದೀಪಾವಳಿ ಸೇರಿದಂತೆ ಸಾಲು ಸಾಲು ರಜೆಗಳಲ್ಲಿ ಪ್ರೇಕ್ಷಕರು ಚಿತ್ರ ನೋಡಲು ಮುಗಿಬಿದ್ದರು. ಈಗ ನೋಡಿದರೆ 300 ಕೋಟಿಯನ್ನೂ ದಾಟಿ ದಾಖಲೆ ಬರೆದಿದೆ.

    ಕೆಜಿಎಫ್ ಚಾಪ್ಟರ್ 2 ನಂತರ ಕಾಂತಾರ ನಂ.2 ಸಿನಿಮಾ ಎನ್ನಿಸಿಕೊಂಡಿದೆ. ರಿಷಬ್ ಶೆಟ್ಟಿ ನಟಿಸಿ ನಿರ್ದೇಶಿಸಿರುವ ಸಿನಿಮಾದ ಪಂಜುರ್ಲಿ ದೈವ ಹಾಗೂ ಗುಳಿಗ ಈಗ ಮನೆ ಮನೆ ಮಾತು. ಶಿವ-ಲೀಲಾ ರೊಮ್ಯಾನ್ಸ್‍ಗೆ ಕಚಗುಳಿಯಿಟ್ಟುಕೊಂಡವರಷ್ಟೋ.. ಚಿತ್ರದ ಒಂದೊಂದು ಪಾತ್ರ ಸನ್ನಿವೇಶವನ್ನೂ ಜನ ಎಂಜಾಯ್ ಮಾಡುತ್ತಿದ್ದಾರೆ.

    ಧರ್ಮಸ್ಥಳ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ, ಶ್ರೀಶ್ರೀಶ್ರೀ ರವಿಶಂಕರ್, ಹಣಕಾಸು ಸಚಿವರಾದ ನಿರ್ಮಲಾ ಸೀತಾರಾಮನ್, ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್, ಸೂಪರ್ ಸ್ಟಾರ್ ರಜನಿಕಾಂತ್, ಕ್ರಿಕೆಟ್ ಆಟಗಾರ ಎಬಿ ಡೆವಿಲಿಯರ್ಸ್, ಅನಿಲ್ ಕುಂಬ್ಳೆ.. ಹೀಗೆ ಸಿನಿಮಾ ಹೊರತಾದ ದಿಗ್ಗಜರೂ ನೋಡಿ ಮೆಚ್ಚಿದ ಸಿನಿಮಾ ಕಾಂತಾರ.

    ಕನ್ನಡದಲ್ಲಿಯೇ 160 ಕೋಟಿ ಕಲೆಕ್ಷನ್ ಮಾಡಿದ್ದು, ತೆಲುಗು ಹಾಗೂ ಹಿಂದಿಯಲ್ಲಿ 50 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ತಮಿಳು, ಮಲಯಾಳಂನಲ್ಲೂ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಹೊಂಬಾಳೆ ಮತ್ತೊಂದು ದಾಖಲೆ ಸೃಷ್ಟಿಸಿದೆ.

  • ೩ನೇ ವಾರಕ್ಕೆ ಕಾಂತಾರ.. ೧೦೦ ಕೋಟಿ ಸಿಂಗಾರ : ದಾಖಲೆಗಳ ಡಂಗುರ

    ೩ನೇ ವಾರಕ್ಕೆ ಕಾಂತಾರ.. ೧೦೦ ಕೋಟಿ ಸಿಂಗಾರ : ದಾಖಲೆಗಳ ಡಂಗುರ

    ಕಾಂತಾರ ಒಂದು ದಂತಕಥೆ. ಈ ಚಿತ್ರ ಕನ್ನಡದಲ್ಲಿ ದಂತಕಥೆಯೇ ಆಗುತ್ತಿದೆ. ರಿಷಬ್ ಶೆಟ್ಟಿ ನಟರಾಗಿ, ನಿರ್ದೇಶಕರಾಗಿ ದಂತಕಥೆಯನ್ನೇ ಸೃಷ್ಟಿಸಿಬಿಟ್ಟಿದ್ದಾರೆ. ಹೊಂಬಾಳೆ ಮತ್ತೊಂದು ಬ್ಲಾಕ್ ಬಸ್ಟರ್ ಹಿಟ್. ಆದರೆ ಇದು ಸ್ವಲ್ಪ ವಿಭಿನ್ನ. ದೈವೀಕ ಹಿಟ್ ಆದ ಸಂಭ್ರಮ. ಕರಾವಳಿಯ ನೆಲದ ಸಂಸ್ಕೃತಿಯ ನೆಲೆಯಲ್ಲಿ ತೆರೆದುಕೊಳ್ಳುವ ಕಾಂತಾರ ಈಗ ಕರಾವಳಿಯ ಮಣ್ಣಿನ ಕಥೆಯಷ್ಟೇ ಅಲ್ಲ. ಕರ್ನಾಟಕದ ಎಲ್ಲ ಕಡೆ ಸಿಕ್ಕ ಓಪನಿಂಗ್, ಮೆಚ್ಚುಗೆಯ ಮಹಾಪೂರ ಚಿತ್ರವನ್ನೀಗ ಗಡಿಯಾಚೆಗೂ ವಿಸ್ತರಿಸಿದೆ.

    ಕೆಜಿಎಫ್ ಚಾಪ್ಟರ್ ೧ ಹಾಗೂ ಚಾಪ್ಟರ್ ೨ ನಂತರ ಕಾಂತಾರ ಕೂಡಾ ೧೦೦ ಕೋಟಿ ದಾಖಲೆ ಬರೆದಿದೆ. ಅಂದಹಾಗೆ ಕಾಂತಾರ ಈಗ ಪ್ಯಾನ್ ಇಂಡಿಯಾ ಸಿನಿಮಾ ಆಗುತ್ತಿದೆಯೇ ಹೊರತು, ರಿಲೀಸ್ ಆದಾಗ ಆಗಿರಲಿಲ್ಲ. ರಿಲೀಸ್ ಆಗಿದ್ದು ಕನ್ನಡದಲ್ಲಿ ಮಾತ್ರ. ಭರಪೂರ ನಿರೀಕ್ಷೆಗಳಿಲ್ಲದೆಯೇ ಕನ್ನಡದಲ್ಲಿಯೇ ರಿಲೀಸ್ ಆಗಿ ೧೦೦ ಕೋಟಿ ದಾಟಿದ ಸಿನಿಮಾ ಕಾಂತಾರ ಎನ್ನಬಹುದು.

    ಇವತ್ತು ತೆಲುಗು ಹಾಗೂ ತಮಿಳಿನಲ್ಲಿ ರಿಲೀಸ್ ಆಗುತ್ತಿದೆ. ಮಲಯಾಳಂನಲ್ಲಿ ಪೃಥ್ವಿರಾಜ್ ಸುಕುಮಾರನ್ ಚಿತ್ರದ ಹೊಣೆ ಹೊತ್ತಿದ್ದು ಇನ್ನೂ ರಿಲೀಸ್ ಡೇಟ್ ಅನೌನ್ಸ್ ಆಗಿಲ್ಲ. ಹಿಂದಿಯಲ್ಲಿ ನಾಳೆ ರಿಲೀಸ್ ಆಗುತ್ತಿದೆ. ಒಟ್ಟಿನಲ್ಲಿ ಕಾಂತಾರ ದಾಖಲೆಗಳ ಸುರಿಮಳೆಯನ್ನೇ ಸುರಿಸುತ್ತಿದೆ.

  • 400 ಕೋಟಿಯ ಬಾರ್ಡರ್ ದಾಟಿದ ಕಾಂತಾರ

    400 ಕೋಟಿಯ ಬಾರ್ಡರ್ ದಾಟಿದ ಕಾಂತಾರ

    ಸೆ.30ರಂದು ರಿಲೀಸ್ ಆದ ಕಾಂತಾರದ ಆರ್ಭಟ..ದೈವೀಕ ಯಾತ್ರೆ.. 400 ಕೋಟಿಯ ಗಡಿಯನ್ನೂ ದಾಟಿದೆ. ರಿಷಬ್ ಶೆಟ್ಟಿ, ಹೊಂಬಾಳೆಯ ಜೋಡಿ ಮತ್ತೊಂದು ಹೊಸ ದಾಖಲೆ ಬರೆದಿದೆ. 50 ದಿನಗಳನ್ನು 400 ಕೋಟಿ ಕ್ಲಬ್ ಸೇರಿ ಹೊಸ ದಾಖಲೆಯನ್ನು ಬರೆದಿದೆ. ಅಬ್ಬರದ ಪಬ್ಲಿಸಿಟಿ ಬದಲು ಸಿನಿಮಾ ನೋಡಿದವರ ಮೌತ್ ಪಬ್ಲಿಸಿಟಿಯಿಂದಲೇ ಗೆದ್ದ ಕಾಂತಾರದ 400 ಕೋಟಿಯ ದಾಖಲೆ ವಿಶೇಷಗಳಲ್ಲಿ ವಿಶೇಷ.

    ಕರ್ನಾಟಕ ಬಿಟ್ಟರೆ, ಹಿಂದಿ ಬೆಲ್ಟ್ನಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿರುವ ಕಾಂತಾರ ಹಿಂದಿ ವರ್ಷನ್ ಸುಮಾರು 96 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಇನ್ನೂ ಹೌಸ್ ಫುಲ್ ರನ್ನಿಂಗ್ ಕಾಣುತ್ತಿದೆ. ಆಂಧ್ರ ಹಾಗೂ ತೆಲಂಗಾಣದಲ್ಲಿ 60 ಕೋಟಿ ರೂ. ತಮಿಳುನಾಡಿನಲ್ಲಿ 12.70 ಕೋಟಿ ರೂ. ಕೇರಳದಲ್ಲಿ 19.20 ಕೋಟಿ ರೂ. ಹಾಗೇ ವಿದೇಶದಲ್ಲಿ ಸುಮಾರು 44.50 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎಂದು ಬಾಕ್ಸಾಫೀಸ್ ಮೂಲಗಳು ಹೇಳುತ್ತಿವೆ. ಕನ್ನಡದಲ್ಲಿ ಕೆಜಿಎಫ್ ಚಾಪ್ಟರ್ 2ನ 186 ಕೋಟಿಯ ಗಡಿ ದಾಟಿದ್ದು, 200 ಕೋಟಿಯನ್ನೂ ಮೀರಿ ಮುನ್ನಡೆಯುತ್ತಿದೆ.

    ಮೇನ್ ಥಿಯೇಟರ್ ನರ್ತಕಿ ಒಂದನ್ನು ಬಿಟ್ಟರೆ ದೇಶದ ಎಲ್ಲ ಮೆಟ್ರೋ ಸಿಟಿಗಳಲ್ಲಿ 50 ದಿನ ಪೂರೈಸಿದ ಸಿನಿಮಾ ಕಾಂತಾರ. ವಿದೇಶದಲ್ಲಿ ಕೂಡಾ 50 ದಿನ ಪೂರೈಸಿದ 2ನೇ ಕನ್ನಡ ಸಿನಿಮಾ ಕಾಂತಾರ. ಬೆಂಗಳೂರಿನ ಊರ್ವಶಿ, ಕಾವೇರಿ ಥಿಯೇಟರ್ಗಳಲ್ಲಿ ಕಳೆದ 20 ವರ್ಷಗಳಲ್ಲಿ 50 ದಿನ ಪ್ರದರ್ಶನ ಕಂಡ ಮೊದಲ ಸಿನಿಮಾ ಕಾಂತಾರ.

    ಬಾಕ್ಸಾಫೀಸ್ನಲ್ಲಿ 200 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ ನಂ.1 ಕನ್ನಡ ಸಿನಿಮಾ, ಕೆಜಿಎಫ್ ಚಾಪ್ಟರ್ 2 ಈಗ ನಂ.2 ಸ್ಥಾನ ಗಳಿಸಿದೆ. ಕನ್ನಡದಲ್ಲಿ ಅತೀ ಹೆಚ್ಚು ಜನ ನೋಡಿದ ಸಿನಿಮಾ ಕಾಂತಾರ. 1 ಕೋಟಿಗೂ ಹೆಚ್ಚು ಜನ ನೋಡಿರುವುದು ಕೂಡಾ ದಾಖಲೆಯೇ.  

    ಕಾಂತಾರದ ನಂತರ ರಿಷಬ್ ಶೆಟ್ಟಿ ಡಿವೈನ್ ಸ್ಟಾರ್ ಬಿರುದು ಪಡೆದರೆ, ಹೊಸ ಕ್ರಷ್ ಆಗಿ ಹೊರಹೊಮ್ಮಿರುವುದು ಸಪ್ತಮಿ ಗೌಡ. ಚಿತ್ರದೊಂದಿಗೆ ಕರಾವಳಿಯ ಸಂಸ್ಕೃತಿ ದೈವಗಳು, ಭೂತಕೋಲ ಇಡೀ ಜಗತ್ತಿಗೆ ಪರಿಚಿತವಾಗಿದೆ

  • 50 ಕೋಟಿ ದಾಟಿದ ಕಾಂತಾರ

    50 ಕೋಟಿ ದಾಟಿದ ಕಾಂತಾರ

    ಸಾವಿರ ದೈವದ ಮನ ಸಂಪ್ರೀತ ಬೇಡುತ ನಿಂದೆವು ಆರಾಧಿಸುತ...

    ಸ್ಯಾಂಡಲ್ವುಡ್ನಲ್ಲಿ ಕೋಟಿಗಳ ಮಿಂಚು ಹರಿಯುತ್ತಿದೆ. ಇದು ಪಾನ್ ಇಂಡಿಯಾ ಸಿನಿಮಾ ಅಲ್ಲ. ಕೇವಲ ಕನ್ನಡದಲ್ಲಿಯೇ ಬಿಡುಗಡೆಗೊಂಡು ದಾಖಲೆ ಬರೆಯುತ್ತಿರುವ ಸಿನಿಮಾ. ನಮ್ಮ ನೆಲದ ಒಂದು ಸಂಸ್ಕತಿಯ ಅದ್ಭುತ ಕಥೆಯ ಡಿವೈನ್ ಬ್ಲ್ಯಾಕ್ ಬಾಸ್ಟರ್ ಹಿಟ್. ಸಿನಿಮಾ ರಿಲೀಸ್ ಆಗಿ ಆರೇ ದಿನದಲ್ಲಿ 50 ಕೋಟಿ ಕ್ಲಬ್ ದಾಟಿ ಮುನ್ನುಗ್ಗುತ್ತಿದೆ.

    ರಾಜಕುಮಾರ, ಯುವರತ್ನ, ಕೆಜಿಎಫ್ ಸಿನಿಮಾ  ನಿರ್ಮಾಣ ಮಾಡಿದ್ದ ಹೊಂಬಾಳೆ ಸಂಸ್ಥೆಯ ಮಾಸ್ಟರ್ ಪೀಸ್ ಎನಿಸಿಕೊಳ್ಳುತ್ತಿದೆ ಕಾಂತಾರ. ಸಿನಿಮಾ ಸಕ್ಸಸ್ ಯಾತ್ರೆ ನಡೆಸುತ್ತಿರುವ ಕಾಂತಾರ ಮ್ಯಾಜಿಕ್ ಮಾಡಿದೆ. ಬುಕ್ ಮೈ ಶೋನಲ್ಲೇ 22 ಸಾವಿರಕ್ಕೂ ಹೆಚ್ಚು ಜನ ಚಿತ್ರ ವಿಮರ್ಶೆ ಮಾಡಿದ್ದು ಶೇ.99 ಅಂಕ ಕೊಟ್ಟಿದ್ದಾರೆ. ವೀರೇಶ್ ಚಿತ್ರಮಂದಿರದಲ್ಲಿ ಮೊದಲ ವಾರದ ಎಲ್ಲ ಶೋಗಳೂ ಹೌಸ್ ಫುಲ್ ಎನ್ನುವುದು ಒಂದು ದಾಖಲೆ.

    ಕೆಜಿಎಫ್ ಕನ್ನಡದಲ್ಲಿ ಹೇಗೆ ಕಲೆಕ್ಷನ್ ಮಾಡಿತ್ತೋ ಅದೇ ಹಾದಿಯಲ್ಲಿ ಮುನ್ನುಗ್ಗುತ್ತಿರೋ ಕಾಂತಾರ 10 ದಿನದಲ್ಲಿ 100 ಕೋಟಿ ಕ್ಲಬ್ ಸೇರೋ ಚಾನ್ಸ್ ಹೆಚ್ಚಿದೆ.

    ಕಾಂತಾರ ರಿಷಬ್ ಶೆಟ್ಟಿ ಸಿನಿ ಕೆರಿಯರ್ನಲ್ಲೇ ಮೈಲುಗಲ್ಲಾಗಲಿದೆ. ಸ್ಯಾಂಡಲ್‌ವುಡ್ ಬೆಳ್ಳಿತೆರೆ ಮೇಲೆ ದೈವವೊಂದು ಆರ್ಭಟಿಸುತ್ತಾ ಕುಣಿಯುತ್ತಿದೆ. ಆಯುಧಪೂಜೆ, ವಿಜಯದಶಮಿ ನಡುವೆಯೂ ಜನಜಂಗುಳಿ ಥಿಯೇಟರ್ ಮುಂದಿದೆ. ದಸರಾ ಹಬ್ಬದ ಸಾಲು ಸಾಲು ರಜೆಯನ್ನ ಕಾಂತಾರದ ಡಿವೈನ್ ಲೋಕಕ್ಕೆ ಹೋಗಿ ಪ್ರೇಕ್ಷಕರು ಮಜಾ ಮಾಡುತ್ತಿದ್ದಾರೆ. ವಿಜಯ್ ಕಿರಗಂದೂರುಗೆ ಬಂಪರ್ ಜಾಕ್ ಪಾಟ್. ರಿಷಬ್ ಶೆಟ್ಟಿ, ಸಪ್ತಮಿ ಗೌಡ, ಕಿಶೋರ್, ಪ್ರಮೋದ್ ಶೆಟ್ಟಿ, ಅಚ್ಯುತ್ ಎಲ್ಲರಿಗೂ ಮೆಚ್ಚುಗೆಯ ಮಹಾಪೂರವೇ ಸಿಕ್ಕಿದೆ.

  • 50ನೇ ದಿನದತ್ತ ಕಾಂತಾರ : ಹೊಸ ಇತಿಹಾಸ

    50ನೇ ದಿನದತ್ತ ಕಾಂತಾರ : ಹೊಸ ಇತಿಹಾಸ

    ಕನ್ನಡ ಚಿತ್ರರಂಗದಲ್ಲೇ ಹೊಸ ಹೊಸ ದಾಖಲೆಗಳನ್ನು ಬರೆಯುತ್ತಲೇ ಇರುವ ಕಾಂತಾರ ಹಲವು ದಾಖಲೆಗಳನ್ನು ತನ್ನ ಬುಟ್ಟಿಗೆ ಹಾಕಿಕೊಂಡಿದೆ. ಕಾಂತಾರ ಈಗ ಕನ್ನಡದಲ್ಲೇ ಅತೀ ಹೆಚ್ಚು ಬಾಕ್ಸಾಫೀಸ್ ಗಳಿಕೆ ಮಾಡಿದ ಚಿತ್ರ ಹಾಗೂ ಥಿಯೇಟರಿನಲ್ಲಿ ಅತೀ ಹೆಚ್ಚು ಜನ ನೋಡಿದ ಚಿತ್ರವೂ ಹೌದು. ಈಗ 50ನೇ ದಿನದತ್ತ ಕಾಲಿಟ್ಟಿದೆ. ಈ ಶನಿವಾರಕ್ಕೆ 50ನೇ ದಿನದ ಗುರಿ ಮುಟ್ಟಲಿದೆ ಕಾಂತಾರ.

    ಇದು ವಿಶೇಷವೂ ಹೌದು. ಏಕೆಂದರೆ ಬಿಡುಗಡೆಯಾದ ಎಲ್ಲ ಕೇಂದ್ರಗಳಲ್ಲೂ ಅರ್ಧಶತಕ ಪೂರೈಸುತ್ತಿರುವುದು ವಿಶೇಷ ದಾಖಲೆ. 300ಕ್ಕೂ ಹೆಚ್ಚು ಸೆಂಟರ್‍ಗಳಲ್ಲಿ ಕಾಂತಾರ 50 ದಿನ ಪೂರೈಸುತ್ತಿದೆ. ಬೆಂಗಳೂರಿನಲ್ಲೇ ಮಲ್ಟಿಪ್ಲೆಕ್ಸ್ ಬಿಟ್ಟು 30ಕ್ಕೂ ಸೆಂಟರ್‍ಗಳಲ್ಲಿ ಕಾಂತಾರ 50 ದಿನ ಪೂರೈಸುತ್ತಿರುವುದು ವಿಶೇಷ.

    ಆದರೆ ಮೇನ್ ಥಿಯೇಟರ್ ನರ್ತಕಿಯಲ್ಲಿ ಮಾತ್ರ ಹಾಗಾಗುತ್ತಿಲ್ಲ. ನರ್ತಕಿ ಕಾಂತಾರ ಚಿತ್ರದ ಮೇನ್ ಥಿಯೇಟರ್. ಆದರೆ ನರ್ತಕಿಯಲ್ಲಿ 48ನೇ ದಿನಕ್ಕೆ ಕಾಂತಾರ ನಿರ್ಗಮಿಸಲಿದೆ. ಕಾಂತಾರ ಬಿಡುಗಡೆಯಾದ 49ನೇ ದಿನ ನರ್ತಕಿಯಲ್ಲಿ ಪ್ರಜ್ವಲ್ ದೇವರಾಜ್ ಅಭಿನಯದ ಅಬ್ಬರ ರಿಲೀಸ್ ಆಗಲಿದೆ. ಹೀಗಾಗಿ ಮೇನ್ ಥಿಯೇಟರಿನಲ್ಲಿಯೇ ದಾಖಲೆ ಬರೆಯಲಾಗುತ್ತಿಲ್ಲ ಕಾಂತಾರ.

    ರಿಷಬ್ ಶೆಟ್ಟಿ ನಟಿಸಿ ನಿರ್ದೇಶಿಸಿದ್ದ ಕಾಂತಾರ ಈಗಲೂ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಥಿಯೇಟರಿನಲ್ಲಿ ಈಗಲೂ ಜನ ಬರುತ್ತಿದ್ದಾರೆ. ಕೆಜಿಎಫ್ ಮೂಲಕ ಸುನಾಮಿ ಹಿಟ್ ಕಂಡಿದ್ದ ಹೊಂಬಾಳೆ, ಕಾಂತಾರ ಮೂಲಕ ಡಿವೈನ್ ಹಿಟ್ ಸಾಧಿಸಿದೆ.

  • Kantara Movie Review, Chitraloka Rating 4/5

    Kantara Movie Review, Chitraloka Rating 4/5

    Film: Kantara

    Director: Rishab Shetty

    Cast: Rishab Shetty, Sapthami Gowda, Kishore Achyuth Kumar, Pramod Shetty

    Duration: 2 hours 30 minutes

    Certificate: U/A

    Rating: 4

    Kantara is an out-of-this-world experience for which Rishab Shetty and his team needs to be commended. At the end of this film, it is very hard to come out of the trance-like environment he has created. In the film, Rishab’s character, Shiva, is haunted by nightmares. For the audience watching the film, it will be Rishab’s performance in the climax that will repeatedly haunt them. Kantara reminds you of the films of Shankar Nag. In another time, this could well have been a film directed and performed by the late actor.

    Folk stories, with their blend of the supernatural, strange characters, unsolved mysteries and surprises have kept people spellbound for generations. How do you create a new folk story that combines all these elements? Kantara has the answer. And has it worked? It has succeeded beyond expectations.

    Combining the rituals and sports of the coast to a not-so-surprising story of a three-cornered land dispute, Kantara blends the mysterious with the practical and creates a world you will fall in love with. This is a world that drags you in and won’t let go, even after you are done with the film.

    It is nice to see the predictable start to folklore with a ‘once upon a time, there lived a king’ story. This king, in eternal distress, trades his land for peace of mind. He makes a pact with a ‘daiva’, which is accompanied with a warning. Cut to another period (1990) his descendants are trying to undo the deal, threatening to unleash the wrath of the Gods. Unsuspectingly placed in the middle of this war is our hero.

    Most films that talk about nativity end their efforts with the costumes and a stressed accent. Kantara however gives so much attention to every detail that you are literally transported to the place. It will leave you wanting to book a ticket to the place. I would not be surprised if this film results in people making a beeline to watch the ‘daiva’ culture similar to what Nammora Mandara Hoove did to Yaana and Yograj Bhat’s films did to Jog Falls and ‘Mugil Pete.’

    Kola, Kambala, hunting, food, beliefs and rituals are all packed into this film. They provide a unique backdrop for the story on hand. The story is simple enough but the attributes around it that makes it special. While the main characters like the angry Shiva, the sly landlord, the irritable forest officer and the damsel in distress do their job, the minor characters like the feudal henchmen, the amorous friend, the stoned workman, the cautionary higher officers fill up the detailed world of Kantara.

    The brilliant cinematography captures this world in vivid detail. The camera work transports you to the middle of the action which has been made more than a little realistic than possible by the art work. In the meantime Ajaneesh Loknath has rented your mind full time with the background score.

    Kantara is an experience more than a film. This film is where good intentions have been brought to life by a great support. The commitment of the producers cannot be underplayed here. In the end, the team has provided the Kannada audience with a memorable product. Cheers to that.

    -S Shyam Prasad

     

  • ಅದೊಂದು ತಪ್ಪು ಮಾಡಬೇಡಿ : ಕಾಂತಾರ ನೋಡಿದವರಿಗೆ ರಿಷಭ್ ಶೆಟ್ಟಿ ಮನವಿ

    ಅದೊಂದು ತಪ್ಪು ಮಾಡಬೇಡಿ : ಕಾಂತಾರ ನೋಡಿದವರಿಗೆ ರಿಷಭ್ ಶೆಟ್ಟಿ ಮನವಿ

    ಕಾಂತಾರ ಚಿತ್ರ ಸೂಪರ್ ಡ್ಯೂಪರ್ ಹಿಟ್ ಆದ ಬೆನ್ನಲ್ಲೇ ಕೆಲವರು ಕೊಂಕನ್ನೂ ತೆಗೆದಿದ್ದಾರೆ. ಆದರೆ ಸಿನಿಮಾ ನೋಡಿದ ಚಿತ್ರರಸಿಕರ ಪಾಲಿಗೆ ಕಾಂತಾರ ಸಿನಿಮಾ ಹಬ್ಬ. ಮಾಸ್ಟರ್ ಪೀಸ್. ಪ್ರೇಕ್ಷಕರು ಇದಕ್ಕೆಲ್ಲ ತಲೆಕೆಡಿಸಿಕೊಳ್ಳುತ್ತಿಲ್ಲ. ಸಿದ್ಧಾಂತಗಳಿಗಿಂತ ಸಿನಿಮಾ ಕೊಡುವ ಮನರಂಜನೆ ಮುಖ್ಯ ಎನ್ನುವವರು ಅವರು. ಸರಿ ತಪ್ಪುಗಳನ್ನು ಬೇರೆಯವರಿಗಿಂತ ಹೆಚ್ಚಾಗಿ ತಮಗೆ ತಾನೇ ನಿರ್ಧರಿಸುವವರು. ಅವರಿಗೆಲ್ಲ ಸಿನಿಮಾ ಖುಷಿ ಕೊಟ್ಟಿದೆ. ಆದರೆ ಈ ಖುಷಿಯ ಜೊತೆಯಲ್ಲೇ ಅತ್ಯುತ್ಸಾಹದಲ್ಲಿ ಮಾಡುತ್ತಿರುವ ಒಂದು ತಪ್ಪನ್ನು ನಟ ನಿರ್ದೇಶಕ ರಿಷಬ್ ಶೆಟ್ಟಿ ಎತ್ತಿ ತೋರಿಸಿದ್ದಾರೆ. ಆ ರೀತಿ ಮಾಡದಂತೆ ಮನವಿ ಮಾಡಿದ್ದಾರೆ.

    ಸಿನಿಮಾದಲ್ಲಿ ನನ್ನ ಪಾತ್ರ ದೈವಾವೇಶದಲ್ಲಿ ಬೊಬ್ಬೆಯಿಡುವ ದೃಶ್ಯವಿದೆ. ಸೋಷಿಯಲ್ ಮೀಡಿಯಾಗಳಲ್ಲಿ ಅದರ ಅನುಕರಣೆ ಮಾಡಲಾಗುತ್ತಿದೆ. ಅದು ದೈವಾರಾಧನೆಯ  ಒಂದು ಭಾಗ, ನಂಬಿಕೆಯ ವಿಷಯ. ದೈವಾರಾಧನೆಯ ಆಳ, ಅಗಲ ಎಷ್ಟು, ಏನು ಎಂದು ತಿಳಿದು ಎಲ್ಲರೂ ವ್ಯವಹಾರ ಮಾಡಬೇಕು. ದಯವಿಟ್ಟು ಯಾರೂ ದೈವದಂತೆ ಕೂಗು ಹಾಕೋದನ್ನು ಯಾರೂ ಅನುಕರಣೆ ಮಾಡಬಾರದು ಎಂದು ರಿಷಬ್ ಶೆಟ್ಟಿ ಮನವಿ ಮಾಡಿದ್ದಾರೆ.

    ಸಾಮಾನ್ಯವಾಗಿ ದೇವರು ಕುರಿತಾದ ಪಾತ್ರಗಳನ್ನು ಮಾಡುವವರು ಕೆಲವು ನಿಯಮಗಳನ್ನು ಪಾಲಿಸುತ್ತಾರೆ. ಮಾಂಸ ಸೇವನೆ, ಧೂಮಪಾನ, ಮದ್ಯಪಾನಗಳನ್ನೆಲ್ಲ ಬಿಟ್ಟು ಬದುಕುತ್ತಾರೆ. ಅದೇ ರೀತಿ ರಿಷಬ್ ಶೆಟ್ಟಿಯವರು ಕೂಡಾ ಈ ಪಾತ್ರ ಮಾಡುವಾಗ ತಾವು ಅನುಸರಿಸಿದ ಸಂಪ್ರದಾಯ, ನಂಬಿಕೆ, ಆಚರಣೆಗಳ ಬಗ್ಗೆ ಹೇಳಿದ್ದಾರೆ. ಆ ರೀತಿ ಇಲ್ಲದೆ ಹೋದರೆ ಅಪಚಾರವಾಗುತ್ತದೆ. ಕೆಡುಕಾಗುತ್ತದೆ ಎನ್ನುವುದು ನಂಬಿಕೆ. ಸ್ವತಃ ಕರಾವಳಿ ಕಡೆಯವರಾದ ರಿಷಬ್ ಶೆಟ್ಟಿಯವರಿಗೆ ಆ ನಂಬಿಕೆಯೂ ಇದೆ. ಹೀಗಾಗಿಯೇ ಉತ್ಸಾಹದಲ್ಲಿ ದೈವದಂತೆ ಕೂಗು ಹಾಕಬೇಡಿ ಎಂದು ಮನವಿ ಮಾಡಿದ್ದಾರೆ.

    ರಿಷಬ್ ಶೆಟ್ಟಿ, ಸಪ್ತಮಿ ಗೌಡ, ಕಿಶೋರ್, ಪ್ರಮೋದ್ ಶೆಟ್ಟಿ, ಕಿಶೋರ್ ಪ್ರಮುಖ ಪಾತ್ರದಲ್ಲಿರುವ ಕಾಂತಾರ ಗೆಲುವಿನ ದಶಮಿ ಆಚರಿಸುತ್ತಿದೆ. ಹೊಂಬಾಳೆ ಫಿಲಮ್ಸ್ ಮತ್ತೊಮ್ಮೆ ಜಯಭೇರಿ ಮೊಳಗಿಸಿದೆ.

  • ಕಾಂತಾರ : ನಮ್ಮ ಮಣ್ಣಿನ ಕಥೆ..

    ಕಾಂತಾರ : ನಮ್ಮ ಮಣ್ಣಿನ ಕಥೆ..

    ಕಂಬಳ. ನಮ್ಮ ಕನ್ನಡದ ಮಣ್ಣಿನ ಸಾಂಪ್ರದಾಯಿಕ ಕ್ರೀಡೆ. ನಮ್ಮ ನೆಲದ ಮಣ್ಣಿನ ಕಥೆ. ಆ ಕಥೆಯನ್ನು ಸಿನಿಮಾ ಮಾಡಿದ್ದಾರೆ ರಿಷಬ್ ಶೆಟ್ಟಿ. ಚಿತ್ರದಿಂದ ಚಿತ್ರಕ್ಕೆ ವಿಭಿನ್ನತೆಯನ್ನೇ ತೋರಿಸುತ್ತಿರೋ ರಿಷಬ್ ಶೆಟ್ಟಿ, ಇಲ್ಲಿ ಕಂಬಳ.. ಕಂಬಳದ ಸ್ಪರ್ಧಿ.. ಅದನ್ನು ನಿಲ್ಲಿಸಲು ನಡೆಯೋ ತಂತ್ರ.. ಹೋರಾಟ.. ಒಂದು ಲವ್ ಸ್ಟೋರಿ.. ಎಲ್ಲವನ್ನೂ ಇಟ್ಟುಕೊಂಡು ಚೆಂದದ ಕಥೆ ಹೇಳ್ತೇನೆ.. ನೋಡೋಕೆ.. ಕೇಳೋಕೆ ಸಿದ್ಧರಾಗಿ ಎನ್ನುತ್ತಿದ್ದಾರೆ. ಟೀಸರ್ ಕೊಡುತ್ತಿರುವ ಭರವಸೆ ಇದು.

    ರಿಷಬ್ ಶೆಟ್ಟಿ ಜೊತೆ ಸಪ್ತಮಿ ಗೌಡ ನಾಯಕಿಯಾಗಿದ್ದರೆ, ಕಿಶೋರ್, ಅಚ್ಯುತ್, ಪ್ರಮೋದ್ ಶೆಟ್ಟಿ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ವಿಜಯ್ ಕಿರಗಂದೂರು ನಿರ್ಮಾಣದ ಕಾಂತಾರಾ ಇದೇ ವರ್ಷದ ಕೊನೆಯಲ್ಲಿ ತೆರೆಗೆ ಬರೋ ಸಾಧ್ಯತೆ ಇದೆ. ಕಾಂತಾರಾ ಮೇಕಿಂಗ್ಸ್ ವಂಡರ್‍ಫುಲ್ ಆಗಿದೆ.

  • ಕಾಂತಾರ : ವರಾಹರೂಪಂ ಹಾಡು ಡಿಲೀಟ್

    ಕಾಂತಾರ : ವರಾಹರೂಪಂ ಹಾಡು ಡಿಲೀಟ್

    ಕಾಂತಾರದ ವಿಶ್ವರೂಪವನ್ನು ಜಗತ್ತಿಗೇ ಪರಿಚಯಿಸಿದ್ದು ಕಾಂತಾರದ ವರಾಹರೂಪಂ. ಆದರೆ ಸಿನಿಮಾ ಬಿಡುಗಡೆಯಾಗದ ಕೆಲವೇ ದಿನಗಳಲ್ಲಿ ವರಾಹರೂಪಂ ಹಾಡು ವೊರಿಜಿನಲ್ ಅಲ್ಲ, ಕಾಪಿ ಮಾಡಿದ್ದು ಎಂಬ ಆರೋಪ ಕೇಳಿ ಬಂದಿತ್ತು. ಕೇರಳದ ತೈಕ್ಕುಡಂ ಬ್ರಿಡ್ಜ್ ತಂಡದವರು ಹಾಡಿನ ವಿರುದ್ಧ ಕಾಪಿ ರೈಟ್ ಉಲ್ಲಂಘನೆ ಕೇಸು ಹಾಕಿದ್ದರು. ತೈಕ್ಕುಡಂ ತಂಡದ ನವರಸಂ ಮ್ಯೂಸಿಕ್ ಆಲ್ಬಂನ ಯಥಾವತ್ ಕಾಪಿ ಈ ಹಾಡು ಎಂದು ದೂರಿದ್ದರು.

    ವರಾಹರೂಪಂ ಹಾಡು ನಮ್ಮದು. ನವರಸಂ ಮ್ಯೂಸಿಕ್‍ನ್ನು ಯಥಾವತ್ ಕಾಪಿ ಮಾಡಿ ವರಾಹರೂಪಂ ಹಾಡು ಸೃಷ್ಟಿಸಲಾಗಿದೆ. ನಮಗಿನ್ನೇನೂ ಬೇಡ, ಕ್ರೆಡಿಟ್ ಕೊಡಿ ಎಂದು ಕೇಳಿತ್ತು. ನಿರ್ದೇಶಕ ರಿಷಬ್ ಶೆಟ್ಟಿ ಕೂಡಾ ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಪರವಾಗಿಯೇ ನಿಂತಿದ್ದು ಕೋರ್ಟಿನಲ್ಲಿ ಗೆಲ್ಲುವುದಕ್ಕೆ ಹೋರಾಡುತ್ತಿದ್ದಾರೆ. ಇದರ ಮಧ್ಯೆಯೇ ಹಾಡು ಡಿಲೀಟ್ ಆಗಿದೆ.

    ಕೇರಳದ ಕೊಯಿಕ್ಕೋಡ್ ನ್ಯಾಯಾಲಯ ಹಾಡಿಗೆ ಸ್ಟೇ ಕೊಟ್ಟಿತ್ತು. ಈಗ ಆ ಹಾಡನ್ನು ಹೊಂಬಾಳೆ ಯೂಟ್ಯೂಬ್ ಚಾನೆಲ್ಲಿಂದ ಡಿಲೀಟ್ ಮಾಡಲಾಗಿದೆ.

    ಕೋರ್ಟ್ ಅದೇಶ ನೀಡಿದ 2 ವಾರಗಳ ನಂತರ ಹಾಡನ್ನು ಡಿಲೀಟ್ ಮಾಡಲಾಗಿದೆ. ಈಗಲೂ ಈ ಕ್ಷಣಕ್ಕೂ ಹೊಂಬಾಳೆ ತಂಡ, ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಹಾಡು ತಮ್ಮ ವೊರಿಜಿನಲ್ ಸೃಷ್ಟಿಯೇ ಹೊರತು ಕದ್ದಿದ್ದಲ್ಲ ಎಂದು ವಾದಿಸುತ್ತಿದ್ದಾರೆ. ಇದುವರೆಗೆ ಈ ಹಾಡನ್ನು ಮೂರೂವರೆ ಕೋಟಿಗೂ ಹೆಚ್ಚು ಜನ ವೀಕ್ಷಿಸಿದ್ದರು.

  • ಕಾಂತಾರ ಕರ್ನಾಟಕ ಯಾತ್ರೆ : ಇದು ನಮ್ಮ ಸಿನಿಮಾ

    ಕಾಂತಾರ ಕರ್ನಾಟಕ ಯಾತ್ರೆ : ಇದು ನಮ್ಮ ಸಿನಿಮಾ

    ಕಾಂತಾರ ಕರ್ನಾಟಕದ ಸಿನಿಮಾ ಪ್ರೇಮಿಗಳನ್ನೆಲ್ಲ ಬಡಿದೆಬ್ಬಿಸಿದೆ. ಲವ್, ರೌಡಿಸಂ, ಕಾಮಿಡಿ ಜಾನರ್ ಚಿತ್ರಗಳ ಮಧ್ಯೆ ಬಂದಿರೋ ಕಾಂತಾರ ಇದು ನಮ್ಮ ಸಿನಿಮಾ ಎಂಬ ಭಾವನೆ ಹುಟ್ಟಿಸಿದೆ. ಆ ಪ್ರೀತಿಯೇ ಹೊಸ ದಾಖಲೆ ಬರೆಯುವಂತೆ ಮಾಡುತ್ತಿದೆ. ಕಾಂತಾರ ಕನ್ನಡದ ಮಣ್ಣಿನ ಕಥೆ ಎನ್ನುವುದೇ ಚಿತ್ರದ ಒಂದು ಪ್ಲಸ್ ಪಾಯಿಂಟ್.

    ಹೊಂಬಾಳೆ ಫಿಲಮ್ಸ್ ಚಿತ್ರಕ್ಕೆ ಹಾಕಿದ ಬಜೆಟ್ ಸುಮಾರು 16 ಕೋಟಿ. ಚಿತ್ರದ ಆರಂಭದ ಎರಡು ದಿನಗಳಲ್ಲೇ ಚಿತ್ರಕ್ಕೆ ಹಾಕಿದ ಬಂಡವಾಳ ವಾಪಸ್ ಬಂದಿದೆ. ರಿಷಬ್ ಶೆಟ್ಟಿ ಹೀರೋ ಆಗಿ ಮತ್ತು ಡೈರೆಕ್ಟರ್ ಆಗಿ ಗೆದ್ದಿದ್ದಾರೆ. ರಿಷಬ್ ಮತ್ತು ಸಪ್ತಮಿ ತುಂಟಾಟಗಳು, ಕಿಶೋರ್ ಆರ್ಭಟ, ಅಚ್ಯುತ್, ಪ್ರಮೋದ್ ಶೆಟ್ಟಿ, ಮಾನಸಿ ಸುಧೀರ್ ಎಲ್ಲರದ್ದೂ ಅಮೋಘ ಅಭಿನಯ. ಅಜನೀಶ್ ಲೋಕನಾಥ್ ಸಂಗೀತ ಬೇರೆಯದೇ ಲೋಕಕ್ಕೆ ಕರೆದೊಯ್ಯುತ್ತಿದೆ.

    ಎಲ್ಲಕ್ಕಿಂತ ಹೆಚ್ಚಾಗಿ ಸಿನಿಮಾ ನೋಡುವುದನ್ನೇ ಬಿಟ್ಟಿದ್ದವರನ್ನೂ ಮತ್ತೆ ಚಿತ್ರಮಂದಿರಕ್ಕೆ ಕರೆತರುತ್ತಿರುವುದು ಕಾಂತಾರ ಹೆಗ್ಗಳಿಕೆ. ಕಾಂತಾರ ಈಗ ಹೊಂಬಾಳೆ ಅಥವಾ ರಿಷಬ್ ಶೆಟ್ಟಿ ಸಿನಿಮಾ ಅಲ್ಲ. ಇದು ನಮ್ಮ ಸಿನಿಮಾ ಎಂಬ ಭಾವನೆ ಮೂಡುವಂತೆ ಮಾಡಿದೆ. ಹೀಗಾಗಿಯೇ ಇನ್ನೊಂದು ವಾರ ಕಾಂತಾರ ಕರ್ನಾಟಕ ಯಾತ್ರೆ ಶುರು ಮಾಡುತ್ತಿದೆ. ನಿಮ್ಮ ಊರಿಗೂ ಬರ್ತಾರೆ..

  • ಕಾಂತಾರ ಕರ್ನಾಟಕದಲ್ಲಿ 1 ಕೋಟಿ ದಾಖಲೆ

    ಕಾಂತಾರ ಕರ್ನಾಟಕದಲ್ಲಿ 1 ಕೋಟಿ ದಾಖಲೆ

    ಕಾಂತಾರ ಚಿತ್ರ ಮತ್ತೊಂದು ದಾಖಲೆ ಬರೆದಿದೆ. ರಿಷಬ್ ಶೆಟ್ಟಿ ಅಭಿನಯ ಮತ್ತು ನಿರ್ದೇಶನದ ಕಾಂತಾರ ನಿರೀಕ್ಷೆಗೂ ಮೀರಿ ದಾಖಲೆಗಳ ಮೇಲೆ ದಾಖಲೆ ಬರೆಯುತ್ತಿದೆ. 6ನೇ ವಾರದಲ್ಲಿ ಮುನ್ನುಗ್ಗುತ್ತಿರುವ ಚಿತ್ರದ ಕ್ರೇಜ್ ಇನ್ನೂ ಕಡಿಮೆಯಾಗಿಲ್ಲ. ಕನ್ನಡ, ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಭರ್ಜರಿಯಾಗಿ ಪ್ರದರ್ಶನ ಕಾಣುತ್ತಿರುವ ಕಾಂತಾರದ್ದು ದೈವೀಕ ಹಿಟ್. ಈಗ ಈ ಚಿತ್ರ ಕರ್ನಾಟಕದಲ್ಲಿ ಒಂದು ವಿಶೇಷ ದಾಖಲೆ ಬರೆದಿದೆ.

    ಕರ್ನಾಟಕದಲ್ಲಿ ಕಾಂತಾರ ನೋಡಿದವರ ಸಂಖ್ಯೆ 1 ಕೋಟಿ ದಾಟಿದೆ. ಇದು ಇದುವರೆಗೆ ಕಂಡು ಕೇಳಿಲ್ಲದ ದಾಖಲೆ. ಸೆಪ್ಟೆಂಬರ್ 30ರಂದು ರಿಲೀಸ್ ಆಗಿದ್ದ ಕಾಂತಾರ 25 ದಿನದಲ್ಲಿ ಕೆಜಿಎಫ್ 2 ದಾಖಲೆ ಬ್ರೇಕ್ ಮಾಡಿತ್ತು. 77 ಲಕ್ಷ ಟಿಕೆಟ್ ಸೇಲ್ ಆಗಿತ್ತು. ಅದು ಒಂದು ದಾಖಲೆ. ತನ್ನದೇ ದಾಖಲೆಯನ್ನು ಮುರಿಯುತ್ತಾ ಮುನ್ನುಗ್ಗುತ್ತಿರುವ ಕಾಂತಾರ ಚಿತ್ರದ ಟಿಕೆಟ್ ಸೇಲ್ ಆಗಿರುವ ಸಂಖ್ಯೆ 1 ಕೋಟಿ ದಾಟಿದೆ. ಇದು ಕೇವಲ ಕರ್ನಾಟಕದ ಲೆಕ್ಕ.

    ಕಾಂತಾರದ ಪ್ರಮುಖ ಚಿತ್ರಮಂದಿರ ವೀರೇಶ್ ಸಿನಿಮಾಸ್‍ನಲ್ಲಿಯೇ 1.30 ಲಕ್ಷಕ್ಕೂ ಹೆಚ್ಚು ಟಿಕೆಟ್ ಸೇಲ್ ಆಗಿವೆಯೆಂದರೆ ಅದು ಕಾಂತಾರ ಪವಾಡ. ತೆಲುಗು ಹಾಗೂ ಹಿಂದಿಯಲ್ಲಿ ದಾಖಲೆಯ ಕಲೆಕ್ಷನ್ ಮಾಡಿದೆ. ತೆಲುಗಿನಲ್ಲಿ 50 ಕೋಟಿಗೂ ಹೆಚ್ಚು ಬಿಸಿನೆಸ್ ಮಾಡಿರುವ ಕಾಂತಾರ ಹಿಂದಿಯಲ್ಲಿ ಆಗಲೇ 70 ಕೋಟಿ ಹತ್ತಿರದಲ್ಲಿದೆ. ಅಧಿಕೃತ ಅಥವಾ ಸೋರ್ಸ್ ಲೆಕ್ಕವೂ ಸಿಗದೇ ಇರುವುದು ತಮಿಳು ಹಾಗೂ ಮಲಯಾಳಂನಲ್ಲಿ ಮಾತ್ರ. ಅಮೆರಿಕದಲ್ಲಿ 2 ಮಿಲಿಯನ್ ಡಾಲರ್ ಕಲೆಕ್ಷನ್ ಮಾಢಿದ ಮೊದಲ ಕನ್ನಡ ಸಿನಿಮಾ. ಹಾಗೆ ನೋಡಿದರೆ ಅತೀ ಹೆಚ್ಚು ಜನ ಚಿತ್ರಮಂದಿರಕ್ಕೆ ಬರುವಂತೆ ಮಾಡಿದ ಕಾಂತಾರದ್ದು ನಿಜವಾದ ಯಶಸ್ಸು.

  • ಕಾಂತಾರ ಚಿತ್ರದ ರೋಮಾಂಚನ

    ಕಾಂತಾರ ಚಿತ್ರದ ರೋಮಾಂಚನ

    ಕಾಂತಾರ. ಪ್ರಕೃತಿ ಮನುಷ್ಯರ ನಡುವಿನ ಹೋರಾಟದ ಕಥೆಯಲ್ಲಿ ಶಿವ ಮತ್ತು ಮುರಳೀಧರರ ಹೋರಾಟದ ಕಥೆ ಇದೆ. ಕಾಡು..ಕರಾವಳಿ..ಪರಶುರಾಮನ ಸೃಷ್ಟಿಸಿದ ಅರಣ್ಯ..ಕಂಬಳ.. ಹೀಗೆ ಕರಾವಳಿಯ ಸೊಗಡಿನ ಕಥೆ ನಿಗೂಢಗಳನ್ನೇ ಹೊತ್ತುಕೊಂಡು ನಿಂತಿದೆ.

    ಹೊಂಬಾಳೆ ಬ್ಯಾನರ್‍ನಲ್ಲಿ ರಕ್ಷಿತ್ ಶೆಟ್ಟಿಗೆ ಮೊದಲ ಸಿನಿಮಾ. ತಮ್ಮ ನಿರ್ದೇಶನದ ಚಿತ್ರದಲ್ಲಿ ತಾವೇ ನಾಯಕರಾಗಿರುವುದೂ ರಿಷಬ್ ಶೆಟ್ಟಿಗೆ ಹೊಸ ಅನುಭವ. ಸಪ್ತಮಿ ಗೌಡ ನಾಯಕಿಯಾಗಿರೋ ಚಿತ್ರದಲ್ಲೊಂದು ಪ್ರೇಮಕಥೆಯೂ ಇದೆ. ಪಾಪ್‍ಕಾರ್ನ್ ಮಂಕಿಟೈಗರ್ ಚಿತ್ರದ ನಂತರ ಪಕ್ಕಾ ಕಾಡು ಹುಡುಗಿಯ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ ಸಪ್ತಮಿಗೌಡ.

    ಇದು ಹೊಸ ಪ್ರಪಂಚ. ಕಂಬಳ, ಆ್ಯಕ್ಷನ್, ಲವ್ ಸ್ಟೋರಿ, ಕಾಡು, ಸಂಚು.. ಎಲ್ಲವೂ ಇರೋ ಕಾಂತಾರಾದಲ್ಲಿ ಅಡ್ವೆಂಚರಸ್ ಕಥೆಯಿದೆ. ಅಚ್ಯುತ್ ಕುಮಾರ್, ಪ್ರಮೋದ್ ಶೆಟ್ಟಿ, ದೀಪಕ್ ರೈ ಮೊದಲಾದವರ ನಟಿಸಿರೋ ಸಿನಿಮಾದಲ್ಲಿ ಕಂಬಳ ಓಡಿಸುವವನಾಗಿ ರಿಷಬ್ ಶೆಟ್ಟಿ ಗಮನ ಸೆಳೆಯುತ್ತಾರೆ. ಆದರೆ ಅವರ ಪಾತ್ರ ಕಂಬಳ ಓಡಿಸೋದಷ್ಟೇ ಅಲ್ಲ ಅನ್ನೋದು ಟ್ರೇಲರ್ ನೋಡಿದಾಗ ಗೊತ್ತಾಗುತ್ತೆ.

  • ಕಾಂತಾರ ದಾಖಲೆಗಳ ಬೇಟೆಗಾರ : 200 ಕೋಟಿ ಕ್ಲಬ್ ಸೇರುತ್ತಾ?

    ಕಾಂತಾರ ದಾಖಲೆಗಳ ಬೇಟೆಗಾರ : 200 ಕೋಟಿ ಕ್ಲಬ್ ಸೇರುತ್ತಾ?

    ಕಾಂತಾರ ಚಿತ್ರದ ಅಬ್ಬರ.. ಆರ್ಭಟ.. ನಿಂತಿಲ್ಲ. ಬಾಕ್ಸಾಫೀಸ್ ಸಂಚಲನ ಗುಳಿಗನ ಆರ್ಭಟದಂತೆಯೇ ಜೋರಾಗಿದೆ. ಪಂಜುರ್ಲಿಯ ದೈವವರೀತಂ.. ಚಿತ್ರದ ಓಟಕ್ಕೆ ಚಿತ್ರರಂಗ ಬೆರಗಾಗಿದೆ. ಚಿತ್ರ ಈಗಾಗಲೇ ಎಲ್ಲ ಭಾಷೆಗಳಲ್ಲೂ 150 ಕೋಟಿ ಕಲೆಕ್ಷನ್ ದಾಟಿ ಮುನ್ನಡೆಯುತ್ತಿದೆ. ಕನ್ನಡದಲ್ಲಿಯೇ 100 ಕೋಟಿಗೂ ಹೆಚ್ಚು ಗಳಿಕೆ ಮಾಡಿರುವುದು ಕಾಂತಾರದ ದಾಖಲೆ.

    ರಿಷಬ್ ಶೆಟ್ಟಿ ನಟಿಸಿ ನಿರ್ದೇಶಿಸಿರುವ ಕಾಂತಾರ ಹಿಂದಿಯಲ್ಲಿ ಭರ್ಜರಿ ಸಕ್ಸಸ್ ಕಂಡಿದ್ದು. ಹಿಂದಿಯಲ್ಲಿ 20 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ. ಮೊದಲ ದಿನಕ್ಕಿಂತ 2ನೇ ದಿನ, 2ನೇ ದಿನಕ್ಕೆ 3ನೇ ದಿನ, 3ನೇ ದಿನಕ್ಕಿಂತ 4ನೇ ದಿನ.. ಹೀಗೆ ಕಲೆಕ್ಷನ್ ಏರುಗತಿಯಲ್ಲೇ ಇದೆ. 8ನೇ ದಿನಕ್ಕೆ 20 ಕೋಟಿ ಕ್ಲಬ್ ಸೇರಿದ್ದು ಹಿಂದಿಯೊಂದರಲ್ಲಿಯೇ 50 ಕೋಟಿ ಗಡಿ ದಾಟುವ ಎಲ್ಲ ಸಾಧ್ಯತೆಗಳೂ ಇವೆ.

    ತೆಲುಗಿನಲ್ಲಿ 25 ಕೋಟಿ ಕಲೆಕ್ಷನ್ ದಾಟಿ ಮುನ್ನಡೆದಿದ್ದರೆ ತಮಿಳಿನಲ್ಲಿ ಹಿಟ್ ಎನಿಸಿಕೊಂಡಿದೆ. ಕಲೆಕ್ಷನ್ ಲೆಕ್ಕ ಸಿಕ್ಕಿಲ್ಲ. ಮಲಯಾಳಂನಲ್ಲಿ ಸೂಪರ್ ಹಿಟ್ ಎನಿಸಿಕೊಳ್ಳುವ ಹಾದಿಯಲ್ಲಿದೆ. ಕನ್ನಡದಲ್ಲಿ 25 ದಿನ ದಾಟಿ ಮುನ್ನಡೆಯುತ್ತಿರುವ ಕಾಂತಾರ ಹೊಂಬಾಳೆಗೆ ಮತ್ತೊಮ್ಮೆ ಯಶಸ್ಸು ತಂದುಕೊಟ್ಟಿದೆ.

  • ಕಾಂತಾರ ಮೆಚ್ಚಿದ ಅರುಂಧತಿ : 2ನೇ ಬಾರಿ ನೋಡಿದ ಪ್ರಭಾಸ್

    ಕಾಂತಾರ ಮೆಚ್ಚಿದ ಅರುಂಧತಿ : 2ನೇ ಬಾರಿ ನೋಡಿದ ಪ್ರಭಾಸ್

    ಕಾಂತಾರ ಚಿತ್ರವನ್ನು ಕರಾವಳಿ ಸಂಸ್ಕøತಿ ಗೊತ್ತಿಲ್ಲದವರೂ ನೋಡಿ ಮೆಚ್ಚಿ ಹಾಡಿ ಹೊಗಳುತ್ತಿದ್ದಾರೆ. ಅಂತಹುದರಲ್ಲಿ ಕರಾವಳಿಯವರೇ ಆದ ಕನ್ನಡದ ಹುಡುಗಿ ತೆಲುಗು ಲೇಡಿ ಸೂಪರ್ ಸ್ಟಾರ್ ಅನುಷ್ಕಾ ಶೆಟ್ಟಿಯವರೂ ಮೆಚ್ಚಿರೋದ್ರಲ್ಲಿ ಸಂಶಯವಿಲ್ಲ. ಅನುಷ್ಕಾ ಶೆಟ್ಟಿ ತೆಲುಗಿನಲ್ಲಿ ಅರುಂಧತಿ, ಬಾಹುಬಲಿ, ರುದ್ರಮದೇವಿಯಂತ ಸಿನಿಮಾಗಳ ಮೂಲಕ ತೆಲುಗರ ಹೃದಯದಲ್ಲಿ ನೆಲೆ ನಿಂತಿದ್ದಾರೆ. ಪ್ರತಿ ವರ್ಷ ತಮ್ಮ ಊರಿಗೆ ಬಂದು ದೈವಾರಾಧನೆ ಮಾಡುವುದನ್ನು ತಪ್ಪಿಸುವುದೇ ಇಲ್ಲ. ಏಕೆಂದರೆ ಅದು ಅವರ ನಂಬಿಕೆ. ಈಗ ತೆಲುಗಿನಲ್ಲಿ ರಿಲೀಸ್ ಆದ ಸಿನಿಮಾವನ್ನು ಅನುಷ್ಕಾ ಶೆಟ್ಟಿ ನೋಡಿ ಮೆಚ್ಚಿಕೊಂಡಿದ್ದಾರೆ.

    ಕಾಂತಾರ ನೋಡಿದ ಬಳಿಕ ಪೋಸ್ಟ್ ಹಾಕಿರುವ ನಟಿ ಅನುಷ್ಕಾ ಶೆಟ್ಟಿ, ಕಾಂತಾರ ಸಿನಿಮಾ ವೀಕ್ಷಿಸಿದೆ. ನನಗೆ ಈ ಸಿನಿಮಾ ತುಂಬಾ ತುಂಬಾ ಇಷ್ಟವಾಯಿತು. ಈ ಸಿನಿಮಾದ ಪ್ರತಿಯೊಬ್ಬ ಕಲಾವಿದರು, ನಿರ್ಮಾಪಕರು, ತಂತ್ರಜ್ಞರಿಗೆ ಅಭಿನಂದನೆಗಳು. `ಕಾಂತಾರ’ ಇಡೀ ತಂಡ ಅದ್ಭುತವಾಗಿದೆ. ನಮಗೆ ಈ ಅದ್ಭುತ ಅನುಭವ ನೀಡಿದ್ದಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು. ರಿಷಬ್ ಶೆಟ್ಟಿ ನೀವು ಅದ್ಭುತ. ದಯವಿಟ್ಟು ಥಿಯೇಟರ್ನಲ್ಲಿ ಈ ಚಿತ್ರವನ್ನು ನೋಡಿ ಎಂದು ಅನುಷ್ಕಾ ಶೆಟ್ಟಿ ಹೇಳಿದ್ದಾರೆ.

    ಕಾಂತಾರ ನೋಡಿ ಮೆಚ್ಚಿದ ಬೇರೆ ಚಿತ್ರರಂಗದವರಲ್ಲಿ ಅನುಷ್ಕಾ ಶೆಟ್ಟಿ ಮೊದಲಿಗರೇನಲ್ಲ. ತೆಲುಗಿನಲ್ಲೇ ನಾನಿ ಫಿಲ್ಮ್‍ಫೇರ್ ಅವಾರ್ಡ್ ಸಮಾರಂಭದಲ್ಲಿಯೇ ಹಾಡಿ ಹೊಗಳಿದ್ದರು. ಇನ್ನು ಪ್ರಭಾಸ್ ಕನ್ನಡದಲ್ಲಿಯೇ ನೋಡಿ ಚಿತ್ರ ರಿಲೀಸ್ ಆದ ದಿನವೇ ಚಿತ್ರದ ಬಗ್ಗೆ ಪೋಸ್ಟ್ ಹಾಕಿದ್ದರು. ಇದಾದ ಮೇಲೆ ತೆಲುಗಿನಲ್ಲಿ ಬಂದ ಮೇಲೆ ಮತ್ತೊಮ್ಮೆ ಕಾಂತಾರ ನೋಡಿ ತೆಲುಗಿನಲ್ಲಿ ಇನ್ನೂ ಚೆನ್ನಾಗಿ ಅರ್ಥವಾಗುತ್ತದೆ. ಸಖತ್ತಾಗಿದೆ ಎಂದಿದ್ದಾರೆ.

    ನಮ್ಮ ಪ್ರಶಾಂತ್ ನೀಲ್ ಕೂಡಾ ತಮ್ಮ ಕೆಜಿಎಫ್‍ಗಿಂತ ಇದು ನನ್ನ ಆಲ್‍ಟೈಂ ಫೇವರಿಟ್ ಸಿನಿಮಾಗಳ ಲಿಸ್ಟಿಗೆ ಹೊಸ ಸೇರ್ಪಡೆ ಎಂದಿದ್ದಾರೆ.

    ತೆಲುಗಿನ ಮತ್ತೊಬ್ಬ ಸ್ಟಾರ್ ನಟ ವಿಷ್ಣು ಮಂಚು ಚಿತ್ರವನ್ನು ಬೆಂಗಳೂರಿಗೇ ಬಂದು ನೋಡಿದ್ದಾರೆ. ಮೆಚ್ಚಿಕೊಂಡಿದ್ದಾರೆ. ಹಿಂದಿ, ತೆಲುಗು, ತಮಿಳಿನಲ್ಲೂ ಆರ್ಭಟ ಮುಂದವರೆಸಿರುವ ಕಾಂತಾರ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ. ಹೊಸ ಇತಿಹಾಸ ಬರೆಯುತ್ತಿದೆ.

  • ಕಾಂತಾರ ಮೆಚ್ಚಿದ ಆದ್ಯಾತ್ಮ ಗುರು

    ravishankar gururi image

    ಕಾಂತಾರ ಚಿತ್ರವನ್ನು ಧರ್ಮಸ್ಥಳ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ ನೋಡಿ ಮೆಚ್ಚಿಕೊಂಡಿದ್ದರು. ಅಷ್ಟೇ ಅಲ್ಲ, ಅವರು ನೋಡಿದ ಸಮಯದಲ್ಲಿ ಅಹಿಂಸಾ ಚೇತನ್ ಎತ್ತಿದ್ದ ವಿವಾದಗಳಿಗೂ ಉತ್ತರ ಕೊಟ್ಟಿದ್ದರು ವೀರೇಂದ್ರ ಹೆಗ್ಗಡೆ. ಪ್ರಶ್ನೆಗಳೆಲ್ಲ ಅಪ್ರಸ್ತುತ ಎಂಬಂತಾಗಿ ಹೋಗಿದ್ದವು. ಕಾಂತಾರ ಚಿತ್ರದ ಆರಂಭಕ್ಕೆ ಒಪ್ಪಿಗೆ ಸಿಕ್ಕಿದ್ದೇ ಧರ್ಮಸ್ಥಳದಲ್ಲಿ. ಹೀಗಾಗಿಯೇ ಚಿತ್ರವನ್ನು ವೀರೇಂದ್ರ ಹೆಗ್ಗಡೆ ನೋಡಿದ್ದನ್ನು ಕಾಂತಾರ ತಂಡ ಸಂಭ್ರಮಿಸಿತ್ತು. ಈಗ ಮತ್ತೊಬ್ಬ ಆದ್ಯಾತ್ಮ ಗುರು ಚಿತ್ರವನ್ನು ನೋಡಿದ್ದಾರೆ.

    ಆರ್ಟ್ ಆಫ್ ಲಿವಿಂಗ್‍ನ ಶ್ರೀಶ್ರೀಶ್ರೀ ರವಿಶಂಕರ್ ಗುರು ಕಾಂತಾರ ಚಿತ್ರವನ್ನು ನೋಡಿ ಕೊಂಡಾಡಿದ್ದಾರೆ. ಮಲೆನಾಡಿನ ಸಾಂಸ್ಕøತಿಕ ವೈಭವವನ್ನು ಚಿತ್ರತಂಡ ಎತ್ತಿ ಹಿಡಿದಿದೆ ಎಂದಿದ್ದಾರೆ. ರವಿಶಂಕರ್ ಅವರಿಗೆ ಕಾಂತಾರ ತಂಡ ಧನ್ಯವಾದ ಅರ್ಪಿಸಿದೆ.

    ಕಾಂತಾರ ಕನ್ನಡದಲ್ಲಿ ಕೆಜಿಎಫ್ ಚಾಪ್ಟರ್ 2 ದಾಖಲೆ ಮುರಿಯುವ ಹಾದಿಯಲ್ಲಿದ್ದು ಹಿಂದಿಯಲ್ಲಿ ಆಗಲೇ ಕೆಜಿಎಫ್ ಚಾಪ್ಟರ್ 1 ದಾಖಲೆಯನ್ನು ಮೀರಿ ನಿಂತಿದೆ. ಕೆಜಿಎಪ್ ಚಾಪ್ಟರ್ 1 ಹಿಂದಿಯಲ್ಲಿ 44 ಕೋಟಿ ಗಳಿಸಿತ್ತು. ಈಗ ಹಿಂದಿಯ ಕಾಂತಾರದ ಗಳಿಕೆ 45 ಕೋಟಿ ಮೀರಿ ನಿಂತಿದೆ. ಕನ್ನಡದಲ್ಲಿ ಕರ್ನಾಟಕದಲ್ಲಿ ಕೆಜಿಎಫ್ ಚಾಪ್ಟರ್ 2 ಗಳಿಕೆ 175 ಕೋಟಿಗಳಷ್ಟಿತ್ತು. ಈಗ ಅತ್ಯಂತ ಸಮೀಪಕ್ಕೆ ಬಂದಿದ್ದು ಈ ವಾರಾಂತ್ಯಕ್ಕೆ ಕೆಜಿಎಫ್ ಚಾಪ್ಟರ್ 2 ದಾಖಲೆಯನ್ನೂ ಅಳಿಸಿ ಹಾಕುವ ಹಾದಿಯಲ್ಲಿದೆ.