` duniya vijay, - chitraloka.com | Kannada Movie News, Reviews | Image

duniya vijay,

  • ದುನಿಯಾ ವಿಜಯ್ ತೆಲುಗಿನಲ್ಲಿ ವಿಲನ್ ಆಗ್ತಾರಾ..?

    ದುನಿಯಾ ವಿಜಯ್ ತೆಲುಗಿನಲ್ಲಿ ವಿಲನ್ ಆಗ್ತಾರಾ..?

    ದುನಿಯಾ ವಿಜಯ್. ಈಗ ಕನ್ನಡ ಚಿತ್ರರಂಗದ ಸ್ಟಾರ್ ನಟರಲ್ಲಿ ಒಬ್ಬರು. ಈಗಷ್ಟೇ ಸಲಗ ಚಿತ್ರವನ್ನು ನಿರ್ದೇಶನ ಮಾಡಿ, ಡೈರೆಕ್ಟರ್ ಆಗಿಯೂ ಗೆದ್ದು ತೋರಿಸಿದ್ದಾರೆ. ಆದರೆ ಅವರೀಗ ತೆಲುಗು ಚಿತ್ರರಂಗಕ್ಕೆ ವಿಲನ್ ಆಗಿ ಹೋಗುತ್ತಿದ್ದಾರೆ ಅನ್ನೋ ಸುದ್ದಿ ಇದೆ.

    ತೆಲುಗಿನಲ್ಲಿ ಬಾಲಕೃಷ್ಣ ಹೀರೋ ಆಗಿ ನಟಿಸುತ್ತಿರೋ ಹೊಸ ಚಿತ್ರಕ್ಕೆ ವಿಜಯ್ ವಿಲನ್ ಆಗುತ್ತಿದ್ದಾರಂತೆ. ಕನ್ನಡದ ಹೀರೋಗಳು ತೆಲುಗು, ತಮಿಳಿನಲ್ಲಿ ವಿಲನ್ ಆಗುವುದು ಹೊಸದೇನಲ್ಲ. ಈ ಹಿಂದೆ ಪ್ರಭಾಕರ್, ದೇವರಾಜ್, ಚರಣ್‍ರಾಜ್ ಮೊದಲಾದವರು ತೆಲುಗಿನಲ್ಲಿ ವಿಲನ್ ಆಗಿಯೇ ಫೇಮಸ್ ಆಗಿದ್ದರು. ಇತ್ತೀಚೆಗೆ ಉಪೇಂದ್ರ, ಡಾಲಿ ಧನಂಜಯ್, ವಸಿಷ್ಠ ಸಿಂಹ ಕೂಡಾ ಬೇರೆ ಭಾಷೆಗಳಲ್ಲಿ ವಿಲನ್ ಆಗಿ ಗೆದ್ದಿದ್ದಾರೆ. ಈಗ ವಿಜಯ್ ಸರದಿ.

    ದಶಕದ ಹಿಂದೆ ವಿಜಯ್ ಅವರೊಬ್ಬ ಸ್ಟಂಟ್ ಮ್ಯಾನ್. ಸಣ್ಣ ಪುಟ್ಟ ಪಾತ್ರಗಳಲ್ಲಿಯೇ ತೃಪ್ತಿ ಪಟ್ಟುಕೊಳ್ಳುತ್ತಿದ್ದ, ದೊಡ್ಡ ನಟನಾಗುವ ಕನಸು ಕಾಣುತ್ತಿದ್ದ ಯುವಕ. ದುನಿಯಾ ಅನ್ನೋ ಸಿನಿಮಾ ಅವರ ಚರಿಷ್ಮಾವನ್ನೇ ಬದಲಿಸಿತು. ಹೀರೋ ಆದರು. ನಿರ್ಮಾಪಕರಾಗಿ ಗೆದ್ದರು. ಈಗ ನಿರ್ದೇಶಕರಾಗಿಯೂ ಗೆದ್ದಿದ್ದಾರೆ. ಮತ್ತೆ ತೆಲುಗಿನಲ್ಲಿ ವಿಲನ್ ಆಗ್ತಾರಾ..? ಅವರೇ ಕನ್‍ಫರ್ಮ್ ಮಾಡಬೇಕು. 

  • ದುನಿಯಾ ವಿಜಿ ಈಗ ಸಲಗ

    duniya vijay's new movie is salaga

    ನಿರ್ಮಾಪಕರು ಅವರೇ.. ದುನಿಯಾ ವಿಜಯ್. ನಿರ್ದೇಶಕರು ಅವರೇ.. ರಾಘು ಶಿವಮೊಗ್ಗ. ಸಿನಿಮಾ.. ಕುಸ್ತಿ ಅಲ್ಲ.. ಸಲಗ. ದುನಿಯಾ ವಿಜಯ್ ಈಗ ಸಲಗನಾಗುತ್ತಿದ್ದಾರೆ.

    ಚೂರಿಕಟ್ಟೆ ಚಿತ್ರದ ಮೂಲಕ ಗಮನ ಸೆಳೆದ ರಾಘು ಶಿವಮೊಗ್ಗ ಅವರೇ, ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ. ಫೆಬ್ರವರಿಯಲ್ಲಿ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ. 

    ಕನ್ನಡದಲ್ಲಿ ಸಲಗ ಎಂದರೆ ತಕ್ಷಣ ನೆನಪಾಗುವುದು ಅಂಬರೀಷ್ ಅಭಿನಯದ ಒಂಟಿ ಸಲಗ ಸಿನಿಮಾ. ಈಗ ದುನಿಯಾ ವಿಜಯ್ ಸಲಗ ಹೆಸರಲ್ಲಿ ಬರುತ್ತಿದ್ದಾರೆ.

     

  • ದುನಿಯಾ ವಿಜಿ ಜಾನಿಗೆ ಅಪ್ಪು ಹಾಡು..

    puneeth sings for johnny johnny yes papa movie

    ಅಂಜೋದಿಲ್ಲ.. ಗಿಂಜೋದಿಲ್ಲ.. ಮುಖಾಮುಖಿ ಮುಕಾಬಲ್ಲ.. ಅಡ್ರೆಸ್ ಇಲ್ಲ.. ಫೇಸ್‍ಬುಕ್ ಇಲ್ಲ.. ನನ್ನಷ್ಟು ಫೇಮಸ್ ಯಾರೂ ಇಲ್ಲ.. ಈ ಹಾಡು ಹಾಡಿರೋದು ಪವರ್‍ಸ್ಟಾರ್. ಸಿನಿಮಾ.. ಜಾನಿ ಜಾನಿ ಯೆಸ್ ಪಪ್ಪಾ. 

    ಪುನೀತ್ ರಾಜ್‍ಕುಮಾರ್, ಗಾಯಕರೂ ಹೌದು. ಹಲವು ಚಿತ್ರಗಳಿಗೆ ಹಾಡು ಹಾಡಿರುವ ಪುನೀತ್ ರಾಜ್‍ಕುಮಾರ್, ಈಗ ಇದೇ ಮೊದಲ ಬಾರಿಗೆ ದುನಿಯಾ ವಿಜಯ್ ಚಿತ್ರಕ್ಕೆ ಹಾಡು ಹಾಡಿದ್ದಾರೆ.

    ಪುನೀತ್ ಹಾಡಿರೋದು ಚಿತ್ರದ ಟೈಟಲ್ ಸಾಂಗ್. ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶನದ ಹಾಡಿಗೆ ದುನಿಯಾ ವಿಜಿ ಹೆಜ್ಜೆ ಹಾಕಿದ್ದಾರೆ. ಪ್ರೀತಮ್ ಗುಬ್ಬಿ ನಿರ್ದೇಶನದ ಚಿತ್ರದಲ್ಲಿ ರಚಿತಾ ರಾಮ್ ಹೊಸ ಪದ್ಮಾವತಿಯಾಗಿ ಕಾಣಿಸಿಕೊಂಡಿದ್ದು, ಗ್ಲಾಮರ್ ಲುಕ್‍ನಲ್ಲಿ ಕಂಗೊಳಿಸಿದ್ದಾರೆ.

  • ದುನಿಯಾ ವಿಜಿ ಪುತ್ರನ ಸಖತ್ ಎಂಟ್ರಿ

    samrat vijay's first look in kusthi

    ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ದುನಿಯಾ ವಿಜಯ್ ಅವರಿಗೆ ಈ ವರ್ಷದ ಹುಟ್ಟುಹಬ್ಬ ಸಿಕ್ಕಾಪಟ್ಟೆ ಸ್ಪೆಷಲ್. ದುನಿಯಾ ವಿಜಯ್ ಪುತ್ರ ಸಾಮ್ರಾಟ್ ಸಿನಿಮಾ ಎಂಟ್ರಿಯ ಲುಕ್ ಹೊರಬಿದ್ದಿದೆ. ದುನಿಯಾ ವಿಜಯ್ ಅಭಿನಯದ ಕುಸ್ತಿ ಚಿತ್ರದಲ್ಲಿ ವಿಜಿ ಪುತ್ರ ಸಾಮ್ರಾಟ್ ಕೂಡಾ ನಟಸುತ್ತಿದ್ದಾನೆ.

    ದುನಿಯಾ ವಿಜಯ್ ಪೈಲ್ವಾನ್ ಪಾತ್ರದಲ್ಲಿದ್ದರೆ, ಚಿಕ್ಕ ಹುಡುಗನಾಗಿದ್ದಾಗಿನ ಅಪ್ಪನ ಪಾತ್ರವನ್ನು ಮಗ ಸಾಮ್ರಾಟ್ ವಿಜಯ್ ಮಾಡಲಿದ್ದಾರೆ. ಮೈತುಂಬಾ ಅಖಾಡದ ಮಣ್ಣು ಮೆತ್ತಿಕೊಂಡಿರುವ, ಕುಸ್ತಿಪಟುವಿನ ಗೆಟಪ್‍ನಲ್ಲಿರುವ ಸಾಮ್ರಾಟ್, ಅಪ್ಪನನ್ನೂ ಮೀರಿಸುವಂತೆ ಮೈಕಟ್ಟು ತೋರಿಸುತ್ತಿದ್ದಾನೆ. ಇನ್ನೂ ಚಿಕ್ಕ ಹುಡುಗ. ಮುಂದಿನ ದಿನಗಳಲ್ಲಿ ದೊಡ್ಡ ಯಶಸ್ಸು ಸಾಧಿಸುವ ಸೂಚನೆಯಂತೂ ಇದೆ.

    Related Articles :-

    ಮರಿ ಪೈಲ್ವಾನ್ ಆಗಿ ಬರ್ತಾನೆ ಜ್ಯೂ.ದುನಿಯಾ ವಿಜಿ

  • ದುನಿಯಾ ವಿಜಿ ಸಲಗಕ್ಕೆ ಟಗರು ಪವರ್

    shivanna supports duniya viji's salaga

    ದುನಿಯಾ ವಿಜಿ ನಿರ್ದೇಶನದ ಮೊದಲ ಸಿನಿಮಾ ಸಲಗ. ಕೆ.ಪಿ.ಶ್ರೀಕಾಂತ್ ನಿರ್ಮಾಣದ ಚಿತ್ರದಲ್ಲಿ ಹೆಚ್ಚೂ ಕಡಿಮೆ ಟಗರು ಟೀಂ ಕೆಲಸ ಮಾಡುತ್ತಿದೆ. ಡಾಲಿ ಧನಂಜಯ್, ಸಂಜನಾ ಆನಂದ್ ನಟಿಸಿರುವ ಚಿತ್ರಕ್ಕೆ ಚರಣ್ ರಾಜ್ ಸಂಗೀತವಿದೆ. ಈಗ ಈ ಚಿತ್ರಕ್ಕೆ ಟಗರು ಪವರ್ ಸಿಕ್ಕಿದೆ.

    ಜನವರಿ 5ರಂದು ಸಲಗ ಆಡಿಯೋ ರಿಲೀಸ್ ಇದ್ದು, ಆಡಿಯೋ ಬಿಡುಗಡೆ ಮಾಡುವುದು ಶಿವರಾಜ್ ಕುಮಾರ್. ಅವರೇ ಮುಖ್ಯ ಅತಿಥಿ. ವಿಜಿ ಚಿತ್ರ ರಿಲೀಸ್ ಆಗದೇ 2 ವರ್ಷಗಳಾಗಿವೆ. ಹೀಗಾಗಿ ಸಲಗದ ಮೇಲೆ ಭಾರಿ ನಿರೀಕ್ಷೆಯಿದೆ.

  • ದುನಿಯಾ ವಿಜಿಗೆ ಕಿಚ್ಚನ ಹಾರೈಕೆ

    sudeep congragulates duniya vijay

    ನಟ ದುನಿಯಾ ವಿಜಯ್, ನಿರ್ದೇಶಕರಾಗಲು ಹೊರಟಿರುವುದನ್ನು ನಟ ಸುದೀಪ್ ಸ್ವಾಗತಿಸಿದ್ದಾರೆ. ಸುದೀಪ್ ಅಭಿನಯದ ರಂಗ ಎಸ್‍ಎಸ್‍ಎಲ್‍ಸಿ ಚಿತ್ರದಲ್ಲಿ ದುನಿಯಾ ವಿಜಿ, ವಿಲನ್ ಆಗಿ ನಟಿಸಿದ್ದವರು. ಅದಾದ ಮೇಲೆ ವಿಜಿ, ಹೀರೋ ಆಗಿ, ಸ್ಟಾರ್ ಆದರು. ಈಗ ಡೈರೆಕ್ಟರ್ ಆಗುತ್ತಿದ್ದಾರೆ.

    ವಿಜಿ ನಿರ್ದೇಶಕರಾಗುತ್ತಿರುವುದನ್ನು ಚಿತ್ರಲೋಕ ವೆಬ್‍ಸೈಟ್‍ನಲ್ಲಿ ನೋಡಿ ತಿಳಿದ ಸುದೀಪ್, ಅದನ್ನೇ ರೀ ಟ್ವೀಟ್ ಮಾಡಿದ್ದಾರೆ. ಶುಭ ಹಾರೈಸುವುದರ ಜೊತೆಗೆ, ನಮ್ಮನ್ನು ನಾವೇ ಹುಡುಕಿಕೊಳ್ಳುವ ಈ ಸಾಹಸ ನಿಜಕ್ಕೂ ಬೇರೆಯದೇ ಅನುಭವ. ನಿರ್ದೇಶಕರಾಗಲು ಹೊರಟಿರುವ ದುನಿಯಾ ವಿಜಯ್‍ಗೆ ಶುಭವಾಗಲಿ. ನಿಮ್ಮ ಪ್ರತಿ ಹೆಜ್ಜೆಯನ್ನೂ ಆನಂದಿಸಿ ಎಂದು ಶುಭ ಕೋರಿದ್ದಾರೆ ಸುದೀಪ್.

  • ದುನಿಯಾ ವಿಜಿಯ ಸಲಗದಲ್ಲಿ ಹೊಸಬರ ಕಾರುಬಾರು

    duniya vijay gives chance to new comers

    ಸಲಗ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿರುವ ಸಂಜನಾ ಆನಂದ್ ಹೊಸ ಪ್ರತಿಭೆಯೇನೂ ಅಲ್ಲ. ಆದರೆ, ಚಿತ್ರರಂಗದಲ್ಲಿ ಈಗಷ್ಟೇ ಬೆಳೆಯುತ್ತಿರುವ ಕಲಾವಿದೆ. ಹಾಗೆ ನೋಡಿದ್ರೆ ನಿರ್ದೇಶಕರಾಗಿ ಸ್ವತಃ ದುನಿಯಾ ವಿಜಯ್ ಹೊಸಬರೇ. ಸ್ಟಂಟ್ ಕಲಾವಿದನಾಗಿ ಚಿತ್ರರಂಗಕ್ಕೆ ಬಂದು, ಸಣ್ಣ ಪುಟ್ಟ ಸೈಡ್ ರೋಲುಗಳಲ್ಲಿ ನಟಿಸುತ್ತಾ  ಹೀರೋ ಆಗಿ ಬೆಳೆದಿರುವ ವಿಜಿಗೆ ತಮ್ಮ ಆರಂಭದ ದಿನಗಳ ಪಡಿಪಾಟಲುಗಳ ಕಾರಣವೋ ಏನೋ.. ಹೊಸಬರ ಮೇಲೆ ಪ್ರೀತಿ ಜಾಸ್ತಿ. ಅದು ಸಲಗ ಚಿತ್ರದಲ್ಲಿ ಎದ್ದು ಕಾಣುತ್ತಿದೆ.

    ಈ ಚಿತ್ರದಲ್ಲಿ ಸಿದ್ದಿ ಜನಾಂಗದ ಗೀತಾ ಸಿದ್ದಿ, ಮಾಲಾ ಸಿದ್ದಿ ಎಂಬ ರಂಗಕಲಾವಿದರು ಧ್ವನಿ ಕೊಟ್ಟಿದ್ದಾರಂತೆ. ಕೆಂಡ, ಭಲೇ ಭಾಸ್ಕರ್, ಚೊತ್ತೆ, ಚಿನ್ನು ಎಂಬ ಪಾತ್ರಗಳಲ್ಲಿ ನಟಿಸಿರುವುದೆಲ್ಲ ಹೊಸ ಕಲಾವಿದರು. ಪುನೀತ್, ಇಂದ್ರಕುಮಾರ್, ಚನ್ನಕೇಶವ, ಉಷಾ ರವಿಶಂಕರ್, ಶ್ರೀಧರ್, ವಿಲಾಸ್ ನಾಯಕ್, ಲೋಕಲ್ ಆರ್ಕೆಸ್ಟ್ರಾದಲ್ಲಿ ಹಾಡುವ ಒಬ್ಬ ಸಿಂಗರ್ ಸೇರಿದಂತೆ ಬಹುತೇಕರು ಹೊಸಬರಿದ್ದಾರೆ.

    ಹೊಸಬರಿಗೆ ಹಸಿವು ಜಾಸ್ತಿ. ಅಭಿನಯದಲ್ಲಿ ಫ್ರೆಶ್‍ನೆಸ್ ಇರುತ್ತೆ. ಜೊತೆಗೆ ಸೀನಿಯರ್ ಕಲಾವಿದರನ್ನು ಹಾಕಿಕೊಂಡರೆ ಅವರನ್ನು ನೋಡಿಯೇ ಇಡೀ ಪಾತ್ರ ಹೀಗೆಯೇ ಇರುತ್ತೆ ಎಂದು ನಿರ್ಧರಿಸುವಷ್ಟು ಪ್ರೇಕ್ಷಕರು ಅಪ್‍ಡೇಟ್ ಇದ್ದಾರೆ. ಜೊತೆಗೆ ನಾನೂ ಹೊಸಬನಾಗಿಯೇ ಚಿತ್ರರಂಗಕ್ಕೆ ಬಂದವನು. ಈಗ ಹೊಸದಾಗಿ ಡೈರೆಕ್ಟರ್ ಆಗುತ್ತಿದ್ದೇನೆ. ಒಂದಷ್ಟು ಹೊಸಬರಿಗೆ ಚಾನ್ಸ್ ಕೊಡೋಣ ಎಂದುಕೊಂಡೆ, ಕೊಟ್ಟೆ. ಇದು ಹೀರೋ ಕಂ ಡೈರೆಕ್ಟರ್ ದುನಿಯಾ ವಿಜಯ್ ಮಾತು. ಕೆ.ಪಿ.ಶ್ರೀಕಾಂತ್ ಟಗರು ನಂತರ ನಿರ್ಮಿಸುತ್ತಿರುವ ಚಿತ್ರವಿದು. ಕೊರೋನಾ ಕಾಟ ಇಲ್ಲದಿದ್ದರೆ ಇಷ್ಟೊತ್ತಿಗೆ ಥಿಯೇಟರುಗಳಲ್ಲಿರುತ್ತಿತ್ತು. ಈಗ ಮುಂದಕ್ಕೆ ಹೋಗಿದೆ.

  • ನಟ ದುನಿಯಾ ವಿಜಯ್ ಬಂಧನ, ಬಿಡುಗಡೆ

    duniya vijay arrested

    ಮಾಸ್ತಿಗುಡಿ ಚಿತ್ರದ ನಿರ್ಮಾಪಕ ಸುಂದರ್ ಗೌಡ ಅವರ ಬಂಧನಕ್ಕೆ ಬಂದಿದ್ದ ಪೊಲೀಸರಿಗೆ ನಟ ದುನಿಯಾ ವಿಜಯ್ ಅಡ್ಡಿ ಪಡಿಸಿದ್ದರು. ಪೊಲೀಸರ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪದ ಮೇಲೆ ದುನಿಯಾ ವಿಜಯ್ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಅರೆಸ್ಟ್ ವಾರೆಂಟ್ ಹಿಡಿದು ಹೋದ ಪೊಲೀಸರಿಗೆ ದುನಿಯಾ ವಿಜಯ್ ಸಿಕ್ಕಿದ್ದು ತಮಿಳುನಾಡಿನ ರೆಸಾರ್ಟ್‍ವೊಂದರಲ್ಲಿ. 

    ಇತ್ತು ಎಫ್‍ಐಆರ್ ದಾಖಲಾಗುತ್ತಿದ್ದಂತೆ, ನಟ ದುನಿಯಾ ವಿಜಯ್ ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಹಾಕಿದ್ದರು. ಅತ್ತ ಬಂಧನವಾದ ಕೆಲವೇ ಗಂಟೆಗಳಲ್ಲಿ ಕೋರ್ಟ್‍ನಲ್ಲಿ ನಿರೀಕ್ಷಣಾ ಜಾಮೀನು ಸಿಕ್ಕಿತು.

    ಬಿಡುಗಡೆಯಾಗಿರುವ ದುನಿಯಾ ವಿಜಯ್, ದೇಶದಲ್ಲಿ ಕಾನೂನಿಗಿಂತ ಯಾರೂ ದೊಡ್ಡವರಲ್ಲ, ಪೊಲೀಸರು ಪೊಲೀಸರ ಕರ್ತವ್ಯ ಮಾಡಿದ್ದಾರೆ. ತಿಳಿಯದೇ ಅಚಾತುರ್ಯ ನಡೆದು ಹೋಗಿದೆ. ಕಾನೂನಿಗೆ ಎಲ್ಲರೂ ಗೌರವ ಕೊಡಬೇಕು ಎಂದಿದ್ದಾರೆ

  • ನವೆಂಬರ್ 1ಕ್ಕೆ ಕನಕ ವಿಶೇಷ ಟ್ರೇಲರ್

    kanaka special trailer for rajyotsava

    ಕನಕ. ದುನಿಯಾ ವಿಜಿ ಹಾಗೂ ಹರಿಪ್ರಿಯಾ ನಟಿಸಿರುವ ಸಿನಿಮಾ. ದುನಿಯಾ ವಿಜಿ ಆಟೋ ಡ್ರೈವರ್ ಆಗಿ, ರಾಜ್ ಅಭಿಮಾನಿಯಾಗಿ ಕಾಣಿಸಿಕೊಂಡಿರುವ ಸಿನಿಮಾ ಸೆಟ್ಟೇರಿದ ದಿನದಿಂದ ಕುತೂಹಲ ಹುಟ್ಟಿಸಿದೆ. ಭಾರಿ ನಿರೀಕ್ಷೆ ಮೂಡಿಸಿದೆ. ಏಕೆಂದರೆ, ಚಿತ್ರದ ನಿರ್ದೇಶಕ ಆರ್.ಚಂದ್ರು.

