ಅವನು ಹುಟ್ಟಿದ್ದೇ ಎಲ್ಲ ಕಡೆ ಹುಡುಗರ ಸಂಖ್ಯೆ ಕಡಿಮೆ ಆಗಿ ಹುಡುಗೀರ ಸಂಖ್ಯೆ ಹೆಚ್ಚಾದಾಗ. ಅವನು ಹುಡುಗಿಯರಿಗಾಗಿಯೇ ಇರೋ ಹುಡುಗ..

ಹಾಗಂತ ಮಗನಿಗೆ ಸರ್ಟಿಫಿಕೇಟ್ ಕೊಡೋದು ಅವನ ತಾಯಿ. ಅವನೋ.. ಕಂಡ ಕಂಡ ಹುಡುಗಿಯರಿಗೆಲ್ಲ ಐ ಲವ್ ಯೂ ಹೇಳೋ ತುಂಟ.

ಅಂತಹ ತುಂಟನಿಗೆ ಅವಳ ಮೇಲೆ ನಿಜವಾಗಿಯೂ ಲವ್ ಆಗ್ಬಿಡುತ್ತೆ. ಅವಳೋ ಚೆಲುವಾತಿ ಚೆಲುವೆ. ಅವಳಿಗೆ ಆಲ್‍ರೆಡಿ 16 ಬಾಯ್‍ಫ್ರೆಂಡ್ಸ್. ಲೇಡಿ ಶ್ರೀಕೃಷ್ಣ. ಅವಳನ್ನು ಪಟಾಯಿಸಿಕೊಂಡು ಲವ್ ಮಾಡಬೇಕು ನಾಯಕ. ಸಕ್ಸಸ್ ಆಗ್ತಾನಾ..?

ಅರೆ.. ಇದೇ ಕಣ್ರಿ ಶೋಕಿವಾಲನ ಕಥೆ. ಜಾಕಿ ತಿಮ್ಮೇಗೌಡ ಇಡೀ ಚಿತ್ರವನ್ನು ತುಂಟತನದಿಂದಲೇ ನಿರೂಪಿಸಿದ್ದಾರಂತೆ. ಅಜಯ್ ರಾವ್, ಸಂಜನಾ ಆನಂದ್ ಪ್ರಧಾನ ಪಾತ್ರದಲ್ಲಿರೋ ಚಿತ್ರ ಕಂಪ್ಲೀಟ್ ತುಂಟಾಟದ ಕಾಮಿಡಿ ಫ್ಯಾಮಿಲಿ ಚಿತ್ರವಂತೆ.

Duniya Vijay Starre 'Salaga';s first lyrical video song is out and its trending on YouTube. Fans are in Love with this Peppy romantic song sung by Naveen Sajju. The son stars Duniya Vijay and Sanjana Anand. 

Salaga' is being scripted and directed by 'Duniya' Vijay. Apart from direction, Vijay will be also be seen in the title role of the film. Sanjana Anand, Dhananjay, Cockroach Sudhi and others play prominent roles in the film. The film is being produced by K P Srikanth under Venus Entertainers banner. Shivasena is the cinematographer, while Charan Raj is the music director.

ಇತ್ತೀಚೆಗೆ ತೆಲುಗು ಚಿತ್ರರಂಗದಲ್ಲಿ ಕನ್ನಡದವರದ್ದೇ ದೊಡ್ಡ ಹವಾ ಸೃಷ್ಟಿಯಾಗಿದೆ.  ರಶ್ಮಿಕಾ ಮಂದಣ್ಣ, ಶ್ರೀಲೀಲಾ, ನಭಾ ನಟೇಶ್.. ಮೊದಲಾದವರು ಮಿಂಚುತ್ತಲೇ ಇದ್ದಾರೆ. ಈ ಲಿಸ್ಟ್‍ಗೀಗ ಇನ್ನೊಬ್ಬ ನಟಿ ಸೇರಿದ್ದಾರೆ. ಸಂಜನಾ ಆನಂದ್.

ಕೆಮಿಸ್ಟ್ರಿ ಆಫ್ ಕರಿಯಪ್ಪ, ಸಲಗ ಚಿತ್ರಗಳ ಮೂಲಕ ಪ್ರತಿಭಾವಂತೆ  ಅನ್ನೋದನ್ನು ಪ್ರೂವ್ ಮಾಡಿದ್ದ ಸಂಜನಾ ತೆಲುಗಿನಲ್ಲಿ ನೇನು ಮೀಕು ಭಾಗಾ ಕಾವಲ್ಸಿನವಾಡಿನಿ.. (ನಾನು ನಿಮಗೆ ತುಂಬಾ ಬೇಕಾದವನು) ಅನ್ನೋ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

ಈ ಚಿತ್ರಕ್ಕೆ ನಿರ್ಮಾಪಕಿಯಾಗಿರೋದು ಕೋಡಿ ರಾಮಕೃಷ್ಣ ಮಗಳು ದಿವ್ಯಾ ದೀಪ್ತಿ. ಲವ್ ಸ್ಟೋರಿ ಸಿನಿಮಾ. ಕಿರಣ್ ಅಬ್ಬಾವರಂ ಅನ್ನೋವ್ರು ಹೀರೋ ಎಂದು ಮಾಹಿತಿ ಕೊಟ್ಟಿದ್ದಾರೆ ಸಂಜನಾ.

ದಿನಕರ್ ತೂಗುದೀಪ್ ಸುದೀರ್ಘ ಗ್ಯಾಪ್ ನಂತರ ಡೈರೆಕ್ಷನ್ ಮಾಡ್ತಿರೋ ಚಿತ್ರ ಇತ್ತೀಚೆಗೆ ತಾನೇ ಮುಹೂರ್ತ ಆಚರಿಸಿಕೊಂಡಿತ್ತು. ಜಯಣ್ಣ ಭೋಗೇಂದ್ರ ನಿರ್ಮಾಣದಲ್ಲಿ ವಿರಾಟ್ ಹೀರೋ ಆಗಿರುವ ಚಿತ್ರಕ್ಕೆ ಇನ್ನೂ ಟೈಟಲ್ ಫಿಕ್ಸ್ ಆಗಿಲ್ಲ. ಈಗ ಹೀರೋಯಿನ್ ಆಯ್ಕೆ ಆಗಿದೆ.

ಕೆಮಿಸ್ಟ್ರಿ ಆಫ್ ಕರಿಯಪ್ಪ ಚಿತ್ರದ ಮೂಲಕ ಎಂಟ್ರಿ ಕೊಟ್ಟ ಸಂಜನಾ ಆನಂದ್ ಸಲಗ ಚಿತ್ರದಲ್ಲಿ ದೊಡ್ಡ ಮಟ್ಟದಲ್ಲಿ ಗಮನ ಸೆಳೆದಿದ್ದರು. ವಿರಾಟ್ ಎದುರು ಸಂಜನಾ ಆನಂದ್ ನಟಿಸುತ್ತಿದ್ದಾರೆ. ಸದ್ಯಕ್ಕೆ ಸಂಜನಾ ಆನಂದ್ ತೆಲುಗು ಚಿತ್ರವೊಂದರಲ್ಲಿ ಬ್ಯುಸಿಯಾಗಿದ್ದಾರೆ. ಅದು ಮುಗಿದ ತಕ್ಷಣವೇ ಈ ಚಿತ್ರತಂಡ ಸೇರಿಕೊಳ್ಳಲಿದ್ದಾರೆ ಸಂಜನಾ ಆನಂದ್.

ಕಿಸ್ ನಂತರ ವಿರಾಟ್ ಎ.ಪಿ.ಅರ್ಜುನ್ ಅವರೊಂದಿಗೆ ಅದ್ಧೂರಿ ಲವರ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದು ಅವರಿಗೆ 3ನೇ ಸಿನಿಮಾ. ಲೈಫ್ ಜೊತೆ ಒಂದ್ ಸೆಲ್ಫಿ ನಂತರ ಸುದೀರ್ಘ ಗ್ಯಾಪ್ ನಂತರ ದಿನಕರ್ ನಿರ್ದೇಶಿಸುತ್ತಿರುವ ಚಿತ್ರವಿದು. ದಿನಕರ್ ಚಿತ್ರ ಎಂದ ಮೇಲೆ ನಿರೀಕ್ಷೆಯೂ ಹೆಚ್ಚಾಗಿಯೇ ಇರುತ್ತೆ.

ಸಲಗ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿರುವ ಸಂಜನಾ ಆನಂದ್ ಹೊಸ ಪ್ರತಿಭೆಯೇನೂ ಅಲ್ಲ. ಆದರೆ, ಚಿತ್ರರಂಗದಲ್ಲಿ ಈಗಷ್ಟೇ ಬೆಳೆಯುತ್ತಿರುವ ಕಲಾವಿದೆ. ಹಾಗೆ ನೋಡಿದ್ರೆ ನಿರ್ದೇಶಕರಾಗಿ ಸ್ವತಃ ದುನಿಯಾ ವಿಜಯ್ ಹೊಸಬರೇ. ಸ್ಟಂಟ್ ಕಲಾವಿದನಾಗಿ ಚಿತ್ರರಂಗಕ್ಕೆ ಬಂದು, ಸಣ್ಣ ಪುಟ್ಟ ಸೈಡ್ ರೋಲುಗಳಲ್ಲಿ ನಟಿಸುತ್ತಾ  ಹೀರೋ ಆಗಿ ಬೆಳೆದಿರುವ ವಿಜಿಗೆ ತಮ್ಮ ಆರಂಭದ ದಿನಗಳ ಪಡಿಪಾಟಲುಗಳ ಕಾರಣವೋ ಏನೋ.. ಹೊಸಬರ ಮೇಲೆ ಪ್ರೀತಿ ಜಾಸ್ತಿ. ಅದು ಸಲಗ ಚಿತ್ರದಲ್ಲಿ ಎದ್ದು ಕಾಣುತ್ತಿದೆ.

ಈ ಚಿತ್ರದಲ್ಲಿ ಸಿದ್ದಿ ಜನಾಂಗದ ಗೀತಾ ಸಿದ್ದಿ, ಮಾಲಾ ಸಿದ್ದಿ ಎಂಬ ರಂಗಕಲಾವಿದರು ಧ್ವನಿ ಕೊಟ್ಟಿದ್ದಾರಂತೆ. ಕೆಂಡ, ಭಲೇ ಭಾಸ್ಕರ್, ಚೊತ್ತೆ, ಚಿನ್ನು ಎಂಬ ಪಾತ್ರಗಳಲ್ಲಿ ನಟಿಸಿರುವುದೆಲ್ಲ ಹೊಸ ಕಲಾವಿದರು. ಪುನೀತ್, ಇಂದ್ರಕುಮಾರ್, ಚನ್ನಕೇಶವ, ಉಷಾ ರವಿಶಂಕರ್, ಶ್ರೀಧರ್, ವಿಲಾಸ್ ನಾಯಕ್, ಲೋಕಲ್ ಆರ್ಕೆಸ್ಟ್ರಾದಲ್ಲಿ ಹಾಡುವ ಒಬ್ಬ ಸಿಂಗರ್ ಸೇರಿದಂತೆ ಬಹುತೇಕರು ಹೊಸಬರಿದ್ದಾರೆ.

ಹೊಸಬರಿಗೆ ಹಸಿವು ಜಾಸ್ತಿ. ಅಭಿನಯದಲ್ಲಿ ಫ್ರೆಶ್‍ನೆಸ್ ಇರುತ್ತೆ. ಜೊತೆಗೆ ಸೀನಿಯರ್ ಕಲಾವಿದರನ್ನು ಹಾಕಿಕೊಂಡರೆ ಅವರನ್ನು ನೋಡಿಯೇ ಇಡೀ ಪಾತ್ರ ಹೀಗೆಯೇ ಇರುತ್ತೆ ಎಂದು ನಿರ್ಧರಿಸುವಷ್ಟು ಪ್ರೇಕ್ಷಕರು ಅಪ್‍ಡೇಟ್ ಇದ್ದಾರೆ. ಜೊತೆಗೆ ನಾನೂ ಹೊಸಬನಾಗಿಯೇ ಚಿತ್ರರಂಗಕ್ಕೆ ಬಂದವನು. ಈಗ ಹೊಸದಾಗಿ ಡೈರೆಕ್ಟರ್ ಆಗುತ್ತಿದ್ದೇನೆ. ಒಂದಷ್ಟು ಹೊಸಬರಿಗೆ ಚಾನ್ಸ್ ಕೊಡೋಣ ಎಂದುಕೊಂಡೆ, ಕೊಟ್ಟೆ. ಇದು ಹೀರೋ ಕಂ ಡೈರೆಕ್ಟರ್ ದುನಿಯಾ ವಿಜಯ್ ಮಾತು. ಕೆ.ಪಿ.ಶ್ರೀಕಾಂತ್ ಟಗರು ನಂತರ ನಿರ್ಮಿಸುತ್ತಿರುವ ಚಿತ್ರವಿದು. ಕೊರೋನಾ ಕಾಟ ಇಲ್ಲದಿದ್ದರೆ ಇಷ್ಟೊತ್ತಿಗೆ ಥಿಯೇಟರುಗಳಲ್ಲಿರುತ್ತಿತ್ತು. ಈಗ ಮುಂದಕ್ಕೆ ಹೋಗಿದೆ.

ಕಿಸ್ ಸಕ್ಸಸ್ ಆದ ನಂತರ ಎ.ಪಿ.ಅರ್ಜುನ್ ಅದ್ಧೂರಿ ಲವರ್ಸ್ ಚಿತ್ರ ಮಾಡೋದಾಗಿ ಘೋಷಿಸಿದ್ದರು. ಚಿತ್ರದ ಪೋಸ್ಟರ್ ರಿಲೀಸ್ ಮಾಡಿದ್ದರು. ಕಿಸ್ ಚಿತ್ರದ ಶತದಿನೋತ್ಸವ ಕಾರ್ಯಕ್ರಮದಲ್ಲಿಯೇ ಘೋಷಿಸಲ್ಪಟ್ಟಿದ್ದ ಅದ್ಧೂರಿ ಲವರ್ಸ್ ಹೀರೋ, ಹೀರೋಯಿನ್ ಯಾರು ಎಂಬುದು ಗುಟ್ಟಾಗಿಯೇ ಇತ್ತು. ಅದನ್ನೀಗ ಹೊರಬಿಟ್ಟಿದ್ದಾರೆ ಎ.ಪಿ.ಅರ್ಜುನ್.

ಎ.ಪಿ.ಅರ್ಜುನ್ ಅವರ ಹೊಸ ಚಿತ್ರದಲ್ಲಿ ಅದ್ಧೂರಿಯಾಗಿ ಲವ್ ಮಾಡೋಕೆ ಕಿಸ್ ಖ್ಯಾತಿಯ ವಿರಾಟ್ ರೆಡಿ. ಅವರಿಗೆ ಜೊತೆಯಾಗೋಕೆ ಇತ್ತ ಸಂಜನಾ ಆನಂದ್ ರೆಡಿಯಾಗಿದ್ದಾರೆ. ಈ ಚಿತ್ರ ಹೇಗಿರುತ್ತೆ ಅಂದ್ರೆ ಹಿಂಗೂ.. ಈ ಲೆವೆಲ್ಲಿಗೂ ಲವ್ ಮಾಡ್ತಾರಾ..? ಇದು ಸಾಧ್ಯಾನಾ.. ಎಂದು ಬೆರಗು ಹುಟ್ಟಿಸುವಂತಾ ಕಥೆ ಚಿತ್ರದಲ್ಲಿದೆ ಅಂತಾರೆ ಅರ್ಜುನ್. ಗೆಟ್ ರೆಡಿ ಟು ಒನ್ ಮೋರ್ ಲವ್ ಸ್ಟೋರಿ.

ಸಲಗ ಚಿತ್ರದಲ್ಲಿ ದುನಿಯಾ ವಿಜಿಯಂತಾ ಸೀನಿಯರ್ ಆಕ್ಟರ್ ಜೊತೆ ನಟಿಸಿರುವ ಸಂಜನಾ ಆನಂದ್, ಈಗ ಅದ್ಧೂರಿ ಲವರ್ ಚಿತ್ರದಲ್ಲಿ ಸ್ಟೂಡೆಂಟ್ ಆಗಿದ್ದಾರೆ. ಚಿತ್ರದಲ್ಲಿನ ನನ್ನ ಪಾತ್ರ ಬಬ್ಲಿಯಾಗಿದೆ ಎಂದಿರೋ ಸಂಜನಾ, ಇದು ಸಖತ್ ನಾಟಿ ಹುಡುಗಿಯ ಪಾತ್ರ. ಒಂಥರಾ ಹೀರೋಯಿನ್ ಓರಿಯಂಟೆಡ್ ಎನಿಸುತ್ತೆ. 9 ಚಿತ್ರಗಳಲ್ಲಿ ನಟಿಸಿದ್ದೇನೆ. ಇದು ನನಗೆ ಹೊಸದು ಎಂದಿದ್ದಾರೆ ಸಂಜನಾ ಆನಂದ್.

ಅದ್ಧೂರಿ ಲವರ್, ಎ.ಪಿ.ಅರ್ಜುನ್ ಮೂವಿ. ಕಿಸ್ ಚಿತ್ರದ ನಂತರ ಮತ್ತೊಮ್ಮೆ ನಿರ್ಮಾಣಕ್ಕಿಳಿದಿರೋ ಅರ್ಜುನ್, ಕಿಸ್ಗಿಂತ ದೊಡ್ಡ ಹಿಟ್ ಕೊಡುವ ಭರವಸೆಯನ್ನಂತೂ ಹುಟ್ಟಿಸಿದ್ದಾರೆ. ಕಿಸ್ ಮೂಲಕ ತಾವೇ ಪರಿಚಯಿಸಿದ ವಿರಾಟ್ ಅವರನ್ನೇ ಅದ್ಧೂರಿ ಲವರ್ ಚಿತ್ರಕ್ಕೂ ಹೀರೋ ಮಾಡಿದ್ದಾರೆ ಅರ್ಜುನ್.

ಚಂದನ್  ಶೆಟ್ಟಿ ಕನ್ನಡದ ಫೇಮಸ್ ರ್ಯಾಪ್ ಸಿಂಗರ್. ಅವರ ಆಲ್ಬಮ್ಮುಗಳಿಗೆ ಕೋಟಿ ಕೋಟಿ ವೀಕ್ಷಕರಿದ್ದಾರೆ. ಮ್ಯೂಸಿಕ್ ಡೈರೆಕ್ಟರ್ ಆಗಿ ಚಂದನ್ ಶೆಟ್ಟಿಯವರಿಗೆ ಬೇರೆಯದೇ ಸ್ಟಾರ್ ಡಂ ಇದೆ. ಪೊಗರು ನಂತರವಂತೂ ಚಂದನ್ ಶೆಟ್ಟಿ ಬೇರೆಯದೇ ಲೆವೆಲ್ ತಲುಪಿದ್ದಾರೆ. ಆಲ್ಬಮ್ಮುಗಳಲ್ಲಿ ನಟಿಸಿ ಅನುಭವವಿರೋ ಚಂದನ್ ಶೆಟ್ಟಿ ಈಗಾಗಲೇ ಹೀರೋ ಆಗಿ ಎಲ್ರ ಕಾಲೆಳೀತದೆ ಕಾಲ ಚಿತ್ರದಲ್ಲಿ ನಟಿಸಿದ್ದಾರೆ. ಚಿತ್ರ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಆ ಚಿತ್ರಕ್ಕೆ ಸಗಣಿ ಪಿಂಟೋ ಖ್ಯಾತಿಯ ಸುಜಯ್ ಶಾಸ್ತ್ರಿ ನಿರ್ದೇಶಕ. ಇದರ ನಡುವೆಯೇ ಚಂದನ್ ಶೆಟ್ಟಿ ಸೂತ್ರಧಾರನಾಗಿದ್ದಾರೆ.

ನವರಸನ್ ನಿರ್ಮಾಣದ ಸೂತ್ರಧಾರ ಚಿತ್ರದಲ್ಲಿ ಚಂದನ್ ಶೆಟ್ಟಿ ಹೀರೋ. ಬಹುತೇಕ ಚಿತ್ರೀಕರಣ ಮುಕ್ತಾಯವಾಗಿದ್ದು ಇದೀಗ ಚಿತ್ರತಂಡಕ್ಕೆ ನಾಯಕಿಯ ಆಯ್ಕೆಯೂ ಆಗಿದೆ. ಸಲಗ ಖ್ಯಾತಿಯ ಸಂಜನಾ ಆನಂದ್ ನಾಯಕಿ. ಇನ್ನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಚಿತ್ರದ ಹಾಡಿನ ಶೂಟಿಂಗ್ ನಡೆದಿದ್ದು, ಡಿ.27ರಂದು ಹಾಡು ರಿಲೀಸ್ ಆಗುತ್ತಿದೆ. ಚಿತ್ರದಲ್ಲಿ ಚಂದನ್ ಶೆಟ್ಟಿ ಜೊತೆ ಅಪೂರ್ವ ಕೂಡಾ ನಾಯಕಿಯಾಗಿದ್ದು, ತಬಲಾ ನಾಣಿ ಪ್ರಮುಖ ಪಾತ್ರದಲ್ಲಿದ್ದಾರೆ. ಕಿರಣ್ ಕುಮಾರ್ ನಿರ್ದೇಶನದ ಸೂತ್ರಧಾರ ಚಿತ್ರದ ಈ ಹಾಡು ಹೊಸ ವರ್ಷದ ಸಂಭ್ರಮಕ್ಕೆಂದೇ ಬಿಡುಗಡೆಯಾಗುತ್ತಿದೆ