777 ಚಾರ್ಲಿ ಸಿನಿಮಾ ರಿಲೀಸ್ ಆಗಿದೆ. ಕಿರಣ್ ರಾಜ್ ನಿರ್ದೇಶನಕ್ಕೆ, ರಕ್ಷಿತ್ ಶೆಟ್ಟಿ ಮತ್ತು ಚಾರ್ಲಿಯ ನಟನೆಗೆ ಪ್ರೇಕ್ಷಕರೂ ಬಹುಪರಾಕ್ ಹಾಕಿದ್ದಾರೆ. ಇದೆಲ್ಲದರ ಮಧ್ಯೆ ಸಿನಿಮಾ ನೋಡಿದ ಸೆಲಬ್ರಿಟಿಗಳ ಪಟ್ಟಿಯೇ ದೊಡ್ಡದು.

ಸಿನಿಮಾ ರಿಲೀಸ್ ಆಗುವುದಕ್ಕೂ ಮುಂಚೆ ಕೇಂದ್ರದ ಮಾಜಿ ಸಚಿವೆ ಮನೇಕಾ ಗಾಂಧಿ, ನಟಿ ಹಾಗೂ ಮಾಜಿ ಸಂಸದೆ.. ರಕ್ಷಿತ್ ಶೆಟ್ಟಿಯ ಕ್ರಷ್ ರಮ್ಯಾ ಸೇರಿದಂತೆ ಹಲವರು ಸಿನಿಮಾ ನೋಡಿದ್ದರು. ಮೆಚ್ಚಿದ್ದರು. ಹೊಗಳಿದ್ದರು.

ರಕ್ಷಿತ್ ಶೆಟ್ಟಿ ಅವರ ತಾಯಿ ರಂಜನಿ ಶೆಟ್ಟಿ, ಗೆಳೆಯ ರಿಷಬ್ ಶೆಟ್ಟಿ ಸೇರಿದಂತೆ ರಕ್ಷಿತ್ ಶೆಟ್ಟಿ ಗ್ಯಾಂಗ್ ಇಡೀ ಸಿನಿಮಾವನ್ನು ಸೆಲಬ್ರೇಟ್ ಮಾಡಿದೆ. ಚಿತ್ರದ ಗೆಲುವಿನ ಕ್ರೆಡಿಟ್ ಎಲ್ಲವೂ ಅವಳಿಗೇ ಸಲ್ಲಬೇಕು ಎಂದಿರೋ ರಕ್ಷಿತ್, ಅವಳು ಎಂದರೆ ಚಾರ್ಲಿ ಎಂದು ಹೇಳೋಕೆ ಮರೆತಿಲ್ಲ.

ನಟಿ ಸಾಯಿಪಲ್ಲವಿ, ನಿರ್ದೇಶಕ ಕಾರ್ತಿಕ್ ಸುಬ್ಬರಾಜ್, ಸಾಯಿ ಧರಂ ತೇಜ್.. ಮೊದಲಾದವರು ಚಿತ್ರವನ್ನು ನೋಡಿ ಮೆಚ್ಚಿದ್ದಾರೆ. ನಾಯಕಿ ಸಂಗೀತಾ ಶೃಂಗೇರಿ, ನಿರ್ದೇಶಕ ಕಿರಣ್ ರಾಜ್, ರಾಜ್ ಬಿ.ಶೆಟ್ಟಿ ಸೇರಿದಂತೆ ಇಡೀ ಚಿತ್ರತಂಡ ತ್ರಿವೇಣಿಯಲ್ಲಿ ಸಿನಿಮಾ ನೋಡಿ ಸಂಭ್ರಮಿಸಿದೆ. ಸಿನಿಮಾ ನೋಡಿ ಹೊರಬಂದ ರಿಷಬ್ ಶೆಟ್ಟಿ, ರಕ್ಷಿತ್ ಶೆಟ್ಟಿಗೆ ಜೈಕಾರ ಹಾಕಿದ್ದು ವಿಶೇಷವಾಗಿತ್ತು.

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ, ಅವನೇ ಶ್ರೀಮನ್ನಾರಾಯಣದ ನಂತರ ಪ್ರೇಕ್ಷಕರಿಗೆ ಸರಿಯಾಗಿ ದರ್ಶನ ಕೊಟ್ಟಿಲ್ಲ. ಡಿಸೆಂಬರ್‍ನಲ್ಲೇ ರಿಲೀಸ್ ಆಗಬೇಕಿದ್ದ ರಕ್ಷಿತ್, ತಮ್ಮ ಚಾರ್ಲಿ 777 ಚಿತ್ರದ ರಿಲೀಸ್‍ನ್ನು ಮುಂದೂಡಿದ್ದರು. ಈಗ ಕಾಲ ಕೂಡಿ ಬಂದಹಾಗಿದೆ. ಈಗಾಗಲೇ ಸೆನ್ಸಾರ್ ಮುಗಿಸಿರೋ 777 ಚಾರ್ಲಿ ಚಿತ್ರದ ರಿಲೀಸ್ ಡೇಟ್‍ನ್ನು ಏಪ್ರಿಲ್ 10ಕ್ಕೆ ಘೋಷಿಸಲಿದ್ದಾರಂತೆ ರಕ್ಷಿತ್ ಶೆಟ್ಟಿ. ಮೂಲಗಳ ಪ್ರಕಾರ ರಿಲೀಸ್ ಡೇಟ್ ಜೂನ್ 10.

ಅಂದಹಾಗೆ ಇದು ಪ್ಯಾನ್ ಇಂಡಿಯಾ ಸಿನಿಮಾ. ರಕ್ಷಿತ್ ಶೆಟ್ಟಿಯವರ ಪರಂವಾ ಸ್ಟುಡಿಯೋಸ್ ನಿರ್ಮಾಣದ ಚಾರ್ಲಿ 777ಗೆ, ನಿರ್ಮಾಣದಲ್ಲಿ ಜಿ.ಎಸ್.ಗುಪ್ತ ಕೈಜೋಡಿಸಿದ್ದಾರೆ. ಕಿರಣ್ ರಾಜ್ ನಿರ್ದೇಶನದ 777 ಚಾರ್ಲಿ ಚಿತ್ರದಲ್ಲಿ ರಕ್ಷಿತ್ ಶೆಟ್ಟಿ, ರಾಜೇಶ್ ಬಿ.ಶೆಟ್ಟಿ, ದ್ಯಾನಿಶ್ ಸೇಠ್ ನಟಿಸಿದ್ದು, ಸಂಗೀತಾ ಶೃಂಗೇರಿ ನಾಯಕಿ.

ಜೂನ್ 10ರ ಡೇಟ್‍ನ್ನು ಏಪ್ರಿಲ್ 10ಕ್ಕೇ ಘೋಷಿಸ್ತಾರಾ ರಕ್ಷಿತ್ ಶೆಟ್ಟಿ..?

ಚಿತ್ರದಲ್ಲಿರೋದು ಒಬ್ಬ ವ್ಯಕ್ತಿ ಮತ್ತು ಒಂದು ನಾಯಿಯ ಜರ್ನಿ. ಕ್ರೈಂ ಇಲ್ಲ. ರಕ್ತಪಾತವಿಲ್ಲ. ಸೆಕ್ಸ್ ಇಲ್ಲ. ಹೀಗಿರೋವಾಗ ಯು/ಎ ಯಾಕೆ? ಯು ಸರ್ಟಿಫಿಕೇಟ್ ಕೊಡಬಹುದಿತ್ತಲ್ಲಾ? ಇಂಥಾದ್ದೊಂದು ಪ್ರಶ್ನೆ ಉದ್ಭವವಾಗೋದು ಸಹಜ. ಚಿತ್ರದ ನಿರ್ದೇಶಕ ಕಿರಣ್ ರಾಜ್ ಅವರನ್ನು ಕೇಳಿದರೆ ಅವರು ಕೊಟ್ಟ ಉತ್ತರ ಇದು.

ಸೆನ್ಸಾರ್ ಸರ್ಟಿಫಿಕೇಟ್‍ನಲ್ಲಿ ಯು ಪ್ರಮಾಣ ಪತ್ರವನ್ನೇ ತೆಗೆದುಕೊಳ್ಳಬೇಕು ಎಂಬ ಪ್ರಯತ್ನವನ್ನೇನೋ ಪಟ್ಟೆವು. ರಕ್ತ, ಹಿಂಸೆ ಬರದಂತೆ ನೋಡಿಕೊಂಡೆವು. ಆದರೆ ಚಿತ್ರದ ನಾಯಕ ಧರ್ಮನ ಲೈಫ್ ತೋರಿಸೋಕೆ ಸಿಗರೇಟು, ಬಿಯರು, ಗಲಾಟೆ ಅನಿವಾರ್ಯ. ಅದರ ಮೂಲಕವೇ ಧರ್ಮನ ಕ್ಯಾರೆಕ್ಟರ್ ಎಸ್ಟಾಬ್ಲಿಷ್ ಆಗುತ್ತೆ. ಸದ್ಯ ಸಿಗರೇಟು, ಡ್ರಿಂಕ್ಸ್ ಬಗ್ಗೆ ಸ್ಟ್ರಿಕ್ಟ್ ರೂಲ್ಸ್ ಇರೋ ಕಾರಣ ಯು ಪ್ರಮಾಣ ಪತ್ರ ಆಗಲ್ಲ ಎಂದರು. ಹೀಗಾಗಿ ಯು/ಎಗೆ ಒಪ್ಪಿಕೊಂಡೆವು ಎನ್ನುತ್ತಾರೆ ನಿರ್ದೇಶಕ ಕಿರಣ್ ರಾಜ್.

ಸಿನಿಮಾ ರಿಲೀಸ್ ಯಾವಾಗ ಅನ್ನೋದು ಫೆಬ್ರವರಿಯಲ್ಲಿ ಗೊತ್ತಾಗಲಿದೆಯಂತೆ. 

Team '777 Charlie' had announced that they will be making a big announcement today morning at 7.30 AM and according to that the team has unveiled the first poster of Kollywood actor Bobby Simha who is making a special appearance in the movie.

Bobby Simha has played an important yet small character in the film and his character is said to be the driving force for the hero's character. Bobby plays the role of Vamshinadan and has already finished his portions in Kodaikanal. The team has kept his role under wraps till now and has released the first poster of the actor as he is celebrating his birthday today.

'777 Charlie' is 80 percent complete and the team intends to complete the film by this month end and move on to post-production. The film stars Rakshith Shetty, Bobby Simha, Sangeetha Sringeri, Raj B Shetty and others in prominent roles and the film is written and directed by debutante Bobby Simha.

2022 ಕನ್ನಡಕ್ಕೆ ಅದ್ಭುತ ಎನ್ನಿಸುವ ವರ್ಷ ಎನ್ನಬಹುದು. ಈ ವರ್ಷ ಕನ್ನಡದ 5 ಚಿತ್ರಗಳು  100 ಕೋಟಿ ಕ್ಲಬ್ ಸೇರಿದರೆ, ಎರಡು ಚಿತ್ರಗಳು ದೇಶದಾದ್ಯಂತ ಸಂಚಲನವನ್ನೇ ಸೃಷ್ಟಿಸಿದವು. ಈಗ   IMDB TOP 10  10ನಲ್ಲೂ ಕನ್ನಡದ್ದೇ ಹವಾ. ಐಎಂಡಿಬಿ ಪಟ್ಟಿಯಲ್ಲಿ ಸೆಲೆಕ್ಟ್ ಆಗಿರುವ 10 ಚಿತ್ರಗಳಲ್ಲಿ 3 ಕನ್ನಡದ್ದೇ. ಇನ್ನೊಂದು ತೆಲುಗು.

ಐಎಂಡಿಬಿ ಟಾಪ್ 1 ರ್ಯಾಂಕಿಂಗ್‍ನಲ್ಲಿ ಆರ್.ಆರ್.ಆರ್. ಇದೆ. ಅದು ರಾಜಮೌಳಿ ಸೃಷ್ಟಿಸಿದ ದೃಶ್ಯ ವೈಭವ. ಪ್ರೇಕ್ಷಕರೇ ಕೊಟ್ಟ ರೇಟಿಂಗ್ ಪ್ರಕಾರ ಆರ್.ಆರ್.ಆರ್. ಅತೀ ಹೆಚ್ಚು ರೇಟಿಂಗ್ ಪಡೆದಿದ್ದರೆ, 2ನೇ ಸ್ಥಾನದಲ್ಲಿರೋದು ಹಿಂದಿಯ ಕಾಶ್ಮೀರ್ ಫೈಲ್ಸ್. ಕೇವಲ ವಿವಾದದಿಂದಷ್ಟೇ ಅಲ್ಲ, ಮುಚ್ಚಿಟ್ಟಿದ್ದ ಸತ್ಯವೊಂದನ್ನು ಅನಾವರಣಗೊಳಿಸಿದ ಖ್ಯತಿಯೂ ಇದ್ದ ಕಾಶ್ಮೀರ್ ಫೈಲ್ಸ್ ಉತ್ತಮ ಆಯ್ಕೆ ಎನ್ನಬಹುದು. 3ನೇ ಸ್ಥಾನದಲ್ಲಿ ಹೊಂಬಾಳೆಯವರ ಕೆಜಿಎಫ್ ಚಾಪ್ಟರ್ 2 ಇದೆ. ಈ ವರ್ಷದ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ನಂ.1 ಆಗಿರುವ ಬಾಕ್ಸಾಫೀಸ್ ಕಿಂಗ್ ಎನಿಸಿಕೊಂಡ ಕೆಜಿಎಫ್, ಐಎಂಡಿಬಿ ರೇಟಿಂಗ್‍ನಲ್ಲಿ 3ನೇ ಸ್ಥಾನ ಪಡೆದಿದೆ.

ತಮಿಳಿನಲ್ಲಿ ಕಮಲ್ ಹಾಸನ್, ವಿಜಯ್ ಸೇತುಪತಿ, ಫಹಾದ್ ಫಾಸಿಲ್ ಹಾಗೂ ಸೂರ್ಯ ನಟಿಸಿದ್ದ ವಿಕ್ರಂ 4ನೇ ಸ್ಥಾನ ಪಡೆದಿದೆ. 5ನೇ ಸ್ಥಾನದಲ್ಲಿರುವುದೇ ನಮ್ಮ ಕಾಂತಾರ. ರಿಷಬ್ ಶೆಟ್ಟಿ ಸೃಷ್ಟಿಯ ಅದ್ಭುತ ಲೋಕ ಪವಾಡಗಳನ್ನೇ ಸೃಷ್ಟಿಸಿದೆ.

6ನೇ ಸ್ಥಾನದಲ್ಲಿ ರಾಕೆಟ್ರಿ : ದಿ ನಂಬಿ ಎಫೆಕ್ಟ್ ಅನ್ನೋ ತಮಿಳು ಚಿತ್ರವಿದೆ. ಇದು ದೇಶಕ್ಕಾಗಿ ಸರ್ವಸ್ವವನ್ನೂ ತ್ಯಾಗ ಮಾಡಿದ್ದ ವಿಜ್ಞಾನಿ ನಂಬಿಯಾರ್‍ರನ್ನು ಸಂಚು ಮಾಡಿ ದೇಶದ್ರೋಹದ ಆರೋಪ ಹೊರಿಸಿ ಹಿಂಸೆ ಕೊಟ್ಟಿದ್ದ ವಿಜ್ಞಾನಿಯ ಕಥೆ. ಮಾಧವನ್ ನಟಿಸಿದ್ದ ಚಿತ್ರ ಅದ್ಭುತ ಯಶಸ್ಸು ಕಂಡಿತ್ತು.

ಸಂದೀಪ್ ಉನ್ನಿ ಕೃಷ್ಣನ್ ಬಯೋಪಿಕ್ ಆಗಿದ್ದ ತೆಲುಗಿನ ಮೇಜರ್ ಸಿನಿಮಾಗೆ 7ನೇ ಸ್ಥಾನ ಸಿಕ್ಕಿದ್ದರೆ, ದುಲ್ಕರ್ ಸಲ್ಮಾನ್, ಮೃಣಾಲ್ ಠಾಕೂರ್ ನಟನೆಯ ಸೀತಾರಾಮನ್ ಎಂಬ ಕಾಲ್ಪನಿಕ ಪ್ರೇಮಕಥೆಗೆ 8ನೇ ಸ್ಥಾನ ಸಿಕ್ಕಿದೆ. ಮಣಿರತ್ನಂ, ಐಶ್ವರ್ಯಾ ರೈ, ವಿಕ್ರಂ, ಕಾರ್ತಿ..ಯಂತಹ ದಿಗ್ಗಜರೇ ಇದ್ದ ಪೊನ್ನಿಯನ್ ಸೆಲ್ವನ್ ಚಿತ್ರಕ್ಕೆ 9ನೇ ರ್ಯಾಂಕ್ ಸಿಕ್ಕಿದೆ. 10ನೇ ಸ್ಥಾನದಲ್ಲಿ ಮತ್ತೊಮ್ಮೆ ಕನ್ನಡದ ಕಹಳೆ ಮೊಳಗಿದ್ದು 777 ಚಾರ್ಲಿ ಚಿತ್ರಕ್ಕೆ 10ನೇ ಸ್ಥಾನ ಸಿಕ್ಕಿದೆ.

ಅಂದಹಾಗೆ ಈ ಟಾಪ್ 10 ಚಿತ್ರಗಳಲ್ಲಿ 3 ಕನ್ನಡದ ಚಿತ್ರಗಳು. ಕೆಜಿಎಫ್ ಚಾಪ್ಟರ್ 2, ಕಾಂತಾರ ಮತ್ತು 777 ಚಾರ್ಲಿ.

ತಮಿಳಿನ ಚಿತ್ರಗಳು 3. ವಿಕ್ರಂ, ಪೊನ್ನಿಯನ್ ಸೆಲ್ವನ್. ರಾಕೆಟ್ರಿ ನಂಬಿ ಎಫೆಕ್ಟ್.

ತೆಲುಗಿನವು 3. ಆರ್.ಆರ್.ಆರ್., ಸೀತಾರಾಮನ್ ಹಾಗೂ ಮೇಜರ್.

ಹಿಂದಿಯದ್ದು ಕೇವಲ 1. ಕಾಶ್ಮೀರ್ ಫೈಲ್ಸ್. ಅದೂ ಕೂಡಾ ಹಿಂದಿಯ ರೆಗ್ಯುಲರ್ ಫಾರ್ಮಾಟ್ ಬಿಟ್ಟು ರೂಪಿಸಿದ ಸಿನಿಮಾ. ಈ ಟಾಪ್ 10 ಚಿತ್ರಗಳಲ್ಲಿ ಬಹುತೇಕ ಸಿನಿಮಾಗಳು ಸತ್ಯಘಟನೆ ಆಧರಿತ ಚಿತ್ರಗಳು ಎಂಬುದು ಗಮನಾರ್ಹ.

ಆರ್.ಆರ್.ಆರ್. ಕಥೆಗೆ ಮೂಲ ಸತ್ಯಕಥೆಯೇ ಆಗಿದ್ದರೂ, ಕಾಲ್ಪನಿಕ ವೈಭವದ ಕಥಾ ಹಂದರವೂ ಚಿತ್ರದಲ್ಲಿತ್ತು. ಕಾಶ್ಮೀರ್ ಫೈಲ್ಸ್.. ಕಲ್ಪನೆಯನ್ನೂ ಮಾಡಿಕೊಳ್ಳಲಾಗದ ಸತ್ಯ ಕಥೆಯನ್ನು ಇದ್ದದ್ದು ಇದ್ದಿದ್ದಂತೆ ತೋರಿಸಲಾಗಿತ್ತು. ಪೊನ್ನಿಯನ್ ಸೆಲ್ವನ್, ಸೀತಾರಾಮನ್, ಮೇಜರ್, ರಾಕೆಟ್ರಿ : ದಿ ನಂಬಿ ಎಫೆಕ್ಟ್ ಎಲ್ಲವೂ ಸತ್ಯ ಕಥೆ ಆಧರಿತ ಚಿತ್ರಗಳೇ.

ಕೆಜಿಎಫ್, ಕಾಂತಾರ, 777 ಚಾರ್ಲಿ, ವಿಕ್ರಂ ಚಿತ್ರಗಳಷ್ಟೇ ಸಂಪೂರ್ಣ ಕಾಲ್ಪನಿಕ ಚಿತ್ರಗಳು. ಒಟ್ಟಿನಲ್ಲಿ ಜನ ಸಿನಿಮಾ ನೋಡುವ ಟ್ರೆಂಡ್ ಬದಲಾಗಿದೆ.

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ, ರಮ್ಯಾ ಅವರ ಕಟ್ಟಾ ಅಭಿಮಾನಿ. ಈಗ ಅವರಿಗೆ ಅವರ ಅಭಿಮಾನ ದೇವತೆಯ ಶಹಬ್ಬಾಸ್ ಗಿರಿಯೂ ಸಿಕ್ಕಿದೆ. 777 ಚಾರ್ಲಿ ಸಿನಿಮಾ ನೋಡಿದ ರಮ್ಯಾ, ಭಾವುಕರಾಗಿ ಸುದೀರ್ಘ ಪತ್ರವನ್ನೇ ಬರೆದಿದ್ದಾರೆ.

777 ಚಾರ್ಲಿ ಒಂದು ಭಾವನಾತ್ಮಕ ಸಿನಿಮಾ. ನಮಗೆ ಜೀವನದಲ್ಲಿ, ಬದುಕಿನಲ್ಲಿ ಪ್ರೀತಿ ಎಷ್ಟು ಮುಖ್ಯ ಎನ್ನುವುದನ್ನು ತಿಳಿಸಿಕೊಡೋ ಸಿನಿಮಾ ಇದು. ಇಂತಾದ್ದೊಂದು ಚಿತ್ರ ಕೊಟ್ಟಿದ್ದಕ್ಕೆ ರಕ್ಷಿತ್  ಶೆಟ್ಟಿ ಮತ್ತು ಕಿರಣ್ ರಾಜ್ ಅವರಿಗೆ ಅಭಿನಂದನೆಗಳು ಎಂದಿದ್ದಾರೆ ರಮ್ಯಾ.

777 ಚಾರ್ಲಿ, ನಾಯಿ ಮತ್ತು ಮನುಷ್ಯನ ನಡುವಿನ ಸಂಬಂಧದ ಚಿತ್ರ. ಧರ್ಮ ಮತ್ತು ಚಾರ್ಲಿಯ ಸುದೀರ್ಘ ಪ್ರೀತಿಯ ಭಾವನಾತ್ಮಕ ಕಥೆ. ಈಗಾಗಲೇ ದೇಶದ ಹಲವು ನಗರಗಳಲ್ಲಿ ಚಿತ್ರದ ಪ್ರೀಮಿಯರ್ ಶೋಗಳು ನಡೆಯುತ್ತಿವೆ. ಮಾಜಿ ಸಚಿವೆ ಮನೇಕಾ ಗಾಂಧಿ ಸೇರಿದಂತೆ ಹಲವು ಸೆಲಬ್ರಿಟಿಗಳು ಈಗಾಗಲೇ ಸಿನಿಮಾ ನೋಡಿದ್ದಾರೆ. ನಕ್ಕಿದ್ದಾರೆ. ಬಿಕ್ಕಿದ್ದಾರೆ. ಅಂದಹಾಗೆ ರಮ್ಯಾ ಕೂಡಾ ನಾಯಿ ಪ್ರೇಮಿ. ಹೀಗಾಗಿ ರಮ್ಯಾಗೂ ಸಿನಿಮಾ ಸಖತ್ ಇಷ್ಟವಾಗಿದೆ.

ಎಲ್ಲಕ್ಕಿಂತ ಹೆಚ್ಚಾಗಿ ಇದು ನನ್ನ.. ನಮ್ಮ ಕನ್ನಡದ ಸಿನಿಮಾ ಎನ್ನುವುದೇ ನನಗೆ ಹೆಮ್ಮೆ. ಪ್ರತಿಯೊಬ್ಬರೂ ಕುಟುಂಬ ಸಮೇತ ಥಿಯೇಟರಿಗೆ ಬಂದು ನೋಡಬಹುದಾದ.. ನೋಡಬೇಕಾದ ಸಿನಿಮಾ ಎಂದಿದ್ದಾರೆ ರಮ್ಯಾ.

ಅವನೇ ಶ್ರೀಮನ್ನಾರಾಯಣ ಚಿತ್ರವನ್ನು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಮಾಡಿದ್ದ ಪರಂವಾ ಸ್ಟುಡಿಯೋಸ್, ಈಗ ಚಾರ್ಲಿ 777 ಚಿತ್ರವನ್ನೂ ಅದೇ ರೀತಿ ಮಾಡಲು ಹೊರಟಿದೆ. ಇದು ಅವನೇ ಶ್ರೀಮನ್ನಾರಾಯಣ ಚಿತ್ರಕ್ಕಿಂತ ಒಂದು ಕೈ ಮೇಲೆ.

`ಅವನೇ ಶ್ರೀಮನ್ನಾರಾಯಣ ಫ್ಯಾಂಟಸಿ ಮೂವಿ. ಹೀಗಾಗಿ ಪ್ಯಾನ್ ಇಂಡಿಯಾ ಮಾಡಿದ್ವಿ. ಇನ್ನು ಚಾರ್ಲಿ 777, ನಾಯಿ ಮತ್ತು ಹೀರೋ ಮಧ್ಯೆ ಇರೋ ಬಾಂಡಿಂಗ್ ಸ್ಟೋರಿ. ಇದು ಎಲ್ಲ ಕಡೆಯ ಪ್ರೇಕ್ಷಕರಿಗೂ ರೀಚ್ ಆಗುತ್ತೆ. ಸ್ಸೋ.. ಈ ಸಿನಿಮಾವನ್ನು ಎಷ್ಟೆಲ್ಲ ಭಾಷೆಗಳಿಗೆ ಸಾಧ್ಯವೋ, ಅಷ್ಟೂ ಭಾಷೆಗಳಿಗೆ ಡಬ್ ಮಾಡುತ್ತೇವೆ' ಎಂದಿದ್ದಾರೆ ರಕ್ಷಿತ್ ಶೆಟ್ಟಿ.

ರಕ್ಷಿತ್ ಶೆಟ್ಟಿ ಅಭಿನಯದ ಚಾರ್ಲಿ 777, ಡಿಸೆಂಬರ್ ಕೊನೆಯ ವಾರ ರಿಲೀಸ್ ಆಗಬೇಕಿತ್ತು. ತಾಂತ್ರಿಕ ಕಾರಣ ಹೇಳಿ ಕೊರೊನಾ ಸಂಕಷ್ಟದಿಂದ ಮೊದಲೇ ಬಚಾವ್ ಆದ ಚಾರ್ಲಿ 777 ಈಗ ಸೆನ್ಸಾರ್ ಮುಗಿಸಿದೆ. ಯು/ಎ ಸರ್ಟಿಫಿಕೇಟ್ ಪಡೆದುಕೊಂಡಿದೆ.

ರಕ್ಷಿತ್ ಶೆಟ್ಟಿ, ಸಂಗೀತಾ ಶೃಂಗೇರಿ, ರಾಜ್ ಬಿ.ಶೆಟ್ಟಿ, ಡ್ಯಾನಿಶ್ ಸೇಟ್ ನಟಿಸಿರುವ ಚಿತ್ರಕ್ಕೆ ರಕ್ಷಿತ್ ಶೆಟ್ಟಿ ಮತ್ತು ಜಿ.ಎಸ್.ಗುಪ್ತಾ ನಿರ್ಮಾಪಕರು.  ಪರಂವಾ ಸ್ಟುಡಿಯೋಸ್‍ನ 777 ಚಾರ್ಲಿಗೆ ಕಿರಣ್ ರಾಜ್ ನಿರ್ದೇಶಕ. ಹೀರೋ ಮತ್ತು ಚಾರ್ಲಿ ಎನ್ನುವ ನಾಯಿಯ ಜರ್ನಿಯ ಕಥೆ ಚಿತ್ರದಲ್ಲಿದೆ. ಶೀಘ್ರದಲ್ಲೇ ರಿಲೀಸ್ ಡೇಟ್ ಅನೌನ್ಸಾಗಲಿದೆ.

ಚಾರ್ಲಿ 777 ಸಿನಿಮಾ ರಿಲೀಸ್ಗೆ ರೆಡಿಯಾಗಿ ನಿಂತಿದೆ. ರಕ್ಷಿತ್ ಶೆಟ್ಟಿ ಜೊತೆ ನಟಿಸಿರೋ ಇನ್ನೊಬ್ಬ ಹೀರೋ ಚಾರ್ಲಿ. ನಾಯಿ ಮತ್ತು ರಕ್ಷಿತ್ ಶೆಟ್ಟಿ ಸುತ್ತ ಇರೋ ಈ ಚಿತ್ರದಲ್ಲಿ ಬರೋ ಲ್ಯಾಬ್ರೆಡಾರ್  ನಾಯಿಯೇ ಚಾರ್ಲಿ. ಅಂದಹಾಗೆ ಈ ಚಿತ್ರಕ್ಕಾಗಿ ಸಿನಿಮಾ ಟೀಂ 4 ನಾಯಿಗಳನ್ನು ನೋಡಿತ್ತು. ನಾಯಿಯ ಲೈಫಿಗೆ ತಕ್ಕಂತೆ.

ಚಿತ್ರದಲ್ಲಿ ಒಂದು ನಾಯಿಯನ್ನು ಪ್ರಾಜೆಕ್ಟಿನಲ್ಲಿದ್ದ ಅರವಿಂದ ಅಯ್ಯರ್ ನೋಡಿಕೊಳ್ಳುತ್ತಿದ್ದರು. ಅವರಿಂದ ನಾನು ನಾಯಿಯನ್ನು ತೆಗೆದುಕೊಂಡೆ. ರಕ್ಷಿತ್ ಶೆಟ್ಟಿ ಎಂಟ್ರಿ ಆದ ಮೇಲೆ ಅವರ ಜೊತೆ ಬರೋ ನಾಯಿಯನ್ನು ಅವರೇ ದತ್ತು ತೆಗೆದುಕೊಂಡರು. ಇನ್ನುಳಿದ ಎರಡು ನಾಯಿಗಳನ್ನು ಚಿತ್ರತಂಡದಲ್ಲಿದ್ದ ಇನ್ನಿಬ್ಬರು ದತ್ತು ಪಡೆದುಕೊಂಡರು. ಸದ್ಯಕ್ಕೆ ಚಿತ್ರಕ್ಕೆ ಆಯ್ಕೆಯಾಗಿದ್ದ  ಎಲ್ಲ ರ ನಾಯಿಗಳು ನಮ್ಮ ತಂಡದ ಜೊತೆಯಲ್ಲೇ ಇವೆ ಎನ್ನುತ್ತಾರೆ ಡೈರೆಕ್ಟರ್ ಕಿರಣ್ ರಾಜ್.

ಆ ನಾಯಿಗಳನ್ನು ನೋಡಿಕೊಳ್ಳುತ್ತಲೇ ಚಿತ್ರತಂಡವೀಗ ಚಿತ್ರದ ರಿಲೀಸ್ಗೆ ಪ್ಲಾನ್ ಮಾಡುತ್ತಿದೆ.

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟ, ಸ್ಟಾರ್ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಜೊತೆಯಾಗಿರುವ ಇನ್ನೊಂದು ಚಿತ್ರ ಚಾರ್ಲಿ 777. ನಿರ್ದೇಶಕ ಕಿರಣ್ ರಾಜ್ ಈಗ ರಕ್ಷಿತ್ ಶೆಟ್ಟಿ ಜೊತೆ ಇನ್ನೊಬ್ಬ ಸ್ಟಾರ್ ಆಯ್ಕೆ ಮಾಡಿದ್ದಾರೆ. ಹಂಬಲ್ ಪೊಲಿಟಿಷಿಯನ್ ನೊಗ್ರಾಜ್ ಮೂಲಕ ಚಿತ್ರರಸಿಕರ ಗಮನ ಸೆಳೆದ ಡ್ಯಾನಿಷ್ ಸೇಟ್, ಚಾರ್ಲಿ 777 ಟೀಂ ಸೇರಿದ್ದಾರೆ.

ಡ್ಯಾನಿಷ್ ಪಾತ್ರದ ಬಗ್ಗೆ ಯಾವುದೇ ಗುಟ್ಟು ಬಿಟ್ಟುಕೊಡದ ಕಿರಣ್ ರಾಜ್, ಸರ್‍ಪ್ರೈಸ್ ಚಿತ್ರದಲ್ಲಿ ಇರುತ್ತೆ ಎಂದಿದ್ದಾರೆ.

777 ಚಾರ್ಲಿ. ಸಿನಿಮಾ ನೋಡಿದವರೆಲ್ಲ ಕಣ್ಣೀರಿಡುತ್ತಿದ್ದಾರೆ. ಬಿಕ್ಕಳಿಸುತ್ತಲೇ ಥಿಯೇಟರಿಂದ ಹೊರ ಬರುತ್ತಿದ್ದಾರೆ. ಪ್ರೇಕ್ಷಕರನ್ನು ಇಷ್ಟೊಂದು ಕಣ್ಣೀರು ಹಾಕಿಸಿದ ಸಿನಿಮಾ ಇತ್ತೀಚೆಗೆ ಬಂದಿರಲಿಲ್ಲ. ಪ್ರೇಕ್ಷಕರು ಭಾವುಕರಾದಷ್ಟೂ ಸಿನಿಮಾ ನಿರ್ಮಾಪಕರಿಗೆ ಲಾಭ. ಅದು ಬೇರೆ ಪ್ರಶ್ನೆ. ಆದರೆ ರಕ್ಷಿತ್ ಶೆಟ್ಟಿಯ ಈ ಸಿನಿಮಾ ಒಂದೊಳ್ಳೆ ಕಥೆಯ ಮೂಲಕ ಬೇರೆಯದೇ ಆದ ಒಂದು ಸಂದೇಶವನ್ನು ಅದ್ಭುತವಾಗಿ ಪ್ರೇಕ್ಷಕರಿಗೆ ತಲುಪಿಸಿದೆ.

ಇತ್ತೀಚೆಗೆ ಈ ಚಿತ್ರದ ಟ್ರೇಲರ್‍ನ್ನು ಬಾಲಿವುಡ್ ಸ್ಟಾರ್ ನಟ ಜಾನ್ ಅಬ್ರಹಾಂ ನೋಡಿದ್ದಾರೆ. ಅಂದಹಾಗೆ ಜಾನ್ ನೋಡಿರೋದು ಸಿನಿಮಾ ಟ್ರೇಲರ್ ಮಾತ್ರ. ಟ್ರೇಲರ್ ನೋಡಿಯೇ ಕಣ್ಣೀರಿಟ್ಟಿರುವ ಜಾನ್ ಅಬ್ರಹಾಂ ನಿರ್ದೇಶಕ ಕಿರಣ್ ರಾಜ್ ಅವರಿಗೆ ಫೋನ್ ಮಾಡಿದ್ದಾರೆ. ಜಾನ್ ಕೂಡಾ ಡಾಗ್ ಪ್ರೇಮಿಯಾಗಿದ್ದು, ಸಿನಿಮಾ ನೋಡೋದಾಗಿ ಹೇಳಿದ್ದಾರಂತೆ. ಶೀಘ್ರದಲ್ಲೇ 777 ಚಾರ್ಲಿ ತಂಡವನ್ನು ಭೇಟಿ ಮಾಡೋದಾಗಿ ಹೇಳಿದ್ದಾರೆ ಅನ್ನೋ ಸುದ್ದಿ ಕೊಟ್ಟಿರೋದು ಕಿರಣ್ ರಾಜ್.

ಇತ್ತೀಚೆಗೆ ಸಿಎಂ ಬೊಮ್ಮಾಯಿ ಕಣ್ಣೀರಿಟ್ಟಿದ್ದರು. ರಮ್ಯಾ ಭಾವುಕರಾಗಿದ್ದರು. ಬೋನಿ ಕಪೂರ್ ಮೆಚ್ಚಿಕೊಂಡಿದ್ದರು. ಮನೇಕಾ ಗಾಂಧಿ ಅದ್ಬುತ ಎಂದಿದ್ದರು. ರಿಕ್ಕಿ ಕೇಜ್ ಮನಸಾರೆ ಹೊಗಳಿದ್ದರು. ಇನ್ನು ಚಿತ್ರ ನೋಡಿ ಬಂದ ಪ್ರತಿಯೊಬ್ಬ ಪ್ರೇಕ್ಷಕನೂ/ಳೂ ಚಿತ್ರದ ಬಗ್ಗೆ ಪಾಸಿಟಿವ್ ಆಗಿ ಮಾತನಾಡುತ್ತಿದ್ದಾರೆ. ಹೀಗಾಗಿಯೇ 777 ಚಾರ್ಲಿ, 2022ರ ಇನ್ನೊಂದು ಬ್ಲಾಕ್ ಬಸ್ಟರ್ ಲಿಸ್ಟಿಗೆ ಸೇರಿದೆ.

ಕಲಾವಿದರಾದರೆ ರಿಹರ್ಸಲ್ ಮಾಡಿಸಬಹುದು. ತಿದ್ದಿ ಹೇಳಬಹುದು. ಹೀಗಲ್ಲ ಹೀಗೆ ಎಂದು ಅಭಿನಯಿಸಿಯೇ ತೋರಿಸಬಹುದು. ಭಾವಾಭಿನಯದ ದೃಶ್ಯಗಳ ತೀವ್ರತೆಯನ್ನು ಒಂದೊಂದೇ ಶಾಟ್‍ಗಳಲ್ಲಿ ತೆಗೆದುಕೊಳ್ಳಬಹುದು. ಹಿರಿಯ ಕಲಾವಿದರ ಅಂತಹ ದೃಶ್ಯಗಳನ್ನೇ ತೋರಿಸಿ ಹೀಗೆ ಮಾಡಿ ಎನ್ನಬಹುದು.

ಸಾವಿರ ದಾರಿಗಳಿವೆ. ಆದರೆ.. ನಾಯಿಯನ್ನು ನಟಿಸುವಂತೆ ಮಾಡುವುದು ಅಷ್ಟು ಸುಲಭವಲ್ಲ. ಆದರೆ.. ಆ ಚಾಲೆಂಜ್‍ನ್ನು ಗೆದ್ದು ತೋರಿಸಿದೆ 777 ಚಾರ್ಲಿ ಟೀಂ. ಎಲ್ಲ ಕ್ರೆಡಿಟ್ ಸಲ್ಲಬೇಕಿರುವುದು ನಿರ್ದೇಶಕ ಕಿರಣ್ ರಾಜ್ ಅವರಿಗೇ. ಆದರೆ.. ಅವರು ಕ್ರೆಡಿಟ್ ಕೊಡುವುದು ಮಾತ್ರ ಟ್ರೇನರ್ ಪ್ರಮೋದ್ ಬಿ.ಸಿ. ಅವರಿಗೆ. ಇಷ್ಟಕ್ಕೂ ಚಾರ್ಲಿಯನ್ನು ನಟಿಸುವಂತೆ ನೋಡಿಕೊಳ್ಳುವ ಕಷ್ಟ ಹೇಗಿತ್ತು?

ಅದು ಒಟ್ಟಾರೆ 167 ದಿನಗಳ ಶೂಟಿಂಗ್. ಅಷ್ಟೂ ದಿನ ಚಾರ್ಲಿಗೆ ವಿವಿಧ ಟಾಸ್ಕ್‍ಗಳನ್ನು ನೀಡಿ ಸಜ್ಜು ಮಾಡಿದೆವು. 350ರಿಂದ 400 ಟಾಸ್ಕ್ ಮಾಡಿಸಿದ್ದೇವೆ. ಒಳ್ಳೊಳ್ಳೆಯ ಫುಡ್‍ನ್ನೇ ಕೊಡಬೇಕು. ಅದೂ ರಿಪೀಟ್ ಆಗಬಾರದು. ರಿಪೀಟ್ ಆದರೆ ಚಾರ್ಲಿ ಡಲ್ ಆಗುತ್ತಿದ್ದಳು. ಕಾಶ್ಮೀರಕ್ಕೆ ಹೋದಾಗ ಚಾರ್ಲಿಗಾಗಿಯೇ ಸ್ಪೆಷಲ್ ಕ್ಯಾರವಾನ್ ವ್ಯವಸ್ಥೆ ಮಾಡಿದೆವು.  ಇಲ್ಲಿದ್ದಾಗ ಎಸಿ ಇರುವ ಸ್ಪೆಷಲ್ ಕ್ಯಾರವಾನ್. ಫುಡ್ ರಿಪೀಟ್ ಕಥೆಯಷ್ಟೇ ಅಲ್ಲ, ಹೊಟ್ಟೆ ಹೆಚ್ಚು ತುಂಬಿದರೂ ನಟಿಸುತ್ತಿರಲಿಲ್ಲ. ಮೂಡ್ ಇಲ್ಲ ಎಂದರೂ ನಟಿಸುತ್ತಿರಲಿಲ್ಲ ಎನ್ನುತ್ತಾರೆ ಕಿರಣ್ ರಾಜ್.

ಚಾರ್ಲಿಯ ಮೂಡ್‍ನ್ನು ಸರಿಯಾಗಿರುವಂತೆ ನೋಡಿಕೊಳ್ಳೋಕೆ ರಕ್ಷಿತ್ ಶೆಟ್ಟಿ, ರಾಜ್ ಬಿ.ಶೆಟ್ಟಿ, ಸಂಗೀತಾ ಶೃಂಗೇರಿ, ಶಾರ್ವರಿ ಕೂಡಾ ಹರಸಾಹಸಪಟ್ಟಿದ್ದಾರಂತೆ. ಏಕೆಂದರೆ ಚಿತ್ರದುದ್ದಕ್ಕೂ ನಾಯಿಯ ಜೊತೆ ಇರಬೇಕಾದವರು ಅವರೇ. ಬಾಂಡಿಂಗ್ ಇಲ್ಲದಿದ್ದರೆ ಚಾರ್ಲಿ ನಟಿಸೋದಿಲ್ಲ. ಇಷ್ಟೆಲ್ಲ ಸಾಹಸ ಮಾಡಿ ಸೃಷ್ಟಿಸಿರುವ 777 ಚಾರ್ಲಿ ಈ ಶುಕ್ರವಾರ ರಿಲೀಸ್ ಆಗುತ್ತಿದೆ. ಭಾವುಕತೆಯ ಹೊಸ ಲೋಕವೊಂದು ತೆರೆದುಕೊಳ್ಳಲಿದೆ.

777 ಚಾರ್ಲಿ ಅದ್ಭುತ ಪ್ರದರ್ಶನ ಕಾಣುತ್ತಿದೆ. ಥಿಯೇಟರುಗಳು ತುಂಬಿ ತುಳುಕುತ್ತಿವೆ. ರಕ್ಷಿತ್ ಶೆಟ್ಟಿ, ಚಾರ್ಲಿಯ ಆ್ಯಕ್ಟಿಂಗ್ ಮೋಡಿ ಮಾಡಿದೆ. ಆದರೆ.. ಇನ್ನೊಂದೆಡೆ ಮಳೆಗಾಲ. ಆಕಾಶವೇ ತೂತು ಬಿದ್ದಂತೆ ಮಳೆ ಸುರಿಯುತ್ತಿದೆ. ಈ ಮಳೆ ಚಾರ್ಲಿ ಸಿನಿಮಾ ನೋಡಲು ಬಂದವರನ್ನೂ ಬಿಟ್ಟಿಲ್ಲ.

ಬೆಂಗಳೂರಿನಲ್ಲಿ ರಾತ್ರಿ ಭಯಂಕರ ಮಳೆಯಾಗಿದೆ. ಎಂದಿನಂತೆ ತಗ್ಗಿನಲ್ಲಿ, ಚರಂಡಿಗಳಲ್ಲಿ ನೀರು ಧುಮ್ಮಿಕ್ಕಿ ಹರಿದಿದೆ. ಹಲವೆಡೆ ಅಪಾರ್ಟ್‍ಮೆಂಟುಗಳಿಗೂ ನೀರು ನುಗ್ಗಿದೆ. ಕೆ.ಆರ್.ಪುರಂನಲ್ಲಿರೋ ಶ್ರೀಕೃಷ್ಣ ಥಿಯೇಟರಿಗೂ ನೀರು ನುಗ್ಗಿದೆ. ನೀರು ನುಗ್ಗಿದ ರಭಸಕ್ಕೆ ಥಿಯೇಟರಿನ ಕಾಂಪೌಂಡ್ ಗೋಡೆ ಕುಸಿದು ಬಿದ್ದಿದೆ. ಸಿನಿಮಾ ನೋಡಲು ಬಂದು ಬೈಕ್ ನಿಲ್ಲಿಸಿ ಹೋಗಿದ್ದವರಿಗೆ ಹೊರಗೆ ಬಂದಾಗ ಶಾಕ್. ಕಾಂಪೌಂಡ್ ಅಡಿಯಲ್ಲಿ ಸಿಲುಕಿದ್ದ 24 ಬೈಕ್‍ಗಳು ನಜ್ಜುಗುಜ್ಜಾಗಿವೆ.

777 ಚಾರ್ಲಿ ಚಿತ್ರ ರಿಲೀಸ್ ಆಗುವುದಕ್ಕೂ ಮೊದಲೇ ಲಾಭದಲ್ಲಿತ್ತು. ಸ್ವತಃ ನಿರ್ಮಾಪಕರೂ ಆಗಿರುವ ರಕ್ಷಿತ್ ಶೆಟ್ಟಿ ಅದನ್ನು ಓಪನ್ ಆಗಿಯೇ ಹೇಳಿಕೊಂಡಿದ್ದರು. ಇಷ್ಟೆಲ್ಲದರ ಮಧ್ಯೆ ಇದು ರೆಗ್ಯುಲರ್ ಕಮರ್ಷಿಯಲ್ ಸಿನಿಮಾ. ಬೇರೆಯದೇ ಜಾನರ್ ಮೂವಿ ಎಂದಿದ್ದರು ರಕ್ಷಿತ್ ಶೆಟ್ಟಿ. ಪ್ರೇಕ್ಷಕರದ್ದು ಮಾತ್ರ ಸಿಂಪಲ್ ಜಡ್ಜ್‍ಮೆಂಟ್. ಒಳ್ಳೆ ಸಿನಿಮಾನಾ.. ಅಷ್ಟಾದ್ರೆ ಸಾಕು..ಹೀಗಾಗಿಯೇ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿಯವರ 777 ಚಾರ್ಲಿ ಸಖತ್ತಾಗಿಯೇ ಗೆದ್ದಿದೆ.

ಚಿತ್ರದ ಫಸ್ಟ್ ಡೇ ಕಲೆಕ್ಷನ್ 6ರಿಂದ 7 ಕೋಟಿಯ ಮಧ್ಯೆ ಇತ್ತು. ಚಿತ್ರದ ಬಗ್ಗೆ ಶುರುವಾದ ಮೌತ್ ಪಬ್ಲಿಸಿಟಿಯ ಎಫೆಕ್ಟ್ 2ನೇ ದಿನದ ಕಲೆಕ್ಷನ್ 10ರಿಂದ 11 ಕೋಟಿ ದಾಟಿದರೆ, 3ನೇ ದಿನ 12 ಕೋಟಿಯನ್ನೂ ದಾಟಿ ಕಲೆಕ್ಷನ್ ಮಾಡಿದೆ. ಚಿತ್ರಕ್ಕೆ ಫ್ಯಾಮಿಲಿ ಆಡಿಯನ್ಸ್ ಎನ್ನವುದರಲ್ಲೇ ಚಿತ್ರದ ಗೆಲುವಿನ ಸೀಕ್ರೆಟ್ ಇದೆ.

ಕಿರಣ್ ರಾಜ್ ನಿರ್ದೇಶನದ ಮೊದಲ ಸಿನಿಮಾ ಇದು. ಮೊದಲ ಸಿನಿಮಾದಲ್ಲೇ ದೊಡ್ಟ ಮಟ್ಟದಲ್ಲಿ ಪ್ರೇಕ್ಷಕರನ್ನು ರೀಚ್ ಆಗಿದ್ದಾರೆ. ಚಿತ್ರಮಂದಿರಗಳ ಸಂಖ್ಯೆಯೂ ಹೆಚ್ಚುತ್ತಿರುವುದು ಚಿತ್ರದ ಗೆಲುವಿಗೆ ಸಾಕ್ಷಿ.

777 ಚಾರ್ಲಿ ಚಿತ್ರ ಬಾಕ್ಸಾಫೀಸಿನಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಭಾರತೀಯ ಚಿತ್ರರಂಗದ ದಿಗ್ಗಜರೆಲ್ಲ ಸಿನಿಮಾ ನೋಡಿ ಹೊಗಳುತ್ತಿದ್ದಾರೆ. ಇದರ ನಡುವೆಯೇ ರಾಜ್ಯ ಸರ್ಕಾರ ಚಾರ್ಲಿಗೆ ಗುಡ್ ನ್ಯೂಸ್ ಕೊಟ್ಟಿದೆ. ಚಿತ್ರಕ್ಕೆ ತೆರಿಗೆ ವಿನಾಯಿತಿ ಘೋಷಿಸಿದೆ.

ಸಿನಿಮಾಗೆ ಎರಡು ತೆರಿಗೆಗಳಿರುತ್ತವೆ. ಒಂದು ರಾಜ್ಯ ಸರ್ಕಾರದ ತೆರಿಗೆ ಹಾಗೂ ಇನ್ನೊಂದು ಕೇಂದ್ರ ಸರ್ಕಾರದ ತೆರಿಗೆ. ಚಿತ್ರಕ್ಕೆ ಈಗ ರಾಜ್ಯ ಸರ್ಕಾರ ತೆರಿಗೆ ವಿನಾಯಿತಿ ಘೋಷಿಸಿದೆ. ಸಿನಿಮಾ ಟಿಕೆಟ್ ಮೇಲೆ ರಾಜ್ಯ ಸರ್ಕಾರದ ತೆರಿಗೆ ಇಲ್ಲ ಎಂದು ಮುದ್ರಿಸಬೇಕು. ಹಾಗೂ ತೆರಿಗೆ ಕಡಿತಗೊಳಿಸಿದ ದರದಲ್ಲಿಯೇ ಟಿಕೆಟ್ ಮುದ್ರಿಸಬೇಕು ಎಂದು ಸರ್ಕಾರ ಸೂಚಿಸಿದೆ. ಅಷ್ಟೇ ಅಲ್ಲ, ಈಗಾಗಲೇ ಸಂಗ್ರಹಿಸಿರುವ ರಾಜ್ಯ ಸರ್ಕಾರದ ತೆರಿಗೆಯನ್ನು ಪ್ರದರ್ಶಕರು ವಾಪಸ್ ಪಡೆಯಬಹುದು. ಇದು ಪ್ರದರ್ಶಕರಿಗೆ, ವಿತರಕರಿಗೆ ಹಾಗೂ ನಿರ್ಮಾಪಕರಿಗೆ ಲಾಭವಾಗಲಿದೆ. ಈಗಾಗಲೇ ತೆರಿಗೆ ನೀಡಿ ಸಿನಿಮಾ ನೋಡಿರುವವರಿಗೆ ಆ ಹಣ ವಾಪಸ್ ಆಗುವುದಿಲ್ಲ.

ರಕ್ಷಿತ್ ಶೆಟ್ಟಿ ಅಭಿನಯದ ಚಿತ್ರ ಈಗಾಗಲೇ ಬಾಕ್ಸಾಫೀಸ್‍ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದ್ದು ಹೆಚ್ಚೂ ಕಡಿಮೆ 50 ಕೋಟಿ ಕಲೆಕ್ಷನ್ ಆಗಿದೆ. ಕಿರಣ್ ರಾಜ್ ನಿರ್ದೇಶನದ ಚಿತ್ರವಿದು. ತೆರಿಗೆ ಮುಕ್ತಗೊಳಿಸಿದ ಸರ್ಕಾರಕ್ಕೆ ಪರಂವಾ ಸ್ಟುಡಿಯೋ, ರಕ್ಷಿತ್ ಶೆಟ್ಟಿ, ಕಿರಣ್ ರಾಜ್ ಸೇರಿದಂತೆ ಇಡೀ ಚಿತ್ರತಂಡ ಧನ್ಯವಾದ ಅರ್ಪಿಸಿದೆ.

ತಾವು ಇಷ್ಟಪಡುವ.. ಆರಾಧಿಸುವ.. ವ್ಯಕ್ತಿ ತಮ್ಮನ್ನು ಮೆಚ್ಚಿದಾಗ.. ಹೊಗಳಿದಾಗ.. ಸಿಗುವ ಆನಂದ.. ಅನುಭವಿಸಿದವರಿಗಷ್ಟೇ ಗೊತ್ತು. ಅಂತಾದ್ದೊಂದು ಅನುಭವದಲ್ಲಿದ್ದಾರೆ ರಕ್ಷಿತ್ ಶೆಟ್ಟಿ. ಏಕೆಂದರೆ ಅವರನ್ನು ಹಾಗೂ ಅವರ ಚಿತ್ರವನ್ನು ಹೊಗಳಿರುವುದು ಸ್ವತಃ ಫೋನ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿರೋದು ಬೇರಾರೋ ಅಲ್ಲ.. ತಲೈವಾ. ತಮಿಳುನಾಡು ಸೂಪರ್ ಸ್ಟಾರ್ ರಜನಿಕಾಂತ್.

ಸಿನಿಮಾ ನೋಡಿರುವ ರಜನಿಕಾಂತ್ ಖುದ್ದು ರಕ್ಷಿತ್ ಶೆಟ್ಟಿಯವರಿಗೆ ಫೋನ್ ಮಾಡಿ ಒಳ್ಳೆ ಸಿನಿಮಾ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ. ರಾತ್ರಿ ಸಿನಿಮಾ ನೋಡಿದ ರಜನಿಕಾಂತ್, ಬೆಳಕು ಹರಿಯುತ್ತಿದ್ದಂತೆ ರಕ್ಷಿತ್ ಶೆಟ್ಟಿಗೆ ಫೋನ್ ಮಾಡಿದ್ದಾರೆ. ಚಿತ್ರದ ಮೇಕಿಂಗ್, ಕಥೆ, ಕ್ವಾಲಿಟಿ.. ಎಲ್ಲಕ್ಕಿಂತ ಹೆಚ್ಚಾಗಿ ಚಿತ್ರದ ಕ್ಲೈಮಾಕ್ಸ್ ರಜನಿಕಾಂತ್‍ಗೆ ಇಷ್ಟವಾಗಿದೆ. ರಜನಿ ಸರ್ ಅವರಿಂದ ಪ್ರಶಂಸೆ ಕೇಳಿದ್ದು ಅದ್ಭುತ ಅನುಭವ ಎಂದು ಹೇಳಿಕೊಂಡಿದ್ದಾರೆ ರಕ್ಷಿತ್ ಶೆಟ್ಟಿ.

777 ಚಾರ್ಲಿ 3ನೇ ವಾರಕ್ಕೆ ಕಾಲಿಟ್ಟಿದೆ. ಥಿಯೇಟರ್ ಮತ್ತು ಸ್ಕ್ರೀನ್‍ಗಳ ಸಂಖ್ಯೆ ಹೆಚ್ಚಾಗಿದೆ. ಈಗಾಗಲೇ ಚಿತ್ರವನ್ನು ಸಿಎಂ ಬೊಮ್ಮಾಯಿ, ರಾಜ್ಯಸಭೆ ಸದಸ್ಯ ಜಗ್ಗೇಶ್, ಸಚಿವರಾದ ಸುಧಾಕರ್, ಅರ್.ಅಶೋಕ್, ನಾಗೇಶ್, ಕೇಂದ್ರ ಬಿಜೆಪಿ ನಾಯಕಿ ಮನೇಕಾ ಗಾಂಧಿ, ಬೋನಿ ಕಪೂರ್, ರಮ್ಯಾ, ಸಾಯಿ ಪಲ್ಲವಿ, ಶ್ರದ್ಧಾ ಶ್ರೀನಾಥ್, ರಾಣಾ ದಗ್ಗುಬಾಟಿ, ನೆನಪಿರಲಿ ಪ್ರೇಮ್, ಶಿವಣ್ಣ, ಜಾನ್ ಅಬ್ರಹಾಂ.. ಹೀಗೆ ಸ್ಟಾರ್ ನಟ ನಟಿಯರೆಲ್ಲ ಮೆಚ್ಚಿದ್ದಾರೆ.

777 ಚಾರ್ಲಿ ಸಿನಿಮಾ ನೋಡಿ ಹೊರಗೆ ಬರುವವರ ಕಣ್ಣು ಒದ್ದೆಯಾಗುತ್ತಿದೆ. ಒಂದು ಭಾವುಕತೆ ಆವರಿಸಿಕೊಳ್ಳುತ್ತದೆ. ಕೆಲವರು ಬಿಕ್ಕಳಿಸುತ್ತಾರೆ. ಒಂದು ಕಾಲದಲ್ಲಿ ತಾಯಿ, ತವರು, ತಂಗಿ ಸೆಂಟಿಮೆಂಟ್ ಚಿತ್ರಗಳೇ ಮೆರೆಯುತ್ತಿದ್ದ ಕಾಲದಲ್ಲಿ ಇಂಥಾದ್ದೊಂದು ಕಣ್ಣೀರ ಧಾರೆ ಹರಿದಿತ್ತು. ಈಗ ಒಂದು ನಾಯಿಯ ಕಥೆ ಕಣ್ಣೀರು ತರಿಸುತ್ತಿರುವುದು ವಿಶೇಷ. 777 ಚಾರ್ಲಿ ಗೆದ್ದಿದ್ದಾಗಿದೆ.

ಮಂಗಳೂರು ಪೊಲೀಸರು ತಮ್ಮ ಶ್ವಾನದಳಕ್ಕೆ ಸೇರಿದ ನಾಯಿಗೆ ಚಾರ್ಲಿ ಎಂದೇ ನಾಮಕರಣ ಮಾಡಿದ್ದಾರೆ. ಸಿನಿಮಾದಲ್ಲಿ ಚಾರ್ಲಿಯಾಗಿ ನಟಿಸಿರುವವಳು ಲ್ಯಾಬ್ರಡಾರ್ ರಿಟ್ರೈವರ್ ತಳಿಯ ನಾಯಿ. ಪೊಲೀಸರ ಬಳಿ ಸೇರಿದ ಈ ನಾಯಿಯೂ ಅಷ್ಟೆ, ಅದೇ ತಳಿಯದ್ದು. ಬಂಟ್ವಾಳದಿಂದ ತರಿಸಿರುವ ನಾಯಿ. 20 ಸಾವಿರ ಕೊಟ್ಟು ಈ ನಾಯಿ ಖರೀದಿಸಿದ್ದಾರಂತೆ. ಇನ್ನೊಂದಾರು ತಿಂಗಳ ನಂತರ ತರಬೇತಿ ಶುರು ಮಾಡಲಿದ್ದಾರೆ. ಈ ನಾಯಿಗೆ ಬಾಂಬ್ ನಿಷ್ಕ್ರಿಯ ದಳದಲ್ಲಿ ಬಾಂಬ್ ಪತ್ತೆ ಹಚ್ಚುವ ತರಬೇತಿ ನೀಡಲಿದ್ದಾರೆ ಪೊಲೀಸರು.

ಅಂದಹಾಗೆ ಇದೆಲ್ಲದರ ಮಧ್ಯೆ ಬಾಕ್ಸಾಫೀಸ್‍ನಲ್ಲೂ ಭರ್ಜರಿ ಸದ್ದು ಮಾಡಿದೆ 777 ಚಾರ್ಲಿ. ಎಲ್ಲ ಕಡೆಯೂ ಹೌಸ್‍ಫುಲ್ ಪ್ರದರ್ಶನ ಕಂಡಿದೆ. ಚಿತ್ರಕ್ಕೆ ಹಾಗೂ ತಮ್ಮ ಪಾತ್ರಕ್ಕೆ ಸಿಕ್ಕ ರಿಯಾಕ್ಷನ್ಸ್ ಬಗ್ಗೆ ನಟ ರಕ್ಷಿತ್ ಶೆಟ್ಟಿ ಖುಷಿಯಾಗಿದ್ದರು. ಈಗ ನಿರ್ಮಾಪಕ ರಕ್ಷಿತ್ ಶೆಟ್ಟಿಯೂ ಖುಷಿಯಾಗಿದ್ದಾರೆ. ಚಿತ್ರಕ್ಕೆ ಸಿಕ್ಕಿರುವ ಅಭೂತಪೂರ್ವ ಓಪನಿಂಗ್ ಅದಕ್ಕೆ ಕಾರಣ. ಏಕೆಂದರೆ ಇದು ರೆಗ್ಯುಲರ್ ಕಮರ್ಷಿಯಲ್ ಸಿನಿಮಾ ಅಲ್ಲ. ಕಿರಣ್ ರಾಜ್ ನಿರ್ದೇಶನದ ಸಿನಿಮಾ ಬೇರೆಯದೇ ಜಾನರ್ ಸ್ಟೋರಿ. ಹೀಗಾಗಿ.. ಹೊಸತನದ ಪ್ರಯೋಗ ಕೂಡಾ ಒಳ್ಳೆಯ ಕಲೆಕ್ಷನ್ ಮಾಡಿರುವುದು ಸಹಜವಾಗಿಯೇ ನಿರ್ಮಾಪಕ ರಕ್ಷಿತ್ ಶೆಟ್ಟಿಗೆ ಖುಷಿ ಕೊಟ್ಟಿದೆ.

777 ಚಾರ್ಲಿ. ರಿಲೀಸ್ ಆದ ನಂತರ ಸಂಚಲನ ಸೃಷ್ಟಿಸಿದ ಸಿನಿಮಾ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಏಕಕಾಲಕ್ಕೆ ರಿಲೀಸ್ ಆದ ಚಿತ್ರ. ಕನ್ನಡದಲ್ಲಿ ಬ್ಲಾಕ್ ಬಸ್ಟರ್ ಲಿಸ್ಟಿಗೆ ಸೇರಿದ 777 ಚಾರ್ಲಿ, ಉಳಿದ ಭಾಷೆಗಳಲ್ಲಿ ನಿಧಾನವಾಗಿ ಬೇರೂರುತ್ತಿದೆ.

ಕನ್ನಡದಲ್ಲಿ ಮೊದಲ ವಾರ ಇದ್ದ ಚಿತ್ರಮಂದಿರ ಮತ್ತು ಸ್ಕ್ರೀನ್‍ಗಳ ಸಂಖ್ಯೆ 2ನೇ ವಾರಕ್ಕೆ ಇನ್ನಷ್ಟು ಹೆಚ್ಚಿದೆ. ಸಕ್ಸಸ್ ಇರೋದೇ ಅಲ್ಲಿ. ಇನ್ನು ಮಲಯಾಳಂ ಮತ್ತು ತೆಲುಗಿನಲ್ಲಿ ಚಿತ್ರಕ್ಕೆ ನಿರೀಕ್ಷೆಯಂತೆ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿದೆ. ಎರಡೂ ಭಾಷೆಗಳಲ್ಲಿ ಚಿತ್ರದ ಕಲೆಕ್ಷನ್ ಎರಡು ಕೋಟಿ ದಾಡಿ ಮುನ್ನುಗ್ಗುತ್ತಿದೆ. ತಮಿಳಿನಲ್ಲಿ ನಿಧಾನಕ್ಕೆ ಕಚ್ಚಿಕೊಳ್ಳುತ್ತಿದೆ. ಕಲೆಕ್ಷನ್ ಒಂದು ಕೋಟಿ ದಾಟಿದೆ. ಹಿಂದಿಯಲ್ಲಿ ಮೆಟ್ರೋ ಸಿಟಿಗಳಲ್ಲಿ ಚಿತ್ರಕ್ಕೆ ವಂಡರ್‍ಫುಲ್ ರೆಸ್ಪಾನ್ಸ್ ಸಿಕ್ಕಿದೆ.

ಬೆಂಗಳೂರಿನಲ್ಲಿ ಈಗಲೂ 400 ಸ್ಕ್ರೀನ್‍ಗಳಲ್ಲಿ 777 ಚಾರ್ಲಿ ಇದೆ. ಚಾರ್ಲಿ ಹೀರೋ ಆಗಿರೋ ಚಿತ್ರದಲ್ಲಿ ರಕ್ಷಿತ್ ಶೆಟ್ಟಿಯೂ ನಾಯಕ ಎಂದರೆ ತಪ್ಪಾಗಲಿಕ್ಕಿಲ್ಲ. ಕಿರಣ್ ರಾಜ್ ನಿರ್ದೇಶನದ ಸಿನಿಮಾ ಬ್ಲಾಕ್ ಬಸ್ಟರ್ ಲಿಸ್ಟಿಗೆ ಸೇರಿದ್ದು, ಒಟ್ಟಾರೆ ಕಲೆಕ್ಷನ್ 40 ಕೋಟಿ ದಾಟಿದೆ. 50 ಕೋಟಿಯ ಸಮೀಪದಲ್ಲಿದೆ. ಈ ವೀಕೆಂಡ್‍ನಲ್ಲಿ 50 ಕೋಟಿಯನ್ನು ದಾಟಿ ಮುಂದೆ ಹೋಗುವ ಎಲ್ಲ ಸಾಧ್ಯತೆಗಳೂ ಇವೆ.

ಯಾವುದೇ ಸಿನಿಮಾ ರಿಲೀಸ್ ಆದಾಗ.. ಅದರಲ್ಲೂ ಸ್ಟಾರ್ ಸಿನಿಮಾ ಆಗಿದ್ದಾಗ.. ಮೊದಲ ದಿನ ಅದ್ಧೂರಿ ಕಲೆಕ್ಷನ್ ಫಿಕ್ಸ್ ಇರುತ್ತೆ. ರಕ್ಷಿತ್ ಶೆಟ್ಟಿ ಅಭಿನಯದ ಸಿನಿಮಾ 777 ಚಾರ್ಲಿ ರಿಲೀಸ್ ಆದಾಗಲೂ ಅದು ಭಿನ್ನವಾಗಿರಲಿಲ್ಲ. ಮೊದಲ ದಿನವೇ ಆರೂವರೆ ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿತ್ತು. ಆದರೆ, ಮ್ಯಾಜಿಕ್ ಶುರುವಾಗಿದ್ದು ಆಮೇಲೆ. ಚಾರ್ಲಿಯ ಅಭಿನಯಕ್ಕೆ ಫಿದಾ ಆದ ಪ್ರೇಕ್ಷಕರು ಭಾವುಕರಾಗುತ್ತಾ ಹೋದಂತೆ ಬಾಕ್ಸಾಫೀಸ್ ತುಂಬುತ್ತಾ ಹೋಯ್ತು. ಈಗ 50 ಕೋಟಿ ಮುನ್ನುಗ್ಗುತ್ತಿರುವ ಕಲೆಕ್ಷನ್, ಚಮತ್ಕಾರವನ್ನೇ ಮಾಡಿದೆ.

2ನೇ ವಾರದ ಅಂತ್ಯಕ್ಕೆ ಆಗಿರುವ ಕಲೆಕ್ಷನ್ ಮೊದಲ ದಿನದ ಕಲೆಕ್ಷನ್‍ಗಿಂತ ಹೆಚ್ಚು. ಥಿಯೇಟರು ಮತ್ತು ಸ್ಕ್ರೀನ್‍ಗಳ ಸಂಖ್ಯೆಯೂ ಹೆಚ್ಚು. ಹೌಸ್‍ಫುಲ್ ಶೋಗಳ ಸಂಖ್ಯೆಯೂ ಹೆಚ್ಚು. ಇನ್ನೂ ಸಿಂಪಲ್ಲಾಗಿ ಹೇಳಬೇಕೆಂದರೆ ಮೊದಲ ವಾರಕ್ಕಿಂತ 2ನೇ ವಾರದ ಕಲೆಕ್ಷನ್ ಹೆಚ್ಚು.

ಮೂಲಗಳ ಪ್ರಕಾರ ಚಾರ್ಲಿ ಬಾಕ್ಸಾಫೀಸ್ ಕಲೆಕ್ಷನ್ 60 ಕೋಟಿ ದಾಟಿದೆ. ಇದು ವಿಶ್ವದ ಎಲ್ಲೆಡೆಯ ಲೆಕ್ಕಾಚಾರ. ಇದು ಕೇವಲ ಕರ್ನಾಟಕದ ಶೋಗಳ ಕಥೆ ಅಲ್ಲ, ತಮಿಳುನಾಡು, ಆಂಧ್ರ, ತೆಲಂಗಾಣ, ಕೇರಳ, ಉ.ಭಾರತ ಸೇರಿದಂತೆ ವಿಶ್ವದೆಲ್ಲೆಡೆಯ ಸ್ಟೋರಿ ಇದೇ. ಇದು ಸಿಂಪಲ್ಲಾಗ್ ಒಂದು ಹಿಟ್ ಸ್ಟೋರಿ.

ರಕ್ಷಿತ್ ಶೆಟ್ಟಿ ಅಭಿನಯದ 777 ಚಾರ್ಲಿ ರಿಲೀಸ್ ಆಗುತ್ತಿರೋದು ಜೂನ್ 10ಕ್ಕೆ. ರಿಲೀಸ್ ಆಗುವುದಕ್ಕೂ ಮೊದಲೇ ಭರ್ಜರಿ ಬಿಸಿನೆಸ್ ಮಾಡುತ್ತಿದೆ ಚಾರ್ಲಿ. ಮೂಲಗಳ ಪ್ರಕಾರ ಚಿತ್ರದ ಸ್ಯಾಟಲೈಟ್ ಮತ್ತು ಡಿಜಿಟಲ್ ಹಕ್ಕುಗಳನ್ನು ಕಲರ್ಸ್ ಸಂಸ್ಥೆ 21 ಕೋಟಿಗೆ ಖರೀದಿಸಿದೆ. ಅಲ್ಲಿಗೆ ಚಾರ್ಲಿ ಸಿನಿಮಾ ಥಿಯೇಟರ್ ನಂತರ ಕಾಣಿಸೋದು ಕಲರ್ಸ್‍ನಲ್ಲಿ ಮತ್ತು ವೂಟ್‍ನಲ್ಲಿ ಅನ್ನೋದು ಪಕ್ಕಾ ಆಗಿದೆ.

ಚಿತ್ರವನ್ನು ಖರೀದಿಸಿದ ನಂತರ ಕಲರ್ಸ್ ಕನ್ನಡದ ಬಿಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಪ್ರೀತಿಯಿಂದ ಚಿತ್ರದ ಬಗ್ಗೆ ಮಾತನಾಡಿದ್ದಾರೆ. ಕಿರಣ್ ರಾಜ್ ಎಂಬ ನಿರ್ದೇಶಕ ಕನ್ನಡಕ್ಕೆ ಒಳ್ಳೆಯ ಸಿನಿಮಾಗಳನ್ನು ಕೊಡಬಹುದು ಎಂಬ ಭರವಸೆ ಹುಟ್ಟಿಸಿದ್ದಾರೆ. ರಕ್ಷಿತ್ ಅಭಿನಯ ಮತ್ತು ಚಾರ್ಲಿ ಎಂಬ ನಾಯಿಯ ಜೀವಂತಿಕೆ ಚಿತ್ರ ಮನಸ್ಸು ಮುಟ್ಟುವಂತೆ ಮಾಡುತ್ತದೆ ಎಂದು ಬರೆದುಕೊಂಡಿದ್ದಾರೆ ಗುಂಡ್ಕಲ್.

ಪರಂವಾ ಸ್ಟುಡಿಯೋಸ್‍ನ 777 ಚಾರ್ಲಿ ಚಿತ್ರದಲ್ಲಿ ರಕ್ಷಿತ್ ಜೊತೆಗೆ ಸಂಗೀತಾ ಶೃಂಗೇರಿ, ರಾಜ್ ಬಿ.ಶೆಟ್ಟಿ, ಡ್ಯಾನಿಷ್ ಸೇಠ್ ಮೊದಲಾದವರು ನಟಿಸಿದ್ದಾರೆ. ರಕ್ಷಿತ್ ಶೆಟ್ಟಿ ಜೊತೆಗೆ ಜಿ.ಎಸ್.ಗುಪ್ತಾ ಇನ್ನೊಬ್ಬ ನಿರ್ಮಾಪಕರಾಗಿದ್ದಾರೆ.