    ತಾಜ್‍ಮಹಲ್, ಚಾರ್‍ಮಿನಾರ್, ಮೈಲಾರಿ, ಬ್ರಹ್ಮ, ಮಳೆ.. ಹೀಗೆ ವಿಭಿನ್ನ ಚಿತ್ರಗಳನ್ನು ಕಮರ್ಷಿಯಲ್ ಚೌಕಟ್ಟಿನಲ್ಲಿ ಕಟ್ಟಿಕೊಟ್ಟ ನಿರ್ದೇಶಕ ಆರ್. ಚಂದ್ರು. ಹೀಗಾಗಿಯೇ ಚಂದ್ರು ಮತ್ತು ದುನಿಯಾ ವಿಜಿ ಜುಗಲ್‍ಬಂದಿ ಭಾರಿ ನಿರೀಕ್ಷೆ ಹುಟ್ಟುಹಾಕಿದೆ.

    ಚಿತ್ರದ ನಾಯಕ ನಟ ರಾಜ್ ಅಭಿಮಾನಿ. ಹೀಗಾಗಿ ಈ ಬಾರಿಯ ರಾಜ್ಯೋತ್ಸವಕ್ಕೆ ವಿಶೇಷವಾಗಿ ಟ್ರೇಲರ್ ಬಿಡುಗಡೆ ಮಾಡಲು ನಿರ್ಧರಿಸಿದೆ. ಅದು ಈ ಬಾರಿಯ ಕನ್ನಡ ಹಬ್ಬಕ್ಕೆ ಕನಕ ಚಿತ್ರತಂಡ ನೀಡುತ್ತಿರುವ ಕಾಣಿಕೆ.

  • ನಿವೇದಿತಾ ಕಂಡಂತೆ.. ಮಂಕಿ ಟೈಗರ್ ಸೂರಿ

    popcorn monkey tiger

    ಅವರು ಮಾಡಿದ ಮೊದಲ ಸಿನಿಮಾ ದುನಿಯಾ. ಅದು ಅವರ ಹೆಸರಿಗೇ ಅಂಟಿಕೊಂಡಿತು. ದುನಿಯಾ ಸೂರಿ ಆಗಿಬಿಟ್ಟರು ಸೂರಿ. ಅದಾದ ಮೇಲೆ ಹಲವು ಹಿಟ್ ಕೊಟ್ಟರೂ, ಅವರಿಗೆ ಹೊಸದೊಂದು ಚಾರ್ಮ್ ಕೊಟ್ಟಿದ್ದು ಟಗರು. ಅದಾದ ಮೇಲೆ ಟಗರು ಸೂರಿ ಆಗಿಬಿಟ್ಟರು. ಈಗ ಮಂಕಿ ಟೈಗರ್ ಜೊತೆ ಬಂದಿದ್ದಾರೆ. ಸೂರಿ ಕನ್ನಡದ ಬೇರೆ ನಿರ್ದೇಶಕರ ಹಾಗಲ್ಲ. ಅವರ ಕೆಲಸವೇ ಡಿಫರೆಂಟ್. ಅದನ್ನು ನಿವೇದಿತಾ ಅವರ ಬಾಯಲ್ಲಿ ಕೇಳಬೇಕು.

    ಪಾಪ್‌ಕಾರ್ನ್ ಮಂಕಿ ಟೈಗರ್‌ ಚಿತ್ರದಲ್ಲಿ ನಟಿಸಿರುವುದಕ್ಕೆ ಹೆಮ್ಮೆಯಿದೆ. ಮೊದಲು ಸೂರಿ ಅವರ ನಿರ್ದೇಶನದ ಶೈಲಿ ಅರ್ಥವಾಗಲು ಅವರಿಗೆ ಸಾಕಷ್ಟು ಸಮಯ ಹಿಡಿಯಿತು. ಅರ್ಥವಾದ ಮೇಲೆ ಗೌರವ ಹೆಚ್ಚಿತು ಎನ್ನುತ್ತಾರೆ ನಿವೇದಿತಾ. ಅವರು ಇಲ್ಲಿ ದೇವಿಕಾ ಎಂಬ ಹೆಸರಿನ ಪಾತ್ರ ಮಾಡಿದ್ದಾರೆ.

    ಮಂಕಿ ಸೀನನ ಬದುಕಿನ ಕಥೆ ಇದು. ಕೆಲವು ಘಟನೆಗಳಿಂದ ದೇವಿಕಾಳ ಬದುಕಿನಲ್ಲಿ ಹೇಗೆಲ್ಲಾ ಪರಿವರ್ತನೆಯಾಗುತ್ತದೆ; ಯಾವ ಹಾದಿಯಲ್ಲಿ ಹೋಗುತ್ತಾಳೆ ಎನ್ನುವುದೇ ಕಥೆ ಎನ್ನುವ ನಿವೇದಿತಾ ಮತ್ತೆ ಮಾತು ಶುರುವಿಟ್ಟುಕೊಳ್ಳೋದು ಸೂರಿ ಬಗ್ಗೆ.

    ಅವರ ಕೆಲಸದ ಶೈಲಿಯೇ ಭಿನ್ನ. ಈ ಕಥೆಯ ಬಗ್ಗೆ ಒಂದು ಸಾವಿರ ಪುಟಗಳನ್ನು ಬರೆದಿರಬಹುದು. ನಾನು ಅವರ ಕಚೇರಿಗೆ ಹೋದಾಗಲೆಲ್ಲಾ ಟೇಬಲ್‌ ಮೇಲೆ ಏನಾದರೂ ಬರೆಯುತ್ತಲೇ ಇರ್ತಾ ಇದ್ರು. ಯಾವುದಕ್ಕೂ ಅಂಟಿಕೊಳ್ಳುತ್ತಿರಲಿಲ್ಲ; ಎಲ್ಲವೂ ಸಿದ್ಧವಾಗಿ ಸೆಟ್ಟಿಗೆ ಬಂದರೂ, ಹೊಸದೇನಾದರೂ ಹೊಳೆದರೆ.. ಇಷ್ಟವಾದರೆ.. ಅದನ್ನು ಇಂಪ್ಲಿಮೆಂಟ್ ಮಾಡೋದು ಸೂರಿ ಸ್ಟೈಲ್. ಅವರೊಬ್ಬ ಚಿತ್ರ ಕಲಾವಿದ. ಅವರ ಮನಸ್ಸಿನಲ್ಲಿ ಒಂದು ಚಿತ್ರವಿರುತ್ತದೆ. ಅದನ್ನು ಕ್ಯಾನ್ವಾಸ್‌ ಮೇಲೆ ತರಲು ಯತ್ನಿಸುತ್ತಾರೆ. ಬರೆಯುತ್ತಾ ಹೋದಂತೆ ಹೊಸ ಬಣ್ಣ, ಛಾಯೆಗಳು ಮೂಡುತ್ತವೆ. ಹೊಸ ಆಲೋಚನೆ ಮೂಡಿದರೆ ಅದಕ್ಕೆ ಪುಷ್ಟಿ ನೀಡುತ್ತಾರೆ. ಹಾಗೆ ರೂಪುಗೊಂಡಿರುವುದೇ ಪಾಪ್‌ಕಾರ್ನ್‌ ಮಂಕಿಟೈಗರ್ ಎನ್ನವುದು ನಿವೇದಿತಾ ಕಂಡ ಸಿನಿಮಾ ಕಥೆ.

    ಎಂದಿನಂತೆ ಈ ಬಾರಿಯೂ ಸೂರಿ ಚೌಕಟ್ಟು ಬ್ರೇಕ್ ಮಾಡಿಕೊಂಡೇ ಸಿನಿಮಾ ಮಾಡಿದ್ದಾರೆ. ತಂಡದ ಎಲ್ಲರನ್ನೂ ಒಟ್ಟುಗೂಡಿಸಿ ಸಿನಿಮಾ ಮಾಡಿದ್ದಾರೆ ಎನ್ನುವ ನಿವೇದಿತಾ, ಧನಂಜಯ್ ಬಗ್ಗೆ ಹೇಳೋದೇ ಬೇರೆ. ನನಗೆ ಒಂದು ದುಃಖದ ಸೀನ್ ಇದ್ದರೆ, ಇಡೀ ದಿನ ದುಃಖದ ಮೂಡಲ್ಲಿಯೇ ಇರ್ತೇನೆ. ಆದರೆ ಧನಂಜಯ್ ಹಾಗಲ್ಲ, ಸೀನ್ಗೆ ತಕ್ಕಂತೆ ಮೂಡ್ ಬದಲಿಸಿಕೊಳ್ತಾರೆ ಎನ್ನುವ ನಿವೇದಿತಾಗೆ ಸಿನಿಮಾ ಮೇಲೆ ತುಂಬಾ ನಿರೀಕ್ಷೆಯಿದೆ.

  • ನೋ ಲಾಜಿಕ್.. ಓನ್ಲಿ ನಗು ಟಾನಿಕ್.. ಜಾನಿ ಮ್ಯಾಜಿಕ್

    johnny johnny is a complete riot

    ಜಾನಿ ಜಾನಿ ಯೆಸ್ ಪಪ್ಪಾ ಚಿತ್ರದ ಸ್ಪೆಷಲ್ ಏನು..? ಕಾಮಿಡಿ. ಕಾಮಿಡಿ ಬಿಟ್ಟರೆ ಬೇರೆ ಏನಿದೆ..? ಕಾಮಿಡಿಯೇ ಎಲ್ಲ... ಇದರಲ್ಲಿ ನಗುವನ್ನು ಬಿಟ್ಟು ಬೇರೇನೂ ಹುಡುಕಬೇಡಿ. ಲಾಜಿಕ್‍ನ್ನು ಕೂಡಾ ಹುಡುಕಬೇಡಿ. ಇದು ದುನಿಯಾ ವಿಜಯ್ ಹೇಳೋ ಮಾತು.

    ಜಾನಿ ಮೇರಾ ನಾಮ್ ಬಂದ 7 ವರ್ಷಗಳ ನಂತರ ಜಾನಿ ಜಾನಿ ಯೆಸ್ ಪಪ್ಪಾ ಬರುತ್ತಿದೆ. ಈ 7 ವರ್ಷಗಳಲ್ಲಿ ಜಾನಿ ಕಂಪ್ಲೀಟ್ ಚೇಂಜ್ ಆಗಿದ್ದಾರೆ. ಅವನದ್ದೇ ಒಂದು ವೆಬ್‍ಸೈಟ್ ಇದೆ. ಫುಲ್ ಇಂಗ್ಲಿಷ್ ಹೊಡಿತಾನೆ. ಸಖತ್ ಸ್ಟೈಲಿಶ್ ಆಗಿದ್ದಾನೆ. ಅಷ್ಟೇ ಅಲ್ಲ, ಅಲ್ಲಿ ರಮ್ಯಾಗೆ ಕಾಳು ಹಾಕಿದ್ದ ಜಾನಿ, ಇಲ್ಲಿ ರಚಿತಾಗೆ ಗಾಳ ಹಾಕ್ತಾನೆ. 

    ಆದರೆ, ಕಾಮಿಡಿಯ ಆಚೆ ಯಾವುದೂ ಹೋಗಲ್ಲ. ಥಿಯೇಟರ್ ಒಳಗೆ ಎಂಟ್ರಿ ಕೊಡುವ ಪ್ರೇಕ್ಷಕ ನಗೋಕೆ ಶುರು ಮಾಡಿದ್ರೆ, ಸಿನಿಮಾ ಮುಗಿಯುವವರೆಗೂ ನಗ್ತಾನೇ ಇರ್ತಾನೆ. ಸ್ಕ್ರಿಪ್ಟ್ ಹಾಗಿದೆ. ಅದರ ಕ್ರೆಡಿಟ್ಟು ಪ್ರೀತಮ್ ಗುಬ್ಬಿದು ಅಂತಾರೆ ವಿಜಯ್.

  • ಪದ್ಮಾವತಿ..ಹೊಸ ಪದ್ಮಾವತಿ.. ಯೆಸ್ ಪಪ್ಪಾ..

    hosa padmavathi craze

    ಇದು ಜಾನಿ ಜಾನಿ ಯೆಸ್ ಪಪ್ಪಾ ಚಿತ್ರದ ಹೊಸ ಹಾಡು. ಹೊಸ ಪದ್ಮಾವತಿಯಾಗಿ ಬಂದಿರೋ ರಚಿತಾ ರಾಮ್, ದುನಿಯಾ ವಿಜಯ್ ಜೋಡಿಯ ಹಾಡಿನ ಟೀಸರ್ ದೊಡ್ಡ ಹವಾ ಎಬ್ಬಿಸಿದೆ. ಊರಿಗೊಬ್ಳೇ ಪದ್ಮಾವತಿ ಹಾಡಿನಿಂದ ರಮ್ಯಾಗೆ ಪದ್ಮಾವತಿ ಇಮೇಜ್ ಕೊಟ್ಟಿದ್ದ ಪ್ರೀತಂ ಗುಬ್ಬಿ ನಿರ್ದೇಶನದ ಸಿನಿಮಾ ಜಾನಿ ಜಾನಿ ಯೆಸ್ ಪಪ್ಪಾ.

    ಚಿತ್ರದ ಹಾಡಿನಲ್ಲಿ ರಚಿತಾ ರಾಮ್, ಇದುವರೆಗೆ ಕಾಣಿಸದೇ ಇರುವಷ್ಟು ಗ್ಲಾಮರಸ್ಸಾಗಿ ಕಾಣಿಸಿಕೊಂಡಿದ್ದಾರೆ. ಹಾಡು ಎಂದಿನಂತೆ ಟಪ್ಪಾಂಗುಚ್ಚಿ. ಅಜನೀಶ್ ಲೋಕನಾಥ್ ಸಂಗೀತದಲ್ಲಿ ಮೂಡಿ ಬಂದಿರುವ ಹಾಡಿಗೆ, ಸಾಹಿತ್ಯ ಕಿರಿಕ್ ಪಾರ್ಟಿ ಖ್ಯಾತಿಯ ಧನಂಜಯ್ ರಂಜನ್ ಅವರದ್ದು.

    Related Articles :-

    'Hosa Padmavathi' First Look Released

    ರಮ್ಯಾ ಪದ್ಮಾವತಿ.. ರಚಿತಾ ಹೊಸ ಪದ್ಮಾವತಿ..

  • ಪೈಲ್ವಾನ್ ಆಗೋಕೆ ಮಗನೊಂದಿಗೆ ವಿಜಿ ಪ್ರಾಕ್ಟೀಸ್

    duniya viji kusthi practice with his son

    ದುನಿಯಾ ವಿಜಿ ಅವರ ಮುಂದಿನ ಸಿನಿಮಾ ಕುಸ್ತಿಯ ಕುರಿತಾದದ್ದು. ಆ ಚಿತ್ರದಲ್ಲಿ ದುನಿಯಾ ವಿಜಿ ಕುಸ್ತಿಪಟುವಾಗಿ ನಟಿಸುತ್ತಿದ್ದಾರೆ, ಬಾಲಕನ ಪಾತ್ರದಲ್ಲಿ ದುನಿಯಾ ವಿಜಯ್ ಅವರ ಪುತ್ರ ಸಾಮ್ರಾಟ್ ನಟಿಸುತ್ತಿದ್ದಾರೆ. ಚಿತ್ರಕ್ಕೆ ತಯಾರಿ ಆರಂಭವಾಗಿದ್ದು, ದುನಿಯಾ ವಿಜಯ್ ಈಗ ಕುಸ್ತಿಯ ಪಟ್ಟುಗಳನ್ನು ಪ್ರಾಕ್ಟೀಸ್ ಮಾಡುತ್ತಿದ್ದಾರೆ. ಕಾರ್ತಿಕ್ ಕಾಟೆ, ಅಪ್ಪಾಸಿ ತೇರದಾಳ ಹಾಗೂ ಬೀರೇಶ್ ಎಂಬ ರಾಷ್ಟ್ರೀಯ ಮಟ್ಟದ ಕುಸ್ತಿಪಟುಗಳು ದುನಿಯಾ ವಿಜಯ್‍ಗೆ ತರಬೇತಿ ಕೊಡುತ್ತಿದ್ದಾರೆ.

    ಬಾಲ್ಯದಿಂದಲೂ ಗರಡಿ ಮನೆಯಲ್ಲಿಯೇ ಬೆಳೆದ ನನಗೆ ಕುಸ್ತಿ ಬಗ್ಗೆ ಸಿನಿಮಾ ಮಾಡಬೇಕು ಎಂಬ ಕನಸಿತ್ತು. ಇದು ಕನ್ನಡದ ಮಣ್ಣಿನ ಸೊಗಡಿನ ಸಿನಿಮಾ ಆಗಲಿದೆ ಎಂಬ ವಿಶ್ವಾಸ ವಿಜಿಯವರದ್ದು. ದುನಿಯಾ ವಿಜಿ ಜೊತೆ ಅವರ ಮಗ ಸಾಮ್ರಾಟ್ ಕೂಡಾ ಪ್ರಾಕ್ಟೀಸ್ ಮಾಡುತ್ತಿರುವುದು ವಿಶೇಷ. ಅಂದಹಾಗೆ ಚಿತ್ರದ ಕಥೆಗಾರ ಸ್ವತಃ ದುನಿಯಾ ವಿಜಯ್.

  • ಭಟ್ರು, ಗಣೇಶ್, ದುನಿಯಾ ವಿಜಿ ಅಪೂರ್ವ ಸಂಗಮ ಯಾವಾಗ..?

    yogaraj bhatt, golden star ganesh & duniya viji combination movie

    ಕನ್ನಡದಲ್ಲಿ ಮಲ್ಟಿಸ್ಟಾರ್​ಗಳ ಚಿತ್ರಗಳ ಪರ್ವ ಮತ್ತೊಮ್ಮೆ ಶುರುವಾಗಿದೆ. ಶಿವಣ್ಣ-ಸುದೀಪ್ ಅಭಿನಯದ ವಿಲನ್ ಚಿತ್ರ ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವಾಗಲೇ ಇನ್ನೊಂದು ಮಲ್ಟಿಸ್ಟಾರ್ ಚಿತ್ರದ ಕನಸು ಚಿಗುರೊಡೆದಿದೆ. ಹೀಗೆ ಒಂದಾಗುವ ಸುಳಿವು ನೀಡಿರುವುದು ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ದುನಿಯಾ ವಿಜಿ.

    ಇಬ್ಬರೂ ಚಿತ್ರರಂಗದಲ್ಲಿ ದಾಖಲೆ ಬರೆದವರೇ. ಮುಂಗಾರು ಮಳೆ ಹಿಟ್ ಆದ ಹೊತ್ತಿನಲ್ಲೇ ದುನಿಯಾ ವಿಜಿ ಟ್ರೆಂಡ್ ಸೆಟ್ ಮಾಡಿತ್ತು. ಎಲ್ಲಕ್ಕೂ ಮಿಗಿಲಾಗಿ ಇಬ್ಬರು ಭಟ್ಟರ ಕ್ಯಾಂಪಿನ ಹುಡುಗರು. 

    ಈಗ ಯೋಗರಾಜ್ ಭಟ್ ನಿರ್ದೇಶನದಲ್ಲಿ ಮುಗುಳುನಗೆ ಚಿತ್ರ ಸಿದ್ಧವಾಗುತ್ತಿರುವಾಗಲೇ, ಹೊಸ ಸುದ್ದಿಯೊಂದು ಭಟ್ಟರ ಕ್ಯಾಂಪಿನಿಂದ ಬಂದಿದೆ. 20 ವರ್ಷಗಳಿಂದ ಗೆಳೆಯರಾಗಿರುವ ಗಣೇಶ್ ಮತ್ತು ದುನಿಯಾ ವಿಜಿ ಒಟ್ಟಿಗೇ ಸಿನಿಮಾ ಮಾಡ್ತಾರಂತೆ. ಐಡಿಯಾ ಬಂದ ತಕ್ಷಣ, ಆ ಚಿತ್ರಕ್ಕೆ ಭಟ್ಟರೇ ನಿರ್ದೇಶನ ಮಾಡಿದರೆ ಚೆಂದ ಅನ್ನೋದೂ ಹೊಳೆದಿದೆ. 

    ಕಥೆ ಏನು..? ಯಾವಾಗ..? ಊಹೂಂ..ಯಾವುದೂ ಗೊತ್ತಿಲ್ಲ. ಸದ್ಯಕ್ಕೆ ಇದು ಐಡಿಯಾ ಅಷ್ಟೆ. ಎಲ್ಲ ಗೊತ್ತಾಗೋಕೆ ಆ ಅಪೂರ್ವ ಸಂಗಮ ಆಗುವವರೆಗೆ ಕಾಯಬೇಕಷ್ಟೆ.

  • ಮಂಗಳೂರು ಮೀನು ಮಾರುಕಟ್ಟೆಯಲ್ಲಿ ಸಲಗ

    salaga team shooting in mangalore

    ದುನಿಯಾ ವಿಜಯ್ ನಿರ್ದೇಶನದ ಚೊಚ್ಚ ಸಿನಿಮಾ ಸಲಗ ಚಿತ್ರತಂಡ ಕರಾವಳಿಯ ಮೀನು ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿದೆ. ಭೂಗತ ಲೋಕದಲ್ಲಿ ಮಂಗಳೂರಿಗೆ ಬೇರೆಯದೇ ಚರಿತ್ರೆ ಇದೆ. ಹೀಗಾಗಿ ವಿಜಿ, ತಮ್ಮ ನಿರ್ದೇಶನದ ಸಲಗ ಚಿತ್ರದಲ್ಲಿ ಮಂಗಳೂರಿನಲ್ಲಿ ಕೂಡಾ ಚಿತ್ರೀಕರಣ ಇಟ್ಟುಕೊಂಡಿದ್ದಾರೆ. ಮಂಗಳೂರಿನ ಮೀನು ಮಾರುಕಟ್ಟೆ ಸೇರಿದಂತೆ ಕರಾವಳಿಯಲ್ಲಿ ಶಾಟ್ಸ್ ತೆಗೆದಿದ್ದಾರೆ.

    ಸಲಗದಲ್ಲಿ ನೀವು ಬೇರೆಯದೇ ಆದ ಭೂಗತ ಜಗತ್ತಿನ ಕಥೆ ನೋಡಲಿದ್ದೀರಿ. ಮಂಗಳೂರಿನ ಲೋಕಲ್ ಕಲಾವಿದರನ್ನೇ ಇಟ್ಟುಕೊಂಡು ಚಿತ್ರೀಕರಣ ಮಾಡಿದ್ದೇವೆ. ಸಾವಿರಾರು ಮಂದಿ ಇರೋ ಮೀನು ಮಾರುಕಟ್ಟೆಯಲ್ಲಿ ಚಿತ್ರೀಕರಣ ಸಲೀಸಾಗಿ ನಡೆಯಿತು. ಕಾರಣ, ಜನರ ಸಪೋರ್ಟು ಎನ್ನುತ್ತಾರೆ ವಿಜಿ.

    ಕೆ.ಪಿ.ಶ್ರೀಕಾಂತ್ ನಿರ್ಮಾಣದ ಚಿತ್ರದಲ್ಲಿ ದುನಿಯಾ ವಿಜಿ ಹೀರೋ ಕಮ್ ಡೈರೆಕ್ಟರ್. ಡಾಲಿ ಧನಂಜಯ್ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದು, ಸಂಜನಾ ಆನಂದ್ ನಾಯಕಿ.

  • ಮತ್ತೆ ಕಡಲೆಕಾಯಿ ಪರಿಷೆ - ಬಸವನದ್ದಲ್ಲ.. ಸಲಗನದ್ದು..!

    kadalekai parashe for salaga climax

    ಕಡಲೆಕಾಯಿ ಪರಿಷೆ ಮತ್ತೆ ಶುರುವಾಗಿದೆ. ಅರೆ.. ಆಗಲೇ ಮುಗಿದು ಹೋಯ್ತಲ್ಲ  ಎಂಬ ಪ್ರಶ್ನೆಯನ್ನು ಸೈಡಿಗೆ ಬಿಸಾಕಿ. ಈಗ ನಡೆಯುತ್ತಿರೋ ಕಡಲೆಕಾಯಿ ಪರಿಷೆ ನಡೆಸುತ್ತಿರುವುದು ಬಸವನಗುಡಿಯ ಬಸವ ಅಲ್ಲ, ಕೆ.ಪಿ.ಶ್ರೀಕಾಂತ್ ಅವರ ಸಲಗ. ಹೌದು, ದುನಿಯಾ ವಿಜಯ್ ಇದೇ ಮೊದಲ ಬಾರಿಗೆ ನಿರ್ದೇಶಕರಾಗಿರುವ ಜೊತೆಗೆ ನಾಯಕರಾಗಿಯೂ ನಟಿಸುತ್ತಿರುವ ಸಲಗ ಚಿತ್ರದ ಕ್ಲೈಮಾಕ್ಸ್ ಶೂಟಿಂಗ್ ಕಡಲೆಕಾಯಿ ಪರಿಷೆಯಲ್ಲಿ ನೆರವೇರಿದೆ.

    ಕಡಲೆಕಾಯಿ ಪರಿಷೆಯಲ್ಲಿ ರಿಯಲೆಸ್ಟಿಕ್ ಆಗಿಯೇ ಫೈಟಿಂಗ್ ಚಿತ್ರೀಕರಿಸಿದ್ದೆವು. ಆದರೂ ಕೆಲವೊಂದು ಸೀನ್ ಬಾಕಿ ಉಳಿದುಬಿಟ್ಟಿದ್ದವು. ಹೀಗಾಗಿ ಕೃತಕವಾಗಿ ಕಡಲೆಕಾಯಿ ಪರಿಷೆ ಸೃಷ್ಟಿಸಿದೆವು. ಪರಿಷೆಗೆ ದೀಪಾಲಂಕಾರ ಮಾಡಿದ್ದವರೇ, ಈ ಸೆಟ್‍ಗೂ ಅಲಂಕಾರ ಮಾಡಿದ್ದಾರೆ. 60ಕ್ಕೂ ಹೆಚ್ಚು ಅಂಗಡಿಗಳನ್ನು ಮತ್ತೆ ಹಾಕಲಾಗಿದೆ ಎಂದು ವಿವರಣೆ ಕೊಟ್ಟಿದ್ದಾರೆ ಶ್ರೀಕಾಂತ್.

    ಟಗರು ನಂತರ ಶ್ರೀಕಾಂತ್ ನಿರ್ಮಿಸುತ್ತಿರುವ ಈ ಚಿತ್ರದಲ್ಲಿ ಸಂಜನಾ ಆನಂದ್ ನಾಯಕಿ. ಡಾಲಿ ಧನಂಜಯ್ ಇನ್ನೊಂದು ಪ್ರಮುಖ ಪಾತ್ರದಲ್ಲಿದ್ದಾರೆ.k

  • ಮತ್ತೆ ಹುರಿಗಟ್ಟುತ್ತಿದೆ ದುನಿಯಾ ವಿಜಿ ಬಾಡಿ

    duniya viji body building

    ದುನಿಯಾ ವಿಜಯ್ ಅಭಿನಯಕ್ಕಷ್ಟೇ ಅಲ್ಲ, ಬಾಡಿ ಬಿಲ್ಡಿಂಗ್​ನಲ್ಲೂ ಎತ್ತಿದ ಕೈ. ಈಗ ದುನಿಯಾ ವಿಜಯ್, ತಮ್ಮ ಹೊಸ ಚಿತ್ರಕ್ಕಾಗಿ ಭರ್ಜರಿ ಕಸರತ್ತು ನಡೆಸುತ್ತಿದ್ದಾರೆ. ಹೊಸ ಚಿತ್ರಕ್ಕಾಗಿ ಫಿಟ್ ಆಗುತ್ತಿರುವ ವಿಜಯ್, ಇದಕ್ಕಾಗಿ 12 ಕೆಜಿ ತೂಕ ಇಳಿಸಿಕೊಂಡಿದ್ಧಾರೆ. ಕಟ್ಟುಮಸ್ತಾದ ದೇಹದಿಂದ ಕರಿಚಿರತೆ ಮಿರಿಮಿರಿ ಮಿಂಚುತ್ತಿದೆ.

    ದುನಿಯಾ ವಿಜಯ್ ತಮ್ಮ ವರ್ಕೌಟ್​ಗೆ ಮಂಜುನಾಥ್ ಎಂಬ ಬಾಡಿಬಿಲ್ಡರ್ ಸಹಾಯ ಪಡೆಯುತ್ತಿದ್ದಾರೆ. ಮಂಜುನಾಥ್. ಇಂಟರ್ ನ್ಯಾಷ್ನಲ್ ಬಾಡಿ ಬಿಲ್ಡರ್ ಕೂಡಾ ಹೌದು. ಅವರ ಟ್ರೈನಿಂಗ್​ನಲ್ಲೇ ದುನಿಯಾ ವಿಜಿ, ದೇಹವನ್ನು ಹುರಿಗೊಳಿಸುತ್ತಿದ್ದಾರೆ. ದುನಿಯಾ ವಿಜಿ ಇಷ್ಟು ಫಿಟ್ & ಫೈನ್ ಆಗ್ತಿರೋದು ತಮ್ಮ ಹೊಸ ಚಿತ್ರ ಜಾನಿ ಜಾನಿ ಎಸ್ ಪಪಾ ಚಿತ್ರಕ್ಕೆ ಪ್ರೀತಂ ಗುಬ್ಬಿ ನಿರ್ದೇಶನದ ಈ ಚಿತ್ರದಲ್ಲಿ ದುನಿಯಾ ವಿಜಯ್ ಅವರ ಹುರಿಗಟ್ಟಿದ ದೇಹವನ್ನು ನೋಡಬಹುದು.

    Related Articles :-

    Duniya Vijay And Preetham Gubbi Back With Johnny Johnny Yes Papa

    Shraddha Srinath For Johnny Johnny Yes Papa

    Rachita Ram For Johnny Johnny Yes Papa

  • ಮಧ್ಯರಾತ್ರಿ ರಿಲೀಸ್ ಆಗಲಿದೆ ಸಲಗ ಟೀಸರ್

    salaga second teaser on jan 19th mid night

    ದುನಿಯಾ ವಿಜಯ್ ಇದೇ ಮೊದಲ ಬಾರಿಗೆ ನಿರ್ದೇಶಿಸಿರುವ ಚಿತ್ರ ಸಲಗ. ಟಗರು ನಂತರ ಕೆ.ಪಿ.ಶ್ರೀಕಾಂತ್ ನಿರ್ಮಿಸಿರುವ ಚಿತ್ರ ಸಲಗ. ಟಗರು ಚಿತ್ರದ ತಂತ್ರಜ್ಞರೇ ಬಹುತೇಕ ಕೂಡಿಕೊಂಡು ರೂಪಿಸಿರುವ ಚಿತ್ರ ಸಲಗ. ದುನಿಯಾ ವಿಜಯ್, ಧನಂಜಯ್ ಒಟ್ಟಿಗೇ ನಟಿಸಿರುವ ಚಿತ್ರ ಸಲಗ. ಈಗ ಆ ಚಿತ್ರದ ಟೀಸರ್ ರಿಲೀಸ್ ಸಮಯ. ಅದು ನಡೆಯುವುದು ಜನವರಿ 19ರ ಮಧ್ಯರಾತ್ರಿ.

    ಹೌದು, ಜನವರಿ 20 ದುನಿಯಾ ವಿಜಯ್ ಬರ್ತ್ ಡೇ. ಹೀಗಾಗಿ ಜನವರಿ 19ರ ಮಧ್ಯರಾತ್ರಿ ತಮ್ಮ ಮನೆಯೆದುರೇ ಅಭಿಮಾನಿಗಳ ಸಮ್ಮುಖದಲ್ಲಿ ಟೀಸರ್ ರಿಲೀಸ್ ಮಾಡುತ್ತಿದ್ದಾರೆ ದುನಿಯಾ ವಿಜಿ. ಆ ಸಂಭ್ರಮಕ್ಕೆ ವಿಜಿಗೆ ಜೊತೆಯಾಗಲಿರುವುದು ರಿಯಲ್ ಸ್ಟಾರ್ ಉಪೇಂದ್ರ.

    ಮಧ್ಯರಾತ್ರಿ ಟೀಸರ್ ಬಿಡುಗಡೆ ಕಾರ್ಯಕ್ರಮಕ್ಕೆ ಬರುವುದಾಗಿ ಉಪೇಂದ್ರ ಒಪ್ಪಿಕೊಂಡಿದ್ದೇ ನಮ್ಮ ಸಂಭ್ರಮ ಹೆಚ್ಚಿಸಿದೆ ಎನ್ನುತ್ತಾರೆ ವಿಜಿ. 

  • ಮರಿ ಪೈಲ್ವಾನ್ ಆಗಿ ಬರ್ತಾನೆ ಜ್ಯೂ.ದುನಿಯಾ ವಿಜಿ

    duniya vijay to intrduce his son

    ದುನಿಯಾ ವಿಜಿ. ರಾಜ್ಯೋತ್ಸವದ ದಿನವೇ ಬಿಡುಗಡೆ ಮಾಡಿದ ಕನಕ ಚಿತ್ರದ ಟ್ರೇಲರ್ ಮೆಚ್ಚುಗೆ ಪಡೆಯುತ್ತಿರುವಾಗಲೇ ಇನ್ನೊಂದು ಸಡಗರದ ಸುದ್ದಿ ಕೊಟ್ಟಿದ್ದಾರೆ. ಅವರ ಮಗ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲಿದ್ದಾನೆ. ದುನಿಯಾ ವಿಜಯ್ ಅಭಿನಯದ ಕುಸ್ತಿ ಚಿತ್ರದಲ್ಲಿ ಅವರ ಮಗ ಸಾಮ್ರಾಟ್ ಮರಿ ಕುಸ್ತಿಪಟುವಾಗಿ ನಟಿಸಲಿದ್ದಾನೆ.ದುನಿಯಾ ವಿಜಿ ಸೀನಿಯರ್ ಕುಸ್ತಿ ಪಟುವಾದರೆ, ಸಾಮ್ರಾಟ್, ಬಾಲಕನಾಗಿದ್ದಾಗಿನ ದುನಿಯಾ ವಿಜಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

    ಮಗನನ್ನು ಸುಮ್ಮನೆ ಚಿತ್ರರಂಗಕ್ಕೆ ತರುತ್ತಿಲ್ಲ. ಚಿತ್ರಕ್ಕಾಗಿ ತರಬೇತಿ ನೀಡುತ್ತಿದ್ದಾರೆ. ಕುಸ್ತಿ ಕಲಿಸುತ್ತಿದ್ದಾರೆ. ಏಕೆಂದರೆ, ಚಿತ್ರದಲ್ಲಿ ಬಾಲಕ ಕುಸ್ತಿ ಪಟುವಿನ ಪಾತ್ರವೂ ಸಾಹಸ ಮಾಡುತ್ತೆ. ಹೀಗಾಗಿ ಇಷ್ಟೆಲ್ಲ ತಯಾರಿ ಎನ್ನುತ್ತಾರೆ ವಿಜಿ.

    ಕುಸ್ತಿಯ ಕುರಿತು ಚಿತ್ರ ಮಾಡಬೇಕು ಅನ್ನೋದು ದುನಿಯಾ ವಿಜಿ ಕನಸಾಗಿತ್ತು. ಹೀಗಾಗಿ ಸ್ವತಃ ತಾವೇ ಕುಸ್ತಿ ಅನ್ನೋ ಟೈಟಲ್‍ನ್ನು ಚೇಂಬರ್‍ನಲ್ಲಿ ರಿಜಿಸ್ಟರ್ ಮಾಡಿಸಿದ್ದರು. ಕನಕ ಚಿತ್ರ ಮುಗಿದಿದ್ದು, ಜಾನಿ ಜಾನಿ ಯೆಸ್ ಪಪ್ಪಾ ಕೂಡಾ ಮುಗಿದ ನಂತರ ಕುಸ್ತಿಗೆ ಕೈ ಹಾಕುವ ಸಾಹಸ ಮಾಡಲಿದ್ದಾರೆ ವಿಜಿ.

    Related Articles :-

    Vijay To Introduce His Son Through 'Kusthi'

  • ಮಳೆ.. ಚಳಿಯಲ್ಲಿ.. ಸಲಗ ವಿಜಯ್, ಸಂಜನಾ ರೊಮ್ಯಾನ್ಸ್

    romantic song shot in rain for salaga

    ಸುರಿಯುತ್ತಲೇ ಇರುವ ಮಳೆ.. ಮೈ ಮರಗಟ್ಟಿಸುವ ಚಳಿ.. ಇವೆಲ್ಲದರ ಮಧ್ಯೆಯೇ ದುನಿಯಾ ವಿಜಯ್ ಮತ್ತು ಸಂಜನಾ ಆನಂದ್ ಪ್ರೀತಿ, ಪ್ರಣಯದಲ್ಲಿ ತೊಡಗಿದ್ದಾರೆ. ಸಕಲೇಶಪುರ, ಮುಳ್ಳಯ್ಯನಗಿರಿಯಲ್ಲಿ ವಿಜಿ ಮತ್ತು ಸಂಜನಾ ಮಳೆಯೇ.. ಮಳೆಯೇ.. ಅಂಬೆಗಾಲಿಡುತ್ತಾ ಸುರಿಯೇ ಎಂದು ಹಾಡಿ ಕುಣಿಯುತ್ತಿದ್ದಾರೆ.

    ಕೋವಿಡ್ ರಿಲ್ಯಾಕ್ಸ್ ಕೊಟ್ಟ ಬೆನ್ನಲ್ಲೇ ಸಲಗ ಚಿತ್ರೀಕರಣ ಶುರುವಾಗಿದ್ದು, ವಿಜಯ್ ಮತ್ತು ಸಂಜನಾ ಆನಂದ್ ಅವರ ಪ್ರಣಯಗೀತೆ ಇದು. ಕೆಪಿ ಶ್ರೀಕಾಂತ್ ನಿರ್ಮಾಣದ ಸಿನಿಮಾ ಸಲಗ. ಚಿತ್ರದಲ್ಲಿ ಡಾಲಿ ಧನಂಜಯ್ ಇನ್ಸ್‍ಪೆಕ್ಟರ್ ಪಾತ್ರದಲ್ಲಿ ಕಾಣಿಸಿಕೊಂಡಿರೋದು ವಿಶೇಷ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery