` corona virus, - chitraloka.com | Kannada Movie News, Reviews | Image

corona virus,

  • ವೈರಸ್ ಎಫೆಕ್ಟ್ : ಚೆನ್ನೈನಲ್ಲಿ 2 ಚಿತ್ರಮಂದಿರ ಕ್ಲೋಸ್

    corona effect, 2 single screen theaters in chennai shut down

    ಚೈನೀಸ್ ವೈರಸ್ ಅದೆಷ್ಟೋ ಕೈಗಾರಿಕೆಗಳನ್ನು ಬಾಗಿಲು ಹಾಕಿಸಿದೆ. ಸಾವಿರಾರು ಉದ್ಯಮಿಗಳನ್ನು ಬೀದಿಗೆ ತಳ್ಳಿದೆ. ಕೋಟ್ಯಧಿಪತಿಗಳನ್ನು ಲಕ್ಷಾಧಿಪತಿಗಳನ್ನಾಗಿಸಿದೆ. ಕೋಟ್ಯಂತರ ಕನಸುಗಳನ್ನು ಸಮಾಧಿ ಮಾಡಿದೆ. ಚಿತ್ರರಂಗವೂ ಅದಕ್ಕೆ ಹೊರತಲ್ಲ. ಕೋವಿಡ್ 19 ಅಟ್ಟಹಾಸಕ್ಕೆ ಚೆನ್ನೈನ 2 ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳು ಶಾಶ್ವತವಾಗಿ ಮುಚ್ಚುವ ಹಂತ ತಲುಪಿವೆ.

    ಚೆನ್ನೈನ ಎವಿಎಂ ರಾಜೇಶ್ವರಿ ಚಿತ್ರಮಂದಿರಕ್ಕೆ 41 ವರ್ಷಗಳ ಇತಿಹಾಸವಿದೆ. ಈ ಟಾಕೀಸ್ ಮೊದಲ ದಿನ, ಮೊದಲ ಶೋಗೆ ಫೇಮಸ್ ಆಗಿದ್ದ ಚಿತ್ರಮಂದಿರ. ಇನ್ನೊಂದು ಚೆನ್ನೈನ ಓಲ್ಡ್ ವಾಶರ್`ಮನ್ ಪೇಟೆಯಲ್ಲಿರುವ ಮಹಾರಾಣಿ ಚಿತ್ರಮಂದಿರ. ಎರಡೂ ಥಿಯೇಟರುಗಳೂ ಶಾಶ್ವತವಾಗಿ ಬಾಗಿಲು ಹಾಕುತ್ತಿವೆ.

    ಚೆನ್ನೈನಲ್ಲಿ ಮಲ್ಟಿಪ್ಲೆಕ್ಸ್`ಗಳಿಗಿಂತ ಸಿಂಗಲ್ ಸ್ಕ್ರೀನ್ ಥಿಯೇಟರುಗಳಿಗೇ ಜನ ಹೆಚ್ಚು. ಅಂಥಾದ್ದರಲ್ಲಿ ಚೆನ್ನೈನ ಸ್ಥಿತಿಯೇ ಹೀಗಾದರೆ, ಮೊದಲೇ ಪ್ರೇಕ್ಷಕರ ಬರ ಎದುರಿಸುತ್ತಿರುವ ಬೆಂಗಳೂರಿನ ಸಿಂಗಲ್ ಸ್ಕ್ರೀನ್ ಥಿಯೇಟರ್`ಗಳ ಕಥೆ ಏನು..? ಭವಿಷ್ಯ ಕಣ್ಣೆದುರು ಭಯಾನಕವಾಗಿ ಗೋಚರಿಸುತ್ತಿದೆ.

  • ಶೂಟಿಂಗ್`ಗೆ ಇದ್ದ ನಿರ್ಬಂಧ ತೆರವು

    government permits shooting of stalled movie and tv serials only

    ಸಿನಿಮಾಗಳ ಚಿತ್ರೀಕರಣಕ್ಕೆ ಇದ್ದ ಕೊರೊನಾ ಬಂಧನವನ್ನು ರಾಜ್ಯ ಸರ್ಕಾರ ಮುಕ್ತಗೊಳಿಸಿದೆ. ಆದರೆ, ಈಗಲೂ ಸಂಪೂರ್ಣ ಮುಕ್ತವಾಗಿಲ್ಲ. ಈಗಾಗಲೇ ಚಿತ್ರೀಕರಣ ಆರಂಭಿಸಿದ್ದ, ಅರ್ಧಕ್ಕೇ ನಿಂತ ಚಿತ್ರಗಳಿಗಷ್ಟೇ ಶೂಟಿಂಗ್, ಪ್ರೊಡಕ್ಷನ್ ಮತ್ತು ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಿಗೆ ಅವಕಾಶ. ಹೊಸ ಚಿತ್ರಗಳಿಗೆ ಕೊರೊನಾ ಬ್ರೇಕ್ ಮುಂದುವರಿದಿದೆ. ಚಿತ್ರಮಂದಿರ ಹಾಗೂ ಮಲ್ಟಿಪ್ಲೆಕ್ಸ್ ಓಪನ್ ಮಾಡೋಕೂ ಇನ್ನೂ ಅನುಮತಿ ಸಿಕ್ಕಿಲ್ಲ.

    ಕೊರೊನಾಗೂ ಮುನ್ನ ಚಾಲ್ತಯಲ್ಲಿದ್ದ ಚಿತ್ರಗಳಿಗಷ್ಟೇ ಈ ಅವಕಾಶ ಸಿಕ್ಕಿದೆ. ಅದನ್ನು ಗುರುತಿಸಲು ಸರ್ಕಾರ ಬಳಿ ಇರೋ ಮಾನದಂಡ ಏನು ಅನ್ನೊದು ಗೊತ್ತಿಲ್ಲ. ಇನ್ನು ಟಿವಿ ಚಿತ್ರೀಕರಣಗಳಿಗೂ ಇದ್ದ ನಿರ್ಬಂಧಗಳನ್ನು ಸರ್ಕಾರ ತೆಗೆದುಹಾಕಿದೆ. ಆದರೆ ರಿಯಾಲಿಟಿ ಶೋಗೆ ಅನುಮತಿ ಸಿಕ್ಕಿದೆಯಾ ಇಲ್ಲವಾ ಅನ್ನೋದರ ಬಗ್ಗೆ ಸ್ಪಷ್ಟನೆ ಸಿಗಬೇಕಿದೆ.

     

     

  • ಸೀರಿಯಲ್ ಶೂಟಿಂಗ್ ಲಾಕ್ ಓಪನ್

    TV Serial Shooting Image

    ಹೆಚ್ಚೂ ಕಡಿಮೆ 2 ತಿಂಗಳಿಂದ ಸ್ಥಗಿತಗೊಂಡಿದ್ದ ಚಿತ್ರೀಕರಣಕ್ಕೆ ಲಾಕ್ ಡೌನ್ ಓಪನ್ ಆಗಿದೆ. ಮಹತ್ವದ ಸಭೆಯ ನಂತರ ರಾಜ್ಯ ಸರ್ಕಾರ ಟಿ ವಿ ಸೀರಿಯಲ್ ಶೂಟಿಂಗ್ಗೆ ಅನುಮತಿ ನೀಡಿದೆ. ಆದರೆ, ಷರತ್ತುಗಳು ಅನ್ವಯವಾಗುತ್ತಿವೆ. ಒಳಾಂಗಣ ಚಿತ್ರೀಕರಣಕ್ಕಷ್ಟೇ ಅನುಮತಿ ನೀಡಿದ್ದು, ಹೊರಾಂಗಣ ಚಿತ್ರೀಕರಣಕ್ಕೆ ಅನುಮತಿ ನೀಡಿಲ್ಲ. ಅಷ್ಟೇ ಅಲ್ಲ, ಸಿನಿಮಾ ಶೂಟಿಂಗ್ಗೂ ಅನುಮತಿ ಇಲ್ಲ. ರಿಯಾಲಿಟಿ ಶೋಗಳಿಗೂ ಇಲ್ಲ.

    ಬಾರ್ ಓಕೆ.. ಚಿತ್ರಮಂದಿರಗಳಿಗೆ ಇಲ್ಲ ಯಾಕೆ..? - ಕೆ.ಎಂ.ವೀರೇಶ್

    ಮನೆ ಒಳಭಾಗದಲ್ಲಿ ನಡೆಸುವ ಚಿತ್ರೀಕರಣಕ್ಕೆ ಮಾತ್ರವೇ ಅನುಮತಿ ನೀಡಲಾಗಿದ್ದು, ಎಲ್ಲ ಕೊರೊನಾ ಮುಂಜಾಗ್ರತಾ ಸೂತ್ರಗಳನ್ನು ಅನುಸರಿಸಬೇಕು ಎಂದು ರಾಜ್ಯ ಸರ್ಕಾರ ತಿಳಿಸಿದೆ. 

    ಸುಮಾರು 6 ಸಾವಿರಕ್ಕೂ ಹೆಚ್ಚು ಕಾರ್ಮಿಕರಿಗೆ ಇದರಿಂದ ಕೆಲಸ ಸಿಗಲಿದೆ. ಸುಮಾರು ತಿಂಗಳಿಂದ ಟಿವಿಗಳಲ್ಲಿ ಹೊಸ ಸೀರಿಯಲ್ ಪ್ರಸಾರವಾಗುತ್ತಿರಲಿಲ್ಲ. ಹಳೆಯ ಕಂತುಗಳನ್ನೇ ರಿಪೀಟ್ ಮಾಡುತ್ತಿದ್ದ ಟಿವಿ ಚಾನೆಲ್ಗಳಿಗೆ ಇದು ರಿಲೀಫ್ ಕೊಡಲಿದೆ. 

    State To Decide On Allowing Shooting of Movies & TV Shows

    ಸೀರಿಯಲ್ ಶೂಟಿಂಗ್ ಒಳಾಂಗಣದಲ್ಲಿ ಮಾತ್ರವೇ ನಡೆಯುವ ಕಾರಣ, ಚಿತ್ರೀಕರಣಕ್ಕೆ ಅನುಮತಿ ನೀಡಿದ್ದೇವೆ. ಸಿನಿಮಾ, ರಿಯಾಲಿಟಿ ಶೋ, ಹೊರಾಂಗಣ ಚಿತ್ರೀಕರಣಕ್ಕೆ ಅವಕಾಶ ಕೊಟ್ಟಿಲ್ಲ. ಎಲ್ಲರೂ ಕೂಡಾ ಕೊರೊನಾ ಶಿಸ್ತುಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ಸಚಿವ ಆರ್.ಅಶೋಕ್ ತಿಳಿಸಿದ್ದಾರೆ.

    Also See

    ಬಾರ್ ಓಕೆ.. ಚಿತ್ರಮಂದಿರಗಳಿಗೆ ಇಲ್ಲ ಯಾಕೆ..? - ಕೆ.ಎಂ.ವೀರೇಶ್

    State To Decide On Allowing Shooting of Movies & TV Shows

    S V Babu's Video Salutes Police Department

    ಮೊಬೈಲ್‍ನಲ್ಲೇ ಥಿಯೇಟರ್.. ಒಟಿಟಿ ಮ್ಯಾಜಿಕ್..

    Exhibitors Most Hit Due To Corono Lockdown - Exclusive

    India Under Total Lockdown for 21 Days!

    Sandalwood Supports Janata Curfew

  • ಸೀರಿಯಲ್ ಶೂಟಿಂಗ್ ಶುರುವಾಯ್ತು, ಸಿನಿಮಾಗೆ ಯಾವಾಗ..?

    serial shootings have begun, when will film shootings begins

    ಇನ್ನು ಕೆಲವೇ ದಿನ. ಜೂನ್ 01ರಿಂದ ಟಿವಿಗಳಲ್ಲಿ ಧಾರಾವಾಹಿಗಳ ಪ್ರಸಾರ ಶುರುವಾಗಲಿದೆ. ಇಷ್ಟು ದಿನ ಹಳೆಯ ಸಂಚಿಕೆಗಳನ್ನೇ ನೋಡಿ ನೋಡಿ ಬೇಸತ್ತಿದ್ದ ಜನರಿಗೆ ಜೂನ್ 01ರಿಂದ ಧಾರಾವಾಹಿಗಳ ಹೊಸ ಸಂಚಿಕೆಗಳನ್ನು ನೋಡುವ ಭಾಗ್ಯ. ಮೇ 25ರಿಂದ ಚಿತ್ರೀಕರಣ ಶುರುವಾಗಿದ್ದು, ಪ್ರತಿ ಶೂಟಿಂಗ್ ಸ್ಪಾಟ್‍ನಲ್ಲೂ ಕೊರೊನಾ ಷರತ್ತುಗಳನ್ನು ಕಡ್ಡಾಯವಾಗಿ ಪಾಲಿಸಲಾಗುತ್ತಿದೆ.

    ಪ್ರತಿಯೊಬ್ಬರಿಗೂ ಮಾಸ್ಕ್, ಸ್ಯಾನಿಟೈಸರ್, ಸೋಷಿಯಲ್ ಡಿಸ್ಟೆನ್ಸಿಂಗ್.. ಎಲ್ಲವನ್ನೂ ಫಾಲೋ ಮಾಡುತ್ತಿದ್ದಾರೆ ಕಿರುತೆರೆ ತಂತ್ರಜ್ಞರು ಮತ್ತು ಕಲಾವಿದರು.

    ಆದರೆ.. ಸಿನಿಮಾಗಳ ಚಿತ್ರೀಕರಣ ಯಾವಾಗ ಶುರುವಾಗುತ್ತೆ..? ಸದ್ಯಕ್ಕೆ ಸಿನಿಮಾರಂಗಕ್ಕೆ ಗ್ರೀನ್ ಸಿಗ್ನಲ್ ಸಿಕ್ಕಿರುವುದು ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಿಗೆ ಮಾತ್ರ. ಉಳಿದಂತೆ ಚಿತ್ರೀಕರಣಕ್ಕಾಗಲೀ, ರಿಲೀಸ್ ಮಾಡೋಕಾಗಲೀ ಪರ್ಮಿಷನ್ ಇಲ್ಲ. ಸರ್ಕಾರ ಈ ತಕ್ಷಣವೇ ಎಲ್ಲದಕ್ಕೂ ಓಕೆ ಎಂದರೂ ಚಿತ್ರೀಕರಣ ಶುರುವಾಗೋಕೆ, ಸಿನಿಮಾಗಳು ರಿಲೀಸ್ ಆಗೋಕೆ ಕನಿಷ್ಠವೆಂದರೂ ಒಂದು ತಿಂಗಳು ಸಮಯ ಬೇಕಾದೀತು.

  • ಸುದೀಪ್ ಅನಾರಾಗ್ಯಕ್ಕೆ ಕೊರೊನಾ ಕಾರಣ

    ಸುದೀಪ್ ಅನಾರಾಗ್ಯಕ್ಕೆ ಕೊರೊನಾ ಕಾರಣ

    ಕಿಚ್ಚ ಸುದೀಪ್ ಅವರಿಗೆ ಅನಾರೋಗ್ಯ ಎಂದಾಗ ಎಲ್ಲರಿಗೂ ಅಚ್ಚರಿಯಾಗಿತ್ತು. ಫಿಟ್‍ನೆಸ್ ಬಗ್ಗೆ ಇನ್ನಿಲ್ಲದಷ್ಟು ಜಾಗೃತಿ ವಹಿಸುವ ಸುದೀಪ್ ಅವರಿಗೆ ಕೊರೊನಾ ಪಾಸಿಟಿವ್ ಬಂದಿದೆಯಾ..? ಸುದೀಪ್ ಉತ್ತರ ಕೊಟ್ಟಿರಲಿಲ್ಲ. ಈಗ ಎಲ್ಲ ಗೊಂದಲಕ್ಕೂ ತೆರೆ ಎಳೆದಿದ್ದಾರೆ. ಹೌದು, ನನಗೆ ಆಗಿದ್ದುದು ಕೊರೊನಾ. 3 ವಾರಗಳ ಐಸೋಲೇಷನ್ ಆಗಿದೆ. ಈಗ ಚೇತರಿಸಿಕೊಂಡಿದ್ದೇನೆ ಎಂದಿದ್ದಾರೆ. ಕೊರೊನಾ ಅನುಭವದ ಪಾಠಗಳು, ಬೇರೆಯವರಿಗೆ ಮಾರ್ಗದರ್ಶನ.. ಏನೂ ಇಲ್ಲ. ಒಬ್ಬೊಬ್ಬರ ದೇಹ ಒಂದೊಂದು ರೀತಿ ಎಂದಿದ್ದಾರೆ ಸುದೀಪ್.

    ಬಿಗ್‍ಬಾಸ್ ನಿರೂಪಣೆ ಮಾಡುವಾಗ ಕಾಲುಗಳಲ್ಲಿ ಶುರುವಾದ ನೋವು, ನಂತರ ಚಿಕಿತ್ಸೆ ಪಡೆದದ್ದು ಎಲ್ಲವನ್ನೂ ಬಿಚ್ಚಿಟ್ಟಿದ್ದಾರೆ ಸುದೀಪ್. ಇದೆಲ್ಲದರ ಮಧ್ಯೆಯೂ ಟ್ರಸ್ಟ್ ಮೂಲಕ ಸೇವೆ ಮುಂದುವರೆದಿದೆ. ಕಿಚ್ಚ ಚಾರಿಟಬಲ್ ಟ್ರಸ್ಟ್‍ನಿಂದ 300 ಆಕ್ಸಿಜನ್ ಸಿಲಿಂಡರ್ ವ್ಯವಸ್ಥೆ ಮಾಡಿದ್ದೇವೆ. ಮುಂದೆಯೂ ನಡೆಯುತ್ತವೆ ಎಂದಿದ್ದಾರೆ ಸುದೀಪ್.

  • ಸುದೀಪ್, ದರ್ಶನ್‍ಗೂ ಕಾಡುತ್ತಿದೆ ಕೊರೊನಾ

    sudeep, darshan's house under corona threat

    ಕೊರೊನಾ ವೈರಸ್ ಯಾರನ್ನೂ ಬಿಟ್ಟಿಲ್ಲ. ಟೆನಿಸ್ ಲೋಕದ ದಿಗ್ಗಜ ಜೊಕೊವಿಕ್ ಅವರನ್ನೇ ಅಟಕಾಯಿಸಿಕೊಂಡಿರುವ ಕೊರೊನಾ, ಜನ ಸಾಮಾನ್ಯರನ್ನಂತೂ ಬೇಟೆಯಾಡುತ್ತಿದೆ. ಕನ್ನಡದ ಸ್ಟಾರ್‍ಗಳಾದ ಸುದೀಪ್ ಮತ್ತು ದರ್ಶನ್ ಅವರಿಗೂ ಕೊರೊನಾ ಕಾಟ ಕೊಡುತ್ತಿದೆ.

    ಸುದೀಪ್ ಅವರ ಜೆಪಿ ನಗರದಲ್ಲಿರೋ ಮನೆಯ ಪಕ್ಕದಲ್ಲೇ ಒಬ್ಬರಿಗೆ ಕೊರೊನಾ ಪಾಸಿಟಿವ್ ಬಂದಿದೆ. ಇದು ಸಹಜವಾಗಿಯೇ ಸುದೀಪ್ ಮತ್ತವರ ಕುಟುಂಬವನ್ನು ಆತಂಕಕ್ಕೆ ದೂಡಿದೆ. ಕೊರೊನಾ ಬಂದಾಗಿನಿಂದ ಸುದೀಪ್ ತಮ್ಮ ತಂದೆ, ತಾಯಿಯನ್ನು ಜತನವಾಗಿ ನೋಡಿಕೊಳ್ಳುತ್ತಿದ್ದಾರೆ. ಸುದೀಪ್ ಅವರ ಮನೆಯ ಪಕ್ಕದಲ್ಲಿರೋ ಅವಿಭಕ್ತ ಕುಟುಂಬದಲ್ಲಿ ಇಬ್ಬರಿಗೆ ಪಾಸಿಟಿವ್ ಬಂದಿದ್ದು, ಆ ಮನೆಯಲ್ಲಿ 30 ಜನ ವಾಸವಿದ್ದಾರೆ.

    ಇತ್ತ ದರ್ಶನ್ ಅವರದ್ದೂ ಅಷ್ಟೆ. ಹೊಸಕೆರೆ ಹಳ್ಳಿಯಲ್ಲಿರೋ ವಿಜಯಲಕ್ಷ್ಮೀ ಅವರಿರುವ ಅಪಾರ್ಟ್‍ಮೆಂಟ್`ನಲ್ಲಿ ಒಬ್ಬರಿಗೆ ಪಾಸಿಟಿವ್ ಬಂದಿದೆ. ಇದೇ ಅಪಾರ್ಟ್‍ಮೆಂಟ್‍ನಲ್ಲಿ ನಟ ರವಿಶಂಕರ್ ಗೌಡ (ಸಿಲ್ಲಿ ಲಲ್ಲಿ ಖ್ಯಾತಿ), ನಟಿ ಪೂಜಾಗಾಂಧಿ ಕೂಡಾ ವಾಸವಿದ್ದಾರೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery