` vaarasudara - chitraloka.com | Kannada Movie News, Reviews | Image

vaarasudara

  • ಮುತ್ತಪ್ಪ ರೈ ಮತ್ತು ಸಿನಿಮಾ

    Varashudhara Image

    ಭೂಗತ ಲೋಕಕ್ಕೂ ಬಣ್ಣದ ಲೋಕಕ್ಕೂ ಬಿಟ್ಟೂ ಬಿಡದ ನಂಟಿದೆ. ಅಂಥಾದ್ದರಲ್ಲಿ ಮುತ್ತಪ್ಪ ರೈ ಭೂಗತ ಲೋಕದಲ್ಲೇ ಡಾನ್ ಆಗಿ ಮೆರೆದಿದ್ದವರು. ದುಬೈನಲ್ಲಿದ್ದುಕೊಂಡೇ ಕರ್ನಾಟಕದ ಭೂಗತ ಜಗತ್ತನ್ನು ಆಳಿದವರು. ಅದೆಲ್ಲವನ್ನೂ ಬಿಟ್ಟು ಅಪ್ಪಟ ಗೃಹಸ್ಥನಾಗಿ, ಉದ್ಯಮಿಯಾಗಿ, ಸಮಾಜಸೇವಕನಾಗಿ ಬೆಳೆದವರು. ಸಹಜವಾಗಿಯೇ ಅವರ ಜೀವನದಲ್ಲಿ ಒಂದ್ ಹತ್ತು ಸಿನಿಮಾಗಳಿಗಾಗುವಷ್ಟು ಕಥೆಗಳಿದ್ದವು. ಮುತ್ತಪ್ಪ ರೈ ಅವರಿಗೂ ಸಿನಿಮಾ ಲೋಕದ ಮೇಲೆ ವಿಶೇಷ ಪ್ರೀತಿಯಿತ್ತು.

    Muthappa Rai First Clapped Movie 

    ಮುತ್ತಪ್ಪ ರೈ ಅವರ ಜೀವನವನ್ನೇ ಆಧರಿಸಿ ರಾಮ್ ಗೋಪಾಲ್ ವರ್ಮಾ ರೈ ಅನ್ನೋ ಸಿನಿಮಾ ಮಾಡಿದರು. ಹಿಂದಿಯಲ್ಲಿ. ಆ ಚಿತ್ರದಲ್ಲಿ ರೈ ಆಗಿದ್ದವರು ವಿವೇಕ್ ಒಬೇರಾಯ್. ಆದರೆ ಆ ಚಿತ್ರಕ್ಕೆ ಸ್ವತಃ ಮುತ್ತಪ್ಪ ರೈ ಅವರೇ ಬ್ರೇಕ್ ಹಾಕಿಬಿಟ್ಟರು. ಇನ್ನು, ದರ್ಶನ್ ಅಭಿನಯದ ಚಕ್ರವರ್ತಿ ಚಿತ್ರದ ಕಥೆಯಲ್ಲಿ ಮುತ್ತಪ್ಪ ರೈ ಲೈಫ್ ಸ್ಟೋರಿಯ ನೆರಳಿದೆ ಎನ್ನುವ ಕಥೆಗಳಿವೆ.

    ಪತ್ರಕರ್ತ ರವಿಬೆಳಗೆರೆ ಜೊತೆ ವಿಶೇಷ ಬಾಂಧವ್ಯವಿದ್ದ ಮುತ್ತಪ್ಪ ರೈ, ವಾರಸ್ದಾರ ಚಿತ್ರಕ್ಕೆ ಕ್ಲಾಪ್ ಮಾಡಿದ್ದರು. ಕನ್ನಡದಲ್ಲಿ ಮುತ್ತಪ್ಪ ರೈ ಕ್ಲಾಪ್ ಮಾಡಿದ ಮೊದಲ ಸಿನಿಮಾ ವಾರಸ್ದಾರ.

    ಅಷ್ಟೇ ಅಲ್ಲ, ಮುತ್ತಪ್ಪ ರೈ ಕನ್ನಡ ಚಿತ್ರಗಳಲ್ಲೂ ನಟಿಸಿದ್ದಾರೆ. ಕಠಾರಿವೀರ ಸುರಸುಂದರಾಂಗಿಯಲ್ಲಿ ಉಪೇಂದ್ರ ಎದುರು ವಿಲನ್ ಆಗಿದ್ದವರು ಮುತ್ತಪ್ಪ ರೈ. ತುಳು ಭಾಷೆಯ ಕಂಚಿಲ್ದಬಾಲೆಯಲ್ಲಿಯೂ ನಟಿಸಿದ್ದರು.

     

  • ವಾರಸ್ದಾರ ವಿವಾದಕ್ಕೆ ಫುಲ್ ಸ್ಟಾಪ್ : ಸುದೀಪ್ ರಿಲ್ಯಾಕ್ಸ್

    sudeep image

    ವಾರಸ್ದಾರ ಧಾರಾವಾಹಿ ನಿಮಗೆ ನೆನಪಿರಬಹುದು. ಝೀ ಕನ್ನಡದಲ್ಲಿ ಬರುತ್ತಿದ್ದ ಈ ಧಾರಾವಾಹಿಗೆ ಕಿಚ್ಚ ಸುದೀಪ್ ನಿರ್ಮಾಪಕರಾಗಿದ್ದರು. ನಟ ಸುದೀಪ್ ಹಾಗೂ ಕಿಚ್ಚ ಕ್ರಿಯೇಷನ್ ನಿರ್ಮಾಣದ ಧಾರಾವಾಹಿ, ಒಳ್ಳೆಯ ಟಿಆರ್ಪಿಯನ್ನೂ ಕಂಡಿತ್ತು. ಆದರೆ, ಧಾರಾವಾಹಿ ಟೀಂ ಹಾಗೂ ಸುದೀಪ್ ವಿರುದ್ಧ ಚಿಕ್ಕಮಗಳೂರು ತಾಲೂಕಿನ ಬೈಗೂರು ಗ್ರಾಮದ ದೀಪಕ್ ಮಯೂರ್ ಪಟೇಲ್ ದೂರು ಕೊಟ್ಟಿದ್ದರು.

    ತಮ್ಮ ತೋಟದಲ್ಲಿ ಶೂಟಿಂಗ್ ಮಾಡಿದ ವೇಳೆ ವಾರಸ್ದಾರ ಟೀಂನಿಂದ ನಮಗೆ ನಷ್ಟವಾಗಿದೆ. ಆ ನಷ್ಟವನ್ನು ಭರಿಸಿಕೊಡಿ ಎಂದು ಚಿಕ್ಕಮಗಳೂರು 2ನೇ ಹೆಚ್ಚುವರಿ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದರು. ನಂತರ ಪ್ರಕರಣ ಹೈಕೋರ್ಟ್ ಮೆಟ್ಟಿಲೇರಿತ್ತು. ಈಗ ಪ್ರಕರಣದಲ್ಲಿ ಸುದೀಪ್ ಅವರಿಗೆ ಗೆಲುವಾಗಿದೆ.

    ದೂರಿನಲ್ಲಿ ಯಾವುದೇ ಹುರುಳಿಲ್ಲ. ದೀಪಕ್ ಮಯೂರ್ ಬೇರೆ ವ್ಯವಹಾರಗಳಲ್ಲಿ ನಷ್ಟ ಮಾಡಿಕೊಂಡು ಅದನ್ನು ಧಾರಾವಾಹಿ ತಂಡದಿಂದ ತುಂಬಿಕೊಳ್ಳಲು ಯತ್ನಿಸಿದ್ದಾರೆ ಎಂದು ತೀರ್ಪು ನೀಡಿದೆ. ಹೀಗಾಗಿ ಸುದೀಪ್ ವಿರುದ್ಧದ ದೂರು ಖುಲಾಸೆಯಾಗಿದೆ ಎಂದು ಸುದೀಪ್ ಪರ ವಕೀಲ ಗೋಪಿನಾಥ್ ತಿಳಿಸಿದ್ದಾರೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery