ಲವ್ ಯೂ ರಚ್ಚು ಚಿತ್ರದ ರೊಮ್ಯಾನ್ಸ್ ಹಾಡು ಹೊರಬಿದ್ದಾಗ.. ಅರೆರೇ.. ಏನಿದು ರಚಿತಾ ರಾಮ್ ಇಷ್ಟೊಂದು ಹಾಟ್ ಆಗಿದ್ದಾರಾ? ಹಾಟ್ ಸೀನ್ ಮಾಡಲ್ಲ ಅಂತಿದ್ರಲ್ಲ.. ಏನ್ ಮೇಡಂ ಅನ್ನೋ ಪ್ರಶ್ನೆ ರಚಿತಾಗೆ ಎದುರಾಗಿತ್ತು. ಅದರಲ್ಲೇನಿದೆ.. ಮದುವೆ ಆದವರು ಫಸ್ಟ್ ನೈಟ್‍ನಲ್ಲಿ ಏನ್ ಮಾಡ್ತಾರೋ ಅದನ್ನೇ ನಾವು ಮಾಡಿರೋದು..

ಏನ್ ಮಾಡ್ತಾರೆ ಹೇಳಿ.. ಎಂದು ರಚಿತಾ ತಿರುಗಿ ಕೇಳಿದ್ದ ಬೋಲ್ಡ್ ಪ್ರಶ್ನೆಗೆ ಪ್ರಶ್ನೆ ಕೇಳಿದ್ದವರೇ ಬಾಯಿ ಮುಚ್ಚಿಕೊಂಡಿದ್ದರು. ಚಿತ್ರದ ಪೋಸ್ಟರ್‍ಗಳಲ್ಲಿ ಹೈಲೈಟ್ ಆಗಿದ್ದೂ ಕೂಡಾ ಅದೇ ಸೀನ್. ರಚಿತಾ ಮತ್ತು ಅಜಯ್ ರಾವ್ ಬೆಡ್‍ರೂಂ ಸೀನ್‍ನ ಪೋಸ್ಟರ್.

ಆದರೆ.. ಇದರ ಜೊತೆ ಅರ್ಜುನ್ ಗೌಡ ಕೂಡಾ ಪೈಪೋಟಿಗೆ ಬಿದ್ದರಾ? ಏಕೆಂದರೆ ಈಗ ರಿಲೀಸ್ ಆಗಿರೋ ಪೋಸ್ಟರುಗಳಲ್ಲಿ ಸೇಮ್ ಟು ಸೇಮ್ ಅದೇ ರೀತಿಯ ರೊಮ್ಯಾನ್ಸ್ ಪೋಸ್ಟರ್ ಸದ್ದು ಮಾಡ್ತಿದೆ. ಇಲ್ಲಿ ಪ್ರಿಯಾಂಕಾ ತಿಮ್ಮೇಶ್ ಜೊತೆ ಬೆಡ್ ಹಂಚಿಕೊಂಡಿರೋದು ಪ್ರಜ್ವಲ್ ದೇವರಾಜ್.

ಎರಡೂ ಚಿತ್ರಗಳು ರಿಲೀಸ್ ಆಗ್ತಿರೋದು ಡಿಸೆಂಬರ್ 31ರಂದು. ಒಂದು ಗುರುದೇಶಪಾಂಡೆ ಸಿನಿಮಾ. ಇನ್ನೊಂದು ಕೋಟಿ ರಾಮು ಕೊನೆಯ ಸಿನಿಮಾ. ಒಟ್ಟಿನಲ್ಲಿ ಇದು ಬಾಕ್ಸಾಫೀಸ್‍ನಲ್ಲಷ್ಟೇ ಅಲ್ಲ.. ರೊಮ್ಯಾನ್ಸ್‍ನಲ್ಲೂ ಪೈಪೋಟಿ ಎನ್ನಬಹುದು.

ಡಿಸೆಂಬರ್ 31. ವರ್ಷದ ಕೊನೆಯ ದಿನ. ಆ ದಿನ ಸ್ಯಾಂಡಲ್‍ವುಡ್ ಹಬ್ಬವನ್ನೇ ಮಾಡುತ್ತಿದೆ. ಒಂದೇ ದಿನ ನಾಲ್ಕಾಲ್ಕು ಚಿತ್ರಗಳು ರಿಲೀಸ್ ಆಗುತ್ತಿವೆ.

ಅಜೇಯ್ ರಾವ್, ರಚಿತಾ ರಾಮ್, ಗುರು ದೇಶಪಾಂಡೆ ಕಾಂಬಿನೇಷನ್ನಿನ ಲವ್ ಯೂ ರಚ್ಚು. ಪದ್ಮನಾಭ್ ದಯಾಳ್, ಲೂಸ್ ಮಾದ ಯೋಗಿ ಕಾಂಬಿನೇಷನ್ನಿನದ ಒಂಬತ್ತನೇ ದಿಕ್ಕು.

ಕೋಟಿ ರಾಮು ನಿರ್ಮಾಣದ ಕೊನೆಯ ಸಿನಿಮಾ, ಪ್ರಜ್ವಲ್ ದೇವರಾಜ್ ನಟಿಸಿರೋ ಅರ್ಜುನ್ ಗೌಡ ಮತ್ತು ದಿಗಂತ್ ನಟನೆಯ ಹುಟ್ಟುಹಬ್ಬದ ಶುಭಾಶಯಗಳು. ಆ ದಿನ ರಿಲೀಸ್ ಆಗುತ್ತಿರೋ ಚಿತ್ರಗಳು. ಅದೇ ದಿನ ರಿಲೀಸ್ ಆಗಬೇಕಿದ್ದ ಚಾರ್ಲಿ 777 ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿರುವ ಹಿನ್ನೆಲೆಯಲ್ಲಿ 4 ಚಿತ್ರಗಳು ಫೈನಲ್ ಆಗಿವೆ. ಈ ಸಂಖ್ಯೆ ಇನ್ನೂ ಹೆಚ್ಚಾಗಬಹುದು.

ವಿಚಿತ್ರವೆಂದರೆ ಡಿಸೆಂಬರ್ 17ರಂದು ಕನ್ನಡ ಚಿತ್ರಗಳೇ ಇಲ್ಲ. ಆನ ಆ ದಿನ ರಿಲೀಸ್ ಆಗುವ ಸಾಧ್ಯತೆ ಇದೆ. ಆ ದಿನ ತೆಲುಗಿನ ಪುಷ್ಪ ರಿಲೀಸ್ ಆಗುತ್ತಿದೆ. ಆ ತೆಲುಗು ಚಿತ್ರಕ್ಕೆ ಕನ್ನಡದಲ್ಲಿ ಒಂದು ಬಲವಾದ ಎದುರಾಳಿಯೇ ಇಲ್ಲ.

ಹೋಮ್ಲಿ ಹುಡುಗಿಯಾಗಿಯೇ ಗುರುತಿಸಿಕೊಂಡಿದ್ದ ರಚಿತಾ ರಾಮ್ ಮೊದಲ ಬಾರಿಗೆ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದು ಐ ಲವ್ ಯೂ ಚಿತ್ರದಲ್ಲಿ. ಉಪೇಂದ್ರ ಜೊತೆ ಬೆಡ್‍ರೂಂ ಸೀನ್‍ನಲ್ಲಿ ರಸಿಕರ ಹೃದಯ ಬೆಚ್ಚಗಾಗಿಸಿದ್ದ ರಚಿತಾ, ನಂತರ ಕಣ್ಣೀರಿಟ್ಟಿದ್ದರು. ಇನ್ನು ಮುಂದೆ ಅಂತಾ ಸೀನ್‍ಗಳಲ್ಲಿ ಮಾಡಲ್ಲ ಎಂದಿದ್ದ ರಚ್ಚು ಈಗ ಬ್ಯಾಕ್ ಟು ಬ್ಯಾಕ್ 2 ಚಿತ್ರಗಳಲ್ಲಿ ಬೋಲ್ಡ್ ಆಗಿದ್ದಾರೆ. ಲವ್ ಯೂ ರಚ್ಚು ಚಿತ್ರದಲ್ಲಿ ಅಜಯ್ ರಾವ್ ಜೊತೆ ಬೆಡ್‍ರೂಂ ದೃಶ್ಯಗಳಿವೆ. ಅದರ ಬೆನ್ನಲ್ಲೇ ಏಕ್ ಲವ್ ಯಾ ಚಿತ್ರದಲ್ಲಿ ಹೊಸ ಹೀರೋ ರಾಣಾ ಜೊತೆ ಲಿಪ್ ಲಾಕ್ ಸೀನ್ ಇದೆ.

ನಾನು ಆ ರೀತಿ ಮಾಡಿದ್ದೇನೆ ಎಂದರೆ ಅದಕ್ಕೊಂದು ಅರ್ಥವಿರುತ್ತೆ. ಸುಮ್ ಸುಮ್ನೆ ಮಾಡಲ್ಲ. ಬೋಲ್ಡ್ ದೃಶ್ಯಗಳಲ್ಲಿ ಮಾಡಿದ್ದೇನೆ ನಿಜ. ಆ ರೀತಿ ಯಾಕೆ ಮಾಡಿದ್ದೇನೆ ಅನ್ನೋದು ಸಿನಿಮಾ ನೋಡಿದ ಮೇಲೆ ನಿಮಗೇ ಗೊತ್ತಾಗುತ್ತೆ ಎಂದಿದ್ದಾರೆ ರಚಿತಾ ರಾಮ್. ದೃಶ್ಯಗಳಲ್ಲಿ ನಾನು ಸಿಗರೇಟು ದೃಶ್ಯ ನೋಡಿದಾಗ ಪರವಾಗಿಲ್ಲ, ನ್ಯಾಚುರಲ್ಲಾಗಿಯೇ ಮಾಡಿದ್ದೇನೆ ಎಂದುಕೊಂಡರಂತೆ ರಚಿತಾ ರಾಮ್.

ಫ್ರಸ್ಟ್ರೇಷನ್, ಸೇಡು ಇರುವ ವ್ಯಕ್ತಿಯ ಪಾತ್ರ ರಚಿತಾ ಅವರದ್ದು ಎಂದು ಸಣ್ಣದೊಂದು ಕ್ಲೂ ಕೊಟ್ಟಿರುವ ಜೋಗಿ ಪ್ರೇಮ್ ಮಿಕ್ಕಿದ್ದನ್ನೆಲ್ಲ ಜನವರಿಯಲ್ಲಿ ಸಿನಿಮಾ ರಿಲೀಸ್ ಆದಮೇಲೆ ಹೇಳಲಿದ್ದಾರೆ.

ಐ ಲವ್ ಯೂ ಚಿತ್ರದಲ್ಲಿ ರಚಿತಾ ರಾಮ್ ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದರು. ಒಂದಿಷ್ಟು ವಿವಾದ.. ಮತ್ತೊಂದಿಷ್ಟು ಕಣ್ಣೀರು.. ಕ್ಷಮೆ.. ಇತ್ಯಾದಿ ಇತ್ಯಾದಿಗಳಾಗಿದ್ದವು. ಇನ್ನು ಮುಂದೆ ನಾನು ಬೋಲ್ಡ್ ಅವತಾರದಲ್ಲಿ ಕಾಣಿಸೋದಿಲ್ಲ ಎಂದಿದ್ದ ರಚಿತಾ, ಈಗ ಲವ್ ಯೂ ರಚ್ಚು ಚಿತ್ರದಲ್ಲಿ ಬೋಲ್ಡ್ ಆಗಿದ್ದಾರೆ. ನೋಡುವವರನ್ನೂ ಬೌಲ್ಡ್ ಮಾಡಿದ್ದಾರೆ. ಇದು ಲವ್ ಯೂ ರಚ್ಚು ಚಿತ್ರದ ಹಾಡಿನ ಝಲಕ್.

ಮುದ್ದು ನೀನು.. ಅನ್ನೋ ಹಾಡು ಹೊರಬಂದಿದೆ. ಅಜೇಯ್ ರಾವ್ ಮತ್ತು ರಚಿತಾ ರಾಮ್ ನಟಿಸಿರೋ ಚಿತ್ರವಿದು. ಗುರು ದೇಶಪಾಂಡೆ ನಿರ್ಮಾಣದ ಚಿತ್ರಕ್ಕೆ ಶಂಕರ್ ರಾಜ್ ನಿರ್ದೇಶಕ. ಈ ಮುದ್ದು ನೀನು ಹಾಡಿನಲ್ಲೇ ರಚಿತಾ ರಾಮ್ ಮುದ್ದು ಮುದ್ದಾಗಿ.. ಬೋಲ್ಡ್ ಆಗಿ ಕಾಣಿಸಿರೋದು. ಲವ್ ಮೇಕಿಂಗ್ ದೃಶ್ಯಗಳಿರೋ ಹಾಡಿನಲ್ಲಿ ರಚಿತಾ ರಾಮ್ ಕಿಕ್ಕೇರಿಸುತ್ತಿದ್ದಾರೆ. ಅಫ್‍ಕೋರ್ಸ್.. ಐ ಲವ್ ಯೂ ನಂತರ ರಚಿತಾ ರಾಮ್, ಏಕ್ ಲವ್ ಯಾದಲ್ಲಿ ಲಿಪ್ ಲಾಕ್ ಕೂಡಾ ಮಾಡಿದ್ದಾರೆ. ನಟನೆ ಅಂದ ಮೇಲೆ ಎಲ್ಲವನ್ನೂ ಮಾಡಬೇಕು. ತಪ್ಪೇನೂ ಇಲ್ಲ. ಮತ್ತೊಮ್ಮೆ ವಿವಾದವಾಗಬಾರದಷ್ಟೆ..

ರಚ್ಚು ಅಲಿಯಾಸ್ ರಚಿತಾ ರಾಮ್ ಅಲಿಯಾಸ್ ಡಿಂಪಲ್ ಕ್ವೀನ್ ಅಲಿಯಾಸ್ ಬುಲ್‍ಬುಲ್.. ಇಷ್ಟಪಡದೇ ಇರೋರು ಯಾರು? ಅವರನ್ನೀಗ ಲವ್ ಯೂ ರಚ್ಚು ಎಂದು ರಚ್ಚೆ ಹಿಡಿದಿದ್ದಾರೆ ನವೀನ್ ಸಜ್ಜು ಮತ್ತು ಅಜಯ್ ರಾವ್. ಡಿಂಪಲ್ ಡಿಂಪಲ್ ಹುಡುಗಿ ನಿನ್ನ ಡಾರ್ಲಿಂಗ್ ಅನ್ಬೋದಾ.. ಅಂತಾ ಬೆನ್ನು ಹತ್ತಿದ್ದಾರೆ.

ಇವರೆಲ್ಲ ರಚ್ಚು ಬೆನ್ನು ಹತ್ತೋಕೆ ಸಾಹಿತ್ಯ ಕೊಟ್ಟವರು ಡೈರೆಕ್ಟರ್ ಚೇತನ್ ಕುಮಾರ್. ಮ್ಯೂಸಿಕ್ ಕೊಟ್ಟವರು ಮಣಿಕಾಂತ್ ಕದ್ರಿ. ಶಶಾಂಕ್ ನಿರ್ದೇಶನದಲ್ಲಿ ರೆಡಿಯಾಗುತ್ತಿರೋ ಲವ್ ಯೂ ರಚ್ಚು ಸಿನಿಮಾದ ಹಾಡಿದು. ನಿರ್ದೇಶಕ ಗುರು ದೇಶಪಾಂಡೆ ನಿರ್ಮಾಣದ ಲವ್ ಯೂ ರಚ್ಚು, ವರ್ಷದ ಕೊನೆಗೆ ರಿಲೀಸ್ ಆಗುತ್ತಿದೆ.

ಲವ್ ಯೂ ರಚ್ಚು ಈ ವರ್ಷದ ಕೊನೆಯಲ್ಲಿ ರಿಲೀಸ್ ಆಗುತ್ತಿರೋ ಸಿನಿಮಾ. ರಚಿತಾ ರಾಮ್, ಅಜೇಯ್ ರಾವ್ ಪ್ರಧಾನ ಪಾತ್ರದಲ್ಲಿರೋ ಸಿನಿಮಾ ಈಗಾಗಲೇ ಹಾಡುಗಳ ಮೂಲಕ ಪಡ್ಡೆಗಳನ್ನು ರೊಚ್ಚಿಗೆಬ್ಬಿಸಿರೋ ಚಿತ್ರ. ಚಿತ್ರದ ಟ್ರೇಲರ್ ಇದೇ ಡಿಸೆಂಬರ್ 16ಕ್ಕೆ ರಿಲೀಸ್ ಆಗುತ್ತಿದೆ. ಟ್ರೇಲರ್‍ನ್ನು ನೋಡಿದವರು ಶಹಬ್ಬಾಸ್ ಎನ್ನುತ್ತಿದ್ದಾರೆ.

ನಿರ್ದೇಶಕ ಎಂ.ಡಿ.ಶ್ರೀಧರ್ : ನಿರ್ದೇಶಕರು ಹೊಸಬರಾದರೂ ಚೆನ್ನಾಗಿ ಮಾಡಿದ್ದಾರೆ. ಚಿತ್ರತಂಡಕ್ಕೆ ಒಳ್ಳೆಯದಾಗಲಿ.

ಆರ್.ಚಂದ್ರು : ಗುರು ದೇಶಪಾಂಡೆ, ಒಳ್ಳೆಯ ಅಭಿರುಚಿ ಇರುವ ನಿರ್ದೇಶಕರು. ಈ ಚಿತ್ರಕ್ಕೆ ನಿರ್ಮಾಪಕರಾಗಿ ಇನ್ನೊಬ್ಬರಿಗೆ ನಿರ್ದೇಶನ ಕೊಟ್ಟಿದ್ದಾರೆ. ಇಡೀ ಚಿತ್ರ ತಂಡಕ್ಕೆ ಒಳ್ಳೆಯದಾಗಲಿ.

ಎನ್.ಮಹೇಶ್ ಕುಮಾರ್ : ಟೈಟಲ್ ನೋಡಿ ಕೇವಲ ಲವ್ ಸ್ಟೋರಿ ಅಂದುಕೊಳ್ಳಬೇಡಿ. ಚಿತ್ರದಲ್ಲಿ ಆ್ಯಕ್ಷನ್, ಥ್ರಿಲ್ ಎಲ್ಲವೂ ಇದೆ. ನಿರ್ದೇಶಕರಿಗೆ ಏನು ಹೇಳಬೇಕು ಅನ್ನೋ ಕ್ಲಾರಿಟಿ ಇದೆ. ಟ್ರೇಲರ್ ಸಖತ್ತಾಗಿದೆ.

ನಂದ ಕಿಶೋರ್ : ನಿರ್ದೇಶಕರು ಹೊಸಬರು. ಆದರೆ ಟ್ರೇಲರ್ ನೋಡಿದರೆ ಹಾಗೆ ಅನ್ನಿಸೋದಿಲ್ಲ. ಟ್ರೇಲರ್ ತುಂಬಾ ಚೆನ್ನಾಗಿದೆ. ಸಿನಿಮಾ ಕೂಡಾ ಅಷ್ಟೇ ಚೆನ್ನಾಗಿರಲಿದೆ ಅನ್ನೋ ನಿರೀಕ್ಷೆ ಇದೆ...

ಹೀಗೆ ಚಿತ್ರದ ಟ್ರೇಲರ್ ನೋಡಿದ ನಿರ್ದೇಶಕರೆಲ್ಲ ಚಿತ್ರದ ಬಗ್ಗೆ ಒಳ್ಳೊಳ್ಳೆ ಮಾತನಾಡುತ್ತಿದ್ದಾರೆ. ರಚಿತಾ ರಾಮ್ ಅಭಿನಯಕ್ಕೆ ಹೆಚ್ಚು ಮಾಕ್ರ್ಸ್ ಬೀಳುತ್ತಿವೆ. ಶಂಕರ್ ಎಸ್.ರಾಜ್ ನಿರ್ದೇಶನದ ಮೊದಲ ಚಿತ್ರವಿದು. ವೇಯ್ಟ್.. ವೇಯ್ಟ್.. ವೇಯ್ಟ್..

ಲವ್ ಯೂ ರಚ್ಚು ಚಿತ್ರ ಮೊದಲು ಸುದ್ದಿಯಾಗಿದ್ದು ಚಿತ್ರದ ಚೆಂದದ ಟೈಟಲ್ಲು, ಲುಕ್.. ಇತ್ಯಾದಿಗಳಿಗೆ. ಆದರೆ ಆಗಸ್ಟ್ 9ನೇ ತಾರೀಕು ನಡೆದ ದುರಂತ, ಫೈಟರ್ ವಿವೇಕ್ ದುರ್ಮರಣ ಚಿತ್ರತಂಡಕ್ಕೂ ಶಾಕ್. ಇಷ್ಟಕ್ಕೂ ಆಗಿದ್ದೇನು?

ದುರಂತಕ್ಕೆ ಕಾರಣ ಸಾಹಸ ನಿರ್ದೇಶಕ ವಿನೋದ್ ಅಲ್ಲ, ಚಿತ್ರತಂಡದಲ್ಲಿದ್ದ ಯಾವೊಬ್ಬ ಸಾಹಸ ಕಲಾವಿದರೂ ಅಲ್ಲ. ಬದಲಿಗೆ ಇದೆಲ್ಲ ಆಗಿದ್ದು ಕ್ರೇನ್ ಆಪರೇಟರ್‍ನಿಂದ. ಬಿಡದಿಯ ಜೋಗಯ್ಯನ ಪಾಳ್ಯದಲ್ಲಿ ನಡೆಯುತ್ತಿದ್ದ ಶೂಟಿಂಗ್‍ನಲ್ಲಿ ರೋಪ್ ಸ್ಟಂಟ್ ಇತ್ತು. ದುರದೃಷ್ಟವಶಾತ್ ಅದು ಹೈಟೆನ್ಷನ್ ವೈರ್ ಕೆಳಗೆ ನಡೆಯುತ್ತಿದ್ದ ಸಾಹಸ. ಆ ವೇಳೆ ಕ್ರೇನ್ ಆಪರೇಟರ್, ಕ್ರೇನ್‍ನ್ನು ಮರಕ್ಕೆ ಟಚ್ ಮಾಡಿದ್ದ. ಆಗ ಅವನಿಗೆ ವಾರ್ನಿಂಗ್ ಕೊಡಲಾಗಿತ್ತು. ಕೊನೆಗೆ ಆತ ವೈರ್‍ಗೆ ಟಚ್ ಮಾಡಿಬಿಟ್ಟ. ಅದು 11  ಕೆವಿ ವಿದ್ಯುತ್ ಲೇನ್. ಆಗ ಕ್ರೇನ್‍ಗೆ ತಗುಲಿದ್ದ ಕರೆಂಟ್, ವಿವೇಕ್ ಮತ್ತು ರಂಜಿತ್ ಇಬ್ಬರಿಗೂ ಟಚ್ ಆಯ್ತು. ರಂಜಿತ್ ಅದೃಷ್ಟ ಚೆನ್ನಾಗಿತ್ತು. ಕರೆಂಟ್ ಹೊಡೆದರೂ ಬದುಕುಳಿದರು. ವಿವೇಕ್ ಅಲ್ಲಿಯೇ ಮೃತಪಟ್ಟರು. ಇದು ರಂಜಿತ್ ಹೇಳಿರುವ ಘಟನೆಯ ವಿವರ.

ಸದ್ಯಕ್ಕೆ ಚಿತ್ರದ ನಿರ್ದೇಶಕ ಶಂಕರ್ ರಾಜ್, ಸಾಹಸ ನಿರ್ದೇಶಕ ವಿನೋದ್, ಟ್ರೇನ್ ಆಪರೇಟರ್ ಮಾದೇಶ (ಮುನಿಯಪ್ಪ) ಹಾಗೂ ಜಮೀನಿನ ಮಾಲೀಕ ಪುಟ್ಟರಾಜು ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ರಾತ್ರಿಯೇ ನ್ಯಾಯಾಧೀಶರ ಎದುರು ಹಾಜರು ಪಡಿಸಿ ವಿಚಾರಣೆ ಆರಂಭಿಸಿದ್ದಾರೆ.

ನಿರ್ಮಾಪಕ ಗುರು ದೇಶಪಾಂಡೆ ಸ್ಥಳದಲ್ಲಿ ಇರಲಿಲ್ಲ. ಘಟನೆಯ ಸಂಪೂರ್ಣ ಮಾಹಿತಿ ಪಡೆದು, ಮುಂದಿನ ಹೆಜ್ಜೆ ಇಡುತ್ತೇನೆ ಎಂದಿದ್ದಾರೆ ಗುರು ದೇಶಪಾಂಡೆ.

ಲವ್ ಯೂ ರಚ್ಚು ಚಿತ್ರದ ಸುಂದರಿ ಯಾರು? ನೋ ಡೌಟ್.. ಎಲ್ಲರೂ ಹೇಳೋ ಹೆಸರು ರಚ್ಚು ಅಲಿಯಾಸ್ ರಚಿತಾ ರಾಮ್ ಅವರ ಹೆಸರನ್ನೇ. ಆದರೆ.. ರಚ್ಚುವನ್ನೂ ಮೀರಿಸೋ ಇನ್ನೊಬ್ಬಳು ಸುಂದರಿ ಆ ಚಿತ್ರದಲ್ಲಿದ್ದಾಳೆ. ಆಕೆಯ ಹೆಸರು ಚರಿಷ್ಮಾ. ರಚ್ಚು ಮತ್ತು ಚರಿಷ್ಮಾ.. ಇಬ್ಬರಲ್ಲಿ ಯಾರು ಸುಂದರಿ ಎಂದರೆ.. ಅನುಮಾನವೇ ಇಲ್ಲದಂತೆ ಅಜೇಯ್ ರಾವ್ ಎತ್ತಿಕೊಂಡು ಮುದ್ದಾಡೋದು ಚರಿಷ್ಮಾ ಅವರನ್ನೇ.

ಕನ್‍ಫ್ಯೂಸ್ ಆಗುವಂತದ್ದೇನೂ ಇಲ್ಲ. ಲವ್ ಯೂ ರಚ್ಚು ಚಿತ್ರದಲ್ಲಿ ನಟಿಸಿರೋ ಆ ಚರಿಷ್ಮಾ, ಅಜೇಯ್ ರಾವ್ ಅವರ ಪ್ರೀತಿಯ ಪುತ್ರಿ. ಈ ಚಿತ್ರದಲ್ಲಿರೋ ಸರ್‍ಪ್ರೈಸ್ ಆಕೆಯೇ. ಪುಟಾಣಿ ಬೇಬಿ ಚರಿಷ್ಮಾ ಈ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾಳೆ.

ಆಕೆಯ ಪಾತ್ರ ಇಡೀ ಚಿತ್ರದಲ್ಲಿ ತುಂಬಾನೇ ಸ್ಪೆಷಲ್. ಬೇಬಿ ಚರಿಷ್ಮಾ ಪಾತ್ರ, ಇಡೀ ಚಿತ್ರದ ಹೈಲೈಟ್ ಎಂದಿದ್ದಾರೆ ನಿರ್ಮಾಪಕ ಗುರು ದೇಶಪಾಂಡೆ. ಶಂಕರ್ ಎಸ್.ರಾಜ್ ನಿರ್ದೇಶನದ ಮೊದಲ ಚಿತ್ರ ಲವ್ ಯೂ ರಚ್ಚು. ಈಗಾಗಲೇ ಚಿತ್ರದ ರೊಮ್ಯಾಂಟಿಕ್ ಸಾಂಗ್ ಹವಾ ಎಬ್ಬಿಸಿದೆ.

ಲವ್ ಯೂ ರಚ್ಚು ಚಿತ್ರದ ಕಥೆ ಕೇಳಿದಾಗ ಕೃಷ್ಣನ್ ಲವ್ ಸ್ಟೋರಿ ಮಾದರಿಯಲ್ಲಿ ಟೈಟಲ್ ಇಡೋಣ ಎಂದುಕೊಂಡ್ವಿ. ಕಥೆಯಲ್ಲಿ ಲವ್ ಸ್ಟೋರಿ ಇತ್ತು. ಎಲ್ಲರಿಗೂ ಇಷ್ಟವಾಗಿತ್ತು. ಅವಳ ಪ್ರೀತಿಗಾಗಿ ಆತ ಮಾಡುವ ಫೈಟ್ಸ್ ಇಷ್ಟವಾಗಿತ್ತು. ಟೈಟಲ್ ಏನಿಡೋಣ ಎಂದಾಗ..

ಶಶಾಂಕ್ ಸರ್ ನಿನ್ನ ಜೊತೆ ನಟಿಸಿರೋ ನಾಯಕಿಯರ ಹೆಸರು ಹೇಳ್ತಾ ಹೋಗು ಅಂದ್ರು. ನನ್ನ ಜೊತೆ ನಟಿಸಿದ ಮೊದಲ ನಾಯಕಿ ರಮ್ಯಾ. ಅಲ್ಲಿಂದ ಲವ್ ಯೂ ರಮ್ಯಾ ಎಂದು ಶುರುವಾಯ್ತು. ಒಬ್ಬೊಬ್ಬರೇ ನಾಯಕಿಯರ ಹೆಸರು ಹೇಳ್ತಾ ಹೋದೆವು. ಅದು ಮುಗಿದ ಮೇಲೆ ಬೇರೆ ಬೇರೆ ನಾಯಕಿಯ ಹೆಸರು ಟ್ರೈ ಮಾಡ್ತಾ ಹೋದೆವು. ಆಗ ಲವ್ ಯೂ ರಚ್ಚು ಅನ್ನೋ ಟೈಟಲ್ ಸೌಂಡಿಂಗ್ ಇಷ್ಟವಾಯ್ತು. ಅದೇ ಫೈನಲ್ಲೂ ಆಯ್ತು ಎನ್ನುತ್ತಾರೆ ಅಜಯ್ ರಾವ್.

ಅಂದಹಾಗೆ ಲವ್ ಯೂ ರಚ್ಚು ಚಿತ್ರಕ್ಕೆ ಕಥೆ ಬರೆದಿರುವುದು ಅಜಯ್ ರಾವ್‍ಗೆ ಹಿಟ್ ಮೇಲೆ ಹಿಟ್ ಕೊಟ್ಟಿರುವ ನಿರ್ದೇಶಕ ಶಶಾಂಕ್. ಲವ್ ಯೂ ರಚ್ಚುಗೆ ಡೈರೆಕ್ಟರ್ ಶಂಕರ್ ಎಸ್.ರಾಜ್. ಗುರು ದೇಶಪಾಂಡೆ ನಿರ್ಮಾಣದ ಚಿತ್ರದಲ್ಲಿ ಅಜಯ್ ರಾವ್ ಮತ್ತು ರಚಿತಾ ರಾಮ್ ಇದೇ ಮೊದಲ ಬಾರಿಗೆ ಜೋಡಿಯಾಗಿ ನಟಿಸಿದ್ದಾರೆ. ಇದೊಂದು ರೊಮ್ಯಾಂಟಿಕ್ ಥ್ರಿಲ್ಲರ್.

ಬೆಂಗಳೂರಲ್ಲಿ ಸಿನಿಮಾ ಶೂಟಿಂಗ್ ವೇಳೆ ದುರಂತ ಸಂಭವಿಸಿದೆ. ದುರಂತದಲ್ಲಿ ಫೈಟ್ ಮಾಸ್ಟರ್ ವಿವೇಕ್ ಸಾವಿಗೀಡಾಗಿದ್ದಾರೆ. ಬಿಡದಿಯ ಈಗಲ್ ಟನ್ ರೆಸಾರ್ಟ್ ಬಳಿ ಘಟನೆ ನಡೆದಿದ್ದು, ಹೈಟೆನ್ಷನ್ ವೈರ್ ತಗುಲಿ ಫೈಟ್ ಮಾಸ್ಟರ್ ವಿವೇಕ್ ಸಾವನ್ನಪ್ಪಿದ್ದಾರೆ.  

ಅಜೇಯ್ ರಾವ್ ಮತ್ತು ರಚಿತಾ ರಾಮ್ ಅಭಿನಯದ ‘ಲವ್ ಯೂ ರಚ್ಚು’ ಸಿನಿಮಾ ಚಿತ್ರೀಕರಣದ ವೇಳೆ ಸಂಭವಿಸಿರುವ ದುರಂತವಿದು. ಗುರುದೇಶ ಪಾಂಡೆ ನಿರ್ಮಾಣದ ಚಿತ್ರದಲ್ಲಿ ಫೈಟ್ ಮಾಸ್ಟರ್ ವಿನೋದ್ ಸಾಹಸ ನಿರ್ದೇಶನವಿತ್ತು.

ಮೆಟಲ್ ರೋಪ್ ಮೇಲೆ ವಿವೇಕ್ ಜಾಕೆಟ್ ಹಾಕಿದ್ದರೂ, ಶಾರ್ಟ್ ಸರ್ಕ್ಯೂಟ್ ಆಗಿ ದುರಂತ ಸಂಭವಿಸಿದೆ. ಘಟನಾ ಸ್ಥಳದಲ್ಲಿ ಇಬ್ಬರು ಗಾಯಗೊಂಡರು. ಆದರೆ, ವಿವೇಕ್ ಆಸ್ಪತ್ರೆಗೆ ಕರೆದೊಯ್ಯುವ ಮುನ್ನವೇ ಸಾವನ್ನಪ್ಪಿದರು.

ಘಟನೆ ಸಂಬಂಧ ಫೈಟ್ ಮಾಸ್ಟರ್ ವಿನೋದ್ ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಇದು ನನ್ನ ಅರಿವಿಗೆ ಬಂದಿರಲಿಲ್ಲ. ಗೊತ್ತಿದ್ದರೆ, ಖಂಡಿತಾ ಆ ರಿಸ್ಕ್ ಶಾಟ್ಗೆ ಒಪ್ಪುತ್ತಿರಲಿಲ್ಲ. ಮೃತ ವಿವೇಕ್ ಅವರಿಗೆ ನ್ಯಾಯ ಸಿಗುವವರೆಗೂ ಶೂಟಿಂಗ್ಗೆ ಹೋಗಲ್ಲ ಎಂದಿದ್ದಾರೆ ನಟ ಅಜೇಯ್ ರಾವ್.