` sumanth shailender, - chitraloka.com | Kannada Movie News, Reviews | Image

sumanth shailender,

  • ಎಲ್ಲ ಟೆನ್ಷನ್ ಮರೆಸಿ ನಕ್ಕು ನಲಿಸುವ ಸಿನಿಮಾ ಗೋವಿಂದ ಗೋವಿಂದ..

    ಎಲ್ಲ ಟೆನ್ಷನ್ ಮರೆಸಿ ನಕ್ಕು ನಲಿಸುವ ಸಿನಿಮಾ ಗೋವಿಂದ ಗೋವಿಂದ..

    ಇದು ಪಕ್ಕಾ ಕಾಮಿಡಿ ಸಿನಿಮಾ. ಚಿತ್ರದಲ್ಲಿ ಎರಡು ಟ್ರ್ಯಾಕ್‍ಗಳಿವೆ. ಒಬ್ಬ ಹೊಸ ನಿರ್ದೇಶಕ ಖ್ಯಾತ ನಟಿಗೆ ಕಥೆ ಹೇಳಿ ಆಕೆಯ ಡೇಟ್ಸ್ ಕೇಳೋದು ಒಂದು. ಮತ್ತೊಂದು.. ತಂದೆಯ ವಿರೋಧದ ನಡುವೆಯೂ ಭರತನಾಟ್ಯ ಕಲಾವಿದೆಯಾಗಲು ಬಯಸುವ ನಾಯಕಿ. ಆಕೆಯ ಕನಸು ಈಡೇರಿಸಲು ಹೊರಡುವ ಗೆಳೆಯರ ಬಳಗ. ಈ ಎರಡೂ ಸೃಷ್ಟಿಸುವ ಅವಾಂತರಗಳು, ತರಲೆಗಳು ಪ್ರೇಕ್ಷಕರನ್ನು ಹೊಟ್ಟೆ ಹುಣ್ಣಾಗಿಸುವಂತೆ ನಗಿಸುತ್ತವೆ. ಮೆಸೇಜ್ ಸೀರಿಯಸ್ಸೇ. ಆದರೆ, ಹೇಳಿರೋದು ಮಾತ್ರ ಪಕ್ಕಾ ಕಾಮಿಡಿ ಟ್ರ್ಯಾಕ್‍ನಲ್ಲಿ. ಎಲ್ಲ ಸಂಕಟಗಳನ್ನೂ ಮರೆತು ಹೊಟ್ಟೆ ಹುಣ್ಣಾಗುವಂತೆ ನಕ್ಕು ಹಗುರಾಗಬಹುದಾದ ಸಿನಿಮಾ ಗೋವಿಂದ ಗೋವಿಂದ.

    ಇದು ಚಿತ್ರದ ನಾಯಕ ಸುಮಂತ್ ಶೈಲೇಂದ್ರಬಾಬು ಅವರ ಆತ್ಮವಿಶ್ವಾಸದ ಮಾತು. ಕ್ರೆಡಿಟ್ ಎಲ್ಲವನ್ನೂ ಡೈರೆಕ್ಟರ್ ತಿಲಕ್ ಅವರಿಗೆ ನೀಡೋ ಸುಮಂತ್, ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.

    ಭರತನಾಟ್ಯದ ಆಸೆ ಹೊತ್ತಿರೋ ನಾಯಕಿಯಾಗಿ ಕವಿತಾ ಗೌಡ, ಆಕೆಯ ತಂದೆಯಾಗಿ ಪ್ರಿನ್ಸಿಪಾಲ್ ಪಾತ್ರದಲ್ಲಿ ಅಚ್ಯುತ್ ಕುಮಾರ್, ಪವನ್, ವಿಜಯ್ ಚೆಂಡೂರ್, ರೂಪೇಶ್ ಶೆಟ್ಟಿ, ಸುನೇತ್ರಾ ಪಂಡಿತ್.. ಹೀಗೆ ಕಲಾವಿದರ ದಂಡೇ ಚಿತ್ರದಲ್ಲಿದೆ. ನಕ್ಕು ನಲಿಯೋಕೆ ರೆಡಿಯಾಗಿ ಅಷ್ಟೆ. ನ.26ಕ್ಕೆ ರಿಲೀಸ್.

  • ಗೋವಿಂದ ಗೋವಿಂದನ ಪದ್ಮಾವತಿ ಕಥೆ ಕೇಳಿ..

    ಗೋವಿಂದ ಗೋವಿಂದನ ಪದ್ಮಾವತಿ ಕಥೆ ಕೇಳಿ..

    ಗೋವಿಂದ ಗೋವಿಂದ ಅಪ್ಪಟ ಕಾಮಿಡಿ ಮೂವಿ. ಹೀರೋ ಸುಮಂತ್ ಶೈಲೇಂದ್ರಬಾಬು. ಹೀರೋಯಿನ್ ಕವಿತಾ ಗೌಡ. ಇದರ ಮಧ್ಯೆ ಜಾಕಿ ಭಾವನಾ ಕಥೆ ಏನು? ಡೌಟೇ ಇಲ್ಲ.. ಭಾವನಾ ಕೂಡಾ ಗೋವಿಂದ ಗೋವಿಂದ ಚಿತ್ರದಲ್ಲಿ ಹೀರೋಯಿನ್. ಅರೆ.. ಅದು ಹೇಗೆ ಅಂತೀರಾ..ಚಿತ್ರದಲ್ಲಿ ಭಾವನಾ ಸಿನಿಮಾ ಹೀರೋಯಿನ್ ಆಗಿಯೇ ನಟಿಸಿದ್ದಾರೆ. ಪದ್ಮಾವತಿಯಾಗಿ.

    ಚಿತ್ರದಲ್ಲಿ ಎರಡು ಟ್ರ್ಯಾಕ್ ಬರುತ್ತವೆ. ಎರಡೂ ಟ್ರ್ಯಾಕ್ ಏಕಕಾಲಕ್ಕೆ ರನ್ ಆಗುತ್ತಿರುತ್ತವೆ. ನಾನು ಚಿತ್ರದಲ್ಲಿ ಸಿನಿಮಾ ಹೀರೋಯಿನ್ ಆಗಿಯೇ ನಟಿಸಿದ್ದೇನೆ. ನನಗೆ ನಿರ್ದೇಶಕನೊಬ್ಬ ಕಥೆ ಹೇಳೋಕೆ ಬರುತ್ತಾನೆ. ಚಿತ್ರದಲ್ಲಿ ನನ್ನ ರೋಲ್ ಬಹಳ ಕಡಿಮೆ. ನಾನು ಸುಮಾರು ಐದಾರು ದಿನವಷ್ಟೇ ಈ ಸಿನಿಮಾಗೆ ಕೆಲಸ ಮಾಡಿದ್ದೇನೆ. ಆದರೆ, ಅಷ್ಟೂ ದಿನ ಹೊಟ್ಟೆಹುಣ್ಣಾಗುವಂತೆ ನಕ್ಕಿದ್ದೇನೆ ಎನ್ನುತ್ತಾರೆ ಭಾವನಾ.

    ತಿಲಕ್ ನಿರ್ದೇಶನಕ್ಕೆ ಭಾವನಾ 100ಕ್ಕೆ 100 ಅಂಕ ಕೊಟ್ಟಿದ್ದಾರೆ. ಅವರು ಹೊಸ ನಿರ್ದೇಶಕ ಎನಿಸುವುದೇ ಇಲ್ಲ. ತುಂಬಾ ಚೆನ್ನಾಗಿ ಕಥೆ ಹೇಳುವ ಅನುಭವ ಅವರಿಗೆ ಇದೆ ಅನ್ನೋದು ಭಾವನಾ ಮಾತು. ಸಿನಿಮಾ ಈಗ ಥಿಯೇಟರಿನಲ್ಲಿದೆ. ನೋಡಿ.. ನಕ್ಕು.. ನಲಿದು.. ಹಗುರಾಗಿ..

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery