` duniya vijay, - chitraloka.com | Kannada Movie News, Reviews | Image

duniya vijay,

  • Win Gold For Buying Dana Kayonu ticket

    dana kayonu

    A lucky audience will get five grams of gold for buying a ticket to the film Dana Kayonu. The film is releasing on Friday and advance booking starts in Aparna (Anupama) theatre in Thursday.

    The first person to buy a ticket on Thursday will be given five grams of gold said producer Kanakapura Srinivas. On the first day of the show all the audience will get prasada from the Chamundeshwari temple from Mysuru.

    The film starring Duniya Vijay and Priyamani is directed by Yograj Bhat. The film is releasing in over 200 screens across Karnataka said Srinivas and another producer Kiran Gowda.

    Dana Kayonu Movie Gallery - View

    Also Read

    Jaggesh Sings for Danakayonu - Exclusive

    Dana Kayonu Censored - Movie Releasing on October 7th

    Dana Kayonu To Release In Dasara

    Dana Kayonu songs to be Released in Kanakapura

    Dana Kayonu Songs on April 10th

    Yogaraj Bhatt Back After First Schedule of Dana Kayonu

    Dana Kayonu Shooting from Next Week

    Yogaraj Bhatt's Dana Kayonu Launched

     

  • Yogaraj Bhatt's Song for PUC Students

    yogaraj bhat image

    Earlier, Yogaraj Bhatt had written a song about the Lok Sabha elections which was held two years back. Now the director turned actor has written another song regarding the recent IInd PUC Chemistry question paper leak scandal.

    While the IInd PUC Chemistry question paper leak is making headlines almost everyday, Yogaraj Bhatt has written a song on the question paper leak. The lyrics is written for a tune from his latest film 'Dana Kayonu'. The tune is composed by V Harikrishna and Yogaraj Bhatt, 'Duniya' Vijay and Chetan Soska has sung the song.

  • `ಕನಕ'ನ ದರ್ಶನಕ್ಕೆ ರಾಜ್ ಕುಟುಂಬ

    rajkumar family to watch kanaka

    ಚಿತ್ರಮಂದಿರಗಳಲ್ಲಿ ಅಬ್ಬರಿಸುತ್ತಿರುವ ಕನಕನನ್ನು ಈಗ ಸ್ವತಃ ಡಾ.ರಾಜ್ ಕುಟುಂಬ ದರ್ಶನ ಮಾಡಿದೆ. ಕನಕ ಚಿತ್ರದ ಥೀಮ್ ಅಣ್ಣಾವ್ರ ಅಭಿಮಾನಿಯಾಗಿ ನಟಿಸಿರುವ ದುನಿಯಾ ವಿಜಿ. ಅಣ್ಣಾವ್ರ ಸಂದೇಶಗಳನ್ನೇ ಇಟ್ಟುಕೊಂಡು ಹೆಣೆದಿರುವ ಕಥೆಯಲ್ಲಿ ರಾಜ್ ಕೂಡಾ ಒಂದು ಪಾತ್ರವಾಗಿರುವುದು ವಿಶೇಷ. ಚಿತ್ರದ ಕ್ಲೈಮಾಕ್ಸ್‍ನಲ್ಲಿ ನಾಯಕನಿಗೆ ಸಹಾಯ ಮಾಡುವುದು ರಾಜ್‍ಕುಮಾರ್. ಹೇಗೆ ಅನ್ನೋ ಕುತೂಹಲಕ್ಕೆ ಚಿತ್ರಮಂದಿರಗಳಲ್ಲಿ ಉತ್ತರ ಇದೆ.

    ಈಗ ಚಿತ್ರವನ್ನು ಪುನೀತ್ ರಾಜ್‍ಕುಮಾರ್ ಹಾಗೂ ರಾಘವೇಂದ್ರ ರಾಜ್‍ಕುಮಾರ್ ನೋಡಲು ನಿರ್ಧರಿಸಿದ್ದಾರೆ. ಇವರಿಗಾಗಿಯೇ ನಿರ್ಮಾಪಕ, ನಿರ್ದೇಶಕ ಆರ್.ಚಂದ್ರು ವಿಶೇಷ ಪ್ರದರ್ಶನ ಏರ್ಪಡಿಸಿರುವುದು ವಿಶೇಷ.

  • `ಕನಕ'ನಿಗೆ ವಿಲನ್ ಆದರೇಕೆ ನಂಜುಂಡಿ..?

    kp nanjundi

    ಕನಕ ಚಿತ್ರದಲ್ಲಿ ದುನಿಯಾ ವಿಜಯ್, ಹರಿಪ್ರಿಯಾ, ಮಾನ್ವಿತಾ ಹರೀಶ್ ಜೊತೆಗೆ ಚಿತ್ರದ ಖಳನಾಯಕನ ಖದರ್ ಕೂಡಾ ಎದ್ದು ಕಾಣ್ತಿದೆ. ಪಂಚಕರ್ಮಗಳನ್ನು ಭೂಮಿಗೆ ಪರಿಚಯಿಸಿದ ಆ ಭಗವಂತನ ಮಗ ಕಣೋ ನಾನು ಎನ್ನುವ ಡೈಲಾಗ್ ಕಿವಿಯಲ್ಲಿ ಮಾರ್ದನಿಸುತ್ತಿದೆ. ಅದು ಕೆ.ಪಿ.ನಂಜುಂಡಿ. ಆ ಡೈಲಾಗ್ ಹೊಡೆದು ನಾಯಕ ವಿಜಯ್ ಎದೆಗೆ ಒದೆಯುವ ಆ ದೃಶ್ಯ, ಕನಕ ಟ್ರೇಲರ್‍ನ ಹೈಲೈಟ್.

    14 ವರ್ಷಗಳ ಬಳಿಕ ಬಣ್ಣ ಹಚ್ಚಿರುವ ಕೆ.ಪಿ.ನಂಜುಂಡಿ, ಒದೆಯುವ ಸೀನ್ ಬಹಳ ಕಷ್ಟವಾಗಿತ್ತು. ಏಕೆಂದರೆ, ಅದು ನನ್ನ ವ್ಯಕ್ತಿತ್ವ ಅಲ್ಲ. ನಿರ್ದೇಶಕರು ಅದಕ್ಕಾಗಿ ನನ್ನ ಮನವೊಲಿಸಬೇಕಾಯ್ತು ಎಂದು ಹೇಳಿಕೊಂಡಿದ್ದಾರೆ. ಸಿನಿಮಾದಲ್ಲಿ ನಂಜುಂಡಿ ಅವರದ್ದು ಕ್ಲಾಸ್ ವಿಲನ್ ಪಾತ್ರವಂತೆ. ಭಾಷೆಯಷ್ಟೇ ಅಲ್ಲ, ಕ್ಯಾರೆಕ್ಟರ್ ಕೂಡಾ.

    ಚಿತ್ರದಲ್ಲಿ ನಂಜುಂಡಿಯವರಷ್ಟೇ ಅಲ್ಲ, ರವಿಶಂಕರ್ ಕೂಡಾ ವಿಲನ್. ರವಿಶಂಕರ್ ಮಾಸ್ ವಿಲನ್ ಆದರೆ, ನಾನು ಕ್ಲಾಸ್ ವಿಲನ್ ಅಂತಾರೆ ನಂಜುಂಡಿ. ಕೇವಲ ಸ್ನೇಹಕ್ಕಾಗಿ ಒಪ್ಪಿಕೊಂಡು ಈ ಸಿನಿಮಾದಲ್ಲಿ ನಟಿಸಿರುವ ನಂಜುಂಡಿ, ಇದಕ್ಕಾಗಿ ಎಂದಿನಂತೆ ಸಂಭಾವನೆ ಪಡೆದಿಲ್ಲ. 

    ಚಿನ್ನದ ಬ್ಯುಸಿನೆಸ್, ಸಮಾಜಸೇವೆ, ರಾಜಕೀಯ ಎಲ್ಲವನ್ನೂ ನಿಭಾಯಿಸುತ್ತಿರುವ ನಂಜುಂಡಿ, ಮತ್ತೊಮ್ಮೆ ಬೆಳ್ಳಿತೆರೆಯಲ್ಲಿ ಆರ್ಭಟಿಸಲು ಬರುತ್ತಿದ್ದಾರೆ. ಕನಕನಿಗೆ ವಿಲನ್ ಆಗಿ.

  • ಅಣ್ಣಾಮಲೈ ಗೆಟಪ್‍ನಲ್ಲಿ ಡಾಲಿ ಧನಂಜಯ್..!

    dhananay is inspired by ex cop annamalai

    ಡಾಲಿ ಧನಂಜಯ್, ಈಗ ಎಸಿಪಿ ಸಮರ್ಥ್. ಅವರಿಗೆ ಪೊಲೀಸ್ ವೇಷ ಹಾಕಿಸಿರುವುದು ದುನಿಯಾ ವಿಜಯ್. ಕೆ.ಪಿ.ಶ್ರೀಕಾಂತ್ ನಿರ್ಮಾಣದ ಸಲಗ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯಾಗಿ ನಟಿಸುತ್ತಿದ್ದಾರೆ ಧನಂಜಯ್. ಅಂದಹಾಗೆ ಧನಂಜಯ್ ಪಾತ್ರಕ್ಕೆ ಅಣ್ಣಾಮಲೈ ಅವರ ರಿಯಲ್ ಗೆಟಪ್ ನೋಡಿ ರೆಡಿಯಾಗಿದ್ದಾರಂತೆ.

    ಅಣ್ಣಾಮಲೈ ಅವರನ್ನು ನೋಡಿದಾಗಲೆಲ್ಲ ಪೊಲೀಸ್ ಎಂದರೆ ಹೀಗಿರಬೇಕು ಎನಿಸುತ್ತಿತ್ತು. ಅದೇ ದೃಷ್ಟಿಯಲ್ಲಿ ಕ್ಲೀನ್ ಶೇವ್ ಮಾಡಿಸಿಕೊಂಡು ಬಾಡಿ ಫಿಟ್ ಮಾಡಿಕೊಂಡು ರೆಡಿಯಾಗಿದ್ದೇನೆ ಎನ್ನುವ ಧನಂಜಯ್‍ಗೆ ಸಮರ್ಥ್ ಪಾತ್ರಕ್ಕೆ ಡಾಲಿಗಿಂತಲೂ ಹೆಚ್ಚು ಫ್ಯಾನ್ಸ್ ಹುಟ್ಟಿಕೊಳ್ತಾರೆ ಅನ್ನೋ ಭರವಸೆ ಇದೆ.

    ಸಲಗ ಚಿತ್ರಕ್ಕೆ ದುನಿಯಾ ವಿಜಿ ಹೀರೋ ಅಷ್ಟೇ ಅಲ್ಲ, ಡೈರೆಕ್ಟರೂ ಹೌದು. ವಿಜಿ, ನನ್ನ ಪಾತ್ರಕ್ಕೆ ಒಳ್ಳೆಯ ಸ್ಕೋಪ್ ಕೊಟ್ಟಿದ್ದಾರೆ ಎಂದು ಖುಷಿಯಾಗಿದ್ದಾರೆ ಧನಂಜಯ್.

  • ಅಣ್ಣಾವ್ರ ಸಿನಿಮಾ ಇಲ್ಲದಿದ್ರೂ ಡಾ.ರಾಜ್ ಕಟೌಟ್..!

    dr raj's cutout in nartaki theater

    ಸಾಮಾನ್ಯವಾಗಿ ಡಾ.ರಾಜ್ ಕುಮಾರ್ ಅವರ ಯಾವುದೇ ಹಳೆಯ ಸಿನಿಮಾ ರಿಲೀಸ್ ಆದರೂ, ಅಭಿಮಾನಿಗಳು ಈಗಲೂ ಹಬ್ಬ ಮಾಡ್ತಾರೆ. ಚಿತ್ರಮಂದಿರದ ಎದುರು ದೊಡ್ಡ ಕಟೌಟ್ ಹಾಕಿ, ಥಿಯೇಟರಿಗೆ ಅಲಂಕಾರ ಮಾಡಿ ಸಂಭ್ರಮಿಸ್ತಾರೆ. ಈಗಲೂ ಅಂಥಾದ್ದೊಂದು ಸಂಭ್ರಮ ನರ್ತಕಿ ಥಿಯೇಟರ್ ಎದುರು ಕಾಣುತ್ತಿದೆ. ನರ್ತಕಿಯ ಎದುರು ಇದೇ 24ರಂದು ಅಣ್ಣಾವ್ರ 80 ಅಡಿ ಎತ್ತರದ ಬೃಹತ್ ಕಟೌಟ್ ಎದ್ದು ನಿಲ್ಲಲಿದೆ. ನಿಮಗೆ ಗೊತ್ತಿರಲಿ, ಆ ದಿನ ಡಾ.ರಾಜ್‍ರ ಯಾವುದೇ ಸಿನಿಮಾ ಬಿಡುಗಡೆ ಇಲ್ಲ.

    ಅಣ್ಣಾವ್ರ ಕಟೌಟ್ ನಿಲ್ಲಿಸಿ, ತಮ್ಮ ಚಿತ್ರ ಬಿಡುಗಡೆ ಮಾಡುತ್ತಿರುವುದು ನಿರ್ಮಾಪಕ ನಿರ್ದೇಶಕ ಆರ್.ಚಂದ್ರು. ದುನಿಯಾ ವಿಜಯ್ ಅಭಿನಯದ `ಕನಕ' ಚಿತ್ರ ಜನವರಿ 26ರಂದು ತೆರೆ ಕಾಣುತ್ತಿದೆ. ಚಿತ್ರದಲ್ಲಿ ಹೀರೋ ಡಾ. ರಾಜ್ ಅಭಿಮಾನಿ. ಅಣ್ಣಾವ್ರ ಆದರ್ಶಗಳನ್ನಿಟ್ಟುಕೊಂಡು ಬದುಕುವ ಚಿತ್ರದ ನಾಯಕನಿಗಾಗಿ ಅಣ್ಣಾವ್ರ ಈ ಕಟೌಟ್ ನಿಲ್ಲಿಸುತ್ತಿದ್ದೇವೆ ಎಂದಿದ್ದಾರೆ ಚಂದ್ರು.

    ಕನಕ, ಸುಮಾರು 350ರಿಂದ 400 ಚಿತ್ರಮಂದಿರಗಳಲ್ಲಿ ಏಕಕಾಲಕ್ಕೆ ರಿಲೀಸ್ ಆಗುತ್ತಿದೆ. ಡಾ.ರಾಜ್ ಅಭಿಮಾನದ ಥೀಮ್ ಇಟ್ಟುಕೊಂಡು ನಿರ್ಮಿಸಿರುವ ಸಿನಿಮಾ ಎಲ್ಲರಿಗೂ ಇಷ್ಟವಾಗಲಿದೆ ಎಂಬ ಭರವಸೆಯಲ್ಲಿದ್ದಾರೆ ಚಂದ್ರು ಮತ್ತು ದುನಿಯಾ ವಿಜಯ್. ಚಿತ್ರದಲ್ಲಿ ಹರಿಪ್ರಿಯಾ ಹಾಗೂ ಮಾನ್ವಿತಾ ಹರೀಶ್ ನಾಯಕಿಯರು.

  • ಅಭಿಮಾನದ ಹುಚ್ಚು ಕಾಲನ್ನೇ ತೆಗೆಯಿತು..!

    duniya vijay fan looses his leg

    ಅಭಿಮಾನ ಅತಿರೇಕವಾಗಬಾರದು, ಈ ಮಾತನ್ನು ಸ್ಟಾರ್​ ನಟರೆಲ್ಲ ತಮ್ಮ ತಮ್ಮ ಅಭಿಮಾನಿಗಳಿಗೆ ಹೇಳುತ್ತಲೇ ಇರುತ್ತಾರೆ. ಆದರೆ, ಹುಚ್ಚು ಅಭಿಮಾನಿಗಳು ಅದನ್ನು ಕೇಳುವುದೇ ಇಲ್ಲ. ಅದಕ್ಕೆ ಸಾಕ್ಷಿ ಯಾದಗಿರಿಯಲ್ಲಿ ನಡೆದಿರುವ ಈ ಘಟನೆ. 

    ಯಾದಗಿರಿ ಜಿಲ್ಲೆಯ ಸುರಪುರ ತಾಲೂಕಿನ ವಜ್ಜಲ್ ಗ್ರಾಮದ ಯುವಕ ಹುಲಗಪ್ಪ ದುನಿಯಾ ವಿಜಿ ಅಭಿಮಾನಿ. ಜಂಗ್ಲಿ ಅನ್ನೋದು ಅವನ ಅಡ್ಡಹೆಸರು. ಕೈ, ತೋಳುಗಳ ಮೇಲೆ ಜಂಗ್ಲಿ, ಜಾನಿ ಎಂದೆಲ್ಲ ಹಚ್ಚೆ ಹಾಕಿಸಿಕೊಂಡಿದ್ದ ಹುಲಗಪ್ಪ, ಮನೆಯ ತುಂಬಾ ದುನಿಯಾ ವಿಜಿ ಫೋಟೋಗಳನ್ನೇ ತುಂಬಿಕೊಂಡಿದ್ದಾನೆ. 

    ಇಂಥ ಅಭಿಮಾನಿಗೆ ಅವನ ಗೆಳೆಯರು ಒಂದು ಸವಾಲು ಹಾಕಿದರು. ದುನಿಯಾ ವಿಜಯ್​ ರೀತಿಯಲ್ಲೇ ಸ್ಟಂಟ್ ಮಾಡಿ ತೋರಿಸು, ಆಗ ನೀನು ದುನಿಯಾ ವಿಜಿ  ಅಭಿಮಾನಿ ಅಂತಾ ಒಪ್ಪಿಕೊಳ್ಳುತ್ತೇವೆ ಎಂದರು. ಅದನ್ನು ಸವಾಲಾಗಿ ಸ್ವೀಕರಿಸಿದ ಹುಲಗಪ್ಪ, ಸುಮಾರು 15 ಅಡಿ ಎತ್ತರದ ಗೋಡೆ ಮೇಲಿಂದ ಜಂಪ್ ಮಾಡಿಬಿಟ್ಟ. ಸಿನಿಮಾ ಸ್ಟಂಟ್​ಗಳೇ ಬೇರೆ, ರಿಯಲ್ ಲೈಫೇ ಬೇರೆ ಎಂಬ ಅರಿವಿಲ್ಲದ ಹುಲಗಪ್ಪನ ಪಾದದ ಮೂಳೆಗಳು ಈಗ ಮುರಿದಿವೆ.  ಹಾಸಿಗೆ ಹಿಡಿದಿರುವ ಹುಲಗಪ್ಪನಿಗೆ ಓಡಾಡೋಕೂ ಸಾಧ್ಯವಾಗುತ್ತಿಲ್ಲ. ಆಸ್ಪತ್ರೆಗೆ ಹೋಗೋಕೆ ಹಣವೂ ಇಲ್ಲ.

    ಮನೆಗೆ ಇವನೇ ಹಿರಿಯ ಮಗ. ಅಭಿಮಾನದ ಅತಿರೇಕ ಈಗ ಇವನ ಜೀವನವನ್ನೇ ಬಲಿ ತೆಗೆದುಕೊಳ್ಳುತ್ತಿದೆ.

     

  • ಅಭಿಮಾನಿಗಳು ಹೀಗೂ ಇರ್ತಾರೆ..!

    duniya vijay fans are like this

    ನಟನೊಬ್ಬ ಸ್ಟಾರ್ ಆಗುವುದು ಸುಲಭದ ಮಾತಲ್ಲ. ಸ್ಟಾರ್ ಆದ ಮೇಲೆ ಅಭಿಮಾನ ಉಳಿಸಿಕೊಳ್ಳೋದು ಅದಕ್ಕಿಂತಲೂ ದೊಡ್ಡ ಸವಾಲಿನ ಕೆಲಸ. ಅಂತಹ ಸಾವಿರಾರು ಅಭಿಮಾನಿಗಳನ್ನು ಹೊಂದಿರುವ ದುನಿಯಾ ವಿಜಯ್ ಅವರ ಹುಟ್ಟುಹಬ್ಬವನ್ನು, ಈ ಬಾರಿ ಅಭಿಮಾನಿಗಳು ಇನ್ನಷ್ಟು ಹೆಚ್ಚಿಸಿದ್ದಾರೆ.

    ಗದಗ್‍ನಲ್ಲಿ ಅಭಿಮಾನಿಗಳು ಸ್ಮಶಾನದಲ್ಲಿಯೇ `ಕನಕ'ನ ಹುಟ್ಟುಹಬ್ಬ ಆಚರಿಸಿದರೆ, ರಾಜ್ಯದ ಇನ್ನೂ ಹಲವೆಡೆ ಅಭಿಮಾನಿಗಳು ಅನ್ನ ಸಂತರ್ಪಣೆ, ರಕ್ತದಾನ ಮಾಡಿದರು. ಇನ್ನೊಬ್ಬ ಅಭಿಮಾನಿ ತಲೆಯಲ್ಲಿ ದುನಿಯಾ ವಿಜಿ ಎಂದು ಕಟಿಂಗ್ ಮಾಡಿಸಿಕೊಂಡು ಬಂದಿದ್ದ. 

    ಅಷ್ಟಿಲ್ಲದೆ ಹೇಳ್ತಾರಾ.. ಅಭಿಮಾನಿಗಳೇ ದೇವರು ಅಂತಾ.

  • ಆ ಸೆಟ್‍ಗೇ ಒಂದೂವರೆ ಕೋಟಿ..!

    1.5 crore rupee for this set

    ಜಾನಿ ಜಾನಿ ಯೆಸ್ ಪಪ್ಪಾ.. ದುನಿಯಾ ವಿಜಿ, ರಚಿತಾ ರಾಮ್ ಅಭಿನಯದ, ಪ್ರೀತಮ್ ಗುಬ್ಬಿ ನಿರ್ದೇಶನದ ಸಿನಿಮಾ. ಜಾನಿ ಮೆರಾ ನಾಮ್ ಚಿತ್ರಕ್ಕೂ ಸೆಟ್ ಹಾಕಿದ್ದ ಪ್ರೀತಮ್ ಗುಬ್ಬಿ, ಈ ಚಿತ್ರಕ್ಕೂ ಅದ್ಧೂರಿ ಸೆಟ್ ಹಾಕಿದ್ದಾರೆ. ಮೋಹನ್ ಬಿ.ಕೆರೆಯಲ್ಲಿ ರೈನ್ ಬೋ ಕಾಲನಿ ಎಂಬ ಬಡಾವಣೆಯನ್ನೇ ಸೃಷ್ಟಿಸಿಬಿಟ್ಟಿದ್ದಾರೆ ಪ್ರೀತಮ್.

    ಈ ಸೆಟ್ ಸೃಷ್ಟಿಸಲು 50ಕ್ಕೂ ಹೆಚ್ಚು ಬಡಗಿಗಳು, 20 ಮಂದಿ ಆರ್ಟಿಸ್ಟ್‍ಗಳು, ಕಾರ್ಮಿಕರು ಸೇರಿ ಸುಮಾರು 150 ಮಂದಿ ಕೆಲಸ ಮಾಡಿದ್ದಾರೆ. 

    ಹಳೇ ಮೈಸೂರು, . ಸೆಟ್‍ನಲ್ಲಿ ಸ್ವಿಮ್ಮಿಂಗ್ ಪೂಲ್, ಬೆಟ್ಟಯ್ಯ ಹೋಟೆಲ್, ಹಲವಾರು ಬೀದಿಗಳು, ರಸೆಲ್ ಮಾರ್ಕೆಟ್, ಟೆಂಪಲ್ ಸ್ಟ್ರೀಟ್, ಶೆಟ್ಟರ ಅಂಗಡಿ ಸೇರಿದಂತೆ ಒಂದು ಬಡಾವಣೆಯನ್ನೇ ಸೃಷ್ಟಿಸಿದ್ದಾರೆ ಪ್ರೀತಮ್ ಗುಬ್ಬಿ.

    ಸೆಟ್‍ನಲ್ಲಿ ಕಣ್ಣಿಗೆ ಹೊಡೆಯುವ ಕಲರ್ ಬಳಸಿಲ್ಲ, ಹೀಗಾಗಿ ಇದು ಕ್ಯಾಮೆರಾ ಕಣ್ಣಿನಲ್ಲಿ ಇನ್ನೂ ಅದ್ಭುತವಾಗಿ ಕಾಣಲಿದೆ. ಈ ಸೆಟ್‍ಗಾಗಿಯೇ ಸುಮಾರು ಒಂದೂವರೆ ಕೋಟಿ ಖರ್ಚು ಮಾಡಿದೆಯಂತೆ ಜಾನಿ ಟೀಂ.

  • ಆಗಲ್ಲ ಎಂದಿದ್ದವರು ಮತ್ತೆ ಬಂದಿದ್ದು ಹೇಗೆ..?

    rachitha ram in johnny johnny yes papa

    ಜಾನಿ ಜಾನಿ ಯೆಸ್ ಪಪ್ಪಾ.. ಚಿತ್ರದ ಶೂಟಿಂಗ್ ಶುರುವಾಗಿಬಿಟ್ಟಿದೆ. ಹೊಸ ಪದ್ಮಾವತಿ ಹಾಡಿನ ಶೂಟಿಂಗ್ ನಡೆಯುತ್ತಿದೆ. ಹೊಸ ಪದ್ಮಾವತಿ ಹಾಡಿನಲ್ಲಿ ದುನಿಯಾ ವಿಜಿ ಜೊತೆ ಹೆಜ್ಜೆ ಹಾಕಿರುವುದು ರಚಿತಾ ರಾಮ್.

    ಆದರೆ ಕುತೂಹಲ ಅದಲ್ಲ. ಚಿತ್ರಕ್ಕೆ ಮೊದಲು ನಾಯಕಿಯಾಗಿ ಆಯ್ಕೆಯಾಗಿದ್ದವರು ರಚಿತಾ ರಾಮ್. ಆದರೆ, ಈ ಗುಳಿಗೆನ್ನೆ ಹುಡುಗಿ ಡೇಟ್ಸ್ ಸಮಸ್ಯೆ ಎಂದು ಹೇಳಿ ಚಿತ್ರದಿಂದ ಹಿಂದೆ ಸರಿದಿದ್ದರು. ಆ ನಂತರ ಆ ಜಾಗಕ್ಕೆ ಶ್ರದ್ಧಾ ಶ್ರೀನಾಥ್ ಬಂದಿದ್ದರು. ಶ್ರದ್ಧಾ ಹೀರೋಯಿನ್ ಎಂಬುದೂ ದೊಡ್ಡ ಸುದ್ದಿಯಾಗಿತ್ತು. ಆದರೆ, ಶೂಟಿಂಗ್ ಶುರುವಾಗುವ ವೇಳೆ ಶ್ರದ್ಧಾ ಹೋಗಿ ಮತ್ತೆ ರಚಿತಾ ಬಂದಿದ್ದಾರೆ.

    ಏನ್ ಕಥೆ ಅಂದ್ರೆ, ಗೊತ್ತಾಗಿರೋದು ಮತ್ತದೇ ಡೇಟ್ ಸಮಸ್ಯೆ. ಈಗ ಶ್ರದ್ಧಾಗೆ ಡೇಟ್ ಸಮಸ್ಯೆಯಂತೆ. ರಚಿತಾ ಅವರ ಡೇಟ್ಸ್ ಕ್ಲಿಯರ್ ಆಗಿದೆಯಂತೆ. ಪ್ರೀತಮ್ ಗುಬ್ಬಿ ನಿರ್ದೇಶನದ ಚಿತ್ರ ಆರಂಭದಲ್ಲೇ ಇಷ್ಟೆಲ್ಲ ಸದ್ದು ಸುದ್ದಿ ಮಾಡಿದೆ.

    Related Articles :-

    Rachita Ram Is The Heroine For Johnny Johnny Yes Papa

    Rachita Ram For Johnny Johnny Yes Papa

    Duniya Vijay And Preetham Gubbi Back With Johnny Johnny Yes Papa

  • ಆಟೋ ಕನಕಂಗೂ ಡಾಕ್ಟರ್‍ಗೂ ಲವ್ವಾಗುತ್ತಂತೆ..!

    kanaka movie image

    ಆಟೋ ಡ್ರೈವರ್ ಮತ್ತು ಡಾಕ್ಟರ್ ಒಬ್ಬರಿಗೊಬ್ಬರು ಲವ್ ಮಾಡೋದು ಉಂಟಾ..? ಪ್ರಳಯ ಆಗುತ್ತೆ ಬಿಡ್ರಿ ಅನ್ಬೇಡಿ. ಪ್ರೀತಿಯಲ್ಲಿ ಎಲ್ಲವೂ ಸಾಧ್ಯ. ಅಂದಹಾಗೆ ನಾವ್ ಹೇಳ್ತಾ ಇರೋದು ಕನಕ ಚಿತ್ರದ ಬಗ್ಗೆ. ಜನವರಿ 26ಕ್ಕೆ ಟಾಕೀಸಿಗೆ ಬರುತ್ತಿರುವ ಕನಕ ಚಿತ್ರದ ಸಣ್ಣದೊಂದು ಎಳೆ ಹೊರಬಿದ್ದಿದೆ. 

    ಚಿತ್ರದಲ್ಲಿ ಇಬ್ಬರು ನಾಯಕಿಯರು. ಒಬ್ಬರು ಹರಿಪ್ರಿಯಾ, ಮತ್ತೊಬ್ಬರು ಮಾನ್ವಿತಾ ಹರೀಶ್. ಇವರಿಬ್ಬರಲ್ಲಿ ಮಾನ್ವಿತಾ ಹರೀಶ್ ಅವರು ನಿರ್ವಹಿಸಿರುವುದು ಡಾಕ್ಟರ್ ಪಾತ್ರ. ಈ ಡಾಕ್ಟರ್ ಪಾತ್ರಕ್ಕೂ, ಆ ಆಟೋ ಡ್ರೈವರ್ ಪಾತ್ರಕ್ಕೂ ಪ್ರೀತಿ ಹುಟ್ಟುತ್ತೆ.

    ಡಾ.ರಾಜ್ ಕುಮಾರ್ ಅಭಿಮಾನಿಯಾಗಿ ನಟಿಸಿರುವ ದುನಿಯಾ ವಿಜಯ್, ಡಾ.ರಾಜ್ ಸಂದೇಶಗಳಿಂದಲೇ ಜೀವನ ರೂಪಿಸಿಕೊಂಡಿರುವ ವ್ಯಕ್ತಿ. ಹೀಗೆ ವಿಭಿನ್ನವಾದ ಎಳೆಯನ್ನಿಟ್ಟುಕೊಂಡೇ ಕಥೆ ಹೆಣೆದಿರುವ ಆರ್.ಚಂದ್ರು, ಕನಕ ಚಿತ್ರದ ನಿರೀಕ್ಷೆಯನ್ನು ಹೆಚ್ಚಿಸುತ್ತಲೇ ಇದ್ದಾರೆ.

  • ಇದೆಲ್ಲ ಬೇಕಿತ್ತಾ ವಿಜಿ..?

    duniya vijay controversy

    ದುನಿಯಾ ವಿಜಯ್. ಈಗ ಪರಪ್ಪನ ಅಗ್ರಹಾರ ಜೈಲಿನಲ್ಲಿದ್ದಾರೆ. ಗೆಳೆಯರೊಂದಿಗೆ. ಪಾನಿಪುರಿ ಕಿಟ್ಟಿಯ ಅಣ್ಣನ ಮಗ ಮಾರುತಿ ಗೌಡನ ಮೇಲೆ ಹಲ್ಲೆ ಮಾಡಿರೋ ಕೇಸ್‍ನಲ್ಲಿ ಜಾಮೀನು ಕೂಡಾ ಸಿಗದೆ ಜೈಲು ಪಾಲಾಗಿದ್ದಾರೆ ದುನಿಯಾ ವಿಜಿ. ಮಿಸ್ಟರ್ ಬೆಂಗಳೂರು ಕಾಂಪಿಟೇಷನ್ ಮುಗಿದ ಮೇಲೆ ನಡೆದಿರೋ ಘಟನೆ ಇದು. ದುನಿಯಾ ವಿಜಿ ಮಗನನ್ನು ಕಿಟ್ಟಿ ಕಡೆಯ ಹುಡುಗರು ಏನೋ ಅಂದರಂತೆ. ಅದಕ್ಕೆ ವಿಜಿ ಮಾರುತಿ ಗೌಡನನ್ನು ಕಾರ್‍ನಲ್ಲಿ ಕಿಡ್ನಾಪ್ ಮಾಡಿ, ಸುಮಾರು ಎರಡು ಗಂಟೆ `ಪ್ರೀತಿಯಿಂದ ಬುದ್ದಿ ಹೇಳಿ' ಕಳಿಸಿಕೊಟ್ಟಿದ್ದಾರಂತೆ. ಅದು ಸ್ಟೇಷನ್ ಮೆಟ್ಟಿಲೇರಿ ಕೇಸ್ ಆಗಿ ಈಗ ಜೈಲು ಸೇರಿದ್ದಾರೆ ದುನಿಯಾ ವಿಜಿ.

    ದುನಿಯಾ ವಿಜಿ ಏಕಾಏಕಿ ಸ್ಟಾರ್ ಆದವರಲ್ಲ. ಸಣ್ಣ ಪುಟ್ಟ ಪಾತ್ರಗಳನ್ನು ಮಾಡಿಕೊಂಡಿದ್ದ ವಿಜಿಯ ಹಣೆಬರಹ ಬದಲಿಸಿದ್ದು ದುನಿಯಾ. ಒಂದೇ ಚಿತ್ರದಿಂದ ಸ್ಟಾರ್ ಆದ ದುನಿಯಾ ವಿಜಿಗೆ ಆ ಸ್ಟಾರ್‍ಡಂನ್ನು ಉಳಿಸಿಕೊಳ್ಳಲು ಆಗಲಿಲ್ಲ. ಅದಕ್ಕೆ ಸಾಕ್ಷಿ 

    ಪದೇ ಪದೇ ಮಾಡಿಕೊಂಡ ಗಲಾಟೆಗಳು. ಸ್ಟಾರ್ ಆದ ಮೇಲೆ ಸಾರ್ವಜನಿಕ ಜೀವನದಲ್ಲಿ   ಇರಬೇಕಾದ ರೀತಿಯೇ ಬೇರೆ. ಆದರೆ ಅದಕ್ಕೆ ಸಂಪೂರ್ಣ ವ್ಯತಿರಿಕ್ತವಾಗಿದ್ದವರು ವಿಜಿ.

    ದುನಿಯಾ ವಿಜಿಯ ಸಿನಿಮಾಗಳಿಗಿಂತ ಹೆಚ್ಚಾಗಿ ಅವರ ವಿವಾದಗಳೇ ಅತೀ ಹೆಚ್ಚು ಸದ್ದು ಮಾಡಿದವು. ಮೊದಲ ಪತ್ನಿ ನಾಗರತ್ನ ಜೊತೆ ಗಲಾಟೆ, ಜೀವ ಬೆದರಿಕೆ, ವೃದ್ಧರೊಬ್ಬರಿಗೆ ಹೊಡೆದ ಘಟನೆ, ಮಾಸ್ತಿಗುಡಿ ದುರಂತದ ವೇಳೆ ನಿರ್ಮಾಪಕರನ್ನು ಬಂಧಿಸಲು ಹೋದ ಪೊಲೀಸರಿಗೆ ಯಾಮಾರಿಸಿದ ಘಟನೆ, ದಾವಣಗೆರೆ ಶಾಸಕರೊಬ್ಬರ ಮಗಳ ಮದುವೆ ಮಾಡಿಸಿದ ಪ್ರಕರಣ, ಕೀರ್ತಿಗೌಡ ಜೊತೆ 2ನೇ ಮದುವೆ.. ಹೀಗೆ ಸಾಲು ಸಾಲು ಪ್ರಕರಣಗಳಿವೆ. ಇಂತಹ ಗಲಾಟೆಗಳು, ದುನಿಯಾ ವಿಜಿಯ ಒಳ್ಳೆಯ ಕೆಲಸಗಳನ್ನೆಲ್ಲ ಸೈಡಿಗೆ ತಳ್ಳಿಬಿಟ್ಟವು. ದಂಡ ಕಟ್ಟಲೂ ಹಣವಿಲ್ಲದೆ ಜೈಲು ಸೇರಿದ್ದ ಎಷ್ಟೋ ಜನ ನಿರಪರಾಧಿ ಖೈದಿಗಳಿಗೆ ಜೀವನ ಕೊಟ್ಟಿರುವ ವಿಚಾರವಾಗಲೀ, ಗೆಳೆಯರಿಗೆ ಬದುಕು ಒದಗಿಸಿಕೊಟ್ಟ ವಿಚಾರವಾಗಲೀ.. ಯಾರಿಗೂ ಗೊತ್ತಾಗಲೇ ಇಲ್ಲ. 

    ಈಗ ಮತ್ತೊಮ್ಮೆ.. ನೆಗೆಟಿವ್ ಸುದ್ದಿಯಿಂದಲೇ ಸುದ್ದಿಯಾಗಿದ್ದಾರೆ ವಿಜಿ. ಮಗನನ್ನು ದೊಡ್ಡ ಮಟ್ಟದಲ್ಲಿ ಲಾಂಚ್ ಮಾಡೋಕೆ ಕುಸ್ತಿ ಸಿನಿಮಾಗೆ ತಯಾರಾಗುತ್ತಿರುವ ವಿಜಿ, ಇನ್ನು ಮುಂದಾದರೂ ಸಾರ್ವಜನಿಕ ಜೀವನದಲ್ಲಿ ಹೇಗಿರಬೇಕು ಅನ್ನೋದನ್ನ ಕಲಿತುಕೊಳ್ತಾರಾ..? ಅದು ಎಲ್ಲರನ್ನೂ ಕಾಡುವ ಪ್ರಶ್ನೆಯೂ ಹೌದು. ನಿರೀಕ್ಷೆಯೂ ಹೌದು. 

    Related Articles :-

    Duniya Vijay In Trouble

  • ಎಣ್ಣೆ ಹಾಡು ಕನಕಂದು.. ವಿಡಿಯೋ ಅಭಿಮಾನಿಗಳದ್ದು..!

    kanaka movie song

    ದುನಿಯಾ ವಿಜಯ್ ಅಭಿನಯದ, ಆರ್.ಚಂದ್ರು ನಿರ್ದೇಶನದ ಕನಕ ಚಿತ್ರ 2018ರಲ್ಲಿ ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. ಕಾಂಬಿನೇಷನ್ ಕಾರಣಕ್ಕೇ ಕುತೂಹಲ ಕೆರಳಿಸಿರುವ ಸಿನಿಮಾಗೆ ಹರಿಪ್ರಿಯಾ, ಮಾನ್ವಿತಾ ಹರೀಶ್ ನಾಯಕಿಯರು. ಚಿತ್ರದ ಟ್ರೇಲರ್ ಹವಾ ಎಬ್ಬಿಸಿದ ನಂತರ ಈಗ ಟ್ರೆಂಡ್ ಕನಕ ಚಿತ್ರದ ಎಣ್ಣೆ ಹಾಡು ಟ್ರೆಂಡ್ ಆಗಿದೆ. 

    ಎಣ್ಣೆ ನಮ್ದು, ಊಟ ನಿಮ್ದು.. ಅನ್ನೋ ಹಾಡು ವೈರಲ್ ಆಗಿಬಿಟ್ಟಿದೆ. ವೈರಲ್ ಆಗೋಕೆ ಕಾರಣ ಅದು ಕುಡುಕರ ಹಾಡು ಎಂಬುದಷ್ಟೇ ಅಲ್ಲ ಚಿತ್ರದ ಹಾಡಿಗೆ ಅಭಿಮಾನಿಗಳು ತಮ್ಮ ತಮ್ಮ ಶೈಲಿಯಲ್ಲೇ ವಿಡಿಯೋ ಹಾಕಿ ಆನ್‍ಲೈನ್‍ಗೆ ಅಪ್‍ಲೋಡ್ ಮಾಡುತ್ತಿದ್ದಾರೆ.

    ಸಿನಿಮಾ ರಿಲೀಸ್ ಆದ 2 ವಾರಗಳ ನಂತರ ಹಾಡು ಸೇರಿಸುವ ಐಡಿಯಾ ಆರ್.ಚಂದ್ರು ಅವರಿಗಿತ್ತು. ಹಾಡು ಹಿಟ್ ಆದ ಹಿನ್ನೆಲೆಯಲ್ಲಿ ಚಂದ್ರು ಪ್ಲಾನ್ ಬದಲಾಗಿದೆ. ಸಿನಿಮಾ ರಿಲೀಸ್ ಆಗುವ ಸಮಯದಲ್ಲೇ ಹಾಡನ್ನೂ ಸೇರಿಸಿ ರಿಲೀಸ್ ಮಾಡಲಾಗುತ್ತಿದೆ.

  • ಒಟ್ಟಿಗೇ ನಟಿಸೋಕೆ ಗಣೇಶ್-ವಿಜಿ ರೆಡಿ

    duniya viji ganesh in preetham gubbi's next

    ಮುಂಗಾರು ಮಳೆ ಮತ್ತು ದುನಿಯಾ. ದಶಕದ ಹಿಂದೆ ಏಕಕಾಲದಲ್ಲಿ ಬಿಡುಗಡೆಯಾಗಿದ್ದ ಎರಡೂ ಚಿತ್ರಗಳು ಕನ್ನಡ ಚಿತ್ರರಂಗದ ದಿಕ್ಕನ್ನೇ ಬದಲಿಸಿಬಿಟ್ಟವು. ಹಲವು ಸ್ಟಾರ್‍ಗಳನ್ನು ಉಡುಗೊರೆಯಾಗಿ ಕೊಟ್ಟವು. ಮಳೆ ಗಣೇಶ್‍ಗೆ ವರವಾದರೆ, ವಿಜಿಗೆ ದುನಿಯಾ, ಅದೃಷ್ಟದ ಬಾಗಿಲು ತೆರೆದಿತ್ತು.

    ಈಗ.. ಆ ಎರಡೂ ಚಿತ್ರಗಳ ಸ್ಟಾರ್‍ಗಳು ಒಟ್ಟಿಗೇ ನಟಿಸೋಕೆ ಮನಸ್ಸು ಮಾಡಿದ್ದಾರೆ. ವಿಜಿ ನನಗೆ ಒಂದು ರೀತಿ ಗಾಡ್‍ಫಾದರ್ ಇದ್ದಂತೆ ಎಂದು ಹೇಳಿಕೊಳ್ಳುವ ಗಣೇಶ್, ತಮ್ಮದೇ ಬ್ಯಾನರ್‍ನಲ್ಲಿ ಚಿತ್ರ ನಿರ್ಮಿಸುವ ಉತ್ಸಾಹ ತೋರಿಸಿದ್ದಾರೆ.

    ಈ ಮಲ್ಟಿ ಸ್ಟಾರ್ ಚಿತ್ರಕ್ಕೆ ನಿರ್ದೇಶಕರಾಗಿರುವುದು ಪ್ರೀತಮ್ ಗುಬ್ಬಿ. ಇಬ್ಬರಿಗೂ ಗೆಳೆಯ. ಮುಂಗಾರು ಮಳೆ ತಂಡದಲ್ಲಿದ್ದವರು. ಈಗಾಗಲೇ ಗಣೇಶ್‍ಗೆ ಒಂದು, ದುನಿಯಾ ವಿಜಯ್‍ಗೆ ಒಂದು ಚಿತ್ರ ನಿರ್ದೇಶಿಸಿದ್ದಾರೆ. ಈಗ ದುನಿಯಾ ವಿಜಯ್ ಜೊತೆ ಎರಡನೇ ಚಿತ್ರ ಜಾನಿ ಜಾನಿ ಯೆಸ್ ಪಪ್ಪಾ ಚಿತ್ರ ನಿರ್ದೇಶಿಸುತ್ತಿರುವ ಪ್ರೀತಮ್, ಅದು ಮುಗಿದ ನಂತರ ಈ ಚಿತ್ರ ಕೈಗೆತ್ತಿಕೊಳ್ಳಲಿದ್ದಾರಂತೆ.

    ಗಣೇಶ್ ಮತ್ತು ವಿಜಯ್ ಒಪ್ಪಿದ್ದಾರೆ ಎನ್ನುವುದನ್ನು ಹೊರತುಪಡಿಸಿ, ಚಿತ್ರದ ಕಥೆ, ಕಲಾವಿದರು, ತಂತ್ರಜ್ಞರು ಯಾರೊಬ್ಬರ ಆಯ್ಕೆಯೂ ಇನ್ನೂ ಆಗಿಲ್ಲ. ವಿಜಿ ಹಾಗೂ ಗಣೇಶ್ ಇಬ್ಬರೂ ಒಟ್ಟಿಗೇ ನಟಿಸುತ್ತಿರುವುದನ್ನು ಕಲ್ಪನೆ ಮಾಡಿಕೊಂಡೇ ಥ್ರಿಲ್ ಆಗಿದ್ದಾರೆ.

  • ಕಡಲೆಕಾಯಿ ಪರಿಷೆ ಮುಗಿದಿಲ್ಲ..

    salaga kadalekai parashe in basavangudi

    ಬಸವನಗುಡಿಯ ಸುಪ್ರಸಿದ್ಧ ಕಡಲೆಕಾಯಿ ಪರಿಷೆ ಮುಗಿದು ವಾರವಾಯಿತು. ಆದರೆ... ಸಲಗ ಚಿತ್ರತಂಡ ಇನ್ನೂ ಪರಿಷೆ ಮುಗಿಸಿಲ್ಲ.ಕಡಲೆಕಾಯಿ ಪರಿಷೆಯಲ್ಲಿ ಸಲಗದ ಕ್ಲೆöÊಮಾಕ್ಸ್ ಚಿತ್ರೀಕರಣಕ್ಕೆ ಚಿತ್ರತಂಡ ಪ್ಲಾನ್ ಮಾಡಿಕೊಂಡಿತ್ತು. ಅದಕ್ಕಾಗಿ ಪರಿಷೆಯ ವೇಳೆ ರಾತ್ರಿಯಲ್ಲಿ ಅಲ್ಲಲ್ಲಿ ಕ್ಯಾಮೆರಾ ಫಿಕ್ಸ್ ಮಾಡಲಾಗಿತ್ತು. ಎಲ್ಲ ಕಲಾವಿದರನ್ನೂ ಒಗ್ಗೂಡಿಸಿತ್ತು. ಎತ್ತರದಲ್ಲಿ 6 ಕ್ಯಾಮೆರಾಗಳನ್ನಿಟ್ಟು, ಜನರಿಗೆ ಗೊತ್ತಾಗದಂತೆ ಕ್ಲೆöÊಮಾಕ್ಸ್ ಶೂಟಿಂಗ್ ನಡೆದಿತ್ತು. ಅಂದುಕೊAಡAತೆಯೇ ಎಲ್ಲವೂ ಆಯಿತಾದರೂ, ಮಧ್ಯೆ ಕೈ ಕೊಟ್ಟಿದ್ದು ಮಳೆ ಮತ್ತು ಹವಾಮಾನ. ಇದರಿಂದಾಗಿ ಕೆಲವು ಪೋರ್ಷನ್ಸ್ ಹಾಗೆಯೇ ಉಳಿದಿವೆ.

    ಹೀಗಾಗಿ ನಿರ್ಮಾಪಕ ಕೆ.ಪಿ.ಶ್ರೀಕಾಂತ್, ಬಸವನಗುಡಿಯಲ್ಲಿಯೇ ವಿಶೇಷ ಸೆಟ್ ಹಾಕಿಸಲಿದ್ದಾರೆ. ಮತ್ತೊಮ್ಮೆ ಕಡಲೆಕಾಯಿ ಪರಿಷೆ ಮಾಡಲಿದ್ದಾರೆ. ಆ ಸೆಟ್‌ನಲ್ಲಿ ಶೂಟಿಂಗ್ ಮಾಡಲಿದ್ದಾರೆ.

    ಸಲಗ, ದುನಿಯಾ ವಿಜಿ ನಿರ್ದೇಶಿಸುತ್ತಿರುವ ಮೊದಲ ಸಿನಿಮಾ. ಅವರೇ ನಾಯಕರಾಗಿರುವ ಚಿತ್ರಕ್ಕೆ ಸಂಜನಾ ಆನಂದ್ ನಾಯಕಿ. ಡಾಲಿ ಧನಂಜಯ್ ಇನ್ನೊಂದು ಪ್ರಮುಖ ಪಾತ್ರದಲ್ಲಿದ್ದಾರೆ.

  • ಕನಕ ಟೈಟಲ್ ಸ್ಪೆಷಾಲಿಟಿ ಗೊತ್ತಾ..?

    kanaka movie specialties

    ಕನಕ. ಆರ್. ಚಂದ್ರು ನಿರ್ದೇಶನದ, ದುನಿಯಾ ವಿಜಯ್ ನಾಯಕತ್ವದ ಚಿತ್ರ. ಇದು ಅಪ್ಪಟ ಡಾ. ರಾಜ್ ಅಭಿಮಾನಿಯ ಕಥೆ. ಅದು ಟ್ರೇಲರ್‍ನಲ್ಲಿ ಈಗಾಗಲೇ ಸಾಕ್ಷಿ ಸಮೇತ ಸಿಕ್ಕುಬಿಟ್ಟಿದೆ. ಆದರೆ, ಚಿತ್ರಕ್ಕೆ ಕನಕ ಎಂದು ಟೈಟಲ್ ಇಟ್ಟಿದ್ದೇಕೆ..? ಅಲ್ಲಿದೆ ಒಂದು ಸ್ವಾರಸ್ಯ.

    ಕನಕ ಎಂದರೆ ಬಂಗಾರ. ಬಂಗಾರ ಎಂದರೆ ಬಂಗಾರದ ಜೊತೆಯಲ್ಲೇ ಬಂಗಾರದ ಮನುಷ್ಯ ಕೂಡಾ ನೆನಪಾಗ್ತಾರೆ. ಇನ್ನು ಕನಕ ಎಂದರೆ ಕನಕದಾಸರು. ಇಬ್ಬರು ಮಹಾನ್ ಚೇತನಗಳ ಹೆಸರೂ ಒಟ್ಟಿಗೇ ಇದ್ದ ಕಾರಣಕ್ಕೆ ಕನಕ ಎಂಬ ಟೈಟಲ್ ಇಟ್ಟೆವು ಅನ್ನೋದು ಆರ್.ಚಂದ್ರು ವಿವರಣೆ.

    ಆ ಮಾತು ಬಿಡಿ,ಕನಕದಾಸ ಎಂದರೂ ಕನ್ನಡಿಗರ ಕಣ್ಮುಂದೆ ಬರುವ ಮೊದಲ ಚಿತ್ರ ಭಕ್ತ ಕನಕದಾಸ ರಾಜ್‍ಕುಮಾರ್ ಅವರದ್ದೇ. ಹರಿಪ್ರಿಯಾ, ಮಾನ್ವಿತಾ ಹರೀಶ್ ನಾಯಕಿಯರಾಗಿರುವ ಚಿತ್ರದಲ್ಲಿ ಅಣ್ಣಾವ್ರ ಸಿನಿಮಾದ ಕಥೆಗಳ ಸಾರವಿದೆಯಂತೆ. 

    ರಿಪಬ್ಲಿಕ್ ಡೇ ದಿನ ತೆರೆಗೆ ಬರುತ್ತಿರುವ ಕನಕನನ್ನು ಆ ದಿನವೇ ನೋಡೋಣ.

  • ಕನಕನ ಪೋರಿಗೆ ಚಾನ್ಸ್ ಮೇಲೆ ಚಾನ್ಸ್

    joshika of kanaka fame

    ಜ್ಯೋಷಿಕಾ. ಈಗಿನ್ನೂ 9ನೇ ಕ್ಲಾಸ್ ಓದುತ್ತಿರುವ ಹುಡುಗಿ. ಕನಕ ಚಿತ್ರದಲ್ಲಿ ಮಾನ್ವಿತಾ ಹರೀಶ್ ತಂಗಿಯ ಪಾತ್ರದಲ್ಲಿ ನಟಿಸಿರುವ ಹುಡುಗಿ. ಚಿತ್ರದಲ್ಲಿನ ಜ್ಯೋಷಿಕಾ ಅವರ ನಟನೆ ಸ್ವತಃ ದುನಿಯಾ ವಿಜಯ್‍ಗೆ ಇಷ್ಟವಾಗಿಬಿಟ್ಟಿದೆ. ಹೀಗಾಗಿದ್ದೇ ತಡ, ಜ್ಯೋಷಿಕಾಗೆ ಈಗ ಆಫರ್‍ಗಳ ಸುರಿಮಳೆ.

    ನಿಖಿಲ್ ಕುಮಾರ್ ಅಭಿನಯದ ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ನಟಿಸುವುದು ಪಕ್ಕಾ ಆಗಿದೆ. ಜೊತೆಯಲ್ಲೇ ದುನಿಯಾ ವಿಜಿ ಅಭಿನಯದ ಜಾನಿ ಜಾನಿ ಯೆಸ್ ಪಪ್ಪಾ ಹಾಗೂ ಕುಸ್ತಿ ಚಿತ್ರಗಳಲ್ಲೂ ನಟಿಸಲು ಸಿದ್ಧರಾಗಿದ್ದಾರೆ ಜ್ಯೋಷಿಕಾ.

    ಕನಕ ಚಿತ್ರದ ಶೂಟಿಂಗ್ ವೇಳೆ, ದುನಿಯಾ ವಿಜಯ್ ಅವರಿಂದ ಬಹಳಷ್ಟು ಕಲಿತೆ ಎನ್ನುವ ಜ್ಯೋಷಿಕಾ, ಜಿಮ್, ನೃತ್ಯ ತರಬೇತಿ ವಿಚಾರಗಳಲ್ಲಿ ದುನಿಯಾ ವಿಜಿ ಸಲಹೆಗಳನ್ನು ಚಾಚೂ ತಪ್ಪದೆ ಪಾಲಿಸುತ್ತಿದ್ದಾರಂತೆ. ಇನ್ನೂ ದೊಡ್ಡದಾಗಿ ಬೆಳೆಯುವ ಆಸೆ ಇದೆ. ಆದರೆ, ಡಿಗ್ರಿ ಮುಗಿಸಲೇಬೇಕು ಎಂದಿದ್ದಾರೆ ಜ್ಯೋಷಿಕಾ.

  • ಕಮಿಷನರ್ ಅಚ್ಯುತ ಕುಮಾರ್

    achyuth kumar plays commisnoe i salaga

    ಬೆಂಗಳುರು ಕಮಿಷನರ್ ಚೇಂಜ್ ಆಗಿದ್ದಾರೆ. ಕೇವಲ 47 ದಿನಗಳ ಹಿಂದೆ ಬೆಂಗಳೂರು ಕಮಿಷನರ್ ಆಗಿದ್ದ ಅಲೋಕ್ ಕುಮಾರ್ ಟ್ರಾನ್ಸ್‍ಫರ್ ಆಗಿ ಅವರ ಜಾಗಕ್ಕೆ ಭಾಸ್ಕರ್ ರಾವ್ ಬಂದಿದ್ದಾರೆ. ಇದು ವೊರಿಜಿನಲ್ ಕಮಿಷನರ್ ಕಥೆ. ಆದರೆ, ನಾವು ಹೇಳ್ತಿರೋದು ಸಿನಿಮಾ ಕಮಿಷನರ್ ಕಥೆ. ಅದೂ ಸಲಗ ಚಿತ್ರದ್ದು.

    ದುನಿಯಾ ವಿಜಯ್ ನಟಿಸಿ, ನಿರ್ದೇಶಿಸುತ್ತಿರುವ ಸಲಗ ಚಿತ್ರದಲ್ಲಿ ಅಚ್ಯುತ್ ಕುಮಾರ್ ಪೊಲೀಸ್ ಕಮಿಷನರ್. ಮೊನ್ನೆ ಮೊನ್ನೆಯಷ್ಟೇ ಬೆಲ್‍ಬಾಟಂನಲ್ಲಿ ಕಾನ್‍ಸ್ಟೇಬಲ್ ಆಗಿದ್ದ ಅಚ್ಯುತ್ ಕುಮಾರ್‍ಗೆ ಸಲಗ ಚಿತ್ರದಲ್ಲಿ ಏಕಾಏಕಿ ಪ್ರಮೋಷನ್ ಕೊಟ್ಟಿದ್ದಾರೆ ದುನಿಯಾ ವಿಜಯ್. ಡಾಲಿ ಧನಂಜಯ್ ಖಡಕ್ ಆಫೀಸರ್ ಆಗಿದ್ದಾರೆ.

    ನನ್ನ ಚಿತ್ರದ ಪಾತ್ರಕ್ಕೆ ಖಡಕ್ ಎನ್ನಿಸುವಂತ ನಟ ಬೇಕಿತ್ತು. ಅಚ್ಯುತ್ ಕುಮಾರ್ ಅವರು ಈ ಪಾತ್ರ ಮಾಡ್ತಿರೋದ್ರಿಂದ ಈ ಪಾತ್ರದ ತೂಕ ಹೆಚ್ಚುತ್ತೆ ಅನ್ನೋ ವಿಶ್ವಾಸ ದುನಿಯಾ ವಿಜಯ್ ಅವರದ್ದು.

    ಕೆ.ಪಿ.ಶ್ರೀಕಾಂತ್ ನಿರ್ಮಾಣದ ಚಿತ್ರಕ್ಕೆ ಸಂಜನಾ ನಾಯಕಿ. ಚರಣ್ ರಾಜ್ ಸಂಗೀತ ನಿರ್ದೇಶನವಿದ್ದು, ಮಾಸ್ತಿ ಸಂಭಾಷಣೆ ಬರೆಯುತ್ತಿದ್ದಾರೆ.

  • ಕಾಗಿನೆಲೆ ಕನಕದಾಸರಿಗೂ, ಆರ್.ಚಂದ್ರು ಕನಕನಿಗೂ ಎತ್ತಣಿಂದೆತ್ತಣ ಸಂಬಂಧ..?

    kanaka dasa, kanaka movie link

    ಒಮ್ಮೊಮ್ಮೆ ಹೀಗೆಲ್ಲ ಆಗಿಬಿಡುತ್ತೆ. ಅದರಲ್ಲೂ ಸಿನಿಮಾಗಳಲ್ಲಿ. ಈಗ ನೋಡಿ..ದುನಿಯಾ ವಿಜಯ್ ಅಭಿನಯದ ಕನಕ ಚಿತ್ರದ ಮೊದಲ ಟ್ರೇಲರ್ ಬಿಡುಗಡೆಯಾಗಿದೆ. ಹಾಗೆ ಕನಕ ಚಿತ್ರದ ಟ್ರೇಲರ್ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಕನಕ ಜಯಂತಿ ಬಂದುಬಿಟ್ಟಿದೆ. 

    ಕನಕ ಎಂಬ ಹೆಸರು ಬಿಟ್ಟರೆ, ಕಾಗಿನೆಲೆ ಕನಕದಾಸರಿಗೂ, ಆರ್.ಚಂದ್ರು ಸೃಷ್ಟಿಯ ಕನಕನಿಗೂ ಯಾವ ಸಂಬಂಧವೂ ಇಲ್ಲ. ಕನಕದಾಸರು ಕಾಗಿನೆಲೆ ಕೇಶವನ ಭಕ್ತರಾಗಿದ್ದರೆ, ಚಂದ್ರು ಅವರ ಕನಕ ಡಾ.ರಾಜ್ ಭಕ್ತ.

    ಕನಕದಾಸರೆಂದರೆ, ಕನ್ನಡಿಗರ ಕಣ್ಣ ಮುಂದೆ ಬಂದು ನಿಲ್ಲೋದು ಡಾ.ರಾಜ್ ಚಿತ್ರ ಎನ್ನುವುದನ್ನು ಬಿಡಿಸಿ ಹೇಳಬೇಕಿಲ್ಲ. ಕನಕದಾಸರ ಪಾತ್ರದಲ್ಲಿ ಡಾ.ರಾಜ್ ಪರಕಾಯ ಪ್ರವೇಶ ಮಾಡಿ ನಟಿಸಿದ್ದರು. ಈಗ ಬರುತ್ತಿರುವ ಕನಕ ಚಿತ್ರದಲ್ಲಿ ಕನಕ ಪಾತ್ರಧಾರಿ ದುನಿಯಾ ವಿಜಿ, ಡಾ.ರಾಜ್ ಭಕ್ತ.

    ಇಷ್ಟೆಲ್ಲ ಸಂಭ್ರಮದ ಮಧ್ಯೆ ಕನಕ ಜಯಂತಿ. ನಾಡಿನ ಸಮಸ್ತ ಜನತೆಗೆ ಕನಕ ಜಯಂತಿಯ ಶುಭಾಶಯಗಳು.

  • ಕಿಚ್ಚನ ಹಾದಿಯಲ್ಲಿ ದುನಿಯಾ ವಿಜಯ್

    duniya vijay turns director with salaga

    ದುನಿಯಾ ಚಿತ್ರದ ಮೂಲಕ ಹೀರೋ ಆದ, ಸ್ಟಾರ್ ಆದ ನಟ ದುನಿಯಾ ವಿಜಯ್, ಅದಕ್ಕೂ ಮುನ್ನ ಸಣ್ಣ ಸಣ್ಣ ರೋಲ್‍ಗಳಲ್ಲಿ ನಟಿಸಿದ್ದವರು. ಪೋಷಕ, ಖಳ ಪಾತ್ರಗಳಲ್ಲಿ ಗುರುತಿಸಿಕೊಂಡಿದ್ದವರು. ಸ್ಟಾರ್ ಆದ ಮೇಲೆ ನಿರ್ಮಾಪಕರೂ ಆಗಿದ್ದ ವಿಜಿ, ಈಗ ನಿರ್ದೇಶಕರಾಗುತ್ತಿದ್ದಾರೆ. ಅಲ್ಲಿಗೆ ಹೀರೋ ಆದ ಮೇಲೆ ನಿರ್ದೇಶಕರಾದ ಸುದೀಪ್, ವಿಜಯ್ ರಾಘವೇಂದ್ರ, ಗಣೇಶ್ ಸಾಲಿಗೆ ಸೇರುತ್ತಿದ್ದಾರೆ ದುನಿಯಾ ವಿಜಯ್.

    ಇತ್ತೀಚೆಗೆ ವಿಜಿ ಸಲಗ ಚಿತ್ರ ಮಾಡುತ್ತಿದ್ದಾರೆ ಎಂದು ಸುದ್ದಿಯಾಗಿತ್ತಲ್ಲ. ಆ ಚಿತ್ರಕ್ಕೆ ವಿಜಿ ಅವರದ್ದೇ ಕಥೆಯಿತ್ತು. ಈಗ ಅವರಿಗೇ ನಿರ್ದೇಶಕರ ಪಟ್ಟ ಕೊಟ್ಟಿದ್ದಾರೆ ನಿರ್ಮಾಪಕ ಕೆ.ಪಿ.ಶ್ರೀಕಾಂತ್. ಟಗರು ಚಿತ್ರದ ಬಹುತೇಕ ತಂತ್ರಜ್ಞರು, ಕಲಾವಿದರನ್ನು ಸಲಗ ಚಿತ್ರದಲ್ಲಿ ನೋಡಬಹುದು. 

    ಮೊದಲ ನಿರ್ದೇಶನದ ಚಿತ್ರವಾದ್ದರಿಂದ ವಿಜಿ, ಶಿವಣ್ಣನ ಮನೆಗೆ ತೆರಳಿ, ಡಾ.ರಾಜ್ ಭಾವಚಿತ್ರದ ಸಮ್ಮುಖದಲ್ಲಿ ಶಿವಣ್ಣನ ಆಶೀರ್ವಾದ ಪಡೆದುಕೊಂಡಿದ್ದಾರೆ. ಜೂನ್ 6ರಂದು ಚಿತ್ರದ ಮುಹೂರ್ತ ಇಟ್ಟುಕೊಳ್ಳಲಾಗಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